إلحقوني محل السندويتشات اللي بشتري منه طلع بتاع حمير

[Mzeid]

اسمه بطوط ....

[BomBom]

طيب كان بيعمل منه ايه ... شيش حمير و لا بانيه ... آه منك يابطوط !

[ahmedfra]

اعتقد طالما الواحد ودانه لسة مطولتش و فى حجمها الطبيعى و كذلك بقه يبقى جت سليمة

[sss]

اكل الحمير حرام لان الرسول صلى الله عليه و سلم نهى عن اكل الحمير الأنسية
يعني الحمير اللي عندنا
غير انها زي الكلاب و القطط و غيرها في نقل الامراض للانسان خاصة الطفيليات و الديدان

[ahmed1981]

معلش ياجماعه انا مش عايز أقلبها حصة دين ولا حاجه..
.....
بس كنت عايز اعرف حكم الدين....فى اكل الحمير اصلا !!

ملاحظة بسيطة
هوا لحم الحمير ماله ؟؟؟
مش معدي ولا مسمم ولا أي حاجة
طالما الحمار سليم يبقى مفيش مشكلة
و ماتنكرش انه طعمه كان حلو لأن أحلى لحوم هي لحوم العضلات كثيرة الحركة
يعني للعلم لحم الغزال و الأفعى و الحصان و الحمار (و كل لحم جاور العظم) كلها من اشهى اللحوم و أكثرها فائدة

ما تضايقش نفسك

لحوم الحمير ليست ضمن المنهي عنها في اية تحريم اللحوم
دوس يا هاني حلاااال:D

السؤال : ما حكم أكل لحم الحمير ؟؟؟؟؟؟؟؟؟؟؟
الجواب:حرام
والأدلة:


عَنْ سَلَمَةَ بْنِ الأكْوَعِ قَالَ لَمَّا اَمْسَوْا يَوْمَ فَتَحُوا خَيْبَرَ اَوْقَدُوا النِّيرَانَ قَالَ النَّبِيُّ صَلَّى اللَّهُ عَلَيْهِ وَسَلَّمَ (عَلامَ اَوْقَدْتُمْ هَذِهِ النِّيرَانَ قَالُوا لُحُومِ الْحُمُرِ الآنْسِيَّةِ قَالَ اَهْرِيقُوا مَا فِيهَا وَاكْسِرُوا قُدُورَهَا فَقَامَ رَجُلٌ مِنْ الْقَوْمِ فَقَالَ نُهَرِيقُ مَا فِيهَا وَنَغْسِلُهَا

فَقَالَ النَّبِيُّ صَلَّى اللَّهُ عَلَيْهِ وَسَلَّمَ اَوْ ذَاكَ) رواه البخاري

عَنْ اَنَسِ بْنِ مَالِكٍ رَضِيَ اللَّهُ عَنْهُ اَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ (جَاءَهُ جَاءٍ فَقَالَ اُكِلَتْ الْحُمُرُ ثُمَّ جَاءَهُ جَاءٍ فَقَالَ اُكِلَتْ الْحُمُرُ ثُمَّ جَاءَهُ جَاءٍ فَقَالَ اُفْنِيَتْ الْحُمُرُ فَاَمَرَ مُنَادِيًا فَنَادَى فِي النَّاسِ اِنَّ اللَّهَ وَرَسُولَهُ يَنْهَيَانِكُمْ عَنْ لُحُومِ الْحُمُرِ الأهْلِيَّةِ فَاِنَّهَا رِجْسٌ فَاُكْفِئَتْ الْقُدُورُ وَاِنَّهَا لَتَفُورُ بِاللَّحْمِ) رواه البخاري

عن عبد الله بن عمرو بن العاص " نهى رسول الله صلى الله عليه وسلم يوم خيبر عن لحوم الحمر الاهلية، وعن الجلالة، عن ركوبها واكل لحمها " رواه النسائي وسنده حسن


عَنْ اَبِي ثَعْلَبَةَ الْخُشَنِيِّ، اَنَّهُ حَدَّثَهُمْ اَنَّهُمْ، غَزَوْا مَعَ رَسُولِ اللَّهِ صلى الله عليه وسلم اِلَى خَيْبَرَ وَالنَّاسُ جِيَاعٌ فَوَجَدُوا فِيهَا حُمُرًا مِنْ حُمُرِ الاِنْسِ فَذَبَحَ النَّاسُ مِنْهَا فَحُدِّثَ بِذَلِكَ النَّبِيُّ صلى الله عليه وسلم فَاَمَرَ عَبْدَ الرَّحْمَنِ بْنَ عَوْفٍ فَاَذَّنَ فِي النَّاسِ " اَلاَ اِنَّ لُحُومَ الْحُمُرِ الاِنْسِ لاَ تَحِلُّ لِمَنْ يَشْهَدُ اَنِّي رَسُولُ اللَّهِ " رواه النسائي.

[fiatmomo]

ماتقلقش يا اخى العزيز كماروو ................. كلنا اكلنا حميير ... اراهن ان اكتر من 60 % من الشعب المصرى دخل بطنة لحم حمير .. لو لحوم تانية اسوا من الحمير ... بس ماتقلقش ربنا بيسترها معانا .

انا عن نفسى متأكد مليار % انى كلت لحم مش عارف حمير ولا كلاب ولا حاجات ميتة ... وكلة مش بيبان مع البهارات والتوابل ....
بس حقول اية ربنا يصبرنا على الحالنا ................ بجد انا مش عارف احنا حنروح لأسوا من كدة فين ... خلاص وصلنا لأدنى المستويات الاخلاقية والانسانية .

[sss]

جزاكم الله خيرا يا استاذ احمد على الادلة
لكن لي رجاء خاص لكل اعضاء المنتدى : انهم يخدوا بالهم من اللحوم المفرومة و السجق و غيرها لانها بيدخل فيها للاسف كل انواع اللحوم الفاسدة و الميتة غير انها بتتصنع بدون اي مراعاة للنضافة على اساس ان كل ده مش هيظهر ليك و انت بتستخدمها , و خاصة الانواع الرخيصة منها واسوأها اللنشون.

[دموع الثلج]

يعنى موضوع الحمير ده الظاهر كده بئه امر عادى الناس كلها حتى مش مستبعده انهم ياكلونا خنازير واحنا منعرفش

ومعظمنا بياكل من الشارع والمطاعم

السؤال اللى مجننى لحد الان هو مش هل انت اكلت لحم حمير ؟؟؟؟؟

طبعا الاجابه 90 % ايوه اكلت لحم حمار...........

بس اللى مش عارفه له اجابه ياترى انا اكلت كم حمار لحد دلوئتى .....؟

[osama]

متحطش فى دماغك

[Ahmed Samy]

جزاك الله خير يا أستاذ أحمد
أنا فعلا كنت أعرف ان الحمير و الخيل مش حرام
بس حكاية الأهلية دي ما كنتش أعرفها
اعذروني يا جماعة

هاااني ماتكلش خلاص

[MM_Mohsen]

هو ليه اكل لحم الحمير اصاب الناس بصدمة كبيرة اوى كده اكتر من لحم الكلاب و القطط اللى
بناكلة من زمان ؟؟ .. كلها لحمة يا جماعة !! ..
زميلنا العزيز اللى اكل من المحل اياه .. ياترى الطعم كان لذيذ و الا ايه ؟؟؟ ..
صحيح ان انكر الاصوات لصوت الحمير ... لكن ماذا عن الطعم ؟؟؟ :)
الفرنسيون بياكلوا الضفادع .. الصينيون بياكلو الصراصير .. احنا برضه احسن ;)!!!!!!!!

[Powert]

انا من ساعت الراجل بتاع الحمير اللي مسكوه في الجيزة من 3 سنين وانا مش باكل لحمة من برة البيت خالص

والغريبة في الموضوع ان كل الجزارين اللي مسكوهم بيدبحوا حمير موجودين في الجيزة وبتحديد في المهندسين

انا مش عارف اية سر الجزارين الحمير اللي في الجيزة

الجزارين + الحمير = الجيزة

[MEDO80]

جيمي

نيييييييييييييههههههههههههههههههههههههههههههههههه


انا واكلي لحد دلوقتي يجي حمارين و5 كلاب وربنا يستر
وانا بوصل هاني لبيت الزوجية عترت على جيمي اكبر واشهر محل حوواوشي اسكندراني والناس علية طوابير
الريحة نغششت في دماغي ولسة هاروح قلت كفاية كدة احسن حاسس اني وداني طولت نص سم
نييييييييييييييييييههههههههههههههههههههههههههههههه هههه

لا جيمي الي في اسكندرية علي الرتام في كليوباترا نضيف و بعدين اسعاره مش رخيصة زي العالم التانية

[Xpert]

طالما انت لسه عايش ... ماتشغلش دماغك :d

[جمال]

طالما انت لسه عايش ... ماتشغلش دماغك :d

طبعا متشغلهاش لانك لو كنت اكلت منها و شغلتها - تبقى مشكلة بصحيح