إزاي أروح المركز الثقافي البريطاني بالعجوزة؟

[douha_wise]

يا احمد خليك في القطر احسن عشان مفيش محور
انا خوفي عليك كلة يابني المحور
وانت موضحتش انك عندك بيات
حبيب قلبي بيتي مفتوحلك تنورني والله
واهو ندوقك حاجة مصري بدل البلطي بتاع البحر بتاعكم:p

انا برضة مع كريم يا احمد فى موضوع القطار و بعدين دى كلها ساعتين بالقطار تقريبا و تنزل منة تأخذ تاكسى للسيرك القومى زى ما قالك ب 5 جنية و انت ملك و لا عربية و لا تدور على ركنة لأن المكان بتاع المركز البريطانى فى العجوزة زحمة جدا و صعب تلاقى ركنة هناك و سيبك من موضوع الأتوبيس عشان هتخش فى محور و شغلانة و لن تستطيع تحديد ميعاد وصولك لن المحور الخروج منة اصبح صدفة يعنى صدفة تخلصة فى ساعة و صدفة فى ربع ساعة و يا سلام لو لا قدر الله حصلت حادثة مش عايز اقولك بقى
خليك فى الأمان كلها ساعتين بالقطار إن شاء الله و امسك بطنك دى شوية
موضوع البيات انا معرفش هناك غير فندق شهرزاد بس دة 3 نجوم و هو بجوار المركز البريطانى بالظبط بس معرفش سعرة كام
و عموما هناك فية سماسرة كتير لأن المنطقة دى فيها شقق ايجار عشان العرب لما بينزلوا بيأجروا فيها بالذات فى العجوزة و المهندسين و الله انا لو كنت لسة ساكن فى امبابة كنت خليتك تيجى عندنا تبيت الكام يوم دول و المشوار من امبابة للمركز نصف ساعة بالكتير جدا

[tutankhamoun]

ايو كدة يا توت اضحك كركر :D:D اوع تكشر ...و لو ان كلامك اخره البدرون !!! - يعنى برضه متشائم !! - Take it easy man مفيش حاجة تستاهل و كبر دماغكككككككككك :p:p:p

أصل أنا دخلت الماتركس ............ و عامل عبيط .......... علشان أعيش ......... لغاية ما ربنا يسهل بالخروج من الماتركس مرة أخرى و الدخول العالم الحقيقي خارج الجمهورية المهلبية المحمصية السمسمية
نيهههههههههههههههههههههههه

و تحيا الماتركس
و يحيا الدكتور مورفيوس ............ و الواد نيو .......... و فريق الحوامة المائية الماتركسية كله

:D :D :D :D :p :p :p

و شكرا يا عسل على ردك و فعلا مفيش حاجة تستاهل و لازم الواحد يكون بارد و معندوش إي تفكير في الأحوال المهلبية .......... علشان الدنيا تمشي .......
و كل لما الواحد يفكر كتير في الأحوال المهلبية .......... هاتكون نهايتة .......... في مكان في حي العباسية مع العقول المهلبية .......... و ربنا يعفينا و أياكم و يشفى مرضانا يا رب العالمين

[Hossam_Hassan]

نصيحة اخوية، ابعد عن فندق شهرزاد احسن يحصلك زى شحاتة ابو كف، فى فندق ام كلثوم فى الزمالك، مجرد ما تعدى الكوبرى اللى جنب المركز للناحية التانية من النيل ووراه فندق فلامنكو بس ممكن يستغبوا فى الأسعار و يقولوا 400 - 500 جنيه، الحل الأمثل انك تشوف فندق من فنادق المهندسين، زى كونكورد اللى فى شارع التحرير او مروة بالاس جنب ميدان المساحة و فى واحد جنب مستشفى الصفا مش فاكر اسمه و كمان واحد فى شارع دمشق و اغلبهم ممكن يكونوا فى حدود 200 - 250 جنيه فى الليلة

[MM_Mohsen]

فى كمان عندك هوتيل كوزموبوليتان و هوتيل اوديون فى وسط البلد الاثنين 3 نجوم ..
و لو عاوز حاجة اصغر فى بنسيون سويس و بنسيون روما فى وسط البلد برضه
و دول انضف حاجة فى البنسيونات الصغيرة ..

[Karim_Monir]

شهر زاد ده معروف انه سمعتة زي الزفتين
وكمان مليان عينة عمارة يعقوبيان

[MM_Mohsen]

شهر زاد ده معروف انه سمعتة زي الزفتين
وكمان مليان عينة عمارة يعقوبيان

انا برضو سمعت الكلام ده .. نوعيات حاتم رشيد و ايرما لادووس ّ!! :D:D

[douha_wise]

معلش يا عم احمد انا مكنتش اعرف الموضوع دة عن فندق شهرزاد انا كنت بس بقترح مكان قريب جدا جدا من المركز البريطانى عموما انا شايف انك تشوف اى شقة صغيرة ايجار فى المنطقة دى و ان شاء الله تلاقى كتير عشان زى ما قلتلك المنطقة دى بيأجر فيها العرب فى الصيف

[goodwave]

السلام عليكم

شكرا لكل الحب والأخوة ....... ربنا يديم المعروف والمحبة

كيمو حبيبي.... بيتك دايما مفتوح وعامر بالخير لأهل بيتك ولأولادك :)

إن شاء الله حأخد بنصائح الأخوة وححجز قطار الصبح بدري وبالنسبة للسكن فبعد الإمتحان حغلس على أي حد من حبايبي في القاهرة .... زي كيمو منير مثلا :) .... وهو يدلني على أقرب بنسيون او فندق. خلاص إن شاء الله مفيش نزول بالعربية.

في كمان إحتمال قائم وهو صديق ليا في العمل وعايش في القاهرة بمفردة بس هو مسافر دائما.... مستني يرجع من السفر ياريت قبل الإمتحان وحبرشت علية على طووووول :)

[Karim_Monir]

تنورني يا حبي
وانت عارف اني مش بعزم عزومة مراكبية
ربنا يتم امتحانك على خير