الدكتور القرضاوي يحل نصف مشكلة السيولة والاقتصاد المصري

[mikho83]

يرجى من السادة استكمال الحوار بطريقة حضارية مما يليق بأعضاء المنتدى
والا فسيتم تطبيق العقوبة مضاعفة
مشرف ب2


الدكتور القرضاوي بيقترح على الناس اللي رايحة تعمل عمرة أو تحج تاني مرة إنها تتبرع بالفلوس دي لمصر . وده تبريره على اللينك ده.
http://www.youm7.com/News.asp?NewsID=398790
بجد أنا شايفه حل كويس جدا.
إيه رأيكم؟؟

[أحمد كمال]

كلام فارغ

فلوس الحج و العمرة مخلوفة أصلا ..... و بعدين يا ريت يقول للي بيصيفوا في اوروبا و امريكا او حتى في دبي او بيسافروا يعملوا الشوبينج من برة كل سنة يتبرعوا بنص الفلوس دي و بعدين يبقى يتكلم عالحج و العمرة و لا هو فرض و سنة ربنا اللي حيطة مايلة ؟؟؟!!!!!

يرجى الهدوء في الحوار مع الاعضاء وعدم المجادلة الا بالتي هي أحسن
تم الاكتفاء بالتنبيه استكمالا للموضوع الهادف
مشرف ب2

[mohamedrefaat]

يا جماعة البلد مش هتنهض بجمع الفلوس لازم صناعة وزراعة وتصدير وعمل مش حاجة وقتيه

اعطنى سنارة وليست سمكة

[mikho83]

كلام فارغ

فلوس الحج و العمرة مخلوفة أصلا ..... و بعدين يا ريت يقول للي بيصيفوا في اوروبا و امريكا او حتى في دبي او بيسافروا يعملوا الشوبينج من برة كل سنة يتبرعوا بنص الفلوس دي و بعدين يبقى يتكلم عالحج و العمرة و لا هو فرض و سنة ربنا اللي حيطة مايلة ؟؟؟!!!!!

حضرتك بتتكلم على عالم، ومن أكثر الناس علما على وجه الأرض، فحضرتك كلامه مش فارغ. وبعدين ما فيش حد هايحس بهموم البلد من الناس اللي حضرتك بتتكلم عنها دي، ما فيش حد بيحس بيها غير الناس الملتزمة دينيا وأخلاقيا. وفي النهاية دي وجهة نظرك ولازم أحترمها بخلاف أول كلمتين.

[أحمد كمال]

حضرتك بتتكلم على عالم، ومن أكثر الناس علما على وجه الأرض، فحضرتك كلامه مش فارغ. وبعدين ما فيش حد هايحس بهموم البلد من الناس اللي حضرتك بتتكلم عنها دي، ما فيش حد بيحس بيها غير الناس الملتزمة دينيا وأخلاقيا. وفي النهاية دي وجهة نظرك ولازم أحترمها بخلاف أول كلمتين.

اما عالم يقول لي ما تروحش تحج و تعمل عمرة تاني عشان الفلوس يبقى كلام فارغ برضه ......... و انا مصمم على رأيي ..... فيه حاجة اسمها بركة في الفلوس ..... و الحج و العمرة فلوسهم بترجع لك ببركة كبيرة جدا

[mikho83]

يا جماعة البلد مش هتنهض بجمع الفلوس لازم صناعة وزراعة وتصدير وعمل مش حاجة وقتيه

اعطنى سنارة وليست سمكة

كلام حضرتك صح بس على المدى البعيد، الراجل بيتكلم على دلوقتي

[Dojuar]

فكرة ممتازة

وبالمرة نعمل فتوى بجمع الصلوات كلها مع بعض...عشان الوقت اللي بيضيع فيها نستغله في البناء و التطوير

[mikho83]

اما عالم يقول لي ما تروحش تحج و تعمل عمرة تاني عشان الفلوس يبقى كلام فارغ برضه ......... و انا مصمم على رأيي ..... فيه حاجة اسمها بركة في الفلوس ..... و الحج و العمرة فلوسهم بترجع لك ببركة كبيرة جدا

الراجل بيتكلم على إنه الحج للمرة التانية مش فرض، والعمرة مش فرض. وبعدين مين عارف البركة فين، يا ما ناس بتحج ومش بيتحسب ليها حاجة. والأعمال بالنيات. بس ما زلت بقول لحضرتك إن كلامه مش فارغ.

[mikho83]

فكرة ممتازة

وبالمرة نعمل فتوى بجمع الصلوات كلها مع بعض...عشان الوقت اللي بيضيع فيها نستغله في البناء و التطوير

الراجل فكر وطلع فكرة في مجال علمه واختصاصه، ممكن تناسبك وممكن مش تناسبك، حضرتك بقى عملت إيه عشان تنقذ بلدك؟
ولا هو موضوع تريقة وخلاص؟!!!!

[Dojuar]

الراجل فكر وطلع فكرة في مجال علمه واختصاصه، ممكن تناسبك وممكن مش تناسبك، حضرتك بقى عملت إيه عشان تنقذ بلدك؟
ولا هو موضوع تريقة وخلاص؟!!!!

اه تريقة

أفكار زي كده المفروض متطلعش من الشيخ القرضاوي الا لو قفل كل ابواب الحرام اللي بتستهلك فيها أموال....ايقاف تدفق الأموال الحرام أولى من جمع أموال حلال

زائد انها فكرة غير عملية أصلا...لأن البلد محتاجة مليلارات على مدار السنة..و كل سنة... لغاية اما تقف على حيلها

نقوم نوقف الحج و العمرة حتى لو للمرة التانية 4 أو 5 سنين عشان فكرة القرضاوي؟؟

البلد محتاجة أفكار ذات طبيعة استثمارية

اخر حاجة

لا تعليق للجملة الخاصة بعملت ايه عشان انقذ بلدي..ملهاش علاقة بالموضوع!!!!!!

[mikho83]

اه تريقة

أفكار زي كده المفروض متطلعش من الشيخ القرضاوي الا لو قفل كل ابواب الحرام اللي بتستهلك فيها أموال....ايقاف تدفق الأموال الحرام أولى من جمع أموال حلال

زائد انها فكرة غير عملية أصلا...لأن البلد محتاجة مليلارات على مدار السنة..و كل سنة... لغاية اما تقف على حيلها

نقوم نوقف الحج و العمرة حتى لو للمرة التانية 4 أو 5 سنين عشان فكرة القرضاوي؟؟

البلد محتاجة أفكار ذات طبيعة استثمارية

اخر حاجة

لا تعليق للجملة الخاصة بعملت ايه عشان انقذ بلدي..ملهاش علاقة بالموضوع!!!!!!

أولا حضرتك بتتكلم على اساس إن الدكتور القرضاوي هو حاكم البلد، الراجل بيقول رأي أو بيقول حاجة ممكن تساعد في حل الأزمة. ثانيا اسمه الدكتور القرضاوي. ثالثا حضرتك بتتكلم على المدى البعيد والراجل بيتكلم على المدى القريب. رابعا: لأ الجملة ليها علاقة بالموضوع، لأني زي ما قولت الراجل بيفكر ينقذ البلد بأي وسيلة، واحنا قاعدين حاطين إيدينا على خدودنا ونتريق على بعض. أخيرا: أنا لا اسمح لأي حد مهما كان إنه يتريق على الدكتور القرضاوي لأني اتعلمت منه حاجات كتير ولازم العلماء دول يكونوا فوق رؤوسنا من فوق. النبي صلى الله عليه وسلم بيقول" ليس منا من لا يرحم صغيرنا، ويوقر كبيرنا، ويعرف لعالمنا حقه"

[A_H_M_A_D]

مش عارف ليه دايما فلوس الحج و العمرة عاملة مشكلة مع الناس

مع إن فعلا فيه ملايين بتهدر في نواحي تانية كتير جدا ملهاش أي لازمة و تعتبر رفاهية زائدة و محدش بيجيب سيرتها

يعني ملقتوش إلا الحج و العمرة اللي الحديث الشريف بيقول عنها (تابعوا بين الحج و العمرة فإنهما ينفيان الفقر و الذنوب كما ينفي الكير خبث الحديد)

[ahmed1981]

أنا قرأت الخبر أمس في جريدة اليوم السابع
وهو ليس كلام الشيخ القرضاوي
بل هو كلام صحفي يسمى بفهمي هويدي
ويعتبر إستبزاز فتووي
بمعنى أن أناقش أحد العلماء في حوار معين ثم أقوم بلملمة ردوده
ونستخدم موهبة القص واللصق لدى الصحفيين
ونقوم بتوليد فتوى بإسم الشيخ

هذه الفتوى لم تصدر من فمه ولكن تم تقطيعها من حوار معه

وبذلك أنا شخصياً لا أعترف بأنها من الشيخ القرضاوي


ثانياً
إذا إفترضنا أن فلان من العلماء أفتى بهذه الفتوى بلسانه
فسأختلف معه تماماً

إذا أردنا إصلاح حال البلد الإقتصادي علينا أن نمنع السرقة
وأيام الرئيس المخلوع وأحمد نظيف والعصابة عليهم من الله ما يستحقون
كان هناك نفس الحديث عن الحج والعمرة
لدرجة أنهم مجتمعين فرضوا على تأشيرة الحج السياحية تبرع إجباري قدره 10000 جنيه على كل حاج
وهذا التبرع يذهب لصندوق دعم السياحة

أسأل الله أن يشفي صدور المسلمين منهم ويجعلهم عبرة
كيف أتبرع رغماً عني لدعم السياحة لأني ذاهب للتعبد ببيت الله

وكانوا يقولون إن هذا الحج والعمرة يضرب إقتصاد البلد

وعندما فضحهم الله هم وكبيرهم الفرعون المطرود مبارك
إتضح أن المرتب الشهري للواحد فيهم يكفي لقيام 400 مسلم بأداء العمرة
ويكفي مرتب رئيس مجلس إدارة أحد الصحف القومية الشهري لشهر واحد فقط لأداء 50 مسلم لفريضة الحج السياحي
وقد يكون قد أوسع المسلمين ضرباً في كلماته في صحيفته عن ضرب إقتصاد الدولة بالحج والعمرة

لماذا لا ننظر لأمور أخرى مثل إستيراد الخمور
ومثل إستيراد طعام القطط والحيوانات المنزلية

لماذا لا يتحدث أحد عن رحلات التصييف في فرنسا وغيرها
أحد الأساتذة في كلية التجارة كان يقول للطلبة (السنة التي لا أصيف فيها في فرنسا بتبقى كئيبة)

لمذا لم يسأل هويدي صاحب تلك المقالة المقولة للقرضاوي
لماذا لم يسأل نفسه كم ينفق المصرييون على الدخان والمخدرات يومياً ؟؟

الصراحة رأي الصحفي هويدي في هذه المقالة والتي أرفض نسبتها للقرضاوي
وأعترض على نسب الحديث للقرضاوي ووضع المواضيع على أنه كلام القرضاوي

فكرة هويدي في قمة السذاجة والسخافة كما أنها لا تسلم من حقد على الحجاج والمعتمرين الذين ينفقون أموالهم على الحج والعمرة

ومازالت الصحافة والصحفيين في بلدنا يعيشون في عصر ما قبل الثورة المباركة

[otefa]

وأكد هويدى، أن إجابة الدكتور القرضاوى كانت كالتالى: إذا حل ظرف طارئ ببلاد المسلمين عانت فيه من الشح فى الموارد المالية، فلولى الأمر أن يقيد العمرة، لأنها نافلة وليست فرضاً، ويسرى ذلك أيضاً على حج التطوع، الذى يعد نافلة بدوره (المسلم مكلف بحجة واحدة وما زاد على ذلك عد نافلة)، والقيد هنا ينصب على الحالة التى يدفع فيها الراغب مالاً للحج أو العمرة، ولا يشمل ما كان منها بالمجان.

ويضيف القرضاوى فى فتواه لهويدى: إذا أودع المسلم حصته من المال فى هذه الحالة بعد أن عقد نيته على السفر، فإن العمرة أو الحجة تحسب له، أما توجيه الزكاة لصالح إنقاذ اقتصاد البلد المسلم أو حتى تنميته والوفاء بحقوق أهله، فذلك مما يعد فى سبيل الله، الأمر الذى يدخل ضمن المصارف الشرعية المعتبرة.

وعجبني تعليق أحد القراء
--------------

20

خليها( قرض) من الشعب للحكومة. ملتزمة الحكومة برده في صورة حج او عمرة بعد 5 سنين

بواسطة: سماح
بتاريخ: الثلاثاء، 26 أبريل 2011 - 03:30

بجد اقتراح كويس بس اضيف عليه اما ان يكون( قرض) من الشعب للدولة لمدة5سنين .ويدفع كاش .والدولة ملزمة بسفر هؤلاء الاخيار بعد هذه المدة للحج والعمرة.
وممكن نعلن المواصفات (من وسيلة نقل مدة اقامة فنادق كام نجمة)و نطرحها بالتقسيط على 5 سنوات والسفر بعد سداد المبلغ كله يعنى كأنه دفتر توفير وطبعا يورث ولا يكون هناك مبالغ اضافية عند السفر ومن يريد استرداد نقوده يستردها كاملة
المهم يكون بعيد عن البيورقراطية والحرامية امثال يوسف بطرس غالى
وساعتها ممكن نستفيد من كل المؤسسات التى تقدم عروض حج وعمرة مدعمة مثل القوات المسلحة والداخلية ومصر للطيران ونتكاتف من اجل الوفاء بالقرض
حتى لو الحكومة اتغيرت
--------------------

وأعتقد أن يتم ذلك بعد تطبيق ترشيد الأنفاق في نواحي أخرى(أستهلاكية أو محرمة) أولا كما تفضل ahmed1981

[otefa]

الراجل بيتكلم على إنه الحج للمرة التانية مش فرض، والعمرة مش فرض. وبعدين مين عارف البركة فين، يا ما ناس بتحج ومش بيتحسب ليها حاجة. والأعمال بالنيات. بس ما زلت بقول لحضرتك إن كلامه مش فارغ.

أنا مع الرئي ومن زمان
فيه تساؤل كمان
لما يكون المجتمع فيه ناس بتبات من غير عشاء يبقى أيهم الأولى أكفل يتيم أو أساهم في قوت المحتاج ولا أطلع عمرة أو حج لمرة ثانية (نافلة)؟
وربنا يهدينا لما يحبه ويرضاه