اعتداء ضابط جيش على سيارتى وعلى اهلى "حسبى الله ونعم الوكيل"

[blazer]

السلام عليكم ورحمه الله وبركاته
هحكيلكم اللى حصل
انا راكنت عربيتى امام مدخل العماره الخاصه بى
وصليت العشاء ورحت مشوار
نص ساعه ولاقيت اختى بتكلمنى وبتقولى تعالا حالا
رجعت طبعا علطول واتحكى لى الاتى
الضابط دا اخته اتصلت بيه
راح جاى ومعاه عربيتين جيش محملين جنود وسلاح ونزلهم و وقفوا تحت العماره
وسب دين وشتيمه وقله ادب وراحوا شايلين عربيتى ورامينها فى الشارع
ودا نص شكوى انا قدمتها

بس انا شلت منها البيانات اللى انا اخدتها
اخدنا ارقام سيارات الجيش المعنديه واسمه بالكامل

قدمت شكوى بس انا من حرقه دمى قولت اقول لاخواتى فى المنتدى واسمع نصيحتهم

الشكوى والدتى اللى قدمتها عشان انا مكنتش شاهد الواقعه

بتاريخ الاحد الموافق 24/4/2011 الساعه 22:30 فوجئنا بالسيد الرائد بصحبه مجموعه من أفراد القوات المسلحه بإحضار (2)عربه مدرعه جيش لوحات معدنيه أرقام ومعه جنود وسلاح الى منزلنا والذى يسكن اهله فى نفس العماره .

قامت الجنود بالنزول من السيارتين وهم يحملون اسلحتهم الناريه بشكل تهديدى وارهابى لسكان المنطقه واخذ الرائد يصيح بأعلى صوته أمام مرأى ومسمع جميع السكان " اى واحد هيفتح بقه هياخد بالجزمه و هضربه بالرصاص وملوش ديه " وعندما اخبره السكان بانه لا يصح للجيش الذى يحمى الشعب ان يفعل هذا وان ما قاله يخالف الاعراف والمبادى والاخلاق العسكريه, أمسك بسترته الميرى وقال الفاظ نابيه منها على سبيل المثال : ... أم الجيش ميلزمنيش مع اطلاق السباب للمواطنين , وقد غادرت القوه المدرعه بعد حوالى 15-20 دقيقه تقريبا من حضورها .

وكل هذا بسبب ان ابنى قام بركن سيارتنا الخاصه امام المنزل وشقيقة الرائد ياسر تريد ان تركن سيارتها الخاصه فإتصلت به فقام الجنود بإخلاء سيارتنا فى منتصف الشارع بالقوه وقام بالسب والتهديد وقال لنا" ابنك أقدر اوديه ورا الشمس ولا اهله يعرفوا ليه طريق " حيث ان ابنى لم يكن موجود فى المنزل ولكن تحت التهديد الصارخ تعاطف اهل الشارع للموقف وذهبنا الى السريه (28) نيابات الساعه الثانيه بعد منتصف اليل ولكن لم يكن هناك احد

لقد خالفتم القاعدة رقم 9ا
تم التعديل والاكتفاء بالتنبيه الشفوي
مشرف ب2

[hobby10]

مش عارفة اقول لحضرتك ايه ... ايه التهريج ده

[eto_cairo]

ظابط حقير ولا يمثل الا نفسه .... افضحه فى الاعلام صحافة و تليفزيون و اشكيه للجيش بكل طريقة تقدر عليها وربنا معاك و ان شاء الله هتقدر تنتقم منه .

[محمد محمد]

ولا يهمك كان غيره اشطر ...كان فيه زيه بيقولوا للواحد هوديك ورا الشمس ودلوقتي احنا عارفين مين اللى راح ورا الشمس.

[yasserelsayad]

دى اخلاق واحد ملهاش علاقة بالجيش .. والجنود اللى معاه دول بينفذوا الاوامر بس
الجيش اكبر من كدا بكتير وان شاء الله تاخد حقك

[kar!m]

فى كل المهن هتلاقى ناس كويسة و ناس وحشة .. بس تابع الموضوع وان شاء الله هياخد جزاؤة.

[mazdaprotege]

اكيد ده تصرف شخصى و لا يتسم بالمسئوليه و طبعا غير مقبول
و استحلفك بالله الا تترك حقك و اشتكيه باى وسيله و كل وسيله و كويس ان انت معاك كل البيانات
لن نترك حقنا و لن نتهاون فيه و لكن بالقانون و الاصول اولا

[otefa]

ماتسيبوش تابع الشكوى
لازم يبقى عبرة أن شاء الله لكل من من شاكلته (ردع)
والحمد لله معاك دعم ممتاز من جيرانك

[mahmoud_afifi]

لو حضرتك وثقت الحادثه دي بالفيديو يبقى الظابط ده هيكون في خبر كان.

[aminibrahim]

مش عارف هل ممكن توصل الشكوه عن طريق الفيس بوك للقوات المسلحه اواتصل بالقنوات الاولي التانيه او ازاعة الشباب والرياضه

[Mostafa.Ismail]

هيا فيصل ...... انا عارف اللى حضرتك بتتكلم فية وحاسس بيك ...
واضح ان كتير من المصريين مش بيعرف يسيطر على نفسة فى ظل وجود السلطة :(

[Mostafa.Ismail]

مش عارف هل ممكن توصل الشكوه عن طريق الفيس بوك للقوات المسلحه اواتصل بالقنوات الاولي التانيه او ازاعة الشباب والرياضه

اة والله فكرة ممتازة موضوع الصفحة بتاعتهم ... ياريت يجرب يبعت شكوى عليها.

[eng.m7md.ali]

لا حول ولا قوة الا بالله
ربنا يهديه

[otefa]

هيا فيصل ...... انا عارف اللى حضرتك بتتكلم فية وحاسس بيك ...
واضح ان كتير من المصريين مش بيعرف يسيطر على نفسة فى ظل وجود السلطة :(

حطيت أيدك على الجرح
السلطة المطلقة تغير النفوس ألا من رحم ربي
وهو ده ألي عايزينه سلطات مقننة منضبطة في صورة دائرة كاملة كل سلطة عليها سلطة تراقبها وتقومها

[blazer]

انا بعت شكوى لصفحتهم على الفيس ,,, ولا اى بتنجان نايمين فى العسل
للاسف محدش صور حاجه
ياريت لو حد يقدر يفيدنى باى نصيحه فى الموضوع دا يقول
عشان انا والله دماغى واقفه اصلا و سايب كليتى وانا فى بكالوريوس وورايا شغل اد كدا