اعتداء ضابط جيش على سيارتى وعلى اهلى "حسبى الله ونعم الوكيل"

[ashouhdy]

اية الاخبار طمنونا ....

[blazer]

لو ثبت أنة خرج من وحدتة بدون أمر تحرك و كان معاة سلاح و دة ممكن أثباتة بأن التحربات حا ترجع لحاجة أسمها دفتر الاحوال يعنى حا يشوفو العربية دى خرجت من الوحدة الساعة كام و رجعت الساعة كام دة بالاضافة الى أنهم أذكياء حا يرجعو لدفتر الاحوال بتاع ال ((( سلاحليك ))) يعنى مخزن السلاح و الذخيرة الى فى وحدتة لان كل سلاح بيطلع من مخزن السلاح لة رقم و أى فرد بيتسلم سلاح بيبقى برضو مثبوت فية يوم و ساعة أستلامة للسلاح بالرقم الى على السلاح و عدد الذخيرة يعنى كام خزنة بكام طلقة . دة شغلهم هما حا يعملوة لو دة ثبت علية حا ياخد جزاء جامد جدا جدا و ممكن يتحول الى محاكمة عسكرية أذا ثبت تورطة بالفعل فى ذلك و ممكن ياخد لفت نظر جامد جدا و ممكن يخرج من الخدمة بسبب هذا الموضوع و يتأذى فى ترقياتة

انا بتكلم فى انه لو كان طالع مأموريه تانيه وبعد ما خلصها جه علينا مثلا ؟
دا يتم اثباته ازاى؟

[Abo_Lina]

للأسف مادام طلع الطلعة دي يبقى مظبط نفسه
أنا ماعنديش فكرة عن الجيش لكن الشرطة بيقدروا يظبطو كل حاجة
هو الفيديو كان يحسم كل حاجة .. أنا مستغرب إن معركة حربية زي دي ماحدش صورها .. ده الواحد لو عطس بيلاقيها على ال youtube .. عموما لا تقلق و كل حاجة في البلد دي بتخلص

[SeiffoZ]

انا بتكلم فى انه لو كان طالع مأموريه تانيه وبعد ما خلصها جه علينا مثلا ؟
دا يتم اثباته ازاى؟

بسيطة .... المفروض واحد معاه القوة المسلحة دى بيبقى ليه خط سير معين ...

و مظنش يكون ضمن خط سيره بيتكم و بيت أخته ...

و أهم حاجة شهادة الشهود ..... و خد بالك الشهود هيشهدوا إنك مكنتش موجود وقت الواقعة ..

و إن شاء الله ربنا هينصرك عليه و تشوفه لما كمان 5 سنين و يفضل لسه رائد

[medododo]

خش اكتب الشكوي علي صفحة القوات المسلحة علي الفيس بوك

[heshamzaky]

انا بتكلم فى انه لو كان طالع مأموريه تانيه وبعد ما خلصها جه علينا مثلا ؟
دا يتم اثباته ازاى؟

لو أخدت بالك أنا قولت لك أطلب بمنتهى الثقة المواجة مع أفراد القوة الى كانت برفقتة يعنى العساكر و السائق الى كان معاة و قول لبتاع التحريات أكيد يا فندم حضرتك تقدر تعرف أسمائهم و تحركاتهم من الوحدة و مواجهتهم بالموضوع كدة حا يفهم انك فاهم و حا يتعامل مع الموقف بحذر شوية. و ممكن تقول للمحقق أنك سمعت أن بعض الجيران صورو الواقعة تقريبا و قالو حا يرفعوها على النت بس انت مش متأكد و حا تحاول تشوف الفيديو دة من حد يكون صورة من البلكونة . الظابط لو سمع الكلام دة حا يجر معاك ناعم و حا يحاول يعمل صلح معاك و الموضوع يتلم

[mana_81]

كمان حضرتك هو ايه علاقة التحرش بنقل سيرتك من مكانها و هو مفتكرش موضوع التحرش الا لما عملت انت شكوي يعني هو مشتاكاش الا بعد ما حضرتك عملت الشكوي
ربنا معاك ولن يضيع حق وراءه مطالب

[heshamzaky]

الرد لو هو قال أنك بتتحرش بأهلة أو ذوية هل حتى لو هذا صحيح هل يسمح لافراد القوات المسلحة التهديد و أثارة الرعب بين المواطنين المدنين العزل و ذلك بأستخدام مهمات عسكرية متمثلة فى أسلحة نارية و مركبات عسكرية . قول كدة للمحقق و قولة يجيب أخت الظابط لمواجهتها لو الظابط عندة شوية دم مش حا يكمل المشوار دة لان أختة حا يتم استدعائها للأدلاء بأقولها و دة حا يجننة و مش حا يعمل كدة على فكرة ألعب على النقطة دى

[mrwho1982]

لو أخدت بالك أنا قولت لك أطلب بمنتهى الثقة المواجة مع أفراد القوة الى كانت برفقتة يعنى العساكر و السائق الى كان معاة و قول لبتاع التحريات أكيد يا فندم حضرتك تقدر تعرف أسمائهم و تحركاتهم من الوحدة و مواجهتهم بالموضوع كدة حا يفهم انك فاهم و حا يتعامل مع الموقف بحذر شوية. و ممكن تقول للمحقق أنك سمعت أن بعض الجيران صورو الواقعة تقريبا و قالو حا يرفعوها على النت بس انت مش متأكد و حا تحاول تشوف الفيديو دة من حد يكون صورة من البلكونة . الظابط لو سمع الكلام دة حا يجر معاك ناعم و حا يحاول يعمل صلح معاك و الموضوع يتلم

الراجل ده بيتكلم كلام زي الفل ويا حبذا لو معاك محامي عسكري لو متعرفش انا اعرف ابو واحد صاحبي محامي عسكري ومكتبو في عين شمس في احمد عصمت وهايروقهوللك صح ............بس ياريت محامي

[fepsceasar]

الله على دماغك يا استاذ هشام هو حضرتك محامى

[Dr_ElSioufy]

بانتظار اخبار جديده تشفي غليلنا

[heshamzaky]

الراجل ده بيتكلم كلام زي الفل ويا حبذا لو معاك محامي عسكري لو متعرفش انا اعرف ابو واحد صاحبي محامي عسكري ومكتبو في عين شمس في احمد عصمت وهايروقهوللك صح ............بس ياريت محامي

الله يكرمك يا باشا بص هو الموضوع مش حا يوصل لمحامى لا أظن لانهم حا يحاولو يمشو الزميل المدنى و بعد كدة يصطفو هما بمعرفتهم مع الظابط بتاعهم حفاظا على الشكل العام بس حا يتجازى مش حا تتطبخ و لا حاجة بس هما مش عاوزين سياحة خصوصا فى ظل الاحداث الى البلد فيها و مش عاوزين تشهير و بعدين يلاقو مداخلة تيلفونية فى الفضائيات و شكى و مطلوب من المجلس العسكرى أنى يقول الجيش و الشعب أيد واحدة و دة حادث فردى مش عايزين وجع الدماغ و حا يرقو الظابط بمعرفتهم

الله على دماغك يا استاذ هشام هو حضرتك محامى

الله يكرمك يا باشا أنا مش محامى خالص بس عارف شوية معلومات عن نظام الجيش فى المواضيع دى و المهم أنك تعرف تفوز لو ليك حق و تصطاد غريمك و توجة كلام مباشر وواضح بس يبقى فى محلة

[samirsaid1]

ظابط حقير ولا يمثل الا نفسه .... افضحه فى الاعلام صحافة و تليفزيون و اشكيه للجيش بكل طريقة تقدر عليها وربنا معاك و ان شاء الله هتقدر تنتقم منه .

هو دة الصح عشان يبقى عبرة وعشان تحمى ناس تانية ماتعرفهاش لان ممكن مسئول تانى يعمل نفس الموضوع مع حد تانى فياريت من الردع من الأول

لان بين ان الجيش اتعمل لحماية عربيتهم

وحسبى الله ونعم الوكيل

[heshamzaky]

شكرا يا جماعه على كل الردود
انهارده الصبح رحت اداره التحريات
وقالولى تيجى الساعه 6 والضابط دا هيكون موجود وهناخد اقوالكم

فى أنتظار عودتك و موافاتنا بالاخبار

[Atrees]

علي فكرة الظابط دة حاجة من اتنين


1- حيحاول يعتذر ليك انهاردة ويلم الموضوع ( دة لو كان محترم ) - ساعتها اقفش في حقك ومتسيبوش

2- الظابط دة عايز يخرج من الجيش وبيفتعل اي مشكلة للخروج ( ودة احتمال ضعيف بس وارد ) - ساعتها بقي اتنازل وذلة وخليه قاعد في الجيش - ههههههه



لازم تاخد حقك - مش حنصلح البلد لو كل واحد فينا قال حصل خير