إعـــــــلان

Collapse

.

,
See more
See less

إيه هو أطرف و أرخم موقف قابلوك و أنت بتسوق .. ؟!

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة mokhtar مشاهدة المشاركة
    وفضلت فى النص لا يمين ولا شمال ..لحد ماعدى الدبابه وطبعا اخدله شتيمتين بس كان موقف صعب جدا

    ..mokhtar..
    عزيزى مختار

    انت نسيت تقول لنا

    الراجل اللى جنبك حصــله ايــــــــــه ؟؟


    أكيــد قطــع الخلــف... :D
    [SIGPIC][/SIGPIC]

    Comment


    • #17
      حصل معايا موقف عمري ما هنساه
      كنت لسة بتعلم السواقة و اختي قاعدة جمبي
      المهم جينا عند سبورتنج ع الترام و كانت السكة زحمة اوي و في طلعايا
      ف من رعبي كنت خايفة لحسن العربية تريح على اللي ورايا
      رحت داسية بنزين على الاخر و ماكنتش لسة شلت رجلي من على الدبرياج
      قوم اية
      اشمللك ريحة دخان و كأن في سحابة طالعة من الكبوت
      نزلت جري و انا بترعش و الناس كلها كانت خايفة لحسن العربية تولع ف اي وقت
      المهم الراجل الميكانيكي قالنا نحمد ربنا عشان العربية كانت بجد هتولع لو كانت السلاك لمست ف بعض بس الحمد لله عدا و فات
      [url=http://www.0zz0.com][img]http://www9.0zz0.com/2008/12/03/17/392398634.jpg[/img][/url]

      Comment


      • #18
        بجد ماقفكم كلها تفطس من الضحك ..
        :D:D
        [SIGPIC]http://imageshack.com/a/img838/5746/61n6.jpg[/SIGPIC]

        Comment


        • #19
          عزيزى حاتم سليم انا بصراحه مش فاكر اللى على يمينى جراله ايه لانى كنت مشغول فى شتيمه المجنون الل ىراكب الدبابه وتقريبا اللى على يمينى كان بيشتم فينا احنا الاتنين

          ..mokhtar..
          [CENTER][/CENTER]

          [B][I][CENTER][FONT="Arial Black"]mokhtar[/FONT][/CENTER][/I][/B]

          Comment


          • #20
            المشاركة الأصلية كتبت بواسطة 3mr Farrag مشاهدة المشاركة

            و فجأه جالي حاله شيزوفرنيا و شوكو لوحلوح :d
            وروحت و اخد غرزه مع نفسي كده....
            رحت سامع صوت حاجه بترشق من ورا....

            اتاري كل اللي اعد ورا ديماغهم لابسيت في بعض :D
            يا خبر على الدحك :D
            احنا كل اللي في البيت بيدحكوا :D:D:D:D
            و بيسلموا عليك يا عمرو و بيقولو لمامتك ألف سلامة
            [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

            Comment


            • #21
              الله يسلمهم يا دكتور
              امي الحمدلله كويسه............ لأنها هي اللي كانت جنبي:d
              اما الباقي ديماغهم لسه واجعاهم.....ادعلهم بالشفاd:
              [SIGPIC][/SIGPIC]

              [CENTER]خلوها تصـــــــــــــدي و موديلها يعـــــــــــــــدي[/CENTER]

              Comment


              • #22
                رحت سامع صوت حاجه بترشق من ورا....

                اتاري كل اللي اعد ورا ديماغهم لابسيت في بعض
                معلش يا عمر أصل الموقف أخدني في الضحك قول للجماعة 1000 1000 سلامة
                [SIGPIC]http://imageshack.com/a/img838/5746/61n6.jpg[/SIGPIC]

                Comment


                • #23
                  المشاركة الأصلية كتبت بواسطة pendodo2002 مشاهدة المشاركة
                  الموقف التاني
                  كان في امتحان القياده في مصر ... وواحده ست او بنت (مش عارف) المهم جايه بعربيه لانوس لسا جديده نوفي باكياسها وموديل السنه و جايه تمتحن بيها ...
                  المهم الضابط دخلها وقالها اتفضلي و شالو العربيه النقل اللي الناس بتمتحن عليها ... المهم بدايه الاختبار مشيت كويس اوي ... بس لسبب مااااااااااا (لا يعلمه إلا الله) لقيتها بتنقل على التاني ... و ابص الاقي العربيه بتجري منها ورايحه على المكتب بتاع الضابط المراقب و هوبااااااا ... البنت كسرت الدركسيون على آخر لحظه ... والله ولا الراليات قامت العربيه لافه 180 درجه ومعفره على الضابط و متجهه فيييييين ؟؟ ... علينا احنا الناس اللي هتمتحن والناس اللي بتتفرج يجي 200 واحد ... طبعا كلهم شايفينها الناس كلها طلعت تجرييييييييي جري وانا واقف وكل شوية بقول .. هتقف ... اكيد هتقف ... هتقف ... لازم تقف ... انا واقف على رصيف تقريبا ارتفاعه نص متر اسمنت تقريبا ... في الآخر واحد وهوا بيجري خبطني فساعتها فوقت ... البنت دي انتحاريه ... كاميكازاااااا ... اجرييييي ... دخلت في الرصيف بكل قوتها و العربيه نطلت فوقه (معرفش طلعت ازاي اصلا) و الكوتشين اللي قدام ثبتو العربيه و قامو ساحبينها على الرصيف من على البادي (طبعا الكوتشات اللي ورا كانت على الهوا) فاجزاء المتور اللي تحت اللي كانت شايله الليله كلها ... العربيه طلعت و هواااا ... بوم .... دخلت في عمود شايل كبري كان جنب منطقه الاختبار ... العربيه اختفت معالمها تماماً من قدام ... وهيا حاضنه الدركسيون يمين بالله ما تسيبه رعب بمعنى الكلمه ... المهم الناس طلعوها وفوقوها شوية و البنات و السيدات اللي كانو موجودين هونو عليها شوية الموضوع ... إلا والأخت رايحه تقول للضابط و النبي فرصه تانيه بس .... لقيت الضابط فتح قاموس الشوارع و اداها من المتنقي خياااااااره ... وهاتك يا شتايم بالاب و الام و لو شفتك تاني انا هسجنك و على جثتي لو شفتي رخصه اصلا ...
                  وبس
                  تحياتي
                  اما انا قعدت اضحك ضحك هستيرى على القصة دى وخصوصا على الضابط اللى اكيد دمه هرب وعلى الناس وانا بتخيل منظرهم وهما بيجروا لانى شفت المنظر ده قبل كده:
                  المواقف الطريفة : موقفين
                  الاول: اول مرة اركب السيات بعد ما طلعت الرخصة من حوالى 12 سنة وشوية وجاى اخر النهار من الشغل وكنت جى من كلية البنات وداخل يمين فى يمين على شارع الطيران ومنه على صلاح سالم وكان فيه محطة اوتوبيس على يمينى اول الدخله على شارع الطيران وانا باخد يمينى اذا باوتوبيس نقل عام جاى وراسه والف سيف يدخل المحطة قبل مادخل انا الشارع و عليه وبما انى لسه مكنتش اتعودت على دواسة الفرامل ومن الخضة دوست بنزين ودخلت بين الرصيف والاوتوبيس وتتفرجوا على الناس اللى واقفة كانوا نازلين من على الرصيف رايحين على الاوتوبيس شاوفونى لقيتهم طلعين يجروا تانى على الرصيف ومركبوش الاوتوبيس وقعدوا يلموا فى اعصابهم ويشكروا ربنا انه نجاهم :)
                  الثانى: كان اليوم وانا مروح لقيت واحد لابس بدله وشكله محترم وخارج من شركة ادوية عندنا فى العاشر المهم الراجل عمال يتلفت ورا بيدور على اى حد يخدوا فى طريقه لما قربت منه شاورلى وقفتله المهم لقيت بيته مش بعيد اوى قولتله هوصلك لحد بيتك وهارجع تانى لبيتى المهم الراجل انبسط اوى وعرفنى بنفسه _انا الدكتور فلان الفلانى وانا عرفته بنفسى _انا المهندس علان العلانى المهم الراجل مش عارف يعملى ايه ولا يشكرنى ازاى لقيته راح مطلع من جيب البدله الجوانى حاجة وبيحطها مكان الساعة فى التابلوه عندى خفت للراجل يكون بيحطلى فلوس المهم الراجل فهم وراح ضاحك و قايلى دى حاجة بنعملها بيتى فى الشركة عندنا و دى عينة هدية منى ليك ...... وراح سايبنى ونازل تفتكروا العينة دى ايه ..........! قرصين من الحبة الزرقاء انتاج الشركة . من ساعتها وانا حاسس انى شايل حتتين حشيش وكل شوية اطلعهم وابصلهم واموت على نفسى من الضحك وادخلهم تانى . طبعا انا لا عمرى استعملت الحاجات دى ولا ينفع استعملها لان عندى الضغط . والسؤال اللى بسأله لنفسى هوا الراجل ده ادانى الحبيتين دول ليه ؟؟؟!!!
                  الموقف الصعب او السيئ: كان قبل العيد اللى فات وخبطت راجل كبير فى السن وطلع موجه مع زوجتى فى المدرسة والراجل رجله اتكسرت. هوا الراجل غلطان من ساسه لراسه بس بصراحه ان الواحد يبقى سبب فى الم واحد تانى بتبقى صعبة قوى هوا ركب شريحة وابتدى يمشى على عكاز لغاية لما يقدر يمشى عادى بإذن الله وربنا يقومه بالسلامة ويتم شفاؤه على خير ويغفرلى ويغفرله وللمؤمنين اجمعين. وشكرا
                  [RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]

                  Comment


                  • #24
                    انا بجد هايجرالي حاجه من كتر الضحك والله العظيم مش ممكن :D

                    انا حصللي موقفين الموقف الكوميدي او الكويس كان تالت مره اسوق فيها العربيه كان معايا والدي ركب جانبي وقاللي تعالى نجيب اخوك من الدرس المهم ركبت العربيه وكله تمام الحزام المرايات كل اجراءات الامن والسواقه المثاليه اخدتها واتوكلت على الله المشوار كله من الشارع اللي انا فيه لشارع تاني على بعد 10 دقائق مش اكتر المهم دخلت الشارع اللي فيه الدرس أخدت اخويا وراجعين الشارع فاضي تماما مافيش فيه غير عربيتين تلاته راكنين عادي واتساع الشارع لا بأس به ياخد اربع عربيات جنب بعض مفيش مشكله المهم انا ماشي باتمخطر وفجأه لقيت تاكسي ورايا فا انا قلت ابين لوالدي اد ايه انا محترم في السواقه وواد جينتل بقى وكده قمت مشاور للتاكسي يعدي من جنبي ووسعت ليه بس من الواضح اني وسعت زياده شويه التاكسي جه جنبي افتكرني عاوز اسأله على حاجه ولا ايه مش فاهم المهم لقيته جه جنبي وفضل ماشي فا انا طبعا مكنتش عامل اي استعداد لكده :p وفضلت اكلم الراجل واتفضل عادي انا بقولك عادي من جنبي وكده اتاريني كل ده عمال اسرح يمين ووالدي مش واخد باله لئنه مركز معايا وسواق التاكسي واخويا ورا شايف اني هاخبط بس مكسوف يقول ولا ايه مش عارف المهم فجأه لزقت في العربيه اللي واقفه ياعيني على اليمين ودمرت الدنيا عنده وعندي طبعا ووالدي لقيته على حجري بعد كده ومن خضتي كسرت شمال كنت هلبس في التاكسي بس الحمد لله هو بعد :D.....عارفين انا والله من ساعت الموقف ده بقيلي 8 سنين بسوق اه بس متعقد لسه وبخاف اكلم اي حد بعربيه جنبي وانا سايق لازم اقف الأول :(

                    الموقف التاني كان فيلم رعب .......مره كنت ماشي في امان الله المهم واحد صاحبي كان معايا ادالي كانز بيبسي افتحهالك يا رامي قلتله لا يا راجل عادي المهم جيت افتحها وقعت مني ويشاء القدر انها تتزحلق وتنام تحت دواسة الفرامل المهم ماجاش في بالي ابدا انها راحت المكان الخبيث ده المهم بفرمل لقيت في حاجه معاكسه معايا قلت لالالالالالالالالالالالالا ايه دااااااااااه مش هعرف افرمللللللل المهم طبعا جالي حاله صرع وقلت لأ انا لازم افرمل مع اني ماكنتش محتاج افرمل وقتها بس مش عارف ايه خلاني اعمل كده المهم دوست على دواسة الفرامل بعزم ما فيا لقيت العربيه فرملة الحمد لله بس حاجه فرقعة وحاسس ببلل غريب تحت :D طبعا الحمد لله ربنا كرم الكانز فرقعت لما دوست جامد على دواسة الفرامل خرمت الكانز.......اللي يضحك اكتر اني لما سمعت صوت الفرقعه دي قلت لصاحبي ايه يا عم ده ؟؟؟؟؟؟ قاللي ماتقلقش شكل السيرفو ضرب ولا حاجه :D الواحد زمان كان خياله واسع اوي :p
                    [CENTER][SIGPIC][/SIGPIC][/CENTER]
                    [CENTER][FONT=Times New Roman][SIZE=2][COLOR=royalblue]East Or West Megane Is The Best[/COLOR][/SIZE][/FONT][/CENTER]

                    Comment


                    • #25
                      انا كنت في مصر في اجازة الصيف واضطريت ااجر سيارة لاني ماعنديش سيارة في مصر. خدت سيارة دايو لانوس 2000 المهم اول ما تحركت بها لاقيت الشكمان وقع. وكان معايا مراتي وبنتي وحماتي المهم لاقيت واحد بتاع شكمنات رحت داخل علية المهم صلح لي الشكمان وقعد يدق في اية انا مش عارف المهم مشيت بالعربية لحاد القناطر وهوب تيش الاولاني والتاني طار ووقع من العربية وكمان زيت الدبرياج فضي من الخزنة ووانا ولا هنا. المهم حاولت ادي العربية الاولاني او التاني مافيش المهم كملت علي التالت والرابع لحاد ما رحت مصر ولما وصلت ما عرفتش اركنها ورحت سايبها في وسط الشارع وطلعت البيت نمت
                      [url=http://www.postimage.org/image.php?v=aV13Kqu9][img]http://www.postimage.org/aV13Kqu9.jpg[/img][/url]

                      Comment


                      • #26
                        هههههههههههههههه
                        :D:D:D:D:D:D:D:D
                        الله يجازيكم خير .. مواقفكم كلها تضحك و خصوصاَ دة ..


                        المشاركة الأصلية كتبت بواسطة romioeg2007 مشاهدة المشاركة



                        الموقف التاني كان فيلم رعب .......مره كنت ماشي في امان الله المهم واحد صاحبي كان معايا ادالي كانز بيبسي افتحهالك يا رامي قلتله لا يا راجل عادي المهم جيت افتحها وقعت مني ويشاء القدر انها تتزحلق وتنام تحت دواسة الفرامل المهم ماجاش في بالي ابدا انها راحت المكان الخبيث ده المهم بفرمل لقيت في حاجه معاكسه معايا قلت لالالالالالالالالالالالالا ايه دااااااااااه مش هعرف افرمللللللل المهم طبعا جالي حاله صرع وقلت لأ انا لازم افرمل مع اني ماكنتش محتاج افرمل وقتها بس مش عارف ايه خلاني اعمل كده المهم دوست على دواسة الفرامل بعزم ما فيا لقيت العربيه فرملة الحمد لله بس حاجه فرقعة وحاسس ببلل غريب تحت :D طبعا الحمد لله ربنا كرم الكانز فرقعت لما دوست جامد على دواسة الفرامل خرمت الكانز.......اللي يضحك اكتر اني لما سمعت صوت الفرقعه دي قلت لصاحبي ايه يا عم ده ؟؟؟؟؟؟ قاللي ماتقلقش شكل السيرفو ضرب ولا حاجه :D الواحد زمان كان خياله واسع اوي :p
                        [SIGPIC]http://imageshack.com/a/img838/5746/61n6.jpg[/SIGPIC]

                        Comment


                        • #27
                          هههههههههههه مواقف تضحك فعلا
                          الموقف الى حصلى
                          كان فى ايام كنت مجنون فى السواقة كانو بيخافو يركبو معايا بس مستمرتش على الموضوع دة اكتر من يومان كان الكلية بتاعتى على اول الطريق السريع فكانت هبة منى سعتها ولازم أجيب أعلى سرعة فى مسافة متجيش ارعبة خمسة كيلو المهم زودت أوووى ووصلت لى وبصيت على العداد ووصلت لى 150 ولقيت نفسى فى ثانية فى اخر الطريق السريع والعربيات وقفة اديت فرامل جامد وقلت العربية هتقف على الطول وهقف مع الوقفين بس معملتش كدة مدى فرامل على الاخر والعربية بتجرى برضة بتزحلك على الرصيف وعلمت علية فضلت حالى 45 متر زحلقة لغيت لما لبست فى عربية لنسر بس كانت الاصبات بسيطة اكصدام وفنوس طبعا دى بسيطة بلنسبة للسرعة للى كنت ماشى بيها بعد الخضة دى معتدش بثق فى أى فرامل

                          Comment


                          • #28
                            مرة طالع الدائري من عند طلعة امبابة و الحتة دي فيها مزارع

                            لقيت جي في وشي حمارين (حمارين بجد!) بيجروا ورا بعض لوحديهم .. و اول ما شافوا العربية مش عارف ايه اللي حصلهم لقيتهم جايين يجروا عليا انا .. و جايين يطلعوا فوق العربية و مصممين .. لقيت u turn جنبي رحت واخد غرزة و رميت نفسي عكس في الناحية التانية بسرعة ..و الناس تقولي يا بني ادم ده عكس و كنت هلبس في سواق تاكسي .. قلتله فيه حمير بتجري ورايا

                            اصل دول هعمل معاهم ايه لو خبطوني ! هنزل اتخانق معاهم ! ولغاية دلوقت هموت و اعرف الحمارين دول كانوا جايين منين ورايحين فين
                            [COLOR="gray"]
                            [CENTER]Leadership is based on inspiration, not domination[/CENTER][/COLOR]

                            Comment


                            • #29
                              المشاركة الأصلية كتبت بواسطة aif مشاهدة المشاركة
                              الموقف ده حصل لزوجتي الاسبوع دة وهي بتتعلم مع واحدة ست مدربة سواقة :
                              كانت في ميدان العباسية والاشارة فتحت وهوب ... العربية طفت منها .... وكل ما تدورها تزحف للخلف علي العربية اللي وراها .. وارتبكت طبعا والميدان كله عمال يدي كلاكسات ... المهم المدربة بطلت العربية خالص وشدت فرامل اليد وقالتلها اطلعي من أول وجديد والناس وراها بتغلي من الغيظ ... (بس انا كاتبلها علي العربية يافطة تعليم عشان اللي مستعجل يلف من مكان تاني) :D
                              وفين ... لما طلعت بالعربية لقت اللي وراها كلهم عمالين يقولوا الله اكبر .. الله اكبر... ويهتفوا....
                              راحت المدربة طالعالهم من الشباك وعمالة تزعقلهم : جري ايه يا جدع انت وهو ... هو انتو رايحين الحج والا اية ... طبعا انا سمعت الحكاية دي وتخيلت الموقف وفطست علي روحي من الضحك ... تخيلو بقي ميدان العباسية كله منتظر ...وعامالين يهتفولهم.. الله اكبر... الله اكبر... رمضان قرب ييجي وانتي لسة ما طلعتيش يا حاجة ... وتعليقات في منتهي الكوميديا
                              عارفااااااااااااااااها و حافظة ردود أفعالها كوييييييييس :embarrassed2:

                              انما أول مرة أشوف حد فرحان في زوجته بالطريقة دي عشان بتتعلم سواقة.. شئ مؤسف فعلا

                              Comment


                              • #30
                                المشاركة الأصلية كتبت بواسطة Ahmed Samy مشاهدة المشاركة
                                كان عندي عربية بي ام E21 و أنا في الجامعة
                                المهم العربية و انا ماشي لاقيتها مالهاش علاقة بالدواسة بتاعة البنزين خالص
                                لاقيت سلك الأكسلراتير اتقطع و عايز اروح و كنت بالليل .
                                تعمل ايه يا واد يا حمد
                                تعمل ايه يا واد يا حمد
                                قمت جبت قماشة من الشنطة و قطعتها بالطول و ربطت بيها رفاس الأكسيلراتير و هويت الكابوت حاجة بسيطة و مسكت القماشة من طرفها التاني بأيدي وانا راكب
                                اشد ......... العربية تجري :d
                                ارخي .............العربية تهدى :(

                                و انا ماشي كنت حاسس اني راكب حصان ...حمار ... حاجة دواب يعني:)
                                أهلا أستاذ ماكجيفر :)

                                مش الجيش برضه بيقول لك اتصرف :)

                                Comment

                                Working...
                                X