حد ليه فى الزراعة

[azmeralda]

انا قلت فى مكان فى المنصورة اسمه المنصة وانا معرفوش: )

[m3_dolphen]

اهم حاجة تنجح الزراعة الرى الصحيح لأن كثرة الرى تسبب تعفن الجذور وبالتالى موت النبات وقلة الرى تسبب الجفاف

[wesam_salom]

موضوع جميل جدا
عندنا جنينه فى البيت مزروع فيها اشجار فواكه (شجره من كل نوع)خوخ وبرتقال وجوافه وتوت ونخله بس لسه من قريب مطرحش الا الخوخ والعنب وشجرتين رمان بس اللى ربنا طارح فيهم البركه

وباقى الجنينه بابا بيسلى نفسه فيها مزروعه ريحان وورد واشجار زينه وفيه حوضين بنزرعهم اى حاجه
شويه خس وشويه جرجير ومره فول اخضر بس فشل

الميزه الجميله فيه انى بحب اكل الخس وهو طازه يعنى بالسكينه وانزل اجيب وانا مطمن ان مفيش اى مبيدات او اسمده لدرجه اننا بنفكر نشترى قطعه ارض ونزرع فيها كل اللى نحتاجه

[د.أحمد السعيد]

لو على الزراعة فهى شىء جميل جدا و البشمهندس ايهاب قال اللى فيه المفيد
انا عن نفسى غاوى زراعة من صغرى و عندى أرض زراعية فى البلد بباشرها و طبعا زراعتها ( ارز قمح بطيخ لب قطن ..)

لكن عندى فى ا لبيت على السطح كميه كبيرة من الاحواض و الجرادل و البراميل .....
الاحواض بزرع فيها ( جرجير - كزبرة - نعناع .... و جربت البقدونس مرة بس مطلعش كمية كبيرة )

الجرادل ( ياسمين- ورد بلدى - شبر فايد - و فى مرة زرعت كوسه و طلعت بس عايزة تربه عميقة - جزر و العيال عندى بيحبوا كل ما يطلعوا السطح أخلعلهم شوية و يأكلوه )

البراميل ( عنب - رمان جوافة بس لسه بقالهم سنه )




المهم فى الموضوع

*تربة جيدة الصرف !!
*الشمس بتطول الزرع وقت كافى

و فيه حاجات زى الياسمين و الفل مش بتعوز شمس كتير
و فيه حاجات زى النعناع و الجرجير و البقدونس بيحبوا الشمس وقت طويل بس المشكلة فى الحر الشديد لو التربه مش كتير هتنشف و النبات بيدبل


فى الغالب الجرجير و النباتات اللى فيها محتوى مائى كبير ( الخس و البقدونس ) مش بتنجح فى الصيف من شدة الحرارة



و عموما فيه محلات مخصوصة ببيع المبيدات الزراعية و التقاوى بس مش عارف فى المنصورة فين بصراحة !!!

و بتشترى بيييجى 3 جنيه تزرعى بيه 10 مرات مثلا


و هى هواية محببة جدا بس للى غاوى

[azmeralda]

اهم حاجة تنجح الزراعة الرى الصحيح لأن كثرة الرى تسبب تعفن الجذور وبالتالى موت النبات وقلة الرى تسبب الجفاف

وده يتضبط ازاى
انا حسة ان الكلام كله عام لكن ساعة الجد مهم لكل نبات عمق البذور وبعدها عن بعضها ودرجة التعرض للشمس والرى وحاجات كتييير

[azmeralda]

موضوع جميل جدا
عندنا جنينه فى البيت مزروع فيها اشجار فواكه (شجره من كل نوع)خوخ وبرتقال وجوافه وتوت ونخله بس لسه من قريب مطرحش الا الخوخ والعنب وشجرتين رمان بس اللى ربنا طارح فيهم البركه

وباقى الجنينه بابا بيسلى نفسه فيها مزروعه ريحان وورد واشجار زينه وفيه حوضين بنزرعهم اى حاجه
شويه خس وشويه جرجير ومره فول اخضر بس فشل

الميزه الجميله فيه انى بحب اكل الخس وهو طازه يعنى بالسكينه وانزل اجيب وانا مطمن ان مفيش اى مبيدات او اسمده لدرجه اننا بنفكر نشترى قطعه ارض ونزرع فيها كل اللى نحتاجه

حلوة اوى الحكاية دى بس من غير مبيدات مش ممكن الحشرات تيجى تاكله

واصلا البلكونة عندنا ملجأ للعصافير اكيد هيجوا يتسلوا على الزرع


ومن توقيعك انت بتحب كلام احلام دى حاجة جديدة


وممكن تسأل الوالد يفيدنا بشوية تفاصيل

[azmeralda]

لو على الزراعة فهى شىء جميل جدا و البشمهندس ايهاب قال اللى فيه المفيد
انا عن نفسى غاوى زراعة من صغرى و عندى أرض زراعية فى البلد بباشرها و طبعا زراعتها ( ارز قمح بطيخ لب قطن ..)

لكن عندى فى ا لبيت على السطح كميه كبيرة من الاحواض و الجرادل و البراميل .....
الاحواض بزرع فيها ( جرجير - كزبرة - نعناع .... و جربت البقدونس مرة بس مطلعش كمية كبيرة )

الجرادل ( ياسمين- ورد بلدى - شبر فايد - و فى مرة زرعت كوسه و طلعت بس عايزة تربه عميقة - جزر و العيال عندى بيحبوا كل ما يطلعوا السطح أخلعلهم شوية و يأكلوه )

البراميل ( عنب - رمان جوافة بس لسه بقالهم سنه )




المهم فى الموضوع

*تربة جيدة الصرف !!
*الشمس بتطول الزرع وقت كافى

و فيه حاجات زى الياسمين و الفل مش بتعوز شمس كتير
و فيه حاجات زى النعناع و الجرجير و البقدونس بيحبوا الشمس وقت طويل بس المشكلة فى الحر الشديد لو التربه مش كتير هتنشف و النبات بيدبل


فى الغالب الجرجير و النباتات اللى فيها محتوى مائى كبير ( الخس و البقدونس ) مش بتنجح فى الصيف من شدة الحرارة



و عموما فيه محلات مخصوصة ببيع المبيدات الزراعية و التقاوى بس مش عارف فى المنصورة فين بصراحة !!!

و بتشترى بيييجى 3 جنيه تزرعى بيه 10 مرات مثلا


و هى هواية محببة جدا بس للى غاوى

البلكونة عندى شمس حارقة لغاية 3 م تقريبا وفى المطر برضه بتبقى بحر
تفتكر ابدأ باى نبات
ولا احطه تحت شباك المطبخ فى الأول والشمس تيجى عليه بسيط

[ehab_mansour]

انا شايف ان موضوع الزراعة اللي بتسألي عليه ده لازم يتم فيه التجربة والتعلم بالمحاولة والخطأ لأن الظروف بتختلف من مكان لأخر والتعامل أيضا يختلف باختلاف هذه الظروف
لذلك المفروض ان احنا قلنا خطوط عريضة للموضوع ويتبقي التجربة لمعرفة ظروف المكان وبعدها محاولة التغلب علي المشاكل اللي هتواجهك ومنها كمان هتكوني اتعلمتي ازاي تتعاملي مع النباتات

[azmeralda]

ماشى انا هجيب التربة ان شاء الله الأسبوع ده

وهدوشكوا بقى : )

[sha2e]

قبل اى حاجه لازم قبل الزراعه اعداد التربه كويس وتسويتها وبعدين ريها بالماء (ري يعني غمر) مش مجرد رش وبعدين تتساب يوم او يومين قبل الزراعه او وضع البذور

بخصوص الشبت والبقدونس والكسبراه فدول الاسهل انك نجيبهم بذور من عند بتاع البذور ويفضل انه يكون شغال عشان تضمني ان البذور مش مخزونه عنده بقالها فتره طويله
وهتشتري منه مثلا بجنيه او اتنين بذور من النوع الى انتى عايزاه هيبقى فى كيس صغير بس البذور الى فيها تكفى زراعة 2-4 متر مربع تقريبا
ودول هتشتريهم مره واحده فقط لانه بعد الزراعه النبات "بيتقي" يعنى بيعمل التقاوي بتعته تلقائى عشان تستمر دورته الطبيعيه

بخصوص الريحان معتقدش انه ممكن يتزرع فى احواض بسهوله لأنه عباره عن شجيره
وبيتجاب من اى مشتل عباره عن فرع صغير ويتزع فى الارض عشان يكبر ويبقى شجيره
وفمره جربناها عندنا فى الجنينه وقطعنا فرع جديد اخضر وزرعناه وطلع
بس خدي بالك فى نوعين من الريحان نوع عادي وده شكل بس لان رائحته ضعيفه ونوع بلدي وده بتكون رائحته عطريه نفاذه

بخصوص النعناع فزراعته سهله اشتري اى نوع نعناع عاجبك من السوق (بس يكون صابح مش دبلان) وتيجى على المكان الى هتزرعيه فيه - الى احنا ظبتناه وسقناه قبلها - وتغمسي العدان فى الارض افقيا (يعنى تجيبي العود وتنيمه على الارض بشكل عرضي وتضغطي عليه شويه لحد ما ينزل بمسافة 0.5 سم او أقل بحيث يكون العود فى التربه وطرفه بمساواة التربه) وبعدين تسقيه (رش) كل يوم فى اول اسبوع هيدبل وفى تانى اسبوع هتفتكري انه مات وفى تالت او رابع اسبوع هبدأ بنبت ويطلع ان شاء الله

[azmeralda]

ما شاء الله حلو قوى الشرح ده

[azmeralda]

انا لقيت البيتموس ده فى السوبر ماركت وكل ما احط له ماء يشربه وبعدين بدأ يشقق كده والطبقة اللى فوق فرولت ده طبيعى ؟

واغرقه ماء بقى ؟انت قلت نغمره

[sara2001]

لو تقدري تيجي يوم القاهره تزوري معرض الربيع في حديقة الأورمان
وتشتري من هناك النباتات اللي انت عاوزاها بالتربه بتاعتها
ده غير الناس هناك هتشرح لك كل حاجه زي طريقة الإعتناء بكل نبات ومتابعته

[m3_dolphen]

بالنسبة للبيتموس معروف انه بيشرب المية لكنه فقير غذائيا فلابد من التسميد

[azmeralda]

ده عمال يكبر قوى وخرج بره الأصيص : )
والتسميد ده اعمل له ايه ؟

بس any way البواب جاب لى تربة من ضفة الترعة برضه واشتريت بذور كسبرة وشبت