حد ليه فى الزراعة

[sha2e]

طيب انا عندي بذور نعناع
دي بتتزرع ازاي بقى؟

وكمان كنت عاوزة اعرف ازاي ازرع الريحان؟

ينفع البذور اللي فيه اخدها وازرعها والا ازاي؟

بذور النعناع بتتزرع عادي جدا زي اى بذور مفهاش اي مشكله
بالنسبه للريحان فاغلب الموجود فى الزهره بيكون وريقات صغيره جافه خاليه من البذور انا جربت ازرعها أكتر من مره ومطلعتش حاجه فجربت انى اقطع فرع جديد اخضر وزرعته ونبت ريحانه جديده (بس يكون الفرع وقت القطع قبل الزرع اخضر ميكونش بدأ يسمر زي باقى الفروع)

كده قصدك ايه تقاوى يعنى هاخد البذر اللى يطلع ازرعه تانى ؟

مش لازم هيا التقاوي هتقع لوحدها على التربه عشان تنبت من جديد وتبدأ دورة حياة جديده لنبات من غير اى تدخل منا

[azmeralda]

wow cool: )

[sha2e]

الصوم جه اهوه والشاي ابو نعناع بيكون ليه طعم تانى بعد الفطار
ياترى النعناع بقى قد ايه دلوقتى وباقى الزرع الى اتزرع اخباره ايه ؟

[azmeralda]

النعناع هم 4 فروع مفيش غيرهم بيطولوا شوية وخلاص وشربت منه فى الشاى كذا مرة : )

الملوخية حلوة وقطفتها بس الكمية صغيرة فقلت اما اعمل تانى عشان اطبخها ان شاء الله مرة واحدة

الجرجير اكلته بقى كان جميييل بس هو وصل لحجم معين مزادش عنه مش كبير ولو متقطفش يصفر
بس شعور مختلف وانا باكل جرجير انا اللى زارعاه ومتاكده من نظافته : )



ورمضان كريم

[SunSet]

يعني ايه تقاوي؟

[sha2e]

النعناع هم 4 فروع مفيش غيرهم بيطولوا شوية وخلاص وشربت منه فى الشاى كذا مرة : )

الملوخية حلوة وقطفتها بس الكمية صغيرة فقلت اما اعمل تانى عشان اطبخها ان شاء الله مرة واحدة

الجرجير اكلته بقى كان جميييل بس هو وصل لحجم معين مزادش عنه مش كبير ولو متقطفش يصفر
بس شعور مختلف وانا باكل جرجير انا اللى زارعاه ومتاكده من نظافته : )

حاولي تكتري من النعناع شويه عشان تقدري تستفيدي منه وكمان ريحته الحلوه تبدأ تبان (خصوصا عند رشه بالماء)
وكمان النعناع المزروع فى البيت بيختلف عن الى بيتشرى من بره لان النعناع على ما يتقطف ويتجمع ويتباع بيكون فات على قطفه أكتر من 4 ساعات يكون فقد فيهم الزيوت الطياره الى تعتبر أهم حاجه فيه

وبمناسبة دخول رمضان هشرح احسن طريقه "مجربه" لعمل أجمد كباية شاي بالنعناع
بعد ما نحط البراد على النار وقبل ما الميه تغلى بحاجة بسيطه نغسل تلات او اربع عيدان ونحطهم فى الميه
بعد ما الميه تغلى هنلاقى الميه لونها اصفر شويه نصبها ونعمل الشاي عادي وممكن نحط عودين تانين فى الكوبايه عادي
لو النعناع نوعه حلو ولسه مقطوف هنلاقى طبقه صغيره زي زيت كده اعلى الشاي
هوا كده

[sha2e]

يعني ايه تقاوي؟

البذور

[azmeralda]

ده كل اللى انا زارعاه ميعملش اجمد كوباية شاى : )