إضراب أطباء مصر 10 مايو

[r0xer]

ههههههههههههههه يارب منطردش لو كتبت كومنت :) عموما هحاول امسك نفسي...

انا عيان بقالي سنة كاملة وعندي آلالام متعددة في البطن و الصدر وتزيد يوم بعد يوم و ضغطي بقى بيوصل ل180 ل110 في هذا السن الصغير و لكن اقسم بالله اخشى الذهاب للطبيب عشان ميشخصنيش غلط ولا يرزعني مرض من دماغه او يرزعني تحاليل واشعات ب2000 جنيه وفي الاخر يموتني من الرعب او يموتني من الاختراعات بتاعته. ولذلك أفضل اني افضل اتوجع ومعرفش انا عيان ولالا او حتى عندي ايه ولا اروح لدكتور!

وشوف انا بقول كدا وانا عشت برة و اتغربت و اشتغلت و لفيت ودرست وعملت حاجات كتيرة تديني ثقافة مقبولة..فما بالكم بالاشخاص العاديين اللي بيسمعوا عن حكايات الدكاترة ثقتهم بقت في الاطباء ازاي؟


وحتى قرايبي غلبوا معايا اعمل الحاجات دي ببلاش عندهم ولكن فعلاً انا اصبحت عندي فوبيا من الاطباء.. يعني كفاية اشوف واحد لابس بالطو و لابس نضارة و ساعتها ممكن ضغطي يرتفع و ابقى عايز اطير رقبته!! وبصراحة مبقتش اقدر اتعاطف معاهم..زي بتوع الشرطة كدا صعب الواحد يتعاطف معاهم!

وعشان محدش يفتكرني بعيب في الاطباء انا 50% من قرايبي اطباء و في اماكن مرموقة وناس محترمة زي مافي اطباء كتار محترمين وانا عارف ان كل مهنة فيها الحلو والوحش ولكن فعلاً ثقة المواطن المصري في الاطباء بقت حاجة مخيفة..دا انا عندي ثقة في ظباط الشرطة اكتر والله!!!!!!!

ادعولي بقا يكون اللي عندي حاجة بسيطة عشان مروحش لدكتور هههههههههههههههههههههههههههههه

[megamoudy]

أنا واحد من الأطباء أول تعيين ليه كان في أسوان سنه 2004 وانا من القاهره ... سفر 12 ساعه بالقطر أيام ما كانت التذكره ب 100 جنيه رايح بس مش عارف بقت بكام دلوقتي .. ومرتبي كان 230 في الشهر .. والأكل والشرب واللبس والمواصلات عليك .. كنت بصرف حوالي 1500 جنيه ده مع ربط الحزام طبعا .. وحسبي الله ونعم الوكيل في وزارة الصحة .. احنا بنكلم في قطاع عريض من الأطباء حديثي التخرج .. ماهو كل مهنه ليها حيتانها .. المدرسين .. المحامين .. المهندسين .. أما السواد الأعظم تحت خط الفقر .. المشكله ان الناس فاكرانا نايمين علي كنوز ... لما تروح لميكانيكي لو عرف انك دكتور الحاجه ام 10 يقولك ب 100 ولما تيجي تتقدم لبنت الشبكه اللي ب 20 تبقي ب 50 الف .. ميعرفوش ان الواحد بيشتغل ليل مع نهار عشان يدوب يعرف يعيش بس .. مع العلم ان الدكتور ملزم انه يحضر ماجستير .. أنا عن نفسي فضلت 6 سنين في الماجستير بس ويدوب لسه مخلصه .. ذل حقيقي .. ده غير سنوات الدراسه في الكلية .. 7 سنين ده غير جيش 3 سنين .. غير تكليف سنتين في مناطق نائية .. يعني الطبيب لما يفوق من كل ده يبقي عنده 32 - 33 سنه نص عمره راح وشبابه راح ,,, وصاحبنا اللي خريج تجاره انجلش اتعين في بنك أو شركة بترول أول مرتبه 5000 - 8000 ده غير المميزات التانيه -- مصايف رحلات - عيديات - تقسيط بدون فوايد ... ولا عزاء للأطباء

فعلا يا دكتور .......... احنا فئة مظلومة جدا

[BLOODY_STONE]

خلاص قشطة يوم 10 حلو اوي ... اهو بالمرة اروح عشان جه معاد السيرفيس بتاع العربية

[megamoudy]

ههههههههههههههه يارب منطردش لو كتبت كومنت :) عموما هحاول امسك نفسي...

انا عيان بقالي سنة كاملة وعندي آلالام متعددة في البطن و الصدر وتزيد يوم بعد يوم و ضغطي بقى بيوصل ل180 ل110 في هذا السن الصغير و لكن اقسم بالله اخشى الذهاب للطبيب عشان ميشخصنيش غلط ولا يرزعني مرض من دماغه او يرزعني تحاليل واشعات ب2000 جنيه وفي الاخر يموتني من الرعب او يموتني من الاختراعات بتاعته. ولذلك أفضل اني افضل اتوجع ومعرفش انا عيان ولالا او حتى عندي ايه ولا اروح لدكتور!

وشوف انا بقول كدا وانا عشت برة و اتغربت و اشتغلت و لفيت ودرست وعملت حاجات كتيرة تديني ثقافة مقبولة..فما بالكم بالاشخاص العاديين اللي بيسمعوا عن حكايات الدكاترة ثقتهم بقت في الاطباء ازاي؟


وحتى قرايبي غلبوا معايا اعمل الحاجات دي ببلاش عندهم ولكن فعلاً انا اصبحت عندي فوبيا من الاطباء.. يعني كفاية اشوف واحد لابس بالطو و لابس نضارة و ساعتها ممكن ضغطي يرتفع و ابقى عايز اطير رقبته!! وبصراحة مبقتش اقدر اتعاطف معاهم..زي بتوع الشرطة كدا صعب الواحد يتعاطف معاهم!

وعشان محدش يفتكرني بعيب في الاطباء انا 50% من قرايبي اطباء و في اماكن مرموقة وناس محترمة زي مافي اطباء كتار محترمين وانا عارف ان كل مهنة فيها الحلو والوحش ولكن فعلاً ثقة المواطن المصري في الاطباء بقت حاجة مخيفة..دا انا عندي ثقة في ظباط الشرطة اكتر والله!!!!!!!

ادعولي بقا يكون اللي عندي حاجة بسيطة عشان مروحش لدكتور هههههههههههههههههههههههههههههه

اتصدق زعلتني ف تشبيهك لينا بالظبااااااااااط

الظباط اللي كانو بيقتلو كان الاطبا بيعالجو .............

ثانيا ............. كل حاجة بايد ربنا ..................... يعني لو الدكتور شاطر جدا وربنا مش رايد الشفا والله لو عملنا ايه .......... ودي للاسف مش موجوده ف الشعب المصري حاسس ان الدكتور هيحط ايده ع المريض يبقى زي الحصان ........

انا قعدت مره ف الاستقبال شوفت العجب لو حاله مش تبعك وتيجي تشرح للناس انا مش ليا ف الحالة الفلانية دي تبع التخصص الفلاني يشتم فيك .........

بالرغم ان احنا مسلمين والمفروض عارفين ان كل حاجة بأمر ربنا مش بنطبق كده ............

الطب مش كن ف يكون ولا كلامه ثابت او مرسل ..... يعني من خلال دراستنا وياريت اي حد من الاطباء اللي هنا يقول لو كنت غلطان ف اللي هقوله .......... في امراض مش معروف لها سبب ومحطوطلها مجرد افتراضات .. ونظريات

وفي حالات مش بتتعالج .......... مجرد تظبيط للاعراض لا اكثر

وبعدين احنا مش هنثق ف الشرطة ولا ف الاطباء ........... خلاص بلاش نثق ف المحاسبين بعد سقوط الاقتصاد المصري او بلاش نثق ف الزراعيين او او اوا ................ بس احنا بنيجي على اللي نقدر عليه



لناااااااااااااااا الله والله

[dr.amr]

انا المفروض اني باخد 238 جنيه بعد 7 سنين عذاب مش دراسه

وماخدتش ولا شهر وانا داخل في تالت شهر اهو

انا هسيب الطب واقف في اشاره ابيع مناديل وفوط بعد كده

[megamoudy]

واذا كان مستوى الاطباء مش كويس ......... العيب مش فينا والله ........... لأن التعليم الطبي بيحتاج الجانب العملي اللي هو تعبان اوي ف مصر

من مجسمات ومحاكيات وكله بتمنه .............

في دراسات امريكية طبعة نضيفة زي المعادلة الامريكية والزماله البريطانية بس مش كله بيقدر عليها لأن أسعارها نار .......... يعني مش احنا كل حاجة .............

[megamoudy]

انا المفروض اني باخد 238 جنيه بعد 7 سنين عذاب مش دراسه

وماخدتش ولا شهر وانا داخل في تالت شهر اهو

انا هسيب الطب واقف في اشاره ابيع مناديل وفوط بعد كده

حاجة تحزن يا عمرو ..........

[dr.amr]

حاجة تحزن يا عمرو ..........

انا حالتي النفسيه اوطي م الاسفلت :(

[dr.amr]

عارف الامتياز السعودي بيقبض كام


تخيل رقم كده ؟؟

بس تخيل بالريال مش بالجنيه

وكمان عايزين يرفعوه الضعف تقريبا

[dr.amr]

الامتياز السعودي بياخد 6 الاف ريال

وعايزين يزودو ل 10 ونص

واحنا 238 جندي

[zakiali]

اتصدق زعلتني ف تشبيهك لينا بالظبااااااااااط

الظباط اللي كانو بيقتلو كان الاطبا بيعالجو .............

ثانيا ............. كل حاجة بايد ربنا ..................... يعني لو الدكتور شاطر جدا وربنا مش رايد الشفا والله لو عملنا ايه .......... ودي للاسف مش موجوده ف الشعب المصري حاسس ان الدكتور هيحط ايده ع المريض يبقى زي الحصان ........

انا قعدت مره ف الاستقبال شوفت العجب لو حاله مش تبعك وتيجي تشرح للناس انا مش ليا ف الحالة الفلانية دي تبع التخصص الفلاني يشتم فيك .........

بالرغم ان احنا مسلمين والمفروض عارفين ان كل حاجة بأمر ربنا مش بنطبق كده ............

الطب مش كن ف يكون ولا كلامه ثابت او مرسل ..... يعني من خلال دراستنا وياريت اي حد من الاطباء اللي هنا يقول لو كنت غلطان ف اللي هقوله .......... في امراض مش معروف لها سبب ومحطوطلها مجرد افتراضات .. ونظريات

وفي حالات مش بتتعالج .......... مجرد تظبيط للاعراض لا اكثر

وبعدين احنا مش هنثق ف الشرطة ولا ف الاطباء ........... خلاص بلاش نثق ف المحاسبين بعد سقوط الاقتصاد المصري او بلاش نثق ف الزراعيين او او اوا ................ بس احنا بنيجي على اللي نقدر عليه



لناااااااااااااااا الله والله

متتعبش نفسك في الكلام يا دكتور مع ناس مش فاهمه ولا عمرها هتفهم ولا عاوزه تفهم اللي احنا فيه .. الإضراب هو الحل الوحيد للخروج من الأزمة .. بس يكون اضراب ميضرش بحياة المرضي .. ساعتها الناس هي اللي هتتظاهر عشان يحققوا مطالبنا وهتلاقي المعاملة اتغيرت والبلطجية رجعوا لجحورهم والحناجر اتشلت

[ashouhdy]

انا اشتغلت 3 سنين فى التأمين الصحى من 8 ل 2 يوميا ب 270 جنية فى اشهر .... لحد ماقدمت ع اجازة مفتوحة بدون مرتب و عملت عيادة الحمد لله .... تفتكروا بقية زملائى اللى لسة بيشتغلوا ببلاش دول ومفيش قدرة على فتح عيادة خاصة يعملوا اية ؟؟ نرجوا الرد

[ashouhdy]

حسبى الله ونعم الوكيل لما يبقى مرتب الزبال فى شركات النظافة (مع كامل احترامى ليهم لأنها مهنة شريفة) اكتر من مرتب الأطباء فى مستشفيات الحكومة و حتى الخاصة

[dr.amr]

انا اشتغلت 3 سنين فى التأمين الصحى من 8 ل 2 يوميا ب 270 جنية فى اشهر .... لحد ماقدمت ع اجازة مفتوحة بدون مرتب و عملت عيادة الحمد لله .... تفتكروا بقية زملائى اللى لسة بيشتغلوا ببلاش دول ومفيش قدرة على فتح عيادة خاصة يعملوا اية ؟؟ نرجوا الرد

احنا ندفن نفسنا حسن

24 سنه ومبجيبش مليم

[ahmedaliaeg]

يا دكتره دى مرحله انتقاليه بلنسبه للاطباء يعنى بعد المجستير ربنا يرزقكم بعياده والوضع بيتغير كتير
يعنى انا فى ولاضه اطفالى جلست معايه الدكتوره تعرفنى اجره ايديها واجره المساعده واجره دكتور التخضير غير اجره المستشفى
طبعا الطبيعى بسعر والقيصرى بسعر يعنى بتعمل حسابك على الاغلى
طبعا فى الاتفاق بتحس انك مش جالس مع دكتور وممكن تفاصل عادى وتحس انك بتوستغل ده غير ان الكشف ب 170 شامل السونار
وده فساد فى كل حاجه المفروض ان احنا من دافعى الضرائب يعنى المفروض يكون فى تائمين صحى محترم لكل مصرى
بغض النظر عن قدرتى فى العلاج فى العيادات الخاصه ولا لاء
والمفروض الدوله تكون حريصه على دخول بعض المهن وبلاخص التعليم والطب
ولاكن وجه نظرى التعليم اولا