لماذا الهجوم على صبحى صالح؟!!

[hossam20102010]

لماذا الهجوم على صبحى صالح

اولا: بما ان المذيعة كانت منحازة وغير محايدة ...فكان الهدف انها تجيبه عشان تغلطه وخلاص.... يعنى رغم انه رد بطريقة موضوعية ووضح كل الامور.. انما هدف الحلقة كان النيل من شخصه باى طريقة(اساسا كان هدف الحلقة انهم يطلعوه قدام المجتمع غلطان باى طريقة )

ثانيا :ايدولوجيا المذيعة ..تميل الى العلمانية .. وهذا سبب انحيازها

ثالثا :محاولة فاشلة ....لتقليل شعبية الاخوان

رابعا : ده بداية موسم الهجوم على الاخوان ..العلمانيين بيستخدمو مبدأ التصيد وسوء النية

خامسا :الهجوم على الاخوان ليس له اى تاثير على شعبيتهم او فوزهم المتوقع فى الانتخابات

موتو بغيظكم

سادسا : الاخوان يدعون الى الله .. فالى ماذا يدعو الاخرون؟!!!!ا

سابعا:لما المذيعة قالتله لا انت كنت عارف اسم الضيف من التليفون :(قالها وارد اكون ماخدتش باالى.... )

وعادى اى شخص ممكن ينسى

ولما انا اقلك فى التليفون حاجة ... وانت تنساها ... وبعدين افكرك بيها ...وانت تقولى لا والله ما اعرف

ده مش معناه انك كذاب .. ده معناه انك نسيت او الذاكرة خانتك .. عادى بتحصل مع كل واحد فينا
لازم يكون عندنا حسن نية بالاخر


على فكرة انا مش بدافع عن صبحى صالح ....بالعكس انا ضده فى موضوع زواج الاخوانى للاخوانية .. وفى كذا حاجة



لكنى اعلم جيدا ... ان الهدف هو الهجوم والتنكيل والتشهير بالتيار وبالفكر الاسلامى عموما .. وليس فقط صبحى صالح

[Forever.Leo]

انا شفت جزء كبير من اللقاء ده امبارح على دريم ( العاشرة مساء ) ، و بصراحة مفيش اي مفاجأة بالنسبة لي .. مذيعة منحازة حتى النخاع .. ضد التيار الاسلامي على طول الخط .. تدعوا ضيوف التيار الاسلامي الى البرنامج الكمين بغرض التشويه .. و غير مسموح للضيف بالتعبير او الدفاع عن نفسه .. و عند محاولته الدفاع تبدأ المقاطعة من المذيعة مع اشراك مداخلات تليفونية منتقاة ، و ضيوف متحفيزين ، مع استمرار استفزاز الضيف .. بس الصراحة العيب مش على المذيعة او البرنامج المنحاز .. العيب على الضيف اللي قبل انه يشارك في برنامج غير موضوعي و سيئ النية زي البرنامج ده او غيره .


[youtube]http://www.youtube.com/watch?v=y3jg5vyhcWo[/youtube]

[aly_hosny]

دا صعب عليا
ولا اجابة مرتبطة بالسؤال
و حلف كدب و كفاية وشه لما منى قفشته
اجابات عايمة على كلام اهبل ميطلعش غير من شخص @^$%@$%
و للاسف الفاشية بقت سمة من سمات الاخوان من ساعة نجاح الثورة
من ساعة ما قالو مش هنشارك في مؤتمر الوفاق الوطني
لما شاركو في الحوار الوطني و بوظوه هما و بتوع الحزب الوطني
لما قالو انهم نزلو يوم 25 رغم انهم منزلين بيان رسمي انهم منزلوش
لما بيقولو من غيرنا كانت الثورة هتفشل

و دي بداية السقوط

[Dojuar]

ونحن معك في الطريق لتطبيق الشريعة الاسلامية بإذن الله

و ليذهب محامي الشيطان الى الجحيم هو و من عاونه

[aminibrahim]

يا مسهل

[hobiko]

أنا بس سؤال عايز أعرف اجابته ...... غير موضوع الحدود و فوائد البنوك و قانون حق الرؤية



فيه إيه من قوانين الدولة الحالية لا يتفق مع الشريعة الإسلامية ؟؟


السؤال للإفادة و ليس للجدال

[ecybrarian]

انا ضد المحامي صبحي صالح..وارى ان الشريعة تطبق معظمها في مصر كما قال عبد المنعم ابو الفتوح في نفس البرنامج في حلقة سابقة..وارى ان صبحي صالح (الذي تسرع في القسم بالله على الهواء ولم يكن صادقا) ليس هو الرجل المناسب لرفع قيمة الشريعة..لا تدافعون عن اي وكل إخواني..كل يأخذ منه ويرد..والاخوان ليسوا ملائكة..وأكثرهم خطأ هو صبحي صالح..الاخوان فيهم من هم افضل من صبحي صالح مائة مرة مثل عبد المنعم ابو الفتوح او حتى العوا (غير منضم للجماعة ولكن نفس المدرسة)

[ashouhdy]

دلوقتى بتهاجموا منى الشاذلى !! ياسبحان الله طبعا مالازم تدافعوا عنة مش ينتمى للجماعة ... يغلط يقول مقصدش بهذر ويحلف كدب تقوموا تهاجموا منى الشاذلى وتبرأوا ساحتة !! الاخوان هاجم ان لم تكن معايا صح غلط هاجم ومش بشوف قدامى غير رأيى .... سبحان الله حتى منى الشاذلى !!!!!!!!!!!!

[Forever.Leo]

دلوقتى بتهاجموا منى الشاذلى !! ياسبحان الله طبعا مالازم تدافعوا عنة مش ينتمى للجماعة ... يغلط يقول مقصدش بهذر ويحلف كدب تقوموا تهاجموا منى الشاذلى وتبرأوا ساحتة !! الاخوان هاجم ان لم تكن معايا صح غلط هاجم ومش بشوف قدامى غير رأيى .... سبحان الله حتى منى الشاذلى !!!!!!!!!!!!

حضرتك لو حلفتلي انه حلف كدب .. انا هصدقك انت ، بس لو حضرتك ما حلفتش ياريت ما تتسرعش في رمي الناس بالباطل .... و بصراحة انا معرفش ان منى الشاذلي من اولياء الله الصالحين غير من استغرابك اللي فات !

[human]

العيب عليهم هما الاتنين

هو بيقول كلام ينرفز و هيه بتقول كلام ينرفز
اعلام فاشل و ساسه فاشلين

كله بايظ

بصراحه يستاهلوا بعض

[smartchoice]

بصراحة كلامه كان مش تمام و قال تصريحات كتير عجيبة و انا مش بحب منى الشاذلى بس العيب على اللى بيدى الناس الفرصة
أنها تهاجمه و تقلل منه

[yousef1978]

طول عمري أتمنى إن منى الشاذلي تستغل قدراتها في إنها تكون حيادية

عارفين من فترة قريبة في موضوع كاميليا شحاته مثلا جابت واحد معادي للسلفيين ولكل ما هو إسلامي على الساحة ومرة طالب بقتل القرضاوي والبرادعي بحجة إنهم خارجين على طاعة ولي الأمر اللي هو حسني مبارك وفيه مستندات من امن الدولة بتفيد إنه عميل لأمن الدولة

وللأسف جابته كأنه يمثل السلفيين

بدل ما تجيب الدكتور عبد المنعم الشحات مثلا أو ناس مؤثرة ومتأصلة في السلفيين جابت واحد علشان يسئ إليهم وتدعي إنه من مدرسة السلفيين وجابت قدامه واحد مسيحي من مركز الأهرام وواحد تاني علماني

وطبعا الشيخ محمود عامر هبل وأرغى وأزبد وسفه السلفيين بقدر الحاجة المطلوبة وأزيد

منى عندها قدرات مناورة ومحاوة ممتازة لكن بتستغلها بشكل خاطئ

والصراحة لما عملت حوار مع العلامة الدكتور محمد عمارة من فترة طويله ما قدرتش تلعب معاه لأنه لا يسمح أبدا إن حد يقاطع كلامه او يتسلط عليه

ربنا يهدينا جميعا لما فيه الخير والصلاح للجميع

[otefa]

كلامه محترم وبمنتهى الصراحة والحيادية
من قالو لا يمتنعون هههههههههه
ده هزار بس أكيد هايتصيدو له أخطاء
الراجل دماغه حاضرة وذكي جدا بصراحة
ملحوظة صغيرة أنا لست عضو في أي تيار أو حزب
بس مش شايف غير الأخوان قدامي ..........وبصراحة منبهر جدا بهم ربنا يوفقهم أن شاء الله ويكونو وش الخير لمصر
ياريت لو حد عنده معلومة يقولي أزاي أنضم لحزب الحرية والعدالة
تحياتي

[ashouhdy]

حضرتك لو حلفتلي انه حلف كدب .. انا هصدقك انت ، بس لو حضرتك ما حلفتش ياريت ما تتسرعش في رمي الناس بالباطل .... و بصراحة انا معرفش ان منى الشاذلي من اولياء الله الصالحين غير من استغرابك اللي فات !

1- انا شفت الحلقة كلها وتبريرة بالقسم الخاطئ اية مخدش بالى ؟؟؟؟؟؟؟!! واية هو التسرع بالقسم بالله دة ؟؟؟ واية مخدتش بالى ؟؟؟ اذا كان هى بتقولة انا قاعدة جمب المعدة وهى بتقولك وانت قلتلها ييجى اللى ييجى يقوم يحلف ويقول مخدتش بالى ؟؟!!!

لأ ومصدقة... ذى الموضوع التانى بتاع كنت بهذر والناس فهمتنى غلط

ومالة اللى عايز يصدقة يصدقة هو حر !!!!


ورمى ناس اية اللى بالباطل ؟؟؟؟؟؟؟؟؟؟؟؟ الحلقة واضحة وكلامة واضح وضوح الشمس رمى بالباطل اية وكلام اية اللى رميت بية

وهو سعادتك اى كلام بتقولة وخلاص ؟؟؟؟ ومرة واحدة رميت الناس بالباطل ؟؟؟؟ بس هى جملة قوية الصراحة تدعم كلامك اللى الغير صحيح وتدعم دعمك وخلاص


2- منى الشاذلى الله اعلم ممكن تكون من اولياء الله الصالحين وانت سعادتك عرفت الغيب ؟؟؟!!! واشمعنا بتستهذئ بيها وعمالين ترموها بالباطل من اول الموضوع وسبت الكلام عليها ومسكت فى على الكلمة على صالح

مش شايف انة تناقد و انحياز مع الخطأ وخلاص .... ماهو من اول الموضوع والكلام شغال فيها ورمى بالباطل برضة حضرتك مقلتش كلمة لية ؟؟؟؟؟؟؟


و بعدين منى الشاذلى معروف عنها الحيادية التامة وانها من افضل محاورى مصر وبرنامجها من ايام الرئيس السابق كان مكسر الدنيا و بتتحاور مع اهم الناس .... ولا دلوقتى لما ذنقت الراجل ومعرفش يرد واقعد يقول كلام مرتبك وغير منظم بقت علمانية وبرنامج كمين وضدة ومنحازة و و و و و و

والست ليها مطلق الحرية تجيب ضيوف براحتها وتختارهم واللى مش عايز ييجى ييجى .... والراجل المفروض ان موقعة دلوقنى قوى لكن للاسف كلامة فى البرنامج كان سئ جدا



مش ممكن حاجة عجيبة ....

[otefa]

http://www.nilemotors.net/Nile/222426-a.html

http://www.nilemotors.net/Nile/221844-a.html

http://www.youtube.com/watch?v=2BZ7iSX8hOI&feature=player_embedded