لماذا الهجوم على صبحى صالح؟!!

[human]

أنا شايف أنه مش لتات...لكن عنده طلاقة في التعبير و قوه في الحجة و الدليل..متنساش أنه محامي

و أغلبهم خصوصا المشهورين منهم تشعر أنهم رغاييين...زي مرتضى منصور و فريد الديب و محمد حمودة و منتصر الزيات...الخ

أنما صبحي صالح أنا مش شايف بيتكلم على الفاضي...تصيد الإعلام هو السبب أنك شايفه لتات...لأنه على طول في موقف الدفاع

هو أيضا مش أسوء ثمرة...بالعكس أنا شايف أفضل من يتكلم باسم الاخوان..ان لم يكن باسم الاسلاميين

بالاضافة لأن منى الشاذلي جابته عشان يدافع عن موضوع الفلوطة

اتسقنا :)

اختلف
انا شايفه كان متلجلجا و كان باين عليه انه مش عارف يقول ايه و كل مايتكلم يورط نفسه زياده و كل ما يجى يشرح يغرق اكتر

الهلباوى بيتكلم باسم الاخوان برضه و دمث للغايه و ذكى و كمان فاهم ايه اللى يتقال و ايه مايتقلش

بس اللى طلع ده دعاية سيئه جدا

دلوقتى بقى عندنا تفضيل فى الجواز بناءا على المذهب السياسى و ديه جديده

[yousef1978]

السلام عليكم
يا جماعة يا ريت ما حدش يحاول يتضايق من كلامي ولا يحمله ما ليس في نيتي من إتهام لأحد
ربنا سبحانه وتعالى بيعلمنا منهج في التفكير والمناقشة وربما المناظرة
يقول سبحانه وتعالى :
بسم الله الرحمن الرحيم
قُلْ إِنَّمَا أَعِظُكُمْ بِوَاحِدَةٍ أَنْ تَقُومُوا لِلَّهِ مَثْنَى وَفُرَادَى ثُمَّ تَتَفَكَّرُوا مَا بِصَاحِبِكُمْ مِنْ جِنَّةٍ إِنْ هُوَ إِلَّا نَذِيرٌ لَكُمْ بَيْنَ يَدَيْ عَذَابٍ شَدِيدٍ
صدق الله العظيم

فمن الخطأ تناول قضايا مهمة ومصيرية ويتم مناقشتها بأسلوب التجمهر والمبارزة

لأنه ممكن يكون فيه واحد ألحن في حجته من الآخر على الرغم من أن ليس معه الحق

فانا اللي شايفه - وانا أشهد شهادة لوجه الله فقط - إن العلمانيين بيتصيدوا اخطاء للإسلاميين

ما حدش ما عندهوش أخطاء وكمان ما حدش ما عندهوش ما يفسر بطريقة خاطئة

لكن
1- ان نترك حوار كامل ونأخذ منه ما يثير الناس ونبدأ نحمله ما لا يحتمل من إهانات وتكفير للآخر فهذا خطأ
2- أن يتم إختصار تاريخ شخص في موقف أو راي معين قد يكون غير ذي تأثير في كيان الدولة فهذا خطأ
3- أن يتم اختصار تاريخ جماعة أو فئة في شخص يتم إعداده للإعدام المعنوي فهذا خطأ
4- أن يتم تفسير كل كلمة بحيث تسئ للآخر فهذا ليس خطأ ولكنه نية وأسلوب غير سوي
5- أن يقوم شخص بإلقاء خمسين تهمة على شخص آخر ويطلب منه أن يجيب في نصف ساعة أو ساعة كاملة فهذا نوع من العبث وليس الغرض منه فهم الآخر


أنا على فكره شفت البرنامج بالكامل على النت وكنت باعيده علشان أتأكد من امور

الدكتور خالد هو معروف معارضته لكل ما هو إسلامي
كما إنه بيحاول أن ينفي كل شئ عن القرآن الكريم ، فهو يهاجم وبشدة من يدعي أن للقرآن الكريم أي معجزات علمية رغم إنه دكتور طبيب يعني أكيد درس مراحل تطور الجنين في رحم أمه وأكيد بحكم إنه مسلم استمع ولو مرة واحدة للآية الكريمة ( ثم خلقنا النطفة علقة فخلقنا العلقة مضغة فخلقنا المضغة عظاما فكسونا العظام لحما ثم أنشأناه خلقا آخر فتبارك الله أحسن الخالقين ) صدق الله العظيم والتي أسلم بسببها العلماء الذين اكتشفوا مراحل تطور الجنين ،كما أنه يدافع عن أي شخص يتهم القرآن بأي تهمة

وللأسف فقد استخدم طريقة العيار اللي ما يصيبش يدوش
انا كنت رديت على موضوع زواج الإخواني من بنت في الصف وحللت إيه وجهات النظر المختلفة داخل الإخوان في هذا الموضوع

لكن لما سمعت حلقة منى الشاذلي والله حزنت
أولا من كم التهم التي ألقاها خالد منتصر
1- اتهم الإخوان بالفاشية وبتكفيثر الآخر وبالتجني على طه حسين وغيره من علماء العلمانية الذين أوضحوا واعلنوا بما ليس فيه مجال للشك بل وتفاخروا بعدائهم لفكرة اتخاذ الدين الإسلامي مرجعية لأي شئ في الحياة غير الصلاة والحج وربما الصوم
2- اتهم الإخوان بأنهم يسيئون للناس وأنهم يعتبرون مخالفيهم في الرأي شواذ جنسيا
3- اتهم صبحي صالح بأنه يعتبر ان من لا يتزوج إخوانية فيهو غير مكتمل الرجولة وووو
4- اتهم الإخوان بانهم يقصون الآخر
5- إتهم التاريخ الإسلامي بانه تاريخ عنف وظلم وقهر وقتل ووووو واستخدم مثال قتل الحاكم العباسي الذي عادى العلماء عندما قتل ابن المقفى واستدل به على أن حكام المسلمين يقتلون ويقطعون المعارضين في الرأي وأشعر المستمعين بان قتل وتعذيب الناس هو لب الشريعة الإسلامية
6- شكك في نية عبد المنعم أبو الفتوح
7- اساء إلى الشريعة الإسلامية واعتبر انها بتتجنى على غير المسلمين
8- إتهم الإخوان بأنهم يتكلمون بانهم يملكون الدين وأنهم فقط من يمثلون الإسلام
9- اتهم الإخوان بانهم يعتبرون أنفسهم الفئة الناجية وغيرهم من أصحاب النار
10- اتهم الإخوان بأنهم سيمنعون بناء الكنائس ومساجد لباقي الطوائف لمجرد أن صالح قاله إن الفكر الإسلامي الذي ننتمي إليه جميعا يعتقد أن الفئة الناجية هم أهل السنة والجماعة وهؤلاء غالبية المسلمين المصريين فاعتبر أن ذلك يعني أن الإخوان هيمنعوا بناء مساجد للشيعة لمجرد اعتقاد الإخوان بفساد عقيدة التشيع
11- تهجم على الذات الإليهة ضمنيا بنقله ان الله ليس له حق التدخل في السياسة واستحسن ذلك الرأي بكل وضوح
12- اتهام ضمني بان نظام الإسلام في الحكم سيتدخل في كل كبيرة وصغيرة رغم إن صالح وضح ان المقصود بالشريعة هو مقاصد الشريعة من عدل ورفاهية وتعمير للأرض والأحكام يقصد بها الأحكام قاطعة الثبوت قادطعة الدلالة مثل حد القتل والسرقة والزنا وقصف المحصنات وأن كل هذا له شروط قد يستحيل معها تطبيقها إلا على عدد لا يزيد عن الأربعة خلال أول ستمائة سنة من الحكم الإسلامي
13- تشتيت الناس وتضليلهم عندما سأل طيب هو نظام اختيار الحاكم هيكون بالتزكية زي اختيار ابو بكر أم من ستة زي عمر ولا بالوراثة زي أيام معاوية رغم ان صالح أكد له أن كل هذا فقه وطالما أنه فقه بشري فالذي يحكمه هو مصلحة البشر التي يتفقون عليها وفقا لمؤسسات دولة مدنية حديثه - يعني ربنا سبحانه وتعالى لم يفرض علينا طريقة معينة لإختيار الحكام والمسئولين ولذلك تطور هذا الأمر خلال تطور الدولة الإسلامية حتى لو اعتبرنا أنه نزل مستوى التطور لما تم توريث الحكم


هذه بعض الإتهامات التي أتذكرها لأن الفيديو سمعته بالأمس

والله حرام ان يكون هذا منهجنا في الحوار ولبناء دولة
وأعتقد أن أي منصف لن يصدق أن هؤلاء الذين يريدون تأجيل الإنتخابات ويملئون صدور العالم بالخوف والحقد على كل شئ إسلامي أنهم يبتغون رفعة هذا الوطن

أنا مش عارف العلمانيين عايزين إيه

لو هدفهم عدم سيطرة ما يطلقون عليه الإسلاميين فأعتقد أن العلمانيين والشيوعيين والمسيحيين يعلنون قبل أي أحد أن الإخوان لو اتنططوا مش هيمثلوا أكتر من ربع المجلس

والله إن أي واحد هيفكر كويس هيعرف أن لهم مآرب أخرى

لكن المشكلة إننا كنا زمان لما نقول للناس مبارك فاسد وحقير الناس كانوا يسمعوه وهو بيقول أيها الإخوة والأخوات ويصدقوه ويكذبونا
ودلوقتي بنقولكم على ناس عاملة نفسها وطنيين أكثر من الكل ونحن متأكدين ان قيام دولة حديثه في مصر وعادلة يعني تحويلهم للمحاكمة على ما سرقوه من عشرات مليارات الدولارات
لكن مين يصدق ومين يسمع

وتحياتي للجميع

[Dojuar]

اختلف
انا شايفه كان متلجلجا و كان باين عليه انه مش عارف يقول ايه و كل مايتكلم يورط نفسه زياده و كل ما يجى يشرح يغرق اكتر

الهلباوى بيتكلم باسم الاخوان برضه و دمث للغايه و ذكى و كمان فاهم ايه اللى يتقال و ايه مايتقلش

بس اللى طلع ده دعاية سيئه جدا

دلوقتى بقى عندنا تفضيل فى الجواز بناءا على المذهب السياسى و ديه جديده

لا أتسق معاك برضوا :)

عموما طالما بنتكلم عن أشخاص يبقى اختلاف عادي

أنت لو لاحظت أنه كان مرهق جدا....كان عصبي على غير عوايده

لو هو غلطان...يبقى غلطان في التوقيت و الموافقة على التواجد مع خالد منتصر

(لما انت جاي عشان تبرر كام جملة قلتها في مؤتمر...مالي أنا و مال ابن المقفع اللي شووه و أكلوه لحمه المشوي)

الخلاصة : لو أنت مضطر للدفاع...مش أقل أنك تختار ساحة المعركة

[otefa]

اختلف
انا شايفه كان متلجلجا و كان باين عليه انه مش عارف يقول ايه و كل مايتكلم يورط نفسه زياده و كل ما يجى يشرح يغرق اكتر

الهلباوى بيتكلم باسم الاخوان برضه و دمث للغايه و ذكى و كمان فاهم ايه اللى يتقال و ايه مايتقلش

بس اللى طلع ده دعاية سيئه جدا

دلوقتى بقى عندنا تفضيل فى الجواز بناءا على المذهب السياسى و ديه جديده

الراجل ماقلش كده
المقصود مع حيادية المستمع ليه ومايكونش واخد مواقف مسبقة منه بدليل أن المعنى وصلني ووصل لغيري أن أختيار الزوجة يكون الأفضلية فيه للمسلم بما وصانا به الرسول الكريم

الحرص على الزواج بالمرأة الصالحة .

قال الإمام البخاري رحمه الله (9/133):حدثنا يحيى عن عبيد الله قال:حدثني سعيد بن أبي سعيد عن أبيه عن أبي هريرة رضي الله عنه عن النبي صلى الله عليه وسلم قال"تنكح المرأة لأربع لمالها ولحسبها وجمالها ولدينها فاظفر بذات الدين تربت يداك"
وأخرجه مسلم (2/1086)


وده الفيديو
YouTube - ‫ط§ظ„ط§ط®ظˆط§ظ†ظٹ ط§ظ„ظ…ط³طھظپط² طµط¨طظٹ طµط§ظ„ط ظٹط¯ط§ظپط¹ ط¹ظ† ظ†ظپط³ظ‡ ظˆ ظٹط´ط±ط ظ…ط®ط·ط· ط§ظ„ط§ط®ظˆط§ظ† ظپظٹ ط§ظ„ط³ظٹط·ط±ط© ط¹ظ„ظ‰ ط§ظ„ظ…ط¬طھظ…ط¹‬‎

[otefa]

yousef1978
أحييك على تحليلك الموضوعي الممتاز
والكمال لله وحده بس فيه سيء وجيد وجيد جدا وممتاز بس مافيش فول مارك لسلوك البشر
أنا شايف الهجوم عليه من الأعلام مغرض جدا
مش هاتقولي بقه أزاي أنضم لحزب الحرية والعدالة ؟ فيه طريقة من على النت أون لاين؟
تحياتي

[hossam20102010]

أنا شايف أنه مش لتات...لكن عنده طلاقة في التعبير و قوه في الحجة و الدليل..متنساش أنه محامي

و أغلبهم خصوصا المشهورين منهم تشعر أنهم رغاييين...زي مرتضى منصور و فريد الديب و محمد حمودة و منتصر الزيات...الخ

أنما صبحي صالح أنا مش شايف بيتكلم على الفاضي...تصيد الإعلام هو السبب أنك شايفه لتات...لأنه على طول في موقف الدفاع

هو أيضا مش أسوء ثمرة...بالعكس أنا شايف أفضل من يتكلم باسم الاخوان..ان لم يكن باسم الاسلاميين

بالاضافة لأن منى الشاذلي جابته عشان يدافع عن موضوع الفلوطة

اتسقنا :)

احسن من يتحدث باسم الاخوان او باسم الاسلاميين عموما

1- سليم العوا

2- محمد حبيب

3- عبد المنعم ابو الفتوح

4- عصام العريان

[Dojuar]

هوا محدش بيتسق معايا ليه

ههههههههه

[Dojuar]

[youtube]http://www.youtube.com/watch?v=Gv2Vha1m6f0&feature=feedu[/youtube]

[yousef1978]

yousef1978
أحييك على تحليلك الموضوعي الممتاز
والكمال لله وحده بس فيه سيء وجيد وجيد جدا وممتاز بس مافيش فول مارك لسلوك البشر
أنا شايف الهجوم عليه من الأعلام مغرض جدا
مش هاتقولي بقه أزاي أنضم لحزب الحرية والعدالة ؟ فيه طريقة من على النت أون لاين؟
تحياتي

جزاك الله خير - ده من ذوقك بس


أنا للأسف بره مصر حاليا - لكن اللي يسأل ما يتوهشي

تقبل تحياتي

[hossam20102010]

هوا محدش بيتسق معايا ليه

ههههههههه

يا باشا انا متسق معاك

(كده وكده) هههههه

بس هو يعنى ايه متسق ؟ __^__

[Dojuar]

يا باشا انا متسق معاك

(كده وكده) هههههه

بس هو يعنى ايه متسق ؟ __^__

أنت مبتشوفش عمرو حمزاوي؟

[otefa]

هوا محدش بيتسق معايا ليه

ههههههههه

أنا متسق بس على أيه ههههه

جزاك الله خير - ده من ذوقك بس


أنا للأسف بره مصر حاليا - لكن اللي يسأل ما يتوهشي

تقبل تحياتي

وأنا شرحه برضه لو منزلتش قبل الأنتخابات أبقى أشوفلها حل أن شاء الله وأقولك

[otefa]

أنت مبتشوفش عمرو حمزاوي؟

أها.......مستخسره في الليبرالية والله يجي منه في الأسلامي متحدث لبق بس مكسوف يقول أن معظم كلامه ومبادئه =أسلامي

[Dojuar]

معظم كلامه ومبادئه =أسلامي

كده مش هانتسق

[youtube]http://www.youtube.com/watch?v=Eyax6mL5ER0[/youtube]

[hossam20102010]

أنت مبتشوفش عمرو حمزاوي؟

اه .... هذا لا يتسق مع مبادىء الدولة المدنية


صح افتكرت :)