مقدم على شراء شاش تلفزيون lcd وعندى شوية استفسارات ارجو الاجابه عليها

[hossam_elwani]

مقدم على شراء شاشة تلفزيون lcd وعندى شوية استفسارات ارجو الاجابه عليها

مبدئيا انا حصرت اختيراى بين lg و samsung

32 بوصه


1 - ايه المواصفات الفنيه الى على اساسها اقارن بين الموديلات؟

2- ماهى جميع انواع االمخارج والمداخل الى بتيجى فى التلفزيون ووظيفتها ؟

3- هل شاشة بحجم 32 بوصه مناسبه لمساحة غرفة معيشه 6.5*4.5 م

4- هل كبل hdmi يأتى مع التلفزيون ؟؟

5- انا من اسكندريه وعايز اعرف افضل وارخص مكان اشترى منه اى من الماركتين دول وهل بى تك وكارفور من ضمن الاماكن حتى ولو بدون عروض خاصه ؟؟

6- هل فعلا فيه شاشات بها ويرلس ؟ واذا كان ماهى الرسيفيرات التى تتواصل مع هذا النوع من التلفزيونات ( مع العلم انى عايزه hd ويفك شفرة القنوات من النت )

7- هل استاند الحائط بيجى معاه ولا لازم اشتريه ومنين ؟؟

8- ماهى قنوات hd الى موجوده على النايل سات مشفره او مفتوحه ؟؟

9- ماهو فرق السعر بين lcd و led فى شاشة من نفس الحجم والنوع ؟؟

معلش اسئله كتير بس انا دقيق شويه فى اختيار اى حاجه بشتريها .......

[M.Yahia]

متابع

[abd_el_7amid]

بص ياباشا
انا عندى lg 32 محترم و بقاله 3 سنين ومفيهوش اى مشاكل ... لكن التكنولوجيا كل يوم بتتطور يمكن تكون سامسونج نزلت حاجة احسن
لكن على العموم الماركتين محترمتين
اعتقد الشاشة هتكون مناسبة جدا لغرفة المعيشة ...كابل hdmi لا ياتى مع الجهاز...ولا استاند الحائط..وفرق السعر كبير بين led & lcd
معلش دى الحاجات اللى انا عارفها .... ان شاء الله عضو اخر يفيدك

[aif]

انا زيك بالظبط ووصلت لما يلي
ال جي موديل 5300 سعره حوالي 3400 تقريبا ....
سامسونج موديل c4000 سعره حوالي 3600 تقريبا ...
الجهازين LED ولهم USB لعرض الافلام والكونتراست بتاعهم عالي جدا
وجميع الاسعار بدون حامل حائطي
الحامل الحائطي في حدود 100 جنية برة التوكيلات
اعتقد السامسونج افضل قليلا التباين الحقيقي بتاعه 1: 250.000
وخلي بالك عشان فيه اكتر من موديل في السامسونج
الاسعاردي في القاهرة مش عارف اليكس اخبار اسعارها ايه
مبروك مقدما

[hossam_elwani]

انا زيك بالظبط ووصلت لما يلي
ال جي موديل 5300 سعره حوالي 3400 تقريبا ....
سامسونج موديل c4000 سعره حوالي 3600 تقريبا ...
الجهازين led ولهم usb لعرض الافلام والكونتراست بتاعهم عالي جدا
وجميع الاسعار بدون حامل حائطي
الحامل الحائطي في حدود 100 جنية برة التوكيلات
اعتقد السامسونج افضل قليلا التباين الحقيقي بتاعه 1: 250.000
وخلي بالك عشان فيه اكتر من موديل في السامسونج
الاسعاردي في القاهرة مش عارف اليكس اخبار اسعارها ايه
مبروك مقدما

طيب حضرتك حاسس بالفرق بين lcd و led ؟؟

وياريت صفحة المواصفات الخاصه بالشاشه بتاعتك ..

[mr_kenawy]

مقدم على شراء شاشة تلفزيون lcd وعندى شوية استفسارات ارجو الاجابه عليها

مبدئيا انا حصرت اختيراى بين lg و samsung

32 بوصه


1 - ايه المواصفات الفنيه الى على اساسها اقارن بين الموديلات؟
البوصة اولا , و المخارج , و ما اذا كان full hd من عدمه , و السمك و الشكل العام , و اكيد فيه حاجات تانية بس متخصصة قوى المستخدم العادى مش هتفرق معاه.

2- ماهى جميع انواع االمخارج والمداخل الى بتيجى فى التلفزيون ووظيفتها ؟
1- rf لاريال التلفزيون "القنوات الارضية".
2- اوديو فيديو - المعروفة الموجودة فى التلفزيونات من التسعينات و يمكن استخدامها فى نقل الصورة و الصوت من ريسيفر مثلا.
3- كومبونانت , و دى زى الاوديو فيديو بس خماسية مش ثلاثية و بتدى جودة اعلى.
4- فتحة الهاى ديفينشن.


3- هل شاشة بحجم 32 بوصه مناسبه لمساحة غرفة معيشه 6.5*4.5 م
ثبت من واقع التجربة ان كل ما الشاشة كانت اكبر فده احسن و افضل بغض النظظر عن مساحة الغرفة , انا عندى شاشتين 42 واحدة راكبة فى صالة كبيرة و واحدة راكبة فى غرفة صغيرة , باستمتع باللى فى الغرفة اكتر بكتييييييييييييييييييييير.
4- هل كبل hdmi يأتى مع التلفزيون ؟؟
لأ بييجى مع الريسيفر الهاى ديفينشن

5- انا من اسكندريه وعايز اعرف افضل وارخص مكان اشترى منه اى من الماركتين دول وهل بى تك وكارفور من ضمن الاماكن حتى ولو بدون عروض خاصه ؟؟
بيتهيقلى بى تك و كارفور مميزين فى الحاجات دى - انا جبت من بى تك

6- هل فعلا فيه شاشات بها ويرلس ؟ واذا كان ماهى الرسيفيرات التى تتواصل مع هذا النوع من التلفزيونات ( مع العلم انى عايزه hd ويفك شفرة القنوات من النت )
ما اعتقدش , فيه شاشات فيها بلوتوث لنقل حاجات بسيطة كصورة مثلا لكن وايرلس للربط بين الشاشة و الريسيفر ما سمعتش عنه.

7- هل استاند الحائط بيجى معاه ولا لازم اشتريه ومنين ؟؟
لأ , بتشتريه من اى مكان بيبيع شاشات فى حدود 150 جنيه.

8- ماهى قنوات hd الى موجوده على النايل سات مشفره او مفتوحه ؟؟
دريم , بعض قنوات الجزيرة و بعض قنوات الشو تايم , و انيمل بلانيت , من الاخر دريم بس هى اللى مفتوحة.

9- ماهو فرق السعر بين lcd و led فى شاشة من نفس الحجم والنوع ؟؟
فرق كبير فى السعر , فرق ضئيل فى جودة الصورة بالنسبة لاستخدامنا العادى.

معلش اسئله كتير بس انا دقيق شويه فى اختيار اى حاجه بشتريها .......

[hossam_elwani]

شكرا على الرد المفصل

بس عايز اعرف هل جهاز نقل الاشاره يعمل بشكل جيد مع شاشات lcd

بالنسبه للشراء انا حشترى من بى تك هل اسعاره ثابته فى جميع فروعه ؟؟ وهل يقبل فيزا ؟؟

وهل هو الارخص عن المحلات التجاريه ولا عامل زى عمر افندى الحاجه دايما بزياده 100 و 200 جنيه عن بره ؟؟

[hesham2004]

عن تجربة ال LED افضل بكتير من ال LCD ، و يا سلام لو كمان التليفزيون و الريسيفر HD مع كابل اصلى من عند راديو شاك ،
و دور على الأبوبشنز الى حتستعملها ، علشان ما تدفعش فلوس اكتر من الازم ، يعنى مثلا مداخل ال HDMI مهمة ، البلوتوث غير مهم ، مداخل ال USB , USBH, مهمة و ال Internet TV ، مش مهم ،
اما بالنسبة لحجم الشاشة ، اعتقد ان 32 بوصة صغير جدا ، على الأقل 40 بوصة لغاية 50 بوصة ، و فى فى الانترنت مواقع بتنصح بحجم الشاشة المناسبة لكل حجرة .

[marsguy]

أنا بس حاب أقولك نصيحه

سامسونج نزلت موديلات جديده بس لسه ما سعرتهاش

هايسعروها بعد إسبوعين. أنا كنت في التوكيل يوم الجمعه وقالولي كده

[mohmdomar]

عن تجربة ال 32 صغيرة خالص الا لو حتحطها في اودة ,كانت عندي وبعتها وجبت ال 42 بلازما

وهاتلك ال 42 البلازما احسن , صورتها بتبقي احسن من ال LCD وماتسمعش كلام اللي يقلك ان عمرها الافتراضي اقل لأن لو بصيت علي الكتالوج بتاع الشاشتين حتلاقي مكتوب فيه نفس العمر الافتراضي.... زائد ان اسعارها ارخص من الLCD بكتير ونصيحة لو قدرت تزود المبلغ شوية تجيب البلازما ال 3D ونوعها LG بردو وبـ 5000 تقريبا في Spinneys

[JapRuleZ]

مفيش حاجة اسمها ماركة افضل من التانية
دول زى مرسيدس و بى ام كده
شوف ال specs و قارن
بعد 250000 الcontrast مش بتفرق lcd و led

[hossam_elwani]

عن تجربة ال LED افضل بكتير من ال LCD ، و يا سلام لو كمان التليفزيون و الريسيفر HD مع كابل اصلى من عند راديو شاك ،
و دور على الأبوبشنز الى حتستعملها ، علشان ما تدفعش فلوس اكتر من الازم ، يعنى مثلا مداخل ال HDMI مهمة ، البلوتوث غير مهم ، مداخل ال USB , USBH, مهمة و ال Internet TV ، مش مهم ،
اما بالنسبة لحجم الشاشة ، اعتقد ان 32 بوصة صغير جدا ، على الأقل 40 بوصة لغاية 50 بوصة ، و فى فى الانترنت مواقع بتنصح بحجم الشاشة المناسبة لكل حجرة .

طيب ايه الفرق بيم usb و usbh ؟؟

وايه استخدام البلوتوث وnternet TV ؟؟

[hossam_elwani]

عن تجربة ال 32 صغيرة خالص الا لو حتحطها في اودة ,كانت عندي وبعتها وجبت ال 42 بلازما

وهاتلك ال 42 البلازما احسن , صورتها بتبقي احسن من ال lcd وماتسمعش كلام اللي يقلك ان عمرها الافتراضي اقل لأن لو بصيت علي الكتالوج بتاع الشاشتين حتلاقي مكتوب فيه نفس العمر الافتراضي.... زائد ان اسعارها ارخص من الlcd بكتير ونصيحة لو قدرت تزود المبلغ شوية تجيب البلازما ال 3d ونوعها lg بردو وبـ 5000 تقريبا في spinneys

بكام البلازما 42 بوصه ؟؟

[mohmdomar]

انا بتاعتي جبتها ب 2900 lg من كارفور وقت ما كان فيه عرض.

[hesham2004]

طيب ايه الفرق بيم usb و usbh ؟؟

وايه استخدام البلوتوث وnternet TV ؟؟

ال USB HDD هو فتحة لتوصيل USB Hard Disk و طبعا دى اوبشن جميلة جدا ، لأنها تمكنك من التخزين عليه و هو متوصل بالتليفزيون او تشغيل الأفلام مثلا ، زى الفلاشة بس طبعا سعة تخزينية كبيرة جدا و اسرع فى الأستجابة مع التليفزيون
و ال internet@TV ، دى سيرفس عملاها سامسونج بيها تتفرج على برامج و افلام عن طريق الأنترنت عن طريق وصلة ال LAN فى التليفزيون ، بس مش شغالة فى مصر على التلفزيون و لاكن ممكن تشتغل على اجهزة تانية زى Blu-ray Players
البلوتوث بيستخدم لتشغيل المالتىميديا من اى جهاز زى الموبايل مثلا على التليفزيون