مقدم على شراء شاش تلفزيون lcd وعندى شوية استفسارات ارجو الاجابه عليها

[dreslam]

البلازما لازم تكون في غرفه مش بيدخلها شمس كتير يعني اضاءه متوسطه ..ولو مش بيخشها شمس اصلا تبقى ميه ميه..البلازما عن تجربه حتى وان كانت مش full hd بتبقى تحفه
انا عندي بلازما سامسونج بمدخلين يو اس بي متعه..بس لو كانت اياميها ال lg 3d معروضه كنت جبتها من غير تردد

[hesham2004]

عن تجربة ال 32 صغيرة خالص الا لو حتحطها في اودة ,كانت عندي وبعتها وجبت ال 42 بلازما

وهاتلك ال 42 البلازما احسن , صورتها بتبقي احسن من ال lcd وماتسمعش كلام اللي يقلك ان عمرها الافتراضي اقل لأن لو بصيت علي الكتالوج بتاع الشاشتين حتلاقي مكتوب فيه نفس العمر الافتراضي.... زائد ان اسعارها ارخص من الlcd بكتير ونصيحة لو قدرت تزود المبلغ شوية تجيب البلازما ال 3d ونوعها lg بردو وبـ 5000 تقريبا في spinneys

مع احترامى لرأيك يا استاذ محمد ، بس انا ليا راى فى البلازما رغم ان الصورة فعلا افضل بكتييير من ال lcd و لاكن العمر الأفتراضى فعلا اقل لأن الشاشة مشحونة بغاز و دى بيتحلل و ليه عمر افتراضى و لا يمكن اعادة ملوها و حتلاقى الصورة بعد فترة ابتدت تبهت و تعتم بعكس الأل سى دى مصنوعة من الكريستال السائل و بتعتمد على الأضاءة فى اظهار الصورة فبالتالى يمكن اصلاح الشاشة بتغيير لمبة النيون ( على فكرة الفرق الأساسى بين ال lcd و led هو طريقة الأضاءة الخلفية للشاشة ) ، بالأضافة الى استهلاك الكهرباء الأل سى دى استهلاكها اقل ، وزن البلازما اكتر بكتير من الأل سى دى ، البلازما زاوية واحدة امامية للرؤيا الجيدة بعكس الل سى دى بتوصل زوية الرؤيا حتى 160 درجة ، اما للأمان الأل سى دى مبيصدرش منا اى اشعة بعكس البلازما بيصدر منها اشعة فوق بنفسجية ، طبعا فيه فروق كتيير بينهم ، الخلاصة بلاش تتفرج على التليفزيون و نام بدرى احسن لك

[Ahmed.Fahmy]

4.5 * 6 متر لازم 42 بوصة وعن تجربة
Samsung احسن حاجة من حيث كواليتى الشاشة وبردو عن تجربة
السعر حوالى 5000 42"

[hossam_elwani]

متابع الااراء ........................

[hossam_elwani]

مازلت متابع الاراء ايه احسن موديل فى lg او sansung

42 بوصه فى حدود 4000 جنيه وبه كل ما ذكر سلفا

[hossam_elwani]

وعايز اعرف لما اجيب الشاشه والرسيفير ايه الشكل المناسب لوضعهم على الحيطه فى العالى عشان الاولاد ولعبهم

[essam10]

انا ياجماعة بقالى فترة ب تابع جميع الموضوعات والاراء لانى اريد شراء شاشة 32" وايضا تفحصت جميع الماركات والموديلات وخصائص كل موديل ووصلت الى قناعة محددة وهى:
- اشترى شاشة led ماركة Samsung اوLG
- اذا كانت سامسونج يبقى series 5 او اعلى
- اذا كانت lg يبقى الموديل 32LE4500 لانه .full high def اما موديل 32LE5300 فهو لا يدعم هذه الخاصية
- فرق السعر لصالح lg

[hossam_elwani]

انا جبت 42LD460 LG



ودى مواصفاتها

المميزات الرئيسية
سماعات خفية
FULL HD 1080P
Dolby Digital
DivX HD
Smart Energy Saving Plus
Clear Voice ||
AV Mode
HDMI


بالتفصيل

esolution: 1920X1080
Dynamic Contrast Ratio: 100,000:1
Response Time: 4.0ms
Audio Output: 15W+15W
Energy Saving: 5 Modes (Off/Minimum/Medium/Maximum/Screen off)
Picture Mode: 8 Modes (Vivid, Standard, Natural, Cinema, Sport, Game, Expert1, Expert2)
Sound Mode: 5 Modes (Standard, Music, Cinema, Sport, Game)
وفيها ابوشن للتوزيع الجيد للاضاءه على الحواف مثل LED

سعرها 4800

ايه رأيكم

اختيار موفق ولا ؟؟

[mohmdomar]

الف مبروك يا باشا اختيار موفق ان شاء الله

رغم اني لو منك كنت جبت البلازما ال 3d تقريبا نفس السعر بس واضح ان حضرتك مش مقتنع بالبلازما عموما

[SAMEH_FOUAD]

بالنسبة للنوعين انا جربت الاتنين جنب بعض فى محل فى وسط البلد وكنت بقارن بين سامسونج و lg وتوشيبا وسونى

طلعت فى الاخر ان حاجة من الاتنين لازم اشتريهم يأما سامسونج او سونى

وبالنسبة لسامسونج ال 5 series full h defination 32 inch جامد جدا وسعرة 3200 جنية lcd

اما بالنسبة للسامسونج او ال lg بتكنولوجيا ال led فدة بيبقى hd فقط مع وجود كل الاوبشن اللى موجودة فى ال full high defenation وسعرة 3350 l.e

البلازما لا انصح بشراءة لانة جودة الصورة بتقل بعد فترات بعيدة ومابترجعش زى الاول حتى بعد اعادة شحنها

بالنسبة للفرق مابين ال led وال lcd فاعتقد كدة ال lcd يكسب لانة full hd مقابل led بس hd فقط

[hossam_elwani]

الف مبروك يا باشا اختيار موفق ان شاء الله

رغم اني لو منك كنت جبت البلازما ال 3d تقريبا نفس السعر بس واضح ان حضرتك مش مقتنع بالبلازما عموما

والله انا شفت البلازما وانبهرت بالوانها ومواصفاتها الفنيه

بس للاسف مفيش اى حد اسأله عنها الا ويقول بلاش احسن التقنيه دى انتهت مع ان سعرها كان ارخص بكتير

يمكن تكون نقطة ضعفها العمر والدعم والصيانه

[hossam_elwani]

بالنسبة للنوعين انا جربت الاتنين جنب بعض فى محل فى وسط البلد وكنت بقارن بين سامسونج و lg وتوشيبا وسونى

طلعت فى الاخر ان حاجة من الاتنين لازم اشتريهم يأما سامسونج او سونى

وبالنسبة لسامسونج ال 5 series full h defination 32 inch جامد جدا وسعرة 3200 جنية lcd

اما بالنسبة للسامسونج او ال lg بتكنولوجيا ال led فدة بيبقى hd فقط مع وجود كل الاوبشن اللى موجودة فى ال full high defenation وسعرة 3350 l.e

البلازما لا انصح بشراءة لانة جودة الصورة بتقل بعد فترات بعيدة ومابترجعش زى الاول حتى بعد اعادة شحنها

بالنسبة للفرق مابين ال led وال lcd فاعتقد كدة ال lcd يكسب لانة full hd مقابل led بس hd فقط

من خلال معلوماتى ونظرة العين اقدر اقولك ان فى حجم 32 بوصه مش حيفرق hd عن full hd

يفرق بس فى الاحجام الكبيره عشان بكسلة الصوره مع الحجم يعنى فلوس على الارض

والله اعلم

[hossam_elwani]

بس فى ملاحظه وحاسس انها مشكلة االشاشه او ما تفتح الخلفيه سودا ومعاها شعار lg المهم فى تسريب نور ابيض فى الركن الايسر السفلى مع ساحبه الى اليمين قليلا ومش موجود فى اى جزئيه تاني فى الخلفيه السواده وفى وضع التشغيل الطبيعى مش بلاحظ اى فرق فى الالوان خالص (يعنى الملاحظة دى فى الخلفيه السودا فقط ) هل ده طبيعى ؟؟

[SAMEH_FOUAD]

من خلال معلوماتى ونظرة العين اقدر اقولك ان فى حجم 32 بوصه مش حيفرق hd عن full hd

يفرق بس فى الاحجام الكبيره عشان بكسلة الصوره مع الحجم يعنى فلوس على الارض

والله اعلم

الفرق واضح بالعكس دة واضح جدا فى ال 32 بوصة وعموما كلهم كويسين سواء lg او سامسونج