إعـــــــلان

Collapse

.

,
See more
See less

الواحد يبقى شهم و طيب ولا يتقتل و لا يتسرق مش عارف ! حتعملوا ايه في الموقف ده ؟

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    الواحد يبقى شهم و طيب ولا يتقتل و لا يتسرق مش عارف ! حتعملوا ايه في الموقف ده ؟

    السلام عليكم ,

    موضوع بسيط بس اتخانقت بسببه خناقة كبيرة جدا !
    طبعا اانتم عارفين الوقت والجو الي احنا فيه و بطلجية و حرامية .. والبوليس لسة بيدور على نفسه !
    فمبقاش في حد واثق في حد وكله بيحاخد حرص زيادة شوية ضد اي حاجة ...

    من كام يوم كنت في العربية انا و المدام, ماشيين في شارع جانبي متفرع من مكرم عبيد بس مظلم شوية .. الشارع ده في اخره جامع معروف يعني نسبيا, المهم .. كنت واقف على جنب بتكلم في التليفون .. لقيت واحدة ست كبيرة في السن ( 65 فما فوق ) و شكلها مش شحاتة يعني .. بتخبطلي على القزاز .

    المدام بتترعب من اي حاجة و قالتلي مفتتحش القزاز و امشي !
    بصراحة فضولي غلب عليا و فتحته ..
    نعم يا حاجة في حاجة ؟
    - والنبي يابني انا رايحة الجامع الي في اخر الشارع و رجلي مش قادرة تشيلني و ابني حيجيلي كمان شوية هناك, ممكن بس تاخدني معاك لاخر الشارع ؟

    طبعا المدام فعصت ايدي و بتهمسلي بصوت واطي "لأ لأ لأ لأ لأ لأ لأ لأ لأ لأ "
    معرفش ... حسيت ان الست بشوشة يعني و عجوزة حتعملي ايه ...

    -اركبي ياحاجة ... ركبت و قعدت تدعيلي لحد ماوصلنا (مسافة قصيرة جدا ) و نزلت من العربية و شكرتني تاني و شكرت مراتي

    هي نزلت من هنا و المدام انفجرت فيا ! انا مقدر قصدها ايه .. بس برده مش عارف حاسس ان حكمي على الناس حيعفيني من مواقف ممكن لاقدر الله تبقى في شكل اخر ...

    المهم, بعدها بالصدفة بكلم واحد صاحبي قالي ان اخوه حصله نفس الموقف و واحدة ست عجوزة برده .. بس قالتله على حتة كدة يخش فيها و طلع عليه ناس و قلبوه و سابوه في العربية بعد علقة حلوة و الست مشيت معاهم..

    طبعا محكتش القصة دي للمدام علشان ممكن مباتش في بيتنا انهاردة :)

    ياترى المفروض الواحد يعمل ايه في موقف زي ده ؟
    اقولها لأ معلش مستعجل .... مش عارف ارفض ازاي حاجة زي كدة ...

    كل مافتكر اليوم ده ..

    افتكر اليوم الي كنت عندي سيتي سنتر في مكرم عبيد برده ... و راجل موظف او حاجة كدة ( لابس البدلة بتاعة موظفين الحكومة ) قاعد على النافورة الي برة و عمال "يحسبن" و يدعلي لله بالانفراج .. بس مكانش بيشحت يعني و سبحان الله لقيت قطة صغيرة واقفه جانبه عمالة تصوت عايزة تطلع تشرب تقريبا ولا ايه ..

    والله الراجل قام قلع الحذاء بتاعه . و حد في ماء من النافورة ... و قربه للقطة و شربت منه !!

    يعني راجل شكله عند كرب او كارثة الله يعينه لما شاف قطة محتاجة شربها ... وان الي الحمد الله راكب عربية و مستورة الحمد الله شفت واحدة قد والدتي محتاجة حاجة بسيطة جدا ... انفضلها ؟؟

    ولا الوقت ده مش بتاع شهامة و جدعنة .. مش عارف بصراحة .

    ايه رايكم ؟؟؟
    الكلمات الدلالية (Tags): الموقف, الواحد, ايه, سهل, طيب, عارف, ولا, يبقي, يتسرق, يتعلموا, يتقتل
  • #2
    بصراحه مش عارف ارد عليك . انت عندك حق و المدام عندها حق.
    [img3]http://nileup.com/up/uploads/nilemotors_13674813821.jpg[/img3]

    Comment

    • #3
      سؤال في غاية الصعوبة في الظروف اللي إحنا فيها دي.
      اللي حصل حصل و متتعبش نفسك في التفكيركتير، إنت ربنا هداك في ساعتها لقرار و طالما نيتك خير ربنا مخذلكش و كمان خدت ثواب كبير و دعوة حلوة من الست الكبيرة.
      لو الموقف إتكرر تاني مش عارف أقولك إيه بصراحة بس لو راجل أو شاب بالتأكيد ملهاش معنى أو لازمة إنك تقفله و كمان لو لوحدك في العربية غير لو حد معاك.
      على كل أنا متابع معاك ردود الزملاء.

      Comment

      • #4
        أنا أضم صوتي للمدام. خليك في السليم أحسن بالذات في الفترة الصعبة اللي إحنا فيها
        [FONT="Arial Black"][SIZE="3"]قال صلى الله عليه وسلم (كلمتان خفيفتان على اللسان ثقيلتان في الميزان (سبحان الله وبحمده .... سبحان الله العظيم)[/SIZE][/FONT]
        mhdside سابقا

        Comment

        • #5
          مع تقديري لموقفك النبيل لكن أعتقد المدام عندها حق وبغض النظر عن الموقف اللي حصل أنت تجاهلتها وتجاهلت توسلاتها ليك مع أنها ست وضعيفة وقلبها مش زي قلبك فأكيد بتصرفك دة حطيتها في موقف صعب .
          [CENTER][SIZE=3][/SIZE] [/CENTER]

          Comment

          • #6
            كان نفسى اجوبك - بس انا فى نفس حيرتك
            [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


            [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
            [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

            [/CENTER]
            [/CENTER]
            [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

            [CENTER] _______________[B]
            [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

            [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
            [/CENTER]
            [B][COLOR=Blue][B][SIZE=2]
            اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

            _______[COLOR=Blue]_______________
            [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

            Comment

            • #7
              انا اصلا باتصرف زى ما أنت اتصرفت كده
              وتقريبا مراتى نفس نظام مراتك برضه وبرضه أنا بمشى الى فى دماغى
              بس حكايتك ديه خوفتنى
              مش عارف بعد كده هعمل ايه
              [B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
              غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]

              Comment

              • #8
                المشكله ان البلطجيه خلاص هيخلونا نتخلى عن طبعنا ...الشهامه. طبعنا كمصريين..احنا كده نحب نساعد حتى لوكان حد غريب.بس مينفعش خالص اليومين دووول علشان الشهم بيبقى جزاءوه السرقه والبهدله.معلش المدام كان عندها حق اوى وياريت كلنا ناخد حذرنا وربنا يعدى الايام دى على خير

                Comment

                • #9
                  طيب ما نحلل الموضوع و نفكر بطريقة مختلفة شوية....
                  1- احنا للاسف فى وقت صعب و بالتالى يغلب فيه منطق الحرص على السلامة الشخصية على الرغبة فى مساعدة الاخرين.
                  2- الست زى ما انت بتقول مش شحاتة، لكنها فى نفس الوقت كانت عايزة توصيلة ببلاش.
                  3- الحل الوسط هو ان انت- و زى ما انت بتقول- كنت بتتكلم فى التليفون و بالتالى غالبا راكن فى مكانك شوية و بالتالى كان ممكن تقولها كده- و تعرض عليها انها تستنى جنبك لغاية متوقف لها تاكسى. و بكده تكون عرضت تساعدها لكن بغير الطريقة المباشرة اللى هى كانت عايزاها.... و بكده هتحصل عدة احتمالات:
                  أ. تكون هى نصابة و عايزين يعملوا معاك زى ما حصل فى القصة التانية... و بعرضك موضوع التاكسى تكون فوتت عليهم الفرصة لسرقتك....
                  ب. تكون هى فعلا ست محترمة و تقدر تدفع اجرة التاكسى و بالتالى هتشكرك و تمشى و تقولك انا هوقف تاكسى.
                  ج. تكون هى ست محترمة برضه لكنها متقدرش على اجرة التاكسى و بالتالى اما هتتكسف و تقرر تكمل مشى- و ساعتها انت هتكون عملت اللى عليك و حاولت تساعده- و اما هتقبل عرضك و ساعتها هتكون ساعدتها- بس مش بالطريقة المباشرة اللى هى كانت عايزاها و اللى ممكن تسبب لك انت و مراتك قلق او خناق فيما بعد

                  Comment

                  • #10
                    لا طبعا حضرتك غلطان انا بقول كده وللاسف
                    والمفروض تسمع كلام مراتك لو حضرتك مش خايف على نفسك يبقى علشان خاطر مراتك كفايه انها اكيد كانت مرعوبه وخايفه

                    لكن لو حضرتك لوحدك بقه او معاك واحد صحبيك راجل يعني ساعتها ممكن تتصرف زي متصرفت
                    بس نصيحه لوجه الله بلاش تعمل كده تاني وانت معاك المدام
                    وربنا يعدي الفتره دي على خيييييييييير يارب
                    سبحان الله وبحمده سبحان الله العظيم

                    Comment

                    • #11
                      طبعاااااا غلطااااااااااااااااااااااااااااان للاسف !
                      اللى حيضيع بلدنا : الفهلوة و كلمة باشا و معلش و أصل


                      [SIGPIC][/SIGPIC]

                      Comment

                      • #12
                        لا حضرتك غلطان طبعا...

                        فى المرحلة الى بتمر بيها البلد حاليا من بلطجة و انعدام للامن فى بعض المناطق

                        كل ديه اشتغالات قديمة زى واحدة عجوزة عايزاك توصلها..... او بنت عالصحراوى عاملة ان العربية عطلت منها عشان اى حد ينزل من عربيته ... يروح بعد كدة يطلع ناس يثبتوه وممكن ياخدو العربية كمان

                        الحل الوسط عشان لو انت مقدر انها غلبناة وعايزة تروح مستشفى مثلا

                        اديها 5 ولا 10 جنيه تمن التكس وخلاص

                        Comment

                        • #13
                          انما الاعمال بالنيات وربنا هداك لما فيه الاصلح ليك.

                          عندى نفس الموضوع المدام بتقلق من اى حاجة وعشان كدة ولا بفتح بقى مع حد وانا ماشى ولا بوصل حد لاى مكان وهى معايا.ولو انا لوحدى بعمل اللى عاوزه.بمعنى من كام يوم ماشى من عند مستشفى الماظة ولقيت راجل كبير الساعة 12 الضهر فى عز الحر وشكله غلبان وكبير فى السن بجلابية وبيقول بصوت شبه واطى اخر الشارع يا ابنى.روحت واقف وتعالى يا والدى. وقبل ما نوصل اخر الشارع بساله انت رايح فين اصلا يا حاج.قاللى المطرية وانا سبحان الله كنت رايح الحلمية.قلتله طيب خليك بقى يا حاج وهنزلك الحلمية اعذرنى واركب حاجة انت المحطة ديه.طبعا كمية دعاء ولا احلى واروع.

                          طبعا لو معايا مراتى .للاسف مكنتش حتى افكر اقف.وده لانها بتقلق ولان الظروف اللى احنا فيها متخلنيش هبقى مطمن وحد قاعد ورايا وورا مراتى.
                          [marq="3;right;3;scroll"]لا حول ولا قوة الا بالله العلى العظيم
                          [/marq]

                          Comment

                          • #14
                            مستحيل حد غريب يركب في عربيتي .. فية تاكسيات ومكروباصات علشان الموضوع ده ؟

                            برضوا واحد شاب قبل كدا عند ميدان جهينة قالي وصلني لحد اخر الشارع .. كنت رايح ناحية طريق اكتوبر بتاع الواحات .. والشارع ده ضلمة وطويل .. بصيلتة وقولتة لاء ؟
                            [CENTER][shr71=http://img230.imageshack.us/img230/7454/gen2mainext02.jpg]Gen Lovely 2[/shr71][/CENTER]

                            [CENTER][SIZE=3][COLOR=purple][COLOR=black][COLOR=black][COLOR=blue][COLOR=black][COLOR=slategray]♥[/COLOR] [/COLOR]G[/COLOR][COLOR=darkred]e[/COLOR]n [COLOR=darkred]2[/COLOR] [COLOR=blue]A[/COLOR]st[COLOR=darkred]o[/COLOR]ni[COLOR=darkred]s[/COLOR]hin[COLOR=blue]g[/COLOR]ly St[COLOR=darkred]y[/COLOR]lis[/COLOR][COLOR=blue]h [/COLOR] [/COLOR][/COLOR][/SIZE][/CENTER]

                            Comment

                            • #15
                              في الظروف دي درء الضرر اولي من جلب المنفعة
                              بس انما الاعمال بالنيات وان شاء الله اجرك كبير
                              وانما الامم الاخلاق ما بقيت فان هم ذهبت اخلاقهم ذهبوا
                              [SIZE=6][SIZE=5][B]الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين<!-- google_ad_section_end -->[/B][/SIZE] [/SIZE]
                              [B][SIZE=6]كن عالما أو متعلما أو محبا للعلم ولاتكن الرابع:3_3_102[1]:[/SIZE][/B]

                              Comment

                              السابق 1 2 3 4 template التالي
                              Working...
                              X