إعـــــــلان

Collapse

.

,
See more
See less

الواحد يبقى شهم و طيب ولا يتقتل و لا يتسرق مش عارف ! حتعملوا ايه في الموقف ده ؟

Collapse
X
 
  • Filter
  • الوقت
  • Show
Clear All
new posts

  • #16
    انا شاكر لردوكم كلها .

    بس فعلا الواحد ممكن يكون موضب حاجة في دماغه للمواقف الي زي دي, بس وقت الموقف نفسه بتصصرف بتلقائية او بعفوية مش عارف ..

    عامة الحمد الله على كل شيء ويارب تعدي الايام دي على خير.

    Comment


    • #17
      دة الواحد بيركب قافل السنتر وفاتح 2 سنتى من الازاز وجمبى فى الباب حاطط الاليكتريك شوك

      تقوم انت ياراجل فاتح الازاز والباب ومركبها لأ ومعاك مراتك ؟؟؟؟؟؟؟؟؟؟؟؟ افرض فتحت الباب كان نط جوة العربية عيل صايع بمطوة كنت عملت اية ؟؟؟

      دة مش وقت جدعنة وربنا يسترها علينا
      اللى حيضيع بلدنا : الفهلوة و كلمة باشا و معلش و أصل


      [SIGPIC][/SIGPIC]

      Comment


      • #18
        مش عارف انا حصلي نفس الموقف بس كان واحد شاب كنت بسأل على عنوان قالي انا كده كده رايح هناك و بيقولي خدني معاك و كده الراجل شكله بشوش و طيب بس انا ماردتش و مشيت و انا قلبي بيتقطع لأن الجو كان حر بشكل فظيع بس نعمل ايه حسبي الله و نعم الوكيل في اللي خلا البلد كده

        Comment


        • #19
          لو اجتمع الانس والجن على ان يصيبوك بشيء لن يصيبوك بشيء الا قد كتبه الله عليك
          [CENTER][SIZE="3"]حسبى الله ونعم الوكيل :36_2_33: [/SIZE][/CENTER]

          Comment


          • #20
            فى حالة فزع فى الطرق ومحدش بقى مأمن لاحد خلاص . اعتقد اللى انت عملتة غلط طالما معاك مراتك او ولادك انما لو لوحدك ممكن حسب الظروف واللى يهديك ربنا لية ساعتها.

            عايز اقولكوا انى ماشى فى شارع رمسيس الرثيسى ولقيت مرة واحد ناس بتجرى على رجلها عايز اقولك كل العربيات حولينا وانا منهم قلقنا موت و حسينا ان فى مصيبة بعدها بدقيقة عرفنا ان فى حادثة وناس ده رايحة بتجرى تساعد

            اللى اقصدة اننا دلوقتى فى حالة قلق وكل واحد مقلق حتى من العربيات اللى حولية

            حاجة تانية بقى انا حاسس ان معظم العربيات كلها دلوقتى اسلحة من كل لون يا قلبى ههههههههه

            يوم الجمعة بليل الساعة حوالى 1 على كورنيش المعادى عند مركب كرستال وبنزين التعاون يمين عربيتن ملاكى وتاكسى عاملين حادثة والله العظيم يا خونا وانا خلاص معدى جنبهم واحد طلع مسدس وضرب نار فى الهوا !! لك ان تتخيل بقى انا فى ثانية كنت جريت بعيد ههههههههههه
            :what:

            Comment


            • #21
              الزميل صاحب الموضوع نصيحتى لك لآ بلاش ممكن جدا يكون كمين منصوب لك فى أخر الشارع . أنت قصدك جامع الايمان .
              القصة أن حد يشاور لك و يركب معاك منتشرة جدا فى مدينة نصر عند النادى الاهلى و من زمان خصوصا الولاد الى فى المدرسة بيشاورو لآى عربية يركبو فيها لآخر الشارع و مرة من سنتين كدة كانت سيدة مش كبيرة يعنى ممكن 50 سنة كدة الولاد الى فى المدارس واحد شاور لها الست وقفت بحسن نية بصت لقت حوالى 5 عيال من المدرسة نطو ركبو فى العربية أتخضت و صرخت كل العربيات الى كانت ماشية وقفت للست و زعقو جامد فى العيال و قولنا لها ما تركبيش عيل و لا طفل معاكى دة كان من زمان أما الفترة الحالية صدقنى بلاش أنا شخصيا من أنصار مبدأ السلامة أولا و شايل فى العربية كذا حاجة بس لو فية أمكانيى لتجنب المشكلة قبل وقوعها يكون افضل غصب عنك وقعت فى المشكلة أقلبها حرب شعواء زى ما أنت عاوز و على فكرة الى حا يقلب واحد أنسب مكان أنة يقلبة فى شوارع جانبية مش شوارع رئيسية على فكرة ولو المدام معاك ما تركبش عيل صغير حتى و هو راكب فى الكنبة الخلفية خطرة أكبر من لو راكب فى الكرسى الامامى

              Comment


              • #22
                المشاركة الأصلية كتبت بواسطة ahmed_su مشاهدة المشاركة
                كان نفسى اجوبك - بس انا فى نفس حيرتك
                باشا ما تركبش ما يصعبش عليك حد ممكن جدا يكون كمين و لو ركب حد جنبك و أنت سايق و ثبتك بمطوة أديلة الى هو عاوزة و لما ينزل من العربية هههههههههههههههههههههههههههههههه
                لو معاك حاجة أعمل زى الراجل الى أتصرف عند كوبرى الجامعة ههههههههههههههه بجد مفيهاش هزار

                Comment


                • #23
                  نصيحة لوجه الله سمعتها من رئيس محكمة هنا في الإمارات

                  أسوأ شئ إنك تفكر تقاوم هجوم مسلح وانت ما ةعندكش القدرة

                  دي لا فيها جدعنه ولا غيره

                  الراجل قاللي حتى لو شرطى ولقي إن ميزان القوى مش في صالحة فما يضحيش بنفسه علشان يمنع سرقة
                  لا يسيب الحرامي يمشي بسلام وبعدين يبدأ يفكر إزاي يجيبه ويحاسبه
                  ولو معرفش يجيبه يبقى في داهية الحاجات اللي سرقها ولو سيارتك أو هدوك حتى بس المهم تحافظ على حياتك وحياة من معك

                  تحياتي
                  [SIZE=4][COLOR=darkred][SIGPIC][/SIGPIC]بسم الله الرحمن الرحيم [/COLOR][COLOR=darkred][COLOR=darkgreen][B](حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ )[/B] [/COLOR][/COLOR][COLOR=darkred][COLOR=darkred]صدق الله العظيم. [/COLOR][/COLOR][COLOR=blue]سورة يوسف.110[/COLOR][/SIZE]

                  Comment


                  • #24
                    المشاركة الأصلية كتبت بواسطة yousef1978 مشاهدة المشاركة
                    نصيحة لوجه الله سمعتها من رئيس محكمة هنا في الإمارات

                    أسوأ شئ إنك تفكر تقاوم هجوم مسلح وانت ما ةعندكش القدرة

                    دي لا فيها جدعنه ولا غيره

                    الراجل قاللي حتى لو شرطى ولقي إن ميزان القوى مش في صالحة فما يضحيش بنفسه علشان يمنع سرقة
                    لا يسيب الحرامي يمشي بسلام وبعدين يبدأ يفكر إزاي يجيبه ويحاسبه
                    ولو معرفش يجيبه يبقى في داهية الحاجات اللي سرقها ولو سيارتك أو هدوك حتى بس المهم تحافظ على حياتك وحياة من معك

                    تحياتي
                    _+++++++++++++++++ 11111111111111111
                    بالظبط كدة و لو طلعت سلاح و ما أستخدمتهوش و معرفتش تحمى السلاح الى معاك و تحمى نفسك بالعربى كدة حا يتعلم عليك و حا يتاخد منك و تنضرب بية
                    لو فية أمكانية لتجنب المشكلة خير و بركة غصب عنك أتحطيت فى المشكلة طبعا قاوم بقدر المستطاع طلعت سلاح من معاك خلص و عور بسرعة البرق و أنسحاب سريع من المكان

                    Comment


                    • #25
                      صعب جداً ان حد يطلب من عربية ملاكي غريبة انها توصله لاي مكان وممكن جداً يكون كمين
                      انا بعمل كدة بس لما بتبقى الدنيا زحمة ومفيش مواصلات والناس بتبقى واقفة مستنية حاجة تركبها لو لقيت ست كبيرة او راجل عجوز بقف واركبه من غير ما هو يطلب ،انما لو حد طلب مني مستحيل اركبه معايا

                      Comment


                      • #26
                        لو الشهامة واخدة حئها اديها 5 جنيه واقولها خدي تاكسي لأخر الشارع انما حد يركب العربية
                        noooooooooooooooo
                        اللهم ارحم والدي الرحمة الواسعة وأموات المسلمين أجمعين وأكتب لنا رفقتهم في جنة الفردوس يا كريم يارحيم يا الله

                        Comment


                        • #27
                          الاخذ بالاسباب ... طبعا اليومين دول مش ممكن ابدا اعمل اللى انت عملتة ابدا حتى لو كانت بتموت.
                          مصطفى إسماعيل

                          mostafaismail سابقا

                          Comment


                          • #28
                            المشكلة ان حالات كتير بتكون بداية للتسول او النصب قبل الاحداث واحد عمل نفسه دايخ وتعبان وقفتله وركبته وصعب عليه قلتله عايز حاجة يا ولدى قالى لا ان بس عايز اكشف فى المستشفى اللى فاول فيصل عيون واذن وقلب المهم قالى انا مش عايز اى حاجة انا عايز اكشف بس اخدته ورحت اقطع ثلاث تذاكر كشف الموظف بيسالنى الاسم ايه قلت مش عارف دول للحج ده راح فطسان من الضحك بقوله فيه ايه قالى دا كل يوم يجى عشر مرات والناس تقطع له ويجى يرجع التذاكر قلت للموظف وانت ازاى تقبل كده قالى بيقعد يتخانق ويزعق والناس اللى واقفين للكشف بيتعاطفوا معاه فبنريح دماغنا - ----- - ومرة واحد بقى بيه بدله نظارة مفاتيح ريموت موبايل غالى وانا كنت بركن جالى وقالى معلش عربيتى عطلانه قلت محتاج وصله ولا حاجة قالى لا هى اصلها شطبت بنزين وهى بتاخد بنزين 95 ومعيش فلوس عايز 20 جنيه وللحظ كانت هى اللى فجيبى وبعد حوالى 5 ايام لاقيته جاى ونفس الفيلم قلتله هو انت لسه مشترتش البنزين ضحك ومشى

                            Comment


                            • #29
                              بص يا كريم
                              العقل بيقول كلام المدام صح
                              لكن انا لو في مكانك
                              ح اقول ....
                              استفتي قلبك ولو أفتوك
                              ...
                              اكيد الواحد بيبقى له نظرة في الناس وح يعرف يقدر نواياهم
                              ولو كانت مخاطرة ...... لكن احيانا قلبك بيغلب عقلك ..... واحنا في الآخر بشر مش آلات
                              ربنا يجزيك خير
                              [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                              [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                              [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                              Comment


                              • #30
                                الندالة كنز لا يفنى

                                ياريت الواحد كان يقدر
                                مصر هتفضل غالية عليا
                                -------------------------------
                                الديك الحلبي هايفضل يدن لغاية ما يتدبح

                                Comment

                                Working...
                                X