مبروك الاعدام لحسني مبارك ورجالته

[kamatsho]

انا اتفرجت على الفيديو من حوالى 3 ساعات
وواضح ان كلام الراجل اللى مع هاله سرحان ده صح
وفعلاً موضوع الكاميرات ده حقيقى
وبيكون موجود فى الفنادق نفس الكاميرات __ كاميرات مراقبه من بره وجوه فى الطرقات والمداخل
صحبى شغال فى فندق كمبنسك الفندق ده على الكورنيش بعد فندق سميراميس بحوالى 500 متر
وكان بيجيب بالكاميرات بتاعت الفندق ايام الثوره الاحداث اللى بتحصل على كوبرى قصر النيل .. وطبعاً استغربت من قوة الكاميرات وسألته معقول الكاميرات عندكوا بتجيب لحد كوبرى قصر النيل ؟؟ !!
قالى يابنى الكاميرات بتجيب لحد كوبرى اكتوبر وميدان التحرير .. قالى ان الكاميرا الواحده بتعدى الـ 15 الف جندى
وكان بيصور مشاهد بالكاميرات وييصورها بالموبيل ويسجلها عنده
ولما سألته طب الفيديوهات دى بتروح فين ؟؟
قالى انهم بتتسجل بالسنه والشهر واليوم والساعه والدقيقة ... على هارد ديسك فى الكنترول عندهم .. وبيتم افراز الهارد ديسك كل 12 شهر تقريبا

[م. عمرو شرف]

بسم الله الرحمن الرحيم


طبعا انا كاتب الكلام ده كلو واهتميت اني اعمل كدة علشان عارف ان في ناس كتير في المنتدى بتطالب بعدم محاكمة مبارك لانه ببساطة برئ والناس اللي حواليه هو اللي مغرقينه والكلام الغريب اللي بنسمعه كتير ده

وحسبي الله ونعم الوكيل في كل متواطئ

هو بجد فيه حد هنا فى المنتدى بيقول كده

النصيبة ان اللي حيروح مع مبارك فيها هو المشير لأنة عمل تصرف ورطة في الموضوع لما راح يوم 30 يناير يزور القوات دية عند ماسبيرو

إذن هي تبعة .. الخبطة أكبر من مبارك وحتمس ناس في المجلس العسكري

ايوة دة صحيح ان فعلا الحرس الجمهوري يأتمر بأمر القائد الأعلي للقوات المسلحة لكن زيارة القائد العام تعني موافقتة ودعمة لتصرفاتهم .. إذن هو مسؤول

هقولكم على حاجه ضباط الجيش فهمومها كويس يوم الزياره وفى ناس خدت بالها

المشير لما نزل وسلم على أول عسكرى من اليمين سأله سلاحك أيه ( لأن كلهم لابسين زى بعض ) العسكرى رد وقال حرس جمهورى , المشير قفل من الرد وسابه على طول وراح يسلم على الباقيين

مفهومه مش كده

يا ريت حد ينزل الفيديو من على النت

لكن برضه الحق يتقال , لما المتظاهرين راحوا عند بيت مبارك يوم ما مشى , الحرس الجمهورى نزل مدافع الدبابات للأرض مع أن مبارك كان واقف فى شباك قصر الأتحاديه وشايف المتظاهرين وشايف قوات الحرس الجمهورى وعارف معنى حركة الدبابات دى أيه.

وبرضه المتظاهرين عرفوا أن مبارك مشى لما واحد من الحرس الجمهورى طلع على سطح البيت وفضل يلوح بعلم مصر

مبارك بعد ما راح غرفة العمليات وبعد التصوير ما خلص قال لازم المظاهرات تتفض ورد عليه بالترتيب :

طنطاوى قال لأ مش هضرب حد
عمر سليمان قال لمبارك مينفعش الجيش يضرب
التالت وهو اللى خلى مبارك يسكت هو قائد الحرس الجمهورى لما قاله مينفعش يا ريس , لأن ده كلمته فيصل فى غرور وتكبر مبارك

ملحوظات مهمه : .

1- ضباط الحرس الجمهورى بيتنقلوا بين الجيش والحرس الجمهورى , يعنى هما ضباط جيش عاديين ( غير مجموعة الحراسات الخاصه ومكافحة الارهاب بالرئاسه )

2- الحرس الجمهورى يتبع رئاسة الجمهوريه ولا سلطان لوزير الدفاع عليه

3-أنا مش ضابط فى الحرس الجمهورى علشان محدش يقول أنى بدافع عنهم لأنى منهم

2- أنا بقول وقائع حصلت فعلا

[human]

كل الناس بتجتهد و بتتكلم
بس مافيش حقيقه واحده

[tamer_a7]

النصيبة ان اللي حيروح مع مبارك فيها هو المشير لأنة عمل تصرف ورطة في الموضوع لما راح يوم 30 يناير يزور القوات دية عند ماسبيرو

إذن هي تبعة .. الخبطة أكبر من مبارك وحتمس ناس في المجلس العسكري

لا المشير ما لهوش دعوه من قريب ولا بعيد
القوات اللي كانت موجوده في التحرير وحتي بعد معركه الجمل هيه قوات الحرس الجمهوري وهيه اول من انتشر في التحرير
لانه هيه المجهزه للنزول الي الشوارع

الحرس الجمهوري لا ياتمر بامر حد غير الرائيس وليس له ممثل في المجلس العسكري

وطبعا لا يفتي ومالك في المدينه

هو بجد فيه حد هنا فى المنتدى بيقول كده





هقولكم على حاجه ضباط الجيش فهمومها كويس يوم الزياره وفى ناس خدت بالها

المشير لما نزل وسلم على أول عسكرى من اليمين سأله سلاحك أيه ( لأن كلهم لابسين زى بعض ) العسكرى رد وقال حرس جمهورى , المشير قفل من الرد وسابه على طول وراح يسلم على الباقيين

مفهومه مش كده

يا ريت حد ينزل الفيديو من على النت

لكن برضه الحق يتقال , لما المتظاهرين راحوا عند بيت مبارك يوم ما مشى , الحرس الجمهورى نزل مدافع الدبابات للأرض مع أن مبارك كان واقف فى شباك قصر الأتحاديه وشايف المتظاهرين وشايف قوات الحرس الجمهورى وعارف معنى حركة الدبابات دى أيه.

وبرضه المتظاهرين عرفوا أن مبارك مشى لما واحد من الحرس الجمهورى طلع على سطح البيت وفضل يلوح بعلم مصر

مبارك بعد ما راح غرفة العمليات وبعد التصوير ما خلص قال لازم المظاهرات تتفض ورد عليه بالترتيب :

طنطاوى قال لأ مش هضرب حد
عمر سليمان قال لمبارك مينفعش الجيش يضرب
التالت وهو اللى خلى مبارك يسكت هو قائد الحرس الجمهورى لما قاله مينفعش يا ريس , لأن ده كلمته فيصل فى غرور وتكبر مبارك

ملحوظات مهمه : .

1- ضباط الحرس الجمهورى بيتنقلوا بين الجيش والحرس الجمهورى , يعنى هما ضباط جيش عاديين ( غير مجموعة الحراسات الخاصه ومكافحة الارهاب بالرئاسه )

2- الحرس الجمهورى يتبع رئاسة الجمهوريه ولا سلطان لوزير الدفاع عليه

3-أنا مش ضابط فى الحرس الجمهورى علشان محدش يقول أنى بدافع عنهم لأنى منهم

2- أنا بقول وقائع حصلت فعلا

[dr_magdi2009]

هالة سرحان اللى عاوزة مبارك يتعدم ...............ياحسرتاه على البلد و على الربيضة اللى زهقونا فى عيشتنا..

علشان خاطرى راجعو تاريخ هالة سرحان ......... احسن هى بقت خلاص من الاحرارا و بتعلب على مشاعركم

[samoevil911]

بص هو دليل بس مش مبروك الإعدام اوي

لسه بدري على الكلام دا

عشان منتعشمش اوي ونزعل

:d

[Ghosts]

أنا أول واحد بيتمنى تنفيذ حكم الأعدام على مبارك وعصابتة ....
عشان يكون درس و عبرة لكل الأجيال اللى جاية ....
بس بيتهيألى أن تنفيذ الحكم دة صعب أوى ....
أعتقد أن أقصى عقوبة بالنسبة لمبارك ....
هتكون السجن المؤبد ....

[Amro_ON]

بس قوات الحرس الجمهوري مبتخدش اوامر غير من الحاكم العسكري يعني المشير ملوش دعوة بيهم
والله اعلم

+++11111111111

[hobiko]

بص هو دليل بس مش مبروك الإعدام اوي

لسه بدري على الكلام دا

عشان منتعشمش اوي ونزعل

:d

طب انت ايه رأيك يا اسامة ..... قانونيا

تفتكر فيه ما يكفى من أدلة لأدانته ..... او بصفه عامة انت شايف ايه ؟؟؟؟

[aminibrahim]

انا مش مع مبارك وانا مع القضاء


لكن هاله سرحان ------ والله دي اخرها تدير ماخور

الناس راحت تقابلها في المطار بالطبل البلدي وهي ايام الثوره كانت قعده تتفرج


ارحمونا من العالم ال--------- والا بلاش

[hosammoner]

الراجل ده لو كان كويس كان ربنا ستر عليه لكن هوا مش كويس عشان كدا ربنا بيفضحوا كل يوم بحاجة وسايبه يتذل كدا وهوا شايف الناس اللى كانت بتعظمه فى حكمه بتشتم فيه دلوقتى وولاده اللى كانوا ساندينه محبوسين سبحانك يارب تعز من تشاء وتذل من تشاء

[M.Mostafa80]

الراجل ده لو كان كويس كان ربنا ستر عليه لكن هوا مش كويس عشان كدا ربنا بيفضحوا كل يوم بحاجة وسايبه يتذل كدا وهوا شايف الناس اللى كانت بتعظمه فى حكمه بتشتم فيه دلوقتى وولاده اللى كانوا ساندينه محبوسين سبحانك يارب تعز من تشاء وتذل من تشاء

انت جبت خلاصة الخلاصه
لو اجتمع قوم على ان ينفعوك بشئ فلن ينفعوك الا بأذن الله ولو اجتمع قوم على ان يضروك فلن يضروك الا بأمر الله
فعلا ربنا جعل الراجل دا ايه لأنه وصل لمرحله نكران وجود الله وقدرته واعتقد ان هو مخلد فى الحكم وان مفيش حد يقدر يحاسبه لكنه كان غافل عن ما لا ينام ولا يغفل ولكن يمهل ولا يهمل

[heshamzaky]

و كمان سى دى هدية لة زيادة
............... منقول ................

سلمت النيابة العامة لمحكمة الاستئناف برئاسة المستشار السيد عبد العزيز عمر، 16 أسطوانة قرص مدمج "cd" وكارت "فلاش ميموري" يحتوى على باقى معلومات وتحقيقات القضية رقم 3642 لسنة 2011 جنايات قصر النيل، المتهم فيها الرئيس السابق محمد حسنى مبارك بقتل المتظاهرين، والاستيلاء على أموال الدولة، والحصول على عمولات فى صفقات الأسلحة، وملف تصدير الغاز المصرى إلى إسرائيل.

وكشف مصدر قضائى لـ"اليوم السابع"، أن جهات التحقيق قامت باستكمال ملف القضية وأرفقته منفرداً عن باقى الأوراق التى بلغ عددها 21 ألف ورقة ، نظراً لاحتواء تلك الأجزاء من التحقيقات على معلومات سرية يمكن أن تضر بالأمن القومى ، فضلاً عن إرفاق العديد من التقارير السيادية المرتبطة بملف القضية حول بعض صفقات السلاح وملف تصدير الغاز المصرى لإسرائيل للحفاظ على سرية تلك المعلومات.

وأضاف أن هناك أقوالا أدلى بها الرئيس السابق محمد حسنى مبارك حول بعض الاجتماعات السرية التى جمعته ببعض المسئولين الأجانب، لعقد صفقات السلاح، لا بد من الحفاظ على سرية تفاصيلها، وهو الأمر الذى تطلب وضع هذه المعلومات على أقراص مدمجة حتى لا يكون الوصول إليها سهلاً.

جدير بالذكر أن محكمة الاستئناف حددت جلسة 3 أغسطس المقبل، لبدء محاكمة الرئيس السابق محمد حسنى مبارك ونجليه علاء وجمال، ورجل الأعمال الهارب حسين سالم أمام الدائرة الخامسة بمحكمة جنايات شمال القاهرة برئاسة المستشار أحمد فهمى رفعت.

وأسندت له النيابة تهم القتل العمد والشروع فى القتل للثوار، واستغلال النفوذ والإضرار المادى للمال العام والتربح، والاشتراك مع حسين سالم، فى الحصول على عمولات من صفقة تصدير الغاز لإسرائيل، فيما يواجه نجليه تهم التربح والاستيلاء على المال العام عن طريق استغلال منصب والدهما.

[م.احمد زكريا]

مش عارف انا شفت الفيديو من وجهة نظر تانية.

دلوقتي الحرس الجمهوري نزل يأمن المنشات الحيوية من اهمها مبنى التليفزيون وخصوصا بعد الاشكال الضاله الدخلته وبدأت تكسر فيه باديها ورجليها يوم جمعة الغضب.

والمعروف ان اليوم ده كان فيه مظاهرة في مصطفى محمود وعند التليفزيون مؤيدين لمبارك بعد الخطاب المعروف.

وكان وجود الخيول والكريتات والجمال شيء غريب استدعى وقوف قوات الحرس الجمهورى والشرطة العسكرية المكلفين بحراسة التليفزيون بالشكل ده (كردون) لحماية المبنى وليس لتنظيم دخول الخيول للميدان.

ده تصوري ورؤيتي الباينة من الصورة

والله أعلم

[_Ahmed_casper_]

ياااااارب الاعدام يا حسنى
بس فى حاجه عماله تتكرر فى الموضوع . الحرس الجمهورى الحرس الجمهورى ايه دليل حضرتك ان الحرس الجمهورى كان ورا اللى حصل و الكلام ده؟
الحرس الجمهورى ده جييييش تانى و جواه معظم الاسلحه اللى فى الجيش بل و متطوره اكتر كمان يعنى لو كان الحرس الجمهورى وقف جمب مبارك و عمل زى الامن المركزى اقسم بالله كان اباد ميدان التحرير بالكامل و بعدين اول يومين الجيش نزل فيهم كان كلهم حرس جمهورى و منزلش اى حد من الجيش فى اول يومين
الوحيد اللى كان بيحامى لمبارك هو حبيب العادلى بالامن المركزى و امن الدوله غير كده كله اشتغالات
و بعدين هاله سرحان ايه بس دانا كل مره ببقا نفسى اتفرج على برنامجها بقشعر من القرف