اختى كان جايلها عريس وغير رايه لما عرف انها دكتوره

[megamoudy]

السلام عليكم و رحمة الله و بركاته ................

بداية أستاذى الفاضل زى ما حضرتك عارف و كل الناس عارفين إن الجواز قسمة و نصيب و أكيد إن شاء الله ربنا هيرزق أخت حضرتك بإنسان أنسب ليها بلاش نقول أحسن من إللى فات لإنه أكيد إنسان كويس و هى برده إنسانة كويسة بس ممكن يكونوا مش متوافقين مع بعض فربنا إن شاء الله هيبدلها الخير و يبارك لها فيه إن شاء الله .

أنا من وجهة نظرى المتواضعة بشوف إن الدكاترة بيبقى عندهم مشكلة فى أوقات شغلهم يعنى نظرا لحساسية عملهم و أهمية ما يقومون به من دور فعال فى المجتمع بإختلاف تخصصاتهم و خصوصا بالنسبة للسيدات أو البنات الدكاترة ففيه بعض الرجال بيخافوا من الجزئية ده إن ممكن مراته يتصلوا بيها فى وقت متأخر أو حتى وقت غير مناسب لإن فيه حالة حرجة أو طارئة و محتاجينها و طبعا نظرا للقسم إللى بيقسموه فطبعا لازم يلبوا النداء أولا و شرف المهنة فوق كل شىء ففيه رجالة ما بيقدروش يستحملوا الموضوع ده و أنا عندى زميل ليا فى الشركة مهندس زى حالاتى متزوج دكتورة أطفال بس إيه مش عايز أقولك .

أنا شايف إن السبب فى الحالة إللى حضرتك بتقول عليها إنه مش موافق مش علشان هيه أعلى منه فى الشهادة لإن هما الإتنين معاهم شهادة عالية و هي طبعا هتكون فخر ليه مش علشان شهادتها و لكن بأخلاقها و طباعها و لكن ممكن يكون علشان المواعيد و الأوقات بتاعت العمل و كده و ممكن يكون هو خايف إن ده يأثر على الحياة الزوجية و الواجبات المنزلية و تربية الأطفال بس أنا عن نفسى مش معاه خالص فى الموضوع ده لو كان ده هو السبب طبعا

+1111111111111111
الكلام ده مظبوط

اذا كان احنا الاطباء .......... بنخاف من البنات الاطباء .......... عشان حكاية الوقت بس هما بالنسبة لينا اكتر ناس هتقدر ومش هيفرق معاها لما الكلام ده يحصل من جوزها الطبيب لأنها عارفة ظروف وطبيعه العمل

[megamoudy]

ههههههههههههههه

فكرتني ياباشا باللي حصل معايا

تقريبا نفس الحوار حصل معايا
بس هي فكرت بالعقل شوية لقت نفسها هتظلم نفسها جدا وهتظلمني معاها

هي بدأت تاخد قرارا مع نفسها بدون اي ضغط مني بتقليل ساعات العمل لاقل حد ممكن لدرجة الحمد لله انها بدات تظبط نفسها على الساعة 6 تكون في بيتها لكن تعمل ايه بقى في المواعيد المفاجأة ؟؟؟؟؟؟؟

هي لوحدها والله اللي بدأت تاخد الاتجاه ده دون تشجيع مني او محاولة لاعاقتها
ومؤخرا بتفكر جديا انها تسيب كل شغلها وتفتح عيادة بتاعتها بمواعيد ثابته وتكتفي بكده

الدكاترة السيدات قبل الجواز احلام وطموحات وردي وجبارة جدا بعد دخول الجواز قليلا منهم ما يصمد

+ دول العاقلات من الطبيبات بس :)

[waelfarid]

اهم حاجة السعادة الزوجية والتكافؤ المقبول علشان الشيطان بيلعب بمفك في دماغ الزوجين طول الوقت من اي مدخل مؤهل ماديات جمال وانت ماشي

[MaZaGAngeE]

ههههههههههههههه

فكرتني ياباشا باللي حصل معايا

تقريبا نفس الحوار حصل معايا
بس هي فكرت بالعقل شوية لقت نفسها هتظلم نفسها جدا وهتظلمني معاها

هي بدأت تاخد قرارا مع نفسها بدون اي ضغط مني بتقليل ساعات العمل لاقل حد ممكن لدرجة الحمد لله انها بدات تظبط نفسها على الساعة 6 تكون في بيتها لكن تعمل ايه بقى في المواعيد المفاجأة ؟؟؟؟؟؟؟

هي لوحدها والله اللي بدأت تاخد الاتجاه ده دون تشجيع مني او محاولة لاعاقتها
ومؤخرا بتفكر جديا انها تسيب كل شغلها وتفتح عيادة بتاعتها بمواعيد ثابته وتكتفي بكده

الدكاترة السيدات قبل الجواز احلام وطموحات وردي وجبارة جدا بعد دخول الجواز قليلا منهم ما يصمد

يا ابو صلاح العقل و المراة دول حاجتين عكس بعض خالص ....................
أنا مع تعليم المرأة نعليم عالي و حتى كمان دراسات عليا .... بس دورها في الحياة في البيت بس مش مطلوب منها تفتح بيت و لا تصرف على بيت ( الا في بعض الحالات الخاصة القليلة و النادرة ) ..
كل المطلوب منها تشوف طلبات جوزها الأول و أولادها تانيا و بيتها ثالثا .... بس كده ...
مش عايزين منهم حاجة تانية ... همه بس يسدوا على دول الأول و بعدين يقولوا نشتغل

[heshamzaky]

أستاذ moustafa_saad بجد أخت سعادتك أنسانة ممتازة و أن شاء الله ربنا حا يكرمها بجد اخر كرم عارف لية لآنى حسيت أنها أنسانة معندهاش أى كبر و لا غرور و متواضعة و تفكيرها سليم و عاقل مش زى بعض الناس الاخرى الى للاسف عندهم حالة كبر و زهو و غرور
هى فكرت صح و أية مكتب التنسيق بتاع التلامذة الى بعض الناس بتفكر فية دة يعنى دكتورة تتجوز دكتور و مهندس يتجوز مهندسة دة على أساسا أنهم حا يتجوزو و لا ناس عاوز تأجر شقة و يعملو مشروع عيادات بالمناصفة فى ايجار الشقة و مشروع تجارى .
الناس مش بتفكر فى موضوع دكتور و لا دكتورة مش لآنهم شهادة أعلا ابدا دة كلام ليس لة أى صحة القصة مش عاوز وجع دماغ فى مواعيد الشغل و عاوز استقرار سواء العريس دكتور و لا العروسة دكتورة يعنى للطرفين و السبب الاخر بعض الناس للاسف من الدكاترة بيتخيلو أنهم أحسن و دة الى بيخلى الناس تبعد عن الارتباط دة مش تعميم بس السببين دول أكتر سببين مواعيد عمل و البعض بيكون عندة شوية غرور فى نفسة

[MOUSTAFA_SAAD]

متهيألي الموضوع عادي جداااااا وأهم حاجه القبول بين الاتنين وبعدين كل تخصص مهم في مجال شغله يعني الدكتور بيحتاج المحاسب والمحاسب بيحتاج الدكتور

وأنا مثلا تزوجت مراتي وكنت لسه بدرس وبشتغل في نفس الوقت وعمرهه محسستني اني لسه مخلصتش دراسه وحتى لما خلصت مفرقتش معاهه خالص أهم من الشكليات ديه التدين والأ×لأاقيات ومدام فيه دين وخلق حسن عمر ما الإختلافات التانيه هتفرق

وربنا يوفق

فعلا القبول اهم حاجه

المشكلة اننا اتربينا على ان مؤهلك الدراسي - الورقة بتاعت الشهادة مش العلم اللي درسته- هي قيمتك الاكبر في الحياة
انما اي حاجة تانية اقل قيمة
و السبب في التفكير اللي بتقول عليه ده هو عادة الزوجة و اهلها
لان مع اول خلاف بينهم هيقولوا للعريس .. انت مش عارف انت متجوز مين ؟؟ .. دي دكتورة ؟؟
و في رجالة تستعاهل الاذلال ده فعلا
انا اعرف واحد كان احد اسباب زواجه من صيدلانيه و اللي امه برضه كانت بتشجعه على الزواج منها لنفس السبب .... انه يفتح صيدلية !!

انا بحثت في شرط الكفاءة شرعا و و صلت للآتي
ان الكفاءة في العلم و الحسب و المال و خلافه شرط لزوم و ليس شرط صحة
يعني لو واحدة غنية و اتجحوزت واحد فقير .. يبطل الزواج ؟؟ لا طبعا انما هي لو اشترطت في الزوج انه يكون غني زيها يبقى ليها الحق و مش حرام عليها الشرط ده
الكفاءة معتبرة من زمان عشان كده العلماء بيقولوا العالم كفء لأي امرأة

و ربنا يزوج شباب المسلمين
آمين

وجهة نظر تحترم وادعيلى علشان نفسى تجوز

اولا موضوع الشهادة مش مقياس علي تفكير الفرد او ذكائه خصوصا فى مصر , انا اعرف ناس مهندسين ودماغهم دماغ ناس مش متعلمه نهائي واعرف ناس معهمش الاعدادية ودماغهم واسلوبهم اسلوب ناس دكاتره ومثقفة

ثاني حاجة سبب المشاكل فى موضوع الجواز والخطوبة هو المفاهيم المغلوطة فى المجتمع اللي بقالها مليون سنه مترسخه فينا , الراجل راجل والست ست و ان المطلقة سيئه السمعه وان الراجل لو طلق عادي وميبقاش سئ السمعه وان البنت لما تمشي مع ولد تبقي قليلة ادب ولو ولد مشي مع بنت يبقي مقطع السمكه ودلها وان البنت عيب ترد على جوزها وجوزها يضربها ويشتمها عادي لانه راجل

كل الكلام دا والمفاهيم الغلط دي هي اللي عاملة المشاكل بين الراجل والست

الله ينور عليك

السلام عليكم

في ايه يا جماعة
مالكم مكبرين الموضوع ليه
انا لي وجهة نظر مختلفة (بحكم اني خطيبتي دكتورة أمراض نساء وولادة يعني تخصص ابن تيتتت)
بالنسبة لوجهة النظر بتاعة المستوى الثقافي : مفيش اي اختلافي حقيقي انا لمسته في المستوى الفكري والقافي احنا بنكمل بعض جايز هي عندها شوية وجهة نظر مختلفة شوية في تربية الاطفال لكن ما دون ذلك في امور الحياة الدنيا عادية جدا
طالما شخصين مؤهل عالي نسبة التوافق في التفكير تقرييا بتكون واحدة والاختلافات الاخرى دي بعتبرها عادية جدا لان ان مثلا مش بفكر زي شخص تاني ممكن يكون نفس مؤهلي
زي التفكير اللي بيقولك البنت لازم تبقى اصغر من الولد بعشر سنين وكلامة غريب يعني انا ابقى مخلص جامعة واروح ادور على بنت في اعدادي ولا حاجة علشان احجزها لما تكبر ههههههههههههههه

بالنسبة لمواعيد الشغل : هنا بقى المشكلة تخيل لما تبقى قاعد مع خطيبتك قعدة حلوة او مراتك وفجأة واحدة تليفون الحق ولازم تيجي طبعا غصب عنك لازم تقوم زي الباشا توصل حضرتها ولو الوقت متأخر لازم تستناها هههههههههه

لكن غير كده والله الحياة ماشية والحمد لله

ياباشا الموضوع مش متكبر ولاحاجه احنا بتناقش فى عادات مجتمع مش اكتر وعلى فكره اختى دكتوره فى شركة ادويه يعنى ليها مواعيد ثابته وساعات عمل محدده

والله بص البنات الدكاتره دول بيبقوا مشكله في الجواز شويه
بيفضلوا يتجوزوا دكاتره زيهم
او لو مفيش بيكون مهندسين
ثم صيادله بالترتيب كده
ده الترند العام اللي اتربينا عليه
اللي هو جوزك لازم يكون شهادته قدك او اكبر منك
ده حتي الدكتور واحنا في سنه سادسه يقول للولاد
اتجوزوهم يا ولاد
انتوا لو سيبتوهم مين هيتجوزهم :)
فهو فعلا الراجل تصرفه من الممكن الي حد ما تفهمه
ولكن كان ممكن يجرب يعني يمكن يحصل توافق
بس هو شكله لسه بيفكر بنفس الطريقه

هى كانت بتفكر بنفس الطريقه بس غيرت رايها اخيرا

غالبا الدكتوره - او الناس بصفه عامه - الى بتفكرالتفكير الى حضرتك بتقول عليه وبتصنف الناس حسب شهداتها ومجموعها فى الثانويه العامه
الناس ديه بتعتبر المهندس فئه ادنى من الطبيب وبترفضه لان مستواه العلمى - فى اعتقادها - اقل منه
يعنى المهندس لاصحاب المنطق المغلوط ده مرفوض برضه عشان وضعه الاجتماعى اقل

انا شايف ان كفايه مؤهل عالى لان كله بيبقى على نفس المستوى الثقافى والاجتماعى تقريبا
وانا كنت فى هندسه وسيبتها لان ظروفى ماسمحتشى اسافر بعيد عن البيت ودخلت تجاره جمب بيتى لنفس الظروف واسلوب كلامى وثقافتى وطريقة تعاملى مع الناس احسن بكتير من بعض المهندسين والدكاتره يعنى فعلا ملهوش علاقه بمستوى ثقافى او اجتماعى

[MOUSTAFA_SAAD]

الموضوع مسئله مبدأ من الناحيه دي .. انا شخصيا اتعرضت لنفس الموقف تقريبا و اتعرفت علي زميله في الجامعه و كنت ناوي اخطبها بس كان عيبها الوحيد بالنسبه ليا انها في كليه طب و مش عشان فارق التعليم انا كنت في كليه لغات و ترجمه يعني كليه قمه برده و لكن الموضوع مسئله مبدأ مواعيد دوام الاطباء صعبه و ميقبلش بيها غير فئات معينه و الانسب للأطباء النساء طبعا طبعا الاطباء .

وجهة نظر تحترم

فكرتني بالذي مضى ............
بص يا باشا , أنا مهندس و رحت اشوف عروسة دكتورة و احنا قاعدين لقيتها بتقول انها معيدة في الكلية و بشتغل في المستشفى و هتكمل دراسات و عندها شقة هتعملها عيادة ............

طبعا انا أخدت قعدتي كلها بفكر ازاي دي هتقدر توفق بين كل الحاجات دي و بين بيتها و جوزها و اولادها و حياتها الاجتماعية ؟!!!
بصراحة البنت كانت عجباني و هيه كمان ... لكن فكررت بالعقل لقيت العملية مش هتنفع .... رحت خالع .
و ربنا كرمني بزوجة خريجة علوم و ماجستير في الطاقة النووية و لما اتجوزنا اختارت انها تقعد في البيت .... و انا شجعتها على كده ....
الشهادة بتاعتها اعلى من شهادتي صحيح .... لكن هيه كان مرتبها 230 جنيه .......
العقد اللي بتكون بسبب فروق الشهادات بين الزوجين دي سببها الأصلي ضعف شخصية الزوج و انه بيعمل مقارنات بينه و بين مراته في الوضع الاجتماعي و المادي و ده غلط كبير ...

ياراجل بعد مشوار التعليم ده كله تقعدهافى البيت
الموضوع مش فلوس فقط بس خساره السنين اللى راحت منها دى كلها
طبعا دية ظروفك وانت ادرى بيها

وهو بكالوريوس تجارة أقل من الطب ولا الهندسة أعلى من التجارة وأقل من الطب
مفاضلة غريبة بصراحة...........مختلفين عن بعض في طريقة التفكير وتحليل الأمور أي نعم وده نتيجة لطبيعة الوظيفة أنما كلهم مؤهلات عليا في الأول والأخر وكل شخص منتسب لمهنة أي كانت له مايميزه ويعيبه كصفات شخصية تخصه فقط ولا تعمم على المهنة
أنا مجموعي زماااااااااااااااان كان يدخلني طب ومع ذلك كان من سابع المستحيلات أدخل طب علشان مش في أهتماماتي غير أني مابتيقش ريحت الفورمالين
بالنسبة للزواج تقييم الناس وفق وظيفة ذات مؤهل عالي(هندسة-تجارة-طب-.....) كلهم مؤهلات عالية فدي عادات بالية دخيلة علينا أبتلينا بها في مجتمعنا.............الفرق يبقى هو الشخص نفسه وقيمه ومبادئه
أظفر بذات الدين تربت يداك

معاك حق والله

اعتقد ان كلامنا كلو بيدور حولين نقطة معينه وهى عادات فى طبيعة الشعب المصرى
يعنى نظرة الناس لطالب كليه التجارة والحقوق والاداب مختلفة عن نظرة الناس لطلبه الطب والهندسه والصيدله والاقتصاد والعلوم السياسيه والاعلام
تصنيف الناس طبقا للمؤهل الدراسى واعتقد ان دة مش عيب
ومش معنى ان المؤهل العالى كويس وملاك من السماء ولا صاحب المؤهل الاقل مش كويس
لكن مع احترامى لجميع الاراء التصنيف طبقا للمؤهل مش حاجة وحشة ولا عيب ولا حرام
وفعلا فى بنات كتير فى كليه طب مش بتوافق على المهندس وبتقول عايزة دكتور يا بلاش
وارجع فى الاخر واقول ان من الافضل ان الراجل يكون اعلى ثقافيا وعلميا
وكل واحد فينا يختار ام لاولادة

انت جبت المفيد انا مستغر من العادات دية اللى واضح ان مفيش تغيير فيها

[تامر.محمد]

بصراحة يا صاحب الموضوع
ده الواقع للأسف

انا شخصيا كنت رافض الافكار دي
بس شفتها متجسدة في قصص كتيييييييييييييير معايا و حواليا

[MOUSTAFA_SAAD]

يا ابو صلاح العقل و المراة دول حاجتين عكس بعض خالص ....................
أنا مع تعليم المرأة نعليم عالي و حتى كمان دراسات عليا .... بس دورها في الحياة في البيت بس مش مطلوب منها تفتح بيت و لا تصرف على بيت ( الا في بعض الحالات الخاصة القليلة و النادرة ) ..
كل المطلوب منها تشوف طلبات جوزها الأول و أولادها تانيا و بيتها ثالثا .... بس كده ...
مش عايزين منهم حاجة تانية ... همه بس يسدوا على دول الأول و بعدين يقولوا نشتغل

بصراحه اختلف معاك فى ده

أستاذ moustafa_saad بجد أخت سعادتك أنسانة ممتازة و أن شاء الله ربنا حا يكرمها بجد اخر كرم عارف لية لآنى حسيت أنها أنسانة معندهاش أى كبر و لا غرور و متواضعة و تفكيرها سليم و عاقل مش زى بعض الناس الاخرى الى للاسف عندهم حالة كبر و زهو و غرور
هى فكرت صح و أية مكتب التنسيق بتاع التلامذة الى بعض الناس بتفكر فية دة يعنى دكتورة تتجوز دكتور و مهندس يتجوز مهندسة دة على أساسا أنهم حا يتجوزو و لا ناس عاوز تأجر شقة و يعملو مشروع عيادات بالمناصفة فى ايجار الشقة و مشروع تجارى .
الناس مش بتفكر فى موضوع دكتور و لا دكتورة مش لآنهم شهادة أعلا ابدا دة كلام ليس لة أى صحة القصة مش عاوز وجع دماغ فى مواعيد الشغل و عاوز استقرار سواء العريس دكتور و لا العروسة دكتورة يعنى للطرفين و السبب الاخر بعض الناس للاسف من الدكاترة بيتخيلو أنهم أحسن و دة الى بيخلى الناس تبعد عن الارتباط دة مش تعميم بس السببين دول أكتر سببين مواعيد عمل و البعض بيكون عندة شوية غرور فى نفسة

الله يخليك يااستاذ هشام
فعلا معظمهم بيعتبرها مشروع تجارى

السلام عليكم و رحمة الله و بركاته ................

بداية أستاذى الفاضل زى ما حضرتك عارف و كل الناس عارفين إن الجواز قسمة و نصيب و أكيد إن شاء الله ربنا هيرزق أخت حضرتك بإنسان أنسب ليها بلاش نقول أحسن من إللى فات لإنه أكيد إنسان كويس و هى برده إنسانة كويسة بس ممكن يكونوا مش متوافقين مع بعض فربنا إن شاء الله هيبدلها الخير و يبارك لها فيه إن شاء الله .

أنا من وجهة نظرى المتواضعة بشوف إن الدكاترة بيبقى عندهم مشكلة فى أوقات شغلهم يعنى نظرا لحساسية عملهم و أهمية ما يقومون به من دور فعال فى المجتمع بإختلاف تخصصاتهم و خصوصا بالنسبة للسيدات أو البنات الدكاترة ففيه بعض الرجال بيخافوا من الجزئية ده إن ممكن مراته يتصلوا بيها فى وقت متأخر أو حتى وقت غير مناسب لإن فيه حالة حرجة أو طارئة و محتاجينها و طبعا نظرا للقسم إللى بيقسموه فطبعا لازم يلبوا النداء أولا و شرف المهنة فوق كل شىء ففيه رجالة ما بيقدروش يستحملوا الموضوع ده و أنا عندى زميل ليا فى الشركة مهندس زى حالاتى متزوج دكتورة أطفال بس إيه مش عايز أقولك .

أنا شايف إن السبب فى الحالة إللى حضرتك بتقول عليها إنه مش موافق مش علشان هيه أعلى منه فى الشهادة لإن هما الإتنين معاهم شهادة عالية و هي طبعا هتكون فخر ليه مش علشان شهادتها و لكن بأخلاقها و طباعها و لكن ممكن يكون علشان المواعيد و الأوقات بتاعت العمل و كده و ممكن يكون هو خايف إن ده يأثر على الحياة الزوجية و الواجبات المنزلية و تربية الأطفال بس أنا عن نفسى مش معاه خالص فى الموضوع ده لو كان ده هو السبب طبعا

ياباشا انا مش معترض على الموضوع ان الجواز قسمه ونصيب
انا بقول لحضرتك انهم ماشفوش بعض اساسا ولا حتى نعرف اسمه ايه ولا هو يعرف اسمها ولا اسم عيلتها
الموضوع كان مجرد استطلاع راى فقط وهى مش فى دماغها حاجه طبعا لانها متعرفهوش اساسا
بس انا اعتراضى على طريقة التفكير بتاعته كنت فاكر انها انتهت من زمان
انا بتكلم على عادات شعب وتقاليد اعتقد انها خطاء
وعلى فكره انا اختى دكتوره فى شركة ادويه ومواعيدها منتظمه جدا يمكن احسن من مواعيدى انا موظف الحكومه يعنى مش هو ده السبب لكن هو مكنشى عاوز واحده اعلى منه تعليما رغم ان انا مش شايف فرق لان انا برده بكالوريوس تجاره ومقبلشى واحدة تقول ان هى اعلى منى تعليما علشان دكتوره لان كلنا مؤهل جامعى
والاختلاف الاهم فى موضوع التربيه والبيئه اللى بينشاء فيها الانسان هو ده اللى المفروض الناس تدور عليه وتقارن بيه لان انا شوفت دكاتره ومهندسين بحكم شغلى اللى بيخلينى اشوف حوالى 500 فرد مختلف كل يوم وفيهم ناس ماتعرفشى هما خدوا الشهاده ازاى

[MOUSTAFA_SAAD]

انا مش شايف حد من ستات المنتدى
ياترى هما بيطبخوا ولا لسه فى الشغل
انا عامل الموضوع ده علشان نتبادل الاراء ونحسن عاداتنا وتقاليدنا اللى اعتقد فيها العديد من الاشياء الخاطئه علشان ان شاء الله نربى ولادنا صح

لكن الموضع مش فارق معايا عريس جه وعريس رايح لانها جالها عرسات كتير ورفضتهم للاسف وفكرة الجواز او الخطوبه بترعبها بسبب تجارب فاشله شافتها منها تجربتى على سبيل المثال وخايفه تشيل لقب مخطوبه سابقا
لدرجة ان والدى قالها ولا يهمك جربى الخطوبه ولو فشلت ايه المشكله بس هى برده خايفه وربنا يكرمها يارب باللى يسعدها

[MOUSTAFA_SAAD]

بصراحة يا صاحب الموضوع
ده الواقع للأسف

انا شخصيا كنت رافض الافكار دي
بس شفتها متجسدة في قصص كتيييييييييييييير معايا و حواليا

ده مش مبرر انك تقبلها
صمم على رايك

[samsong]

والله بص البنات الدكاتره دول بيبقوا مشكله في الجواز شويه
بيفضلوا يتجوزوا دكاتره زيهم
او لو مفيش بيكون مهندسين
ثم صيادله بالترتيب كده
ده الترند العام اللي اتربينا عليه
اللي هو جوزك لازم يكون شهادته قدك او اكبر منك
ده حتي الدكتور واحنا في سنه سادسه يقول للولاد
اتجوزوهم يا ولاد
انتوا لو سيبتوهم مين هيتجوزهم :)
فهو فعلا الراجل تصرفه من الممكن الي حد ما تفهمه
ولكن كان ممكن يجرب يعني يمكن يحصل توافق
بس هو شكله لسه بيفكر بنفس الطريقه

+111
كلام وتحليل منطقي من طرف في المجال

[zago]

خلاص ياباشا ولا يهمك
هي كده حظها حلو لان طريقه تفكيره بانت من الاول
احسن ما كان بعدين يعاملها بجفاء ولا حاجه

وعلى فكره كل البنات موضوع جوازهم مقرف جدا
يعني متفكرش ان حضرتك بس اللي نفسك انها تتجوز
ده حال كل اخ

[MOUSTAFA_SAAD]

خلاص ياباشا ولا يهمك
هي كده حظها حلو لان طريقه تفكيره بانت من الاول
احسن ما كان بعدين يعاملها بجفاء ولا حاجه

وعلى فكره كل البنات موضوع جوازهم مقرف جدا
يعني متفكرش ان حضرتك بس اللي نفسك انها تتجوز
ده حال كل اخ

معاك حقلا والله
بس ياباشا انا والله مش زعلان ولا حاجه
ماهى جالها الدكتور ورفضته علشان ماستريحتش له وغيره كذا واحد بدره او بسسب الخوف من الجواز احيانا وده تقريبا سبب رفضها
احنا بتناقش فى عادات المفروض نغيرها بايدينا مش اكتر يعنى نحاول نصلح فى نفسنا ولو انتم شايفين ان هو صح قولولى علشان ابقى اعمل زيه مش اكتر يعنى
انا عاوز اخد منكم المعلومه الصحيحه لان الاراء هنا متعدده ماشاء الله

[calipha3]

طبيعي لان الواحد مش عاوز يجيب واحده تتنطط عليه و تعايره دا انا شهادتي احسن منك :)) و كويس ان انا رضيت بيك :(