اختى كان جايلها عريس وغير رايه لما عرف انها دكتوره

[sara2001]

يا راجل طب نداري على بعض قدامهم ............. أي عقاب موافق عليه الا الايقاف أنا قاعد في المنتدى بشكل دائم يوميا ......
و عشان تعرفوا اني اكتر واحد مناصر للمرأة ( على الرغم من الدقات اللي مالهاش اي لازمة بتاعة الستات )
راجعوا الموضوع ده :

http://www.nilemotors.net/Nile/190720-a.html

و المشاركة دي :

http://www.nilemotors.net/Nile/3873199178-post61.html

و كمان ببيع الأسد عشرة 33 سنة و هاخد البطة عشان المدام عايزة تجيب كارينز و ربنا يقدرني و اعملها اللي هيه نفسها فيه .........

ههههههههههههههه
اخدت وقت على ما فهمت (ببيع الأسد وهاخد البطه)
ربنا يبارك لك في زوجتك واسرتك ويزيدكم سعاده
نصيحه بلاش تكتب المواضيع دي في المنتدى علشان الحسد
لأن دي أشياء نادرة الحدوث

الراجل بيهز مش اكتر

عارفه
وردي انا كمان كان بهزار

[mahmoudysf]

أنا مع تعليم المرأة نعليم عالي و حتى كمان دراسات عليا .... بس دورها في الحياة في البيت بس مش مطلوب منها تفتح بيت و لا تصرف على بيت ( الا في بعض الحالات الخاصة القليلة و النادرة ) ..
كل المطلوب منها تشوف طلبات جوزها الأول و أولادها تانيا و بيتها ثالثا .... بس كده ...
مش عايزين منهم حاجة تانية ... همه بس يسدوا على دول الأول و بعدين يقولوا نشتغل

+ 11111111111111

[azmeralda]

انا مش شايف حد من ستات المنتدى
ياترى هما بيطبخوا ولا لسه فى الشغل
انا عامل الموضوع ده علشان نتبادل الاراء ونحسن عاداتنا وتقاليدنا اللى اعتقد فيها العديد من الاشياء الخاطئه علشان ان شاء الله نربى ولادنا صح

لكن الموضع مش فارق معايا عريس جه وعريس رايح لانها جالها عرسات كتير ورفضتهم للاسف وفكرة الجواز او الخطوبه بترعبها بسبب تجارب فاشله شافتها منها تجربتى على سبيل المثال وخايفه تشيل لقب مخطوبه سابقا
لدرجة ان والدى قالها ولا يهمك جربى الخطوبه ولو فشلت ايه المشكله بس هى برده خايفه وربنا يكرمها يارب باللى يسعدها

انا جيييت

اولا كويس انه صريح ورأيه بان من قبل ما حاجة تحصل بدل ما كان يقرفها بعقده

ثانيا قول لها تنسى حكاية الخوف من اللقب ده لأنه لو مكتوب لها حذرها مش هيمنعه لأنى كنت زيها كده بالضبط وحملته فى الآخر فمش مشكلة والأصح اللى بشوف الناس بيعملوه دلوقتى مفيش اعلان الا بعد فترة ولا لبس دبل رغم شرا الشبكة وهو مش ده الصح فى الأسلام ان الخطبة تكتم والنكاح يعلن ايه لزوم ناس تعرف بعض اسبوعين وتقوم لابسة دبل وبعدين تعلن وتكتشف بلاوى وتفسخ يعنى كده ممكن واحدة تتخطب 7 مرات ولا حاجة لأن التدليس منتشر جدا اليومين دول ولو شهرين تلاتة اكيد فى حاجات هتبان والناس تتاكد من التوافق مش كفاية اهلهم عارفين ؟


اما بالنسبة لموضوع الشهادات الناس مش بتقتنع غير بالتجربة الشخصية يعنى لو حد قعد يكلم حد ميت سنة مفيش فايدة فى قناعاته او قناعات اهله

ودى بتفرق من شخص لآخر يعنى زى ما حصل معاك الرجل هنا هو اللى مقرر شهادة زيه وممكن فى حالة تانية البنت او اهلها يكونوا مقررين

يعنى دكتور عندنا فى المستشفى اصل عيلته باشوات ومعرفش ايه شرطه لبنته الشبكة تبدأ ههه خدوا بالكو من تبدأ دى من 100 الف والعريس لازم يكون ستاف جامعة مش دكتور عادى



بالنسبة لك متخافش لو اتقدمت لواحدة هيكون معروف من الناس اللى حواليها الموضوع فارق معاها ولا لأ


وواحدة صاحبتى كانت مقتنعة بمهندس واهلها اصروا الف اصرار لازم تتجوز دكتور وفعلا ده اللى حصل وعايشة فى عذاب ربنا اللى عالم بيه وهينفعها بايه دكتور ومش بيصرف عليها وبينزل ياكل عند مامته تحت وهى وعياله يتفلقوا

[MOUSTAFA_SAAD]

كويس انك جيتى
لان فعلا كنت محتاج اعرف رايك فى الموضوع ده

[azmeralda]

طب الحمد لله