عتاب و سؤال للكثير من الاعضاء - اين نحن من مقاصد الشريعة ؟

[تامر.محمد]

سلام عليكم
انا شايف اعضاء كتير هنا جزاهم الله خيرا بيبذلوا جهدهم في الدفاع عن الاسلام على قد ما يقدروا ضد اي تشويه و ضد اي محاولة لنشر الفاحشة و ضد اي محاولة لتحجيم الدين او تسفيهه او نشر المعصية و كل ده جميل و ربنا يجعله في ميزان حسناتهم جميعا و ربنا يجعلنا جميعا ممن يقفون في خندق المدافعين عن الدين
و ده تطبيق مهم جدا لأول مقاصد الشريعة ( حفظ الدين)

لكن .....

و آه من كلمة لكن ...
باقي مقاصد الشريعة

قال الامام أبو حامد الغزالي: " ان مقصود الشرع من الخلق خمسة: وهو أن يحفظ عليهمدينهم ونفسهم وعقلهم ونسلهم ومالهم..فكل من يتضمن حفظ هذه الأصول الخمسة فهو مصلحة.. وكل مايفوت هذه الأصول فهو مفسدة ودفعها مصلحة.. وتحريم تفويت هذه الأصول الخمسة والزجر عنها يستحيل ألا تشتمل عليها ملة من الملل وشريعة من الشرائع التي أريد بها اصلاح الخلق."

انا مش شايف بصراحة باقي مقاصد الشريعة في اهتمامات اغلب السادة الأعضاء المحترمين
تعالوا نشوفهم

حفظ النفس:
خالد سعيد الله يرحمه , اللي بنقول ده تاجر مخدرات رغم انه لم يثبت ادانته , و رغم ان ماحدش خالص جاب سيرة انه هدد حياة المخبرين اللي قتلوه و بالتالي فهو قتل بدون وجه حق حتى لو كان في ايده طن هيروين, هل تبرؤنا من حق القصاص لواحد زي ده يرضي ربنا و يحقق مقاصد الشريعة ؟ ....اللي حصل ان الجماعة بتوع حقوق الانسان هما اللي جريوا ورا قضيته بدافع انساني صرف رغم ان ديننا بيدينا دافع اقوى منه لطلب القصاص لإنسان بأمر من ربنا سبحانه و تعالى
بلاش خالد سعيد
سيد بلال الله يرحمه, اللي لمجرد الاشتباه , و حتى ما نعرفش اشتباه ليه اتاخد من بيته و رجع جثة هامدة ... حد فينا اتكلم ؟ هل سيد بلال اتقال انه تاجر مخدرات زي خالد سعيد ؟ لأ , هل اتقال عليه اي حاجة ؟ لأ , هل اي حد دافع عنه ؟ للأسف لأ , الجماعة بتوع حقوق الانسان لقوه راجل سلفي و السلفيين مش بيدافعوا عنه , فما اتمسكوش بقضيته زي خالد سعيد , لكنهم برده بيذكروها ...... للأسف ماحدش فينا عمل كده , لو قلنا اننا التبس علينا الامر مع خالد سعيد , فاحنا مالناش ادنى عذر مع سيد بلال

ظهر موضوع جديد , قصة اختبارات العذرية , جرينا نكذب الموضوع بدون تحقق بدون اي شيء , احنا مش عارفين ده حقيقي ولا كذب , هل طالبنا بالتحقيق فيه و تابعنا التحقيق و درسناه بعقولنا ؟ لأ احنا قلنا دول بنات صيع ايه وداهم الميدان في نص الليل , مع انهم اتقبض عليهم بعد العصر على طول , و حتى لو في نص الليل , فما اعتقدش ان ربنا اباح هتك عرض امرأة بحجة تواجدها لوحدها في الشارع بالليل .... يعني فيه جريمة تم طرحها تحت سمعنا و بصايرنا , و كذبناها بدون اي دليل بيقول انها كذب و ما طالبناش حتى بالتحقيق فيها , كل ده لمجرد ان واحد ايا كان قال دول بنات صيع .... هل ده يرضي ربنا يا حضرات ؟

نقط حفظ النفس كتير مش هانخلص منها, و للأسف انا شايف اننا مقلين جدا في الاهتمام بيها ....و مش فاهم ليه

حفظ العقل و النسل ما عنديش عليه ملحوظات

حفظ المال , هاسأل سؤال واحد كبداية للنقاش , كام واحد فينا قرر انه يقود حملة للمطالبة بمحاسبة من سرقوا مالنا و مال ولادنا ؟ و كام واحد فينا قرر انه يقود حملة لفضح اي حد يطلب اتاوة او رشوة ايا كان موقعه ؟

منتظر ارائكم

[تامر.محمد]

ايه يا جماعة ماحدش مهتم بمقاصد الشريعة ولا ايه ؟

ده حتى يبقى عيب
:))

[windofchange]

جزتك الله خير يا ا تامر معاك في اللي بتقوله

[hobiko]

تحياتي يا باشمهندس تامر ........ موضوع مهم جداً


هو دة التطبيق الصحيح للشريعة في جميع جوانب الحياه ....... إلي للأسف إختزلنها في جزئية تطبيق الحدود و فوايد البنوك و نتخانق نربي اللحية ولا لأ أو إيه شكل زي الرسول


كلنا محتاجين نفهم الشريعة بمعناها الشامل

[د.أحمد السعيد]

موضوع جميل و الله و يا ريت الناس تشارك و جزاك الله كل خير

[otefa]

موضوع جميل
ولي مداخلة بسيطة تلخص ال5 مقاصد في جملة
حفظ الدين وفهمه وأتباع جوهره= بالضرورة والحتمية حفظ النفس والعقل والمال والعرض وكل ماهو محمود ومفيد للأنسان نفسه وللمجتمع ككل

[م. حاتم السباعي]

لقد اوجز الاخ الفاضل م.محمد بعبارتة ( حفظ الدين وفهمه وأتباع جوهره= بالضرورة والحتمية حفظ النفس والعقل والمال والعرض وكل ماهو محمود ومفيد للأنسان نفسه وللمجتمع ككل ) و انجز بصراحة
و لو اذنت لي ان اتبحر معك و ابتعد قليلا عن الايجاز لان الموضوع كبير جدا
لكي يستطيع المسلم ان يحفظ ( دينه و نفسه و عقله و ماله و عرضه ) فهو مطالب ان يبذل العطاء للوصول لهذه الغايات
- اما عن حفظ الانسان لدينه ( فهو ان يتعلم المسلم دينه جيدا و يجتهد فيه حتي يكون فعلا مدافعا عنه ففاقد الشئ لا يعطيه و كيف لنا بمسلم مضيع لدينه و في نفس الوقت يدافع عنه امام الناس فهو اما متخاذل و كسلان عن التعلم و الاجتهاد فيظهر و هو يدافع عن الدين بالرجل المريض الذي لا يقوي علي خدمة نفسه او انه لا قدر الله يرائي الناس فحين يختلي بحرمات الله ينتهكها و في هذه الحالة لن ينجح في الحفاظ علي دينه لانه لا يمتلك اصول الدين فيضيع منه للاسف سواء في الحالة الاولي او الثانية حتي يجدد النية مع الله و يلتزم بدينه و لا يفرط فيه فيصبح عنده غيرة داخلية يستطيع و قتها ان يترجمها الي افعال يحفظ بها الدين من اي اعتداء خارجي لانه سيكون حتما قد حفظه داخليا لو اغلب المسلمين فعلو ما تقدم ذكره ما ضاع الدين
- حينما يحفظ الانسان دينه تجده دائما و قد سمت نفسه لانه ارغمها بالطاعات لله و طاعات الله ثقيلة علي النفس التي تميل دائما للمعصية و الهوي فتجد احيانا انسان مسلم ( و جميل جدا اخلاقيا و سلوكيا ) بس بينه و بين نفسه صراع دائم و يحاول ان يتغلب عليها ليتقرب الي الله و هي تدفعه للشهوة و المعاصي فتزين له متع الدنيا و تجعله ينزلق قليلا في اتجاه السهولة و عدم التعب و استحباب اللهو ( فتجد مثلا الجوامع فارغة من صلاة الجماعة لانها ثقيلة علي النفس التي لم تخضع للطاعة بل هي تزين لصاحبها مشاهدة القنوات و السهر فتضيع الصلاة و تفقد النفس الخشوع و الازلال الذي يظلها في المسجد فتجد صاحب العمارة في المسجد يجلس بجانب البواب و الميكانيكي و غيرهم و لما يكونو خارج المسجد احيانا تشمئز نفسه من السلام عليهم علشان خايف يتأذي من شئ فكل شئ مرتبط بالله يجعل النفس تخضع لله فتهون الدنيا عليها و حين تهون الدنيا تسبح النفس مع الله طالبة رضوانه بأي و سيلة فتجد البشاشة علي و جوه البعض ( و يقول الناس احيانا عنهم ) ده بتاع ربنا لان نفسه خضعت لله فلا يستطيع ان ينافق احد و لا يستطيع ان يفعل المعاصي جهارا نهار فإن فتن او ارتكب معصية يعود سريعا لله و يستغفر و تجدهم دائما مشتاقين للازدياد من طاعات الله فينظر لهم كثير من الناس علي انهم متشددين لانهم يعرفون ان نفوسهم ضعيفة امام المغريات و لانهم حافظو اولا علي دينهم ( اي تعلموه جيدا ) فعلمو انه حفت الجنة بالمكاره و حفت النار بالشهوات فأرادو ان يبتعدو عن نفسهم الضعيفة لانهم يعلمون انهم بشر فتراهم تارة ينكرون الاختلاط و تارة يحرمون المصايف و اخري يهاجمون التليفزيون و اوقات يهاجمون علي عدم صلاة الجماعة و يهاجمون من يفرط في الاذكار و يهاجمون من يريد التمييع للدين من الشيوخ و للاسف هوجم الكثير من اصحاب هذه النفوس و تم التضييق عليهم و محاربتهم و اظهروهم للناس بانهم متشددين فسبحان الله ( فلانهم علمو حقيقة نفوسهم الامارة بالسوء كما علمهم دينهم فيقال هذا عنهم ) و علشان كده تجد كثيرا منهم دائما ما يطلب منه تبرير مواقفه بدلا من الاقتداء بفعله فهم لم يسرفو علي انفسهم و لم يتركو لها الحرية فتهوي بهم
- مما سبق تجد ان هناك حالة عامة لدي هذا المسلم الذي عرف دينه ( ذاكره يعني و اجتهد فيه ) و استطاع ان يملك او يحاول ان يملك زمام نفسه و يلجمها بالطاعات يصطدم بأن احيانا عقله ينكر اشياء و يأخذه بعيدا عن اصل الدين فتري مثلا من المسلمين من ينجذب لحضارة الغرب و تطورهم و ما و صلو له من تقدم و ما و صلنا له من تخلف و جهل و يزين له عقله بأن هؤلاء و صلو لذلك بالاجتهاد و لتطبيقهم ( مقومات ) ادت بهم لهذا النجاح الا ان بعض هذه المقومات يتعارض مع اصل دينه فيقع فريسة للتصادم العقلي و الجهاد مع العقل ايصدق عقله و يحاول مجاراه النموذج الغربي بكل مقوماته حتي تصل به الي مخرجاتهم ( هو لا يتنمي اخذ كل ما لديهم ) هو يتمني فقط اخذ الصالح و ترك الطالح و هذا شئ محمود و لكن هو لا يستطيع ان يفرق بين حالتين ( هل ما وصل له هؤلاء هو بأتباعهم لنظامهم الذي و ضعوه لانفسهم بغض النظر عن تطبيقة من عدمه اي هل هم و ضعو انظمة تختلف في مسمياتها و لمجرد و ضعهم لهذه النظم و الاستراتيجيات و المناهج الفكرية استطاعو ان يصلو لما و صلو له بالطبع لا و الكن الصح انهم و ضعو قوانين و التزمو بها فأوصلتهم الي ما و صلو اليه من تقدم و حضارة و رقي و احترام للنفس البشرية الا ان مع كل هذه النظم و التشريعات الوضعية هناك مدخلات تتعارض مع شرعنا و قيمنا و اصولنا فيدخل العقل في الشك فهناك من تجرفه هذه المظاهر و ينخدع في شئ واحد و هو انه يري اخر ما اوصلتهم نظمهم الوضعية و لكنه يغفل او يتناسي ان المسلم الحق يعلم ان دينه الذي اجتهد فيه و نفسه التي دربها علي الطاعة يجب ان تؤدي به الي هذا التقدم لو الكل اخلص لله و تم توحيد القصد و كيف للمسلم ان ينسي ان هناك حضارات سابقة زالت و كانت اعظم مما عليه الدول الغربية الان و لكنها كانت حضارات زائفة و الان تري الغرب يتحدث امام الاعلام عن حقوق الانسان و هم الذين اخترعو اساليب التعذيب تراهم بيحاربو الدول لعدم الانتشار النووي بزعم انها اسلحة دمار شامل و يجبرو الدول الفقيرة علي التوقيع علي اتفاقات و خلافه و تراهم يتسابقون في هذا المجال و علمائهم يطورون افتك انواع الاسلحة الجرثومية و النووية و الذرية تراهم يتحدثو عن البيئة و الحيوانات و اطفال افريقيا التصقت و جوههم بعظامهم من الجوع تراهم يظهرون امام العالم بأنهم المدافعون عن الاقليات و تراهم بكل تبجح يستخدمو الفيتو لقمع الشعوب و اذلالهم تري الاسلام و قد اعتق الرق من اكثر من الف عام و هم كانو من 70 سنة يستعبدون الزنوج و يحتلون البلاد و حتي انهم مازالو يحتلون بلاد حتي الان
انها معادلة فاشلة و نظم و ضعية فاشلة و لماذا اجبر عقلي علي اتباع قانون و ضعي و قد كرمنا الله سبحانة و تعالي بقران كريم و سنة رسول مصطفي ( تكفل لنا كمسلمين ان نحكم العالم اجمع ) بشرع الله و لكن قبل ذلك يجب ان نتعلم شرع الله ( الذي هو حفظ الدين ) و ثانيا ان نطبقة علي انفسنا اولا ( الذي هو حفظ النفس ) فيقبلة العقل المسلم و يعلم بأن لا نجاح دائم و لا فلاح دائم الا بقبول العقل لمنهج الله في الدنيا و الاخرة
- حين يتحقق كل ذلك تري المسلم يسمو اكثر و اكثر و يرتقي و تجده دائما غير مبال بالرزق لانه يعلم انه مكفول من عند الله ( مادام هو متوكل علي الله ) و بيأخذ بالاسباب للسعي نحو الرزق فيكون الله مسئولا عنه لا يحزن المسلم لضياع المال او يفرح لجلب المال فتجده دائما ما يدعو بالستر و لا مانع من الثروة الحلال و لكن في حدود الله فلا تجد بين المسلمين حقا الجائع و المحروم و لا تجد اطفال الشوارع لان المال و قتها يهون علي صاحبه فينفق في السر و العلن و ينشئ الجمعيات و الملاجئ و تكثر الكفالات و يعم الخير علي المجتمع فكم من اصحاب ثروات لا يدفعون الزكاة و لا يخرجون الصدقات و كم من اصحاب الملايين يبخلون و لو بالقليل علي الفقراء فماذا لو انهم علمو ان المال مال الله ( طبعا من اولا ) و ان النفس لا تشبع ( طبعا من ثانيا ) و ان من اعطي له المال قادر ان ينتزعه منه انتزاعا ( طبعا من ثالثا ) فلا يجد المسلم نفسه اذا صلحت المقاصد الثلاث الاولي
الا ان يزعن و يخرج ماله في سبيل لله بدون حساب و بحساب و اجره علي الله فيعم الخير
- نأتي لاخر نقطة و هي العرض حيث يبدء المسلم بنفسه و ببيته فمن اولا يعلم انه اذا عف نفسه يعف بيته و اذا لا قدر الله ( خلبص ) فنفس المصير مردود له و يبدء المسلم في طلب حفظ العرض سواء بالملبس اي ان يتوافق كهيئة و شكل مع ما يطالب به فلا يصح ان يلبس مايوه يبرز عورته او ان ترتدي زوجته او بناته ما يبرز مفاتنهن و يطلب من الناس عدم الاقتراب و عدم التلصص عليهم بدعوي ان هذه حرية شخصية فهو هنا يعتدي علي حرية الاخرين لانه هو الذي يفعل المنكر و بفعله له حرض غيره علي الوقوع في الحرام او تجده مجتنب لهذه الافعال و لكنه يتمتع بالنظر اليها و هو بداخله يعلم ان اهل بيته بعيدين كل البعد عن المعاصي و لكن ما ادراك ( فنقرة بنقرة و لو زدت لزاد السقا ) اذا فالحفاظ علي العرض يبدء بالحفاظ علي الدين و النفس و العقل و احيانا تجد شواذ للقاعدة فتري مسلم ممسك و محافظ علي نقطة و احدة او اكثر من الاربع نقاط و يترك الباقي او لا يصل اليهم الا بعد فترة من الزمن و هكذا حال المسلم دائما يتأرجح فلو انه دائما في طاعة لله فهو يرتقي حتي يأخذه الله له فلو انه هو الذي انفصل عن الله لحظيا تجده في معاصي و هكذا
و لذا اخبرنا رسولنا الكريم بأن الايمان بيزيد و ينقص
اما موضوع ان هناك تركيز من الاعضاء للتعرض علي الحفاظ علي الدين ( فإني اري ) ان فعلا الحفاظ علي الدين هو الاساس فلو صح ( استطاع المسلم ) ان يتأرجح بين الصفات الاخري ( نفس و عقل و مال و عرض ) اما اذا لا قدر الله ضاع دينه لا يغنيه ذلك عن تمسكه بالاربع صفات الاخري مجتمعين ( لانه و قتها سيكون عمله لنفسه ) و ليس خالصا لله و دليلي في ذلك ( لانه اصلا ضيع دينه و فرط في عقيدتة فلن يهب اي امر لصاحب الامر ) و لانه سيكون قد خرج من المعني الحقيقي الذي من اجله خلق الله الانسان
يقول الله تعالي ( وما خلقت الجن والإنس إلا ليعبدون )
و من كل ما سبق اي انسان او جهة او جماعة تسعي للحفاظ علي اي نقطة من النقاط الخمس سابقة الذكر فهي اكيد محمودة علي ذلك و مأجورة بأذن الله
و الخلاصة :-
لو اننا كمسلمين حفظنا ديننا فبأذن الله سنصل للحفاظ علي باقي المقاصد لانها موجوده في كل النفس البشرية و لكن مظلة الدين هي التي ترتقي بها فتجعلها خالصة لله
و اسف جدا للاطالة
م.حاتم السباعي

[m3_dolphen]

يارك الله فيك يا أخى الفاضل استاذ حاتم ... أسأل الله أن يرفع قدرك ويعلى شأنك وأن يرزقنى وإياك والمسلمين تحصيل العلم الشرعى فلا سبيل لنا للنجاة إلا بالعلم الشرعى .

[kono]

و كام واحد فينا قرر انه يقود حملة لفضح اي حد يطلب اتاوة او رشوة ايا كان موقعه ؟

منتظر ارائكم

الموضوع حلو
بس هقولك حاجة انا عملتها
انا بشتغل مخلص جمركى طبيعة شغلى كانت بتفرض على انى ادفع رشوة عشان شغلى يمشى بسرعة
من بعد الثورة قلت مش هدفع حاجة تانى
وجربت اتفق مع شوية مخلصين عشان نبطل دفع
محدش رضى يبطل دفع بحجة ان شغلهم هيقف
طبعت استيكر ولزقته على ابواب مكاتب الموظفين جايز حد يتأثر
كان مكتوب فيه جملة "ألا يقوموا بدفع رشوة " لقيت ألا بقت أن بقدرة قادر
المشكلة ان الناس مش عاوزة تتغير

[م. حاتم السباعي]

الموضوع حلو
بس هقولك حاجة انا عملتها
انا بشتغل مخلص جمركى طبيعة شغلى كانت بتفرض على انى ادفع رشوة عشان شغلى يمشى بسرعة
من بعد الثورة قلت مش هدفع حاجة تانى
وجربت اتفق مع شوية مخلصين عشان نبطل دفع
محدش رضى يبطل دفع بحجة ان شغلهم هيقف
طبعت استيكر ولزقته على ابواب مكاتب الموظفين جايز حد يتأثر
كان مكتوب فيه جملة "ألا يقوموا بدفع رشوة " لقيت ألا بقت أن بقدرة قادر
المشكلة ان الناس مش عاوزة تتغير

عارف يا استاذ ( kono ) اني لا انا و لا والدي عمرنا ما دفعنا رشوة طول حياتنا الا مرة واحدة دفعت فيها ( في جمرك مينا دمياط الجديدة ) بعد ان امروني اصحاب العمل و قتها ان ادفع لان بيتهم هيتخرب و بعدها عملت حادثة و قررت الا ادفع ابدا حتي لو بيتي انا اللي اتخرب
عارف اني اعلم ناس كتير بفضل الله لا يدفعون رشوة عارف و الله ان فيه ناس ساعات من المرتشين بيجي يبص في و جه واحد فيتكسف انه يطلب منه رشوة عارف يا اخي الكريم
اننا لو طبقنا الحديث الشريف ( لو انكم تتوكلون علي الله حق توكله لرزقكم كما يرزق الطير تغدو خماصا و تروح بطانا )
ما دفع فينا احد رشوة ابدا ( الا قليل القليل ) لان دائما هناك ناس سيئة في اي مجتمع
اذا بالعودة للدين ( نتخلص من الرشوة ) و لكن فيه ناس للاسف حياتها كلها رشوة فلا يصدقو ان غيرهم يسير بلا رشوة
اقسم بالله اني كنت حين تخرجت ( استأجر تاكسي ) للقيام بالانتقال لعملي في المواقع و خلافه و تعرفت علي اخ فاضل صاحب تاكسي من القديم اوي ده الكلام ده في 97 - 98 و كان التاكسي مرسيدس موديل 62 علي ما اذكر
و دائما الراجل يوصلني و في نصف الطريق ينام تحته مرتين فلك ان تتخيل شكله و علشان انا حسيت انه انسان ملتزم حافظت عليه معي المهم بقي اللي جاي هوه الاهم
نبقي ماشيين في امان الله علي الصحراوي او في المعادي او اي مكان و اذا بلجنة بالطريق و اول ما نعرف ان اللي موقف الطريق لجنة ( اقسم بالله ) يبتسم و يقول لي بص الحته اللي جاية دي
و اجده يردد بسم الله الرحمن الرحيم ( وجعلنا من بين أيديهم سدا ومن خلفهم سدا فأغشيناهم فهم لا يبصرون ) و اقسم بالله نعدي من اتخن لجنة و هوه المفروض يتعدم امن و متانة ( لو علي شكل العربية ) انما هيه لا تدخن و الحمد لله او ممكن يعتقلونا بداخلها بدعوي رجعتو البلد وري من شكلها ( بس هوه كان لا يملك حاجة تانية و لم يقصر ) مرة من المرات و احنا داخلين علي اللجنة لقيته عرق و قلقان فقلت له مداعبا ايه انتي نسيت الاية فقال لي
لا يا هندسة انا مصليتش الفجر النهاردة و لما صحيت متأخر و جيت بسرعة مقلتش اذكار الصباح ( اقسم بالله ) اليوم ده الرخص اتسحبت و العربية دخلت فحص
اقول ايه و اعيد ايه لو ظللنا نحكي للصبح للناس التي لم تجرب و الله لن يصدقونا
و ياريت تجرب انته شوية و لو من باب السعي لتغيير المنكر
نسيت اقول حاجة خادتو بالكو بقي ان الموضوع من زمان يعني قبل الثورة
و مع العلم ان الثورة جيدة لكن يظل بعد الناس عن الدين تهدم اعظم ثورة ( فمن لم يخاف الله اتنتظره يخاف من عبد الله )
م.حاتم السباعي

[kono]

عارف يا استاذ ( kono ) اني لا انا و لا والدي عمرنا ما دفعنا رشوة طول حياتنا الا مرة واحدة دفعت فيها ( في جمرك مينا دمياط الجديدة ) بعد ان امروني اصحاب العمل و قتها ان ادفع لان بيتهم هيتخرب و بعدها عملت حادثة و قررت الا ادفع ابدا حتي لو بيتي انا اللي اتخرب
عارف اني اعلم ناس كتير بفضل الله لا يدفعون رشوة عارف و الله ان فيه ناس ساعات من المرتشين بيجي يبص في و جه واحد فيتكسف انه يطلب منه رشوة عارف يا اخي الكريم
اننا لو طبقنا الحديث الشريف ( لو انكم تتوكلون علي الله حق توكله لرزقكم كما يرزق الطير تغدو خماصا و تروح بطانا )
ما دفع فينا احد رشوة ابدا ( الا قليل القليل ) لان دائما هناك ناس سيئة في اي مجتمع
اذا بالعودة للدين ( نتخلص من الرشوة ) و لكن فيه ناس للاسف حياتها كلها رشوة فلا يصدقو ان غيرهم يسير بلا رشوة
اقسم بالله اني كنت حين تخرجت ( استأجر تاكسي ) للقيام بالانتقال لعملي في المواقع و خلافه و تعرفت علي اخ فاضل صاحب تاكسي من القديم اوي ده الكلام ده في 97 - 98 و كان التاكسي مرسيدس موديل 62 علي ما اذكر
و دائما الراجل يوصلني و في نصف الطريق ينام تحته مرتين فلك ان تتخيل شكله و علشان انا حسيت انه انسان ملتزم حافظت عليه معي المهم بقي اللي جاي هوه الاهم
نبقي ماشيين في امان الله علي الصحراوي او في المعادي او اي مكان و اذا بلجنة بالطريق و اول ما نعرف ان اللي موقف الطريق لجنة ( اقسم بالله ) يبتسم و يقول لي بص الحته اللي جاية دي
و اجده يردد بسم الله الرحمن الرحيم ( وجعلنا من بين أيديهم سدا ومن خلفهم سدا فأغشيناهم فهم لا يبصرون ) و اقسم بالله نعدي من اتخن لجنة و هوه المفروض يتعدم امن و متانة ( لو علي شكل العربية ) انما هيه لا تدخن و الحمد لله او ممكن يعتقلونا بداخلها بدعوي رجعتو البلد وري من شكلها ( بس هوه كان لا يملك حاجة تانية و لم يقصر ) مرة من المرات و احنا داخلين علي اللجنة لقيته عرق و قلقان فقلت له مداعبا ايه انتي نسيت الاية فقال لي
لا يا هندسة انا مصليتش الفجر النهاردة و لما صحيت متأخر و جيت بسرعة مقلتش اذكار الصباح ( اقسم بالله ) اليوم ده الرخص اتسحبت و العربية دخلت فحص
اقول ايه و اعيد ايه لو ظللنا نحكي للصبح للناس التي لم تجرب و الله لن يصدقونا
و ياريت تجرب انته شوية و لو من باب السعي لتغيير المنكر

م.حاتم السباعي

شوف يا بشمهندس حاتم المرة الوحيدة اللى حضرتك دفعت فيها رشوة كانت فى جمرك ميناء دمياط اللى هو اصلا مكان شغلى تخيل حضرتك المعاناه اللى بنقابلها فى الشغل
وكلام حضرتك مظبوط جدا ويتلخص فى (من يتق الله يجعل له مخرجا ويرزقه من حيث لا يحتسب
وربنا يعينا ونتخلص من الفساد اللى موجود فينا ونطهر نفسنا

[م. حاتم السباعي]

شوف يا بشمهندس حاتم المرة الوحيدة اللى حضرتك دفعت فيها رشوة كانت فى جمرك ميناء دمياط اللى هو اصلا مكان شغلى تخيل حضرتك المعاناه اللى بنقابلها فى الشغل
وكلام حضرتك مظبوط جدا ويتلخص فى (من يتق الله يجعل له مخرجا ويرزقه من حيث لا يحتسب
وربنا يعينا ونتخلص من الفساد اللى موجود فينا ونطهر نفسنا

طبعا يا اخي الكريم انا مقدر جدا معاناة حضرتك
و ربنا يعينك عليها و لا نعرف ما الذي كنا سنفعله لو اننا مكانك
و لكني ذكرت قصة اخونا الفاضل صاحب التاكسي لان هناك الكثير من اصحاب نفس المهنة بيرشو في اليوم الواحد يجي 20 عسكري و امين و ضابط فما بالنا لو انهم حتي قبل الثورة او بعد الثورة حاولو الا يدفعو و ليحدث ما يحدث
اظن القليل فقط هو من جرب و لما خسر و قت او مال او جهد ( بطل يجرب و استسهل ) و قيس بقي علي كده حاجات كتير اوي كلها مرتبطة بهذه الفكرة

م.حاتم السباعي

[م. حاتم السباعي]

اللي يهلكك من الضحك بقي ان ايامها كان رئيس الميناء القبطان ( عصام بدوي ) علي ما اذكر باعت معي مرافق من العلاقات العامة لتزليل اي عقبات تقابلني
و لما خرجنا من باب المكتب قال لي انا لو عاوزني اركبك مركب و تسفر الاجهزة اللي معاك دي معنديش مانع لو عاوز تهاجر ميضرش لو اي شئ عاوزه انت تأمر
بس كل ده مش هيغني عن ال 20 جنية اللي هتحطها في كراسة المعدات و انته داخل الصبح
و زي ما حكيت كده لمعاليك الاول اعترضت كنا في رمضان و خلصنا شغل جوه الساعة 2 الظهر لم اخرج من المينا اليوم ده الا بعد التراويح علشان البشوات و صو عليا اني مدفعتش حطيت الفلوس بعد كده و لما جيت اسافر مصر عملت حادثة ركبت مسمار نخاعي و حسيت ان ده عقاب لاني تنازلت و من ساعتها لا ادفع حتي لو بيتوني في المينا

م.حاتم السباعي

[م. حاتم السباعي]

ايه الحكاية هو الاخ الفاضل الاستاذ تامر مشعول
و الا الموضوع مش مهم

م.حاتم السباعي

[otefa]

تحياتي مهندس حاتم على مداخلاتك ألي في الجون