عتاب و سؤال للكثير من الاعضاء - اين نحن من مقاصد الشريعة ؟

[م. حاتم السباعي]

تحياتي مهندس حاتم على مداخلاتك ألي في الجون

ربنا يكرمك يا بشمهندس محمد ( احنا تلاميذك )
بس للاسف انا متابع اليومين دول ان اي مشاركات طويلة لا تلفت النظر الناس عاوزة تعرف و تنقض و تناقش و تستفيد و تفيد و احيانا تفرض رأي و فكرة بالعافية
( كل ده ) بس علي السريع كده ( كويكلي كويكلي ) اصلي انا بحب انجز
و انجز يا و نجز
مع ان الغربيين اللي الكثير بينبهرو بيهم ليهم كل اسبوع كتاب علي الاقل
و ساعات بيستفيدو من مشاركات بعض و الا ما كانت حاجتهم للفيس بوك بعد اختراع النت
انما احنا لا نحب التعب ( عاوزين نكسب كاس العالم ) و اللعيبة بتاعتنا بتروح لبركات ملك الحركات و تمثل الافلام و تسهر بالليل و الناس نيام
و اكتشفت اخيرا ان منتدانا الجميل به 4 جبهات
( جبهة تحمل فكر و توجهات تميل لتغليب الدين في جميع نواحي الحياة ) براحتهم
( جبهة تحمل فكر و توجهات علمانية او ليبرالية او اي تسمية لمنهج فكري معين ) براحتهم
( جبهة لا تحمل اي فكر لاي تيار من السابقين و قناعتها الشخصية دائما ما تكفيها ) براحتهم
( جبهة المتفرجون ) براحتهم
و اكتشفت مؤخرا ان اجدع ناس هم جبهة المتفرجون فتجدهم ماليين مواضيع تانية خالص بكثافة
و الجبهة التي لا تميل لاي تيار او اسلوب او منهج دائما ما يتدخلو فقط احيانا لاثبات موقفهم و التأكيد علي ذلك مخافة ان يصنفهم احد و هم دائما ما يهاجمو اول جبهة و كثيرا لا يعترضو علي مواضيع لثاني جبهة الا اذا نادرا
اما الجبهتان بقي اللي تاعبين بعض ( الاولي و التانية )
اكتشفت اخيرا انهم ضحايا
هل تصدق ان اعضاء الجبهتين مجتمعين لا يزيدو عن 18 الي 20 عضو
تخيل بقي اننا عمالين ننبح احنا و همه في حسنا و مقطعين في هدوم بعض مع اننا بالنسبة لكيان المنتي لا شئ
و لا حتي مواضيعنا للاسف اطول موضوع تلاقيه فيه يجي 100 قول 200 مشاركة و بعدين هب اما يغلق او يدمر او يتدمر ذاتيا
اما بقي المواضيع التانية مش عاوز اجيب في سيرتها لحد يزعل تلاقيها ساعات بتعدي 400 مشاركة مرتاح
و لذا و جب التنبيه ( صفر الحكم )
انتهي الماتش
بلاش عتاب يا حبيبي
الخوف بس ان الواحد ساعات بيحس انه لا يجب ان يقصر تجاه اخوانه فعلشان كده بتجدنا محروق دمنا و تعبانين اوي و محروقين اوي من الجانبين طبعا و اتاري الموضوع لدي البعض -----------------------------------------

انجز بقي تلاقي فيه ماتش و لا بتاع ارحمنا ياعم
حاضر يا فندم عنية ( قشطة ) بيس
باي بقي
اوك

م.حاتم السباعي

[otefa]

ههههههههه
أنا معاك والله في كل ألي قولته زمتابع الأعداد وفاهم أنها قليلة جدا ألي مشاركة بأيجابية الأغلبية متفرجين
بس أنا بأستفيد والله من المواضيع والتحاور والأستشهاد بالأيات والأحاديث حاجة رائعة جدا أن الواحد ينشط ذهنه ويراجع ويزود في دينه
بس هو المؤذي فعلا أنك مابتبأش عارف سن محاورك يعني ممكن يطلع 15 سنة ولا أصغر مش مشكلة أنما تفاجأ بأسلوب أطفالي في الحوار يقلب بسفاهة وتهكم وتبقى بين نارين أرد وأنزل بمستوايا ولا أستنى الأدارة تتدخل سواء فورا ولا الموضوع يطول يالله
ربنا يهدي
تحياتي م.حاتم

[Dojuar]

ه
بس هو المؤذي فعلا أنك مابتبأش عارف سن محاورك يعني ممكن يطلع 15 سنة ولا أصغر مش مشكلة أنما تفاجأ بأسلوب أطفالي في الحوار يقلب بسفاهة وتهكم وتبقى بين نارين أرد وأنزل بمستوايا ولا أستنى الأدارة تتدخل سواء فورا ولا الموضوع يطول يالله
ربنا يهدي
تحياتي م.حاتم

+1111111111111

و يحصل سوء تفاهم من غير لازمة و لا مبرر...بس يمسكوا في جملة يعملوا عليها حوار...وأساس المشاركة اللي في صلب الموضوع يتجاهلوها

[تامر.محمد]

ايه الحكاية هو الاخ الفاضل الاستاذ تامر مشعول
و الا الموضوع مش مهم

م.حاتم السباعي

ههههههههههههههههههههههههههههه لا طبعا يا باشمهندس , انا بس كنت كاتب الرد على كذا مشاركة منهم مشاركتك اللي مزجتني جدا و ما كملتوش لسه و سبته على كمبيوتر الشغل
بكرة ان شاء الله الرد
:)

[م. حاتم السباعي]

ههههههههههههههههههههههههههههه لا طبعا يا باشمهندس , انا بس كنت كاتب الرد على كذا مشاركة منهم مشاركتك اللي مزجتني جدا و ما كملتوش لسه و سبته على كمبيوتر الشغل
بكرة ان شاء الله الرد
:)

ربنا يكرمك يا استاذ تامر
و يا رب الدش اللي انا عمال اصدعكم بيه ده يكون بيتم قراءته فعلا
ربنا يكرمك و في الانتظار

م.حاتم السباعي

[عمرو عمارة]

مهندس حاتم.....حقاً وصدقاً أمتعتني كثيراً بمداخلتك وخلاصتها كما ذكرت

" اما موضوع ان هناك تركيز من الاعضاء للتعرض علي الحفاظ علي الدين ( فإني اري ) ان فعلا الحفاظ علي الدين هو الاساس فلو صح ( استطاع المسلم ) ان يتأرجح بين الصفات الاخري ( نفس و عقل و مال و عرض ) اما اذا لا قدر الله ضاع دينه لا يغنيه ذلك عن تمسكه بالاربع صفات الاخري مجتمعين ( لانه و قتها سيكون عمله لنفسه ) و ليس خالصا لله و دليلي في ذلك ( لانه اصلا ضيع دينه و فرط في عقيدتة فلن يهب اي امر لصاحب الامر ) و لانه سيكون قد خرج من المعني الحقيقي الذي من اجله خلق الله الانسان "

لا تحرمنا من مشاركاتك القيمة وأسأل الله أن ينفع بك المسلمين

[تامر.محمد]

تحياتي يا باشمهندس تامر ........ موضوع مهم جداً
هو دة التطبيق الصحيح للشريعة في جميع جوانب الحياه ....... إلي للأسف إختزلنها في جزئية تطبيق الحدود و فوايد البنوك و نتخانق نربي اللحية ولا لأ أو إيه شكل زي الرسول
كلنا محتاجين نفهم الشريعة بمعناها الشامل

+1
مع التأكيد ان ما ذكرته و تم التركيز عليه هو قيم مطلوبة و لكن التركيز عليها فقط خطأ كبير

موضوع جميل و الله و يا ريت الناس تشارك و جزاك الله كل خير

تسلم يا دكتور و عايز من حضرتك بعض التفاصيل في الموضوع لو تقدر

موضوع جميل
ولي مداخلة بسيطة تلخص ال5 مقاصد في جملة
حفظ الدين وفهمه وأتباع جوهره= بالضرورة والحتمية حفظ النفس والعقل والمال والعرض وكل ماهو محمود ومفيد للأنسان نفسه وللمجتمع ككل

تمام جدا يا باشمهندس محمد
و بصراحة باشمهندس حاتم ضايف اضافة روعة , بس لازم هاناقشه فيها طبعا :))))))))))
بس انا بصراحة حضرتك من الناس اللي انا عاتب عليهم في الموضوع اللي بنتكلم فيه يا باشمهندس
لأني لمست في حضرتك صدق النوايا , لكن في نفس الوقت , شايف اهتمام محمود بحاجات ,و زي ما باقول , عدم اهتمام بحاجات تانية

الموضوع حلو
بس هقولك حاجة انا عملتها
انا بشتغل مخلص جمركى طبيعة شغلى كانت بتفرض على انى ادفع رشوة عشان شغلى يمشى بسرعة
من بعد الثورة قلت مش هدفع حاجة تانى
وجربت اتفق مع شوية مخلصين عشان نبطل دفع
محدش رضى يبطل دفع بحجة ان شغلهم هيقف
طبعت استيكر ولزقته على ابواب مكاتب الموظفين جايز حد يتأثر
كان مكتوب فيه جملة "ألا يقوموا بدفع رشوة " لقيت ألا بقت أن بقدرة قادر
المشكلة ان الناس مش عاوزة تتغير

نفسي اقول لك تجرب تعمل كمين بالتعاون مع الداخلية للناس دي لكن انا واثق ان الداخلية هاتبقى معاهم اصلا

اظن حلك فيديو يتصور لحد فيهم و فضيحة معتبرة في وسائل الاعلام


باشمهندس حاتم
لا تتخيل مشاركتك في الموضوع ده مزجتني ازاي و أمتعتني ازاي
بجد مشاركة حكاية و الله العظيم

بس انا ليا نقط عايز اناقشها معاك
دي

اما موضوع ان هناك تركيز من الاعضاء للتعرض علي الحفاظ علي الدين ( فإني اري ) ان فعلا الحفاظ علي الدين هو الاساس فلو صح ( استطاع المسلم ) ان يتأرجح بين الصفات الاخري ( نفس و عقل و مال و عرض ) اما اذا لا قدر الله ضاع دينه لا يغنيه ذلك عن تمسكه بالاربع صفات الاخري مجتمعين ( لانه و قتها سيكون عمله لنفسه ) و ليس خالصا لله و دليلي في ذلك ( لانه اصلا ضيع دينه و فرط في عقيدتة فلن يهب اي امر لصاحب الامر ) و لانه سيكون قد خرج من المعني الحقيقي الذي من اجله خلق الله الانسان

انا ما قلتش ما نركزش على الحفاظ على الدين خالص , على العكس ده اول مطلوب اصلا
لكن في نفس الوقت لما نقول احنا بنحافظ على الدين و هو الأساس , و ناخد ده كزريعة لاهمال الباقي, نبقى عملنا زي اللي قالت مش مهم اتحجب ما انا باصلي و الصلاة عماد الدين و بين الرجل و بين الكفر ترك الصلاة (قال يعني هي لازم يا تصلي يا تتحجب ما ينفعش تعمل الاتنين) !!!
مافيش معنى خالص اننا نبقى مهملين او مقصرين في حاجات مطلوبة مننا اننا نقول ما احنا بنعمل كذا و هو اهم نبقى تمام , الموضوع مش يا ده يا ده , احنا مطالبين بكل دول, و الرسول عليه الصلاة و السلام و الصحابة كلهم كانوا مهتمين بكل النقط دي, و الواقع ان حفظ النفس و المال و العقل هما حفظ للدين لأن ربنا هايحاسبنا عليهم برده , مش بس نفسنا و عقلنا و مالنا , كمان ما يخص الآخرين ,انما المؤمنون اخوة,

اي حد يسعى للحفاظ على ما تقدم طبعا محمود , لكن ما ينفعش يهمل الباقي تماما , لأنه هايبقى محمود في حاجة و مذموم في الباقي

لو اننا كمسلمين حفظنا ديننا فبأذن الله سنصل للحفاظ علي باقي المقاصد لانها موجوده في كل النفس البشرية و لكن مظلة الدين هي التي ترتقي بها فتجعلها خالصة لله

صح جدا , ليه ده مش حاصل بقى ؟
يعني ليه بندافع عن الدين و مش بندافع عن النفس و المال و العرض و العقل مع ان الحفاظ عليهم من صلب الدين و من مقاصد الشريعة ؟
و يا ريت ترجع يا باشمهندس لأول مشاركة في الموضوع فيها شرح ليه ده مش حاصل, و لو حتى بقلب المرء مننا اللي هو اضعف الايمان , و ده عن امثلة علينا هنا في المنتدى , و لو هانجيب من الشارع هانلاقي للأسف فينا كلنا امثلة اكتر


عذرا لتأخر الرد

[otefa]

تمام جدا يا باشمهندس محمد
و بصراحة باشمهندس حاتم ضايف اضافة روعة , بس لازم هاناقشه فيها طبعا :))))))))))
بس انا بصراحة حضرتك من الناس اللي انا عاتب عليهم في الموضوع اللي بنتكلم فيه يا باشمهندس
لأني لمست في حضرتك صدق النوايا , لكن في نفس الوقت , شايف اهتمام محمود بحاجات ,و زي ما باقول , عدم اهتمام بحاجات تانية
---------------
ممكن توضحلي قصدك مهندس تامر ........مش واصلني المعنى؟
تحياتي

[otefa]

+1111111111111

و يحصل سوء تفاهم من غير لازمة و لا مبرر...بس يمسكوا في جملة يعملوا عليها حوار...وأساس المشاركة اللي في صلب الموضوع يتجاهلوها

شوفت الموضوع التاني شوية وهانضرب بعض بالشوم أسلوب !!!!
يسيبو جوهر الموضوع ويلغوشو وكرسي في الكلوب وياريت بالأصول

[تامر.محمد]

تمام جدا يا باشمهندس محمد
و بصراحة باشمهندس حاتم ضايف اضافة روعة , بس لازم هاناقشه فيها طبعا :))))))))))
بس انا بصراحة حضرتك من الناس اللي انا عاتب عليهم في الموضوع اللي بنتكلم فيه يا باشمهندس
لأني لمست في حضرتك صدق النوايا , لكن في نفس الوقت , شايف اهتمام محمود بحاجات ,و زي ما باقول , عدم اهتمام بحاجات تانية
---------------
ممكن توضحلي قصدك مهندس تامر ........مش واصلني المعنى؟
تحياتي

يعني باشوف حضرتك بتدافع عن الدين بصورة قوية جدا و محمودة جدا
في نفس الوقت باحس ان حضرتك مش بتهتم اوي , او اقول مش باحس ان حضرتك بتغضب , لما بيتقتل حد ظلم ولا بيتعذب حد ولا بيتسرق مال الشعب
ده مش اتهام لا سمح الله , ده بالكتير توجيه نظر مبني على تقدير و اعزاز

[تامر.محمد]

فينكم يا جماعة ؟
:)))

[otefa]

موجودين ياهندسة بس مش عارف أرد عليك أقول أيه أنا شايفك جي عليا في ظنونك الأخيرة دي شويتين........هاقولك طيب الأحساس جالك منين .......فيه مشاركة ليا محددة؟
وخلينا برضه نتفق قبل ده وده أن الكمال لله وحده وأننا لو لينا نصيب في الجنة فأكثرنا أيمانا وبالطبع عمل صالح لن يدخل الجنة ألا برحمة الله
تحياتي

[تامر.محمد]

موجودين ياهندسة بس مش عارف أرد عليك أقول أيه أنا شايفك جي عليا في ظنونك الأخيرة دي شويتين........هاقولك طيب الأحساس جالك منين .......فيه مشاركة ليا محددة؟
وخلينا برضه نتفق قبل ده وده أن الكمال لله وحده وأننا لو لينا نصيب في الجنة فأكثرنا أيمانا وبالطبع عمل صالح لن يدخل الجنة ألا برحمة الله
تحياتي

لا يا باشمهندس ده مش لوم لا سمح الله
هو يمكن فيه حتة لوم على المستوى الجماعي لينا كلنا
انما على المستوى الفردي و الشخصي هو توجيه نظر لأننا ببساطة , ما اتعودناش على كده
احنا عشنا سنين طويلة في قهر , و ماحدش فينا اتعلم من و هو صغير انه يغضب و يحاول ينصر مظلوم لأننا كلنا مزروع فينا انه لو حاول يعمل كده هايحصله , كمان كلنا اتزرعت فينا قاعدة فلان وحش يبقى يستاهل اللي يجرى له ايا كان و دي قاعدة غير صحيحة و كل الطغاة بيستعملوها

لكن كل ده لازم يتغير

[تامر.محمد]

مازلت اسأل عن مقاصد الشريعة