بالطريقة دي نجيب ساويرس هايولع البلد

[samoevil911]

مجهولة المصدر .. ولكنها كانت مقبولة ومتداولة ويضحك عليها الجميع ، دى النقطة اللى باتكلم عليها.

وتعليقك على ساويرس كشخصية عامة ومافعله خطأ موافق عليه بل إنى مستغرب ازاى حد بعقليته يسقط هذه السقطة، لكن مش شايف ان رد الفعل مبالغ فيه؟

اولا: يا سيدي مجهولة المصدر ..
وسمعها كا واحد وضحك عليها
وكانت عن الدين وعلى عن الأخوان والسلفيين ؟

انا نفسي مسمعتش هذه النكت وإذا سمعتها لن أقبلها
وانا كل اللي سمعته نكتة الأخوان هيعملوا فريق ويجيبوا رونالدو ولركبوا لرونالدو لحية

لكن مشفتش نكت


ثانيا: لما الشيء يأتي من شخص ليس على دينك كمان
هذا يثير الموضوع اكثر
لإنه ينظر اليه على أنه سخرية وازدراء من الآخر

عارف حضرتك زي مواحد ممكن يشتم نفسه لكن محدش يشتمه
الأب مثلا يقولك انا اضرب ابني بس لو حد مد ايده على ابني اكله

طايا كان السخرية من اي حد مرفوضة بس انا بقول ان دا عامل رئيسي جدا

ثالثا : نجيب ساويرس زودها
معظم تصريحاته فيها مهاجمة للأخوان والسلفيين والشريعة
فلما جه كملها .. عارف حضرتك .. هو كان واضع نفسه في شبهة وزودها


رابعا : موضوع ان زودوها
لأ بالعكس انا شايف ان لسه الناس متفعلتش مع الموضوع اكثر

انا فوجئت بناس بتتقبل الموضوع بلا مبالاة

بص حضرتك معظم اصجاب الأتجاهات الليبرالية والعالمانية .. او من يكره الخوان واسلفيين .. تعاملوا مع الموضوع بشكل سطحي جدا او بلا مبالاه (انا بقول معظم وليس كل)

سيدي الفاضل .. لو كان اللي عمل الصورة دي شيخ سلفي او اخواني وركب صورة قسيس وراهبة
أكاد اكذب كان مصر زمانها مولعة اخبار واعلام شتايم في السلفيين والأخوان وانهم مثيري فتنة
حتى لو اعتذروا .. ومش قالوا بنهزر لأ اعتذروا وقالوا غلطانين

هتلاقي الإعلام مصر على ذلك ويقولك خربتوها وقعدت على تلها .. وبعد متولعها تيجي تتأسف .. وانتم معندكوش حكمة و و و .....



بس للأسف الإعلام فاقد للحيادية كمعظم

[Egyzizo]

باشمهندس حاتم .. أعتقد أنه جانبك التوفيق فى هذه الفرضية .. مافيش حد بيضع حياته على المحك، لأن زى ما فيه متطرفين ممكن يهدروا دمه ، فيه مجانين ممكن ينفذوا ..

سامو .. تحب تسمع النكت دى؟؟ وتراهن انك هتضحك؟

[MaZaGAngeE]

تصدق فعلا انك لفت نظري لشئ مهم
ميمكن هو عاوز ده يحصل
ايوه فعلا ده وارد
يعني يضرب الناس علي وشها و قبل ان يأخذ احد موقف المدافع او رد الهجوم
هب نلاقي الحلو جري و يبقي اللي بيدافع عن نفسه هو المجرم و هو المهاجم
و طبعا المدافعين مختلفين
ففيه ناس هتكتفي بالاعتذار الغبي
و اخرين هيدعو عليه
و اناس تانية هتحتقره
و البعض هيسقط من نظرهم بعد ان كان حاجة
و اخيرا ستجد البعض بيخدو مواقف من عينة اهدار الدم دي
و هنا بقي يبقي نفذو له غرضه الذي سعي له جاهدا
فاهمني و لا مش واصلة لمعاليك

م.حاتم السباعي

بس دي تبقى مصيبة لو الغرض كده من الحكاية كلها , و ده مش بعيد من شخص ذكي و مرن أو متلون زي نجيب . كده بجد ممكن يحصل تدخل اجنبي أو ازمة داخلية قوية جدا

[samoevil911]

باشمهندس حاتم .. أعتقد أنه جانبك التوفيق فى هذه الفرضية .. مافيش حد بيضع حياته على المحك، لأن زى ما فيه متطرفين ممكن يهدروا دمه ، فيه مجانين ممكن ينفذوا ..

سامو .. تحب تسمع النكت دى؟؟ وتراهن انك هتضحك؟

يا استاذي الفاضل
انا مالي بالنكت

انا بكلم عن فعل خطأ
صدر من رمز سياسي واقتصادي له ثقلة
وشخص المزفروض انه واع لمركزه


وبعدين حتى لو سمعت النكت وضحكت
هل دا دليل انها صح ؟؟؟؟؟

[samoevil911]

باشمهندس حاتم .. أعتقد أنه جانبك التوفيق فى هذه الفرضية .. مافيش حد بيضع حياته على المحك، لأن زى ما فيه متطرفين ممكن يهدروا دمه ، فيه مجانين ممكن ينفذوا ..

سامو .. تحب تسمع النكت دى؟؟ وتراهن انك هتضحك؟

يا استاذي الفاضل
انا مالي بالنكت

انا بكلم عن فعل خطأ
صدر من رمز سياسي واقتصادي له ثقلة
وشخص المزفروض انه واع لمركزه


وبعدين حتى لو سمعت النكت وضحكت
هل دا دليل مشروعيتها ؟

[Dr.Rayyan]

مستاء جدا من فعله وانا شخصيا اكرهه وافكر بمقاطعه شركاته

[abou_ruqi]

نفسي حد من الاخوة المسيحين لما يغلط مسيحي يخرج يقول احنا اسفين يا جماعة على هذا الخطأ وهذا الانسان لا يمثلنا وانتوا اخوتنا وتعزو علينا

زي ما احنا بنعمل كل مرة رغبة منا في لم الشمل وتجنب الفتنة

فاكرين ايام حادثة كنيسة في سيدي بشر?
المسيحين بعد ألحادثة خرجوا كسروا المسجد اللي قدام الكنيسة بلا اي ذنب للمسجد
كلنا خرجنا انكرنا التفجير حتى قبل ما نعرف الفاعل مسلم ام لا
لكن لحد دلوقتي محدش اعتذر عن تكسير المسجد واحنا كلنا عارفين ان اللي كسره مسيحي
متى تقفون معنا ضد الفتنة?

[m3_dolphen]

الحل العملى مع هذة الإسائة تحويل الخط وليس كسره او رمية فى الزبالة ؛ لكى لا يبيعه مرة اخرى ويمكنك ان تذهب بنفس الرقم ونفس الكود ( 012 / 018 / 017 ) إلى إتصالات مجاناً فقط اتصل بخدمة العملاء فى موبينيل واطلب منهم رقم الحساب وبعد ذلك
اذهب الى اقرب فرع إتصالات

لمزيد من المعلومات اتصل بخدمة عملاء إتصالات

0235346333
او
0111234333

[amrico]

أنا مش موافق طبعا على موضوع زي إسلامي أو طائفة تنسب لنفسها الإسلام أو إتباع السلف لكونهم بيلبسوا جلاليب و بيربوا لحيتهم ..
طيب و باقي المصريين اللي مابيلبوس جلاليب و بيحلقوا دقنهم دول مش على طريق السلف الصالح .. طب على طريق إيه ?

أنا شايف إن مادام الإنسان بيتبع التعاليم الإسلامية و حسن الخلق و يؤدي الفروض إذن هو على طريق السلف الصالح و مسلم جيد .. بصرف النظر عن لبسه و هيئته ..
لكن إننا نقول إن لبس المسلمين هو ده و اللي يقول حاجة عنه يبقى بيشتم المسلمين ده خلط و غلط .. أغلب المسلمين المصريين مش بيلبسوا كده و نحسبهم على خير إن شاء الله ..

طبعا لا أوافق على الصورة بتاعة ساويرس و هي دايقتني إنسانيا و ليس دينيا لأني لا أحب السخرية و حرية إختيار الملبس هي حرية إنسانية و تؤذيني هذه الصورة كما تؤذيني صورة تتريق على البرادعي مثلا لأنه بيلبس نظارة أو لأنه بيتهته أو عندما يصف البعض فلان أنه ماسوني لأنه يرتدي حظاظة مثلا أو عندما يسخر بعض السعوديون أنفسهم (أصحاب هذا الزي) من المصريين لأنهم يأكلون الفول مثلا ... و مع ذلك هذا النوع من السخرية لا يثير أي مشكلة عند البعض و يتحركون فقط عندما يمسهم الأمر

1111111111111111111

[الطنطاوي]

و ده شىء رائع ... هل حضرتك شايف إننا بنعمل بيه فعلاً الأيام دى؟ و لا بره سبقونا و بيعملوه من غير ما يسمعوا عن أبو طالب و موقفه ده ... فين أيام الشيخ محمد عبده, ده من الأمثلة المنيرة اللى عملت بالكلام ده.


عذراً مش فاكر تفاصيل كتير بس كان التفسير خاص بالآيه (والأرض بعد ذلك دحاها ) .. ده كان تفسير قديم لكن تم تجديده و التمسك بالتفسير الخاص بكروية الأرض بعد إكتشاف كرويتها.
الفكرة سيدى الفاضل إن مفيش مشكلة إن يكون العلماء دول فسروا الآيات فى وقتهم بناء على علمهم فى هذا الوقت ... و نيجى دلوقتى بعد تطور العلم نعيد التفسير تبعاً للإكتشافات العلمية الحديثة ... و من ذلك نظرية التطور اللى شايف الغرب بيتسارع فى تفسير الخلق فى سفر التكوين تبعاً للإكتشافات العلمية الحديثة و إحنا لسه متمسكين بمفهوم الخلق الخاص اللى العلم أثبت خطأه. و إحنا دى تعود علينا فى الشرق سواء مسلمين أو مسيحيين فالكنيسة المصرية أيضاً لا تزال متمسكة بالتفسير القديم للخلق.
حضرتك فاكر الكنيسة فى أوروبا عملت ايه مع جاليليو لما أعلن عن إكتشافه الجديد؟! .. نفس الموضوع بيحصل مننا مع موضوع التطور ده.

.... و قيس على ذلك أمثلة كثيرة جداً عندنا بنلاقيها كل يوم.

أنت بتأخذني من حفرة توقعني في دحديره

بالنسبة للموضوع الاول : لو أي واحد من بره مصر بص على كمية النقد للمسلمين منهم في نفسهم ودفاع كتير منهم عن الأقباط لحد إن احنا كمسلمين أصبحنا نشعر أننا أغلبية مضطهدة هايقول عكس اللي أنت بتقوله


بالنسبة للموضوع التاني : أنا سألتك عن دليلك عن كلامك وللأسف لم تذكر أي دليل ... مش مشكلة

ياليت تشوف الروابط دي اللي فيها إجماع الأمة من أكتر من ألف سنة على كروية الأرض

ابن تيمية ينقل إجماع علماء الإسلام على كروية الأرض و السماء من 1000 سنة - حراس العقيدة

كروية الأرض في القران الكريم - حراس العقيدة

كروية الأرض بين إجماع الأمة وإنكار الكنيسة ... شطحات في تساؤلات زكريا بطرس 3 - حراس العقيدة

موضوع الخلق دي بقى أنا مش فاهم قاصدك ....... بقى العلم أثبت إن نظرية الخلق اللي موجودة في القرآن غلط .... بجد دي جديدة جدًا
لأني لم أسمعها إلا من الملحدين بتوع نظرية التطور لداروين ومش لاقين أي اثبات علمي على كلامهم على عكس

تحياتي لك

[adelseliem]

لما ساويرس يعمل كده

ومجموعه تانيه تسخن الناس

شوفوا هيحصل أيه

لما أحنا فى المنتدى مثقين وفاهمين , طب الغير متعلمين والمتعصبين هيعملوا أيه

فاركين حادثة منشية ناصر

يعنى واحد يروح يسخن المسلمين ( لأن مش كلهم مثقفين ) ويقولهم ده بيستهزأ بيكم ويلا نتظاهر ضده

ويروح يسخن المسيحيين ( لأن مش كلهم برضه مثقفين ) ويقولهم دول جايين يضربوكم

ودول يطلعوا يضربوا فى دول

حتى لو ساويرس مش نيته يحصل ده , لكن فيه ناس تانيه ( مسلمين ومسيحيين ) عايزين ده

ربنا يستر

[Dojuar]

تصدق فعلا انك لفت نظري لشئ مهم
ميمكن هو عاوز ده يحصل
ايوه فعلا ده وارد
يعني يضرب الناس علي وشها و قبل ان يأخذ احد موقف المدافع او رد الهجوم
هب نلاقي الحلو جري و يبقي اللي بيدافع عن نفسه هو المجرم و هو المهاجم
و طبعا المدافعين مختلفين
ففيه ناس هتكتفي بالاعتذار الغبي
و اخرين هيدعو عليه
و اناس تانية هتحتقره
و البعض هيسقط من نظرهم بعد ان كان حاجة
و اخيرا ستجد البعض بيخدو مواقف من عينة اهدار الدم دي
و هنا بقي يبقي نفذو له غرضه الذي سعي له جاهدا
فاهمني و لا مش واصلة لمعاليك

م.حاتم السباعي

ساويرس عمل كده و هو عارف ردود الأفعال و هو مستني تضخم الردود أكثر

[ahmed2y]

من امبارح عاوز اكتب رد فى هذا الموضوع والنهاردة لما دخلت ولقيت هذا الكم من الردود الى 90% مصدق وموافق ان نجيب ساويرس عمل كدة فعلا ويمكن يكون فعلا عمل كدة والله اعلى واعلم ان مش بدافع عنة ولا بقول انة برىء


المهم

نجيب ساويرس ولا هو بالهبل والسذجة ولا بالهطل انة يعمل حاجة زى دى

دا راجل ملياردير وواعى وفاهم ومش عبيط عشان يعمل كدة

فارجو من الاخوة التمهل والانتظار لما نشوف مصدر الخبر وطبيعة الموضوع لانى حاسس والله اعلم هيكون الموضوع فلم بالذات مع وجود عمر عفيفى

وكمان ارجو رجاء خاص من الاخ الى بقول على نجيب ساويرس نصرانى كافر وكان حاططها بين قوسين اتقى الله فيما تقول


وافتكر الاية الكريمة الى بتقول لكم دينكم ولى دين





العقل والحكمة يا اهل الخير .................

[adelseliem]

وكمان ارجو رجاء خاص من الاخ الى بقول على نجيب ساويرس نصرانى كافر وكان حاططها بين قوسين اتقى الله فيما تقول


وافتكر الاية الكريمة الى بتقول لكم دينكم ولى دين

لفته كويسه منك

بس الأخ اللى قال كده مسيحى

ومش قصده طبعا يقول كده بس هو بيقول ان فيه ناس بتقول كده

علشان كده قولتلك لفته كويسه

[yoyos]

log in | facebook
حمله المقاطعه لموبينيل ياريت كله يدعوا لهذه الصفحه

شكرا جدا انا داخلة حاضر علشان اعمل ريبورت :d