احنا كمان بنهزر يا ساويرس ..شارك على الفيس بوك

[abokoko]

مش عارف قلبي مش مطمن

زي ما قلت قبل كده...ساويرس متعمد الموضوع ده و عارف ردود الفعل

زائد ان ديه مش أول مرة يتطاول...

على فرض وجود هدف متعمد من ساويرس
هيكون السبب خلق جو متوتر واضرابات ضد المسيحيين --يعقبها مطالب
والمطلب الرئيسى هيكون تاجيل الانتخابات لحرمان الاسلاميين من الفوز ولترتيب التكتلات العلمانية

لكن
1:: ربك بالمرصاد ان شاء الله الاسلاميون هم الفائزون فى الانتخابات بحكم الاختيار الشعبي المؤيد لهم

2:: ربنا يجعل كيدهم فى تدبيرهم
وهينعكس عليه الامر
والدليل
-----------------R.N.N | شبكة رصد
رصد | مصر | العربية | تراجع جماعي لأسهم "ساويرس" في البورصة المصرية#RNN

================
شهدت الأسهم المرتبطة باسم رجل الأعمال المصري نجيب ساويرس، تراجعًا جماعيًا خلال جلسة اليوم الاثنين، بعد الهجوم الذي تعرض له ساويرس على خلفية نشره لصورة اعتبرها البعض أنها بمثابة "ازدراء للإسلام" عبر صفحته الشخصية بموقع "تويتر."
وعلى الرغم من كون ساويرس قد أعلن اعتزامه التفرغ للعمل السياسي، وقدَّم استقالته من رئاسة مجلس إدارة "أوراسكوم تليكوم" القابضة، إلا أن الأسهم المتعلقة باسمه قد شهدت تراجعًا جماعيًا، حيث شهد سهم الشركة المصرية لخدمات التليفون المحمول "موبينيل" تراجعًا بنسبة 1.84%، بعد حملة المقاطعة التي أطلقها الشباب على موقع "الفيس بوك" للشركة ومنتجاتها من خطوط وبطاقات.
وتراجع أيضًا سهم أوراسكوم تليكوم القابضة بنسبة 0.49%، كما تراجع سهم أوراسكوم للإنشاء والصناعة بنسبة 0.79.%
وأكد خبراء ماليون أن تراجع أسهم ساويرس، خاصة سهم "موبينيل" لم يأتِ كنتيجة مباشرة لحملة المقاطعة التي انتشرت عبر الإنترنت أخيرًا، إلا كان لها تأثير أيضًا في هذا التراجع.
وعزا المحلل الفني بشركة وديان لتداول الأوراق المالية محمد أنور هذا التراجع الذي خيَّم على أداء أسهم "ساويرس"، وهي من الأسهم القيادية بالسوق المصرية، إلى حالة التذبذب التي تشهدها السوق بشكل عام خلال الفترة الأخيرة، بسبب قيام الشركات بـ"تقفيل" الميزانيات، واقتراب العام المالي الجديد 2011/2012 والذي يبدأ أول يوليو المقبل.
وسجل المؤشر الرئيسي للبورصة المصرية EGX30 والذي يقيس أداء أنشط 30 سهمًا بالبورصة، تراجعًا بلغت نسبته 1.15%، مغلقًا عند مستوى 5375 نقطة، كما تراجع مؤشر EGX70 بنسبة 0.14%، مغلقًا عند مستوى 636 نقطة، وتراجع مؤشر EGX100 الأوسع نطاقًا والذي يقيس أداء الأسهم المكونة لمؤشري egx30 وegx70 بنحو 0.44%، مغلقًا عند مستوى 982 نقطة.
وسجلت السوق قيم تداولات بلغت 811.057 مليون جنيه، بحجم تداول بلغ 109.770 مليون ورقة مالية، من خلال 28.800 صفقة منفذة، عبر التداول على 181 سهمًا، ارتفع منهم 41 سهمًا، وتراجع 123 سهمًا.

Wall Photos

[eletr]

لو كان عندي خط موبينيل كنت ولعت فيه ياريت بجد كل الناس تقاطع موبينيل كل اصحابي هيغيروا الخط بتاعهم

[M7amD_7amDy]

عايز تحول واحد .... تحول اتنين ..... تحولهم كلهم ....... زي ما انت عايز

شكرا ياباشا

كده تمام اوى وبكرة ان شاء الله هيتم التحويل :)

[abokoko]

لا يا راجل لو صلينا الفجر كل مشاكلنا هتتحل عشان احنا متخلفين فكريا وثقافيا ........ والعالم كله اقنعنا بكده
بلاش اعلق تعليق سخيف وانزل لمستوى الكلام الهزيل ده


ركعتا الفجر خير من الدنيا ومافيها

ومن ترك لله شيئا عوضه الله خيرا .......... احنا كمسلمين حياتنا مش واحد زائد واحد يساوي اتنين زي الغرب .......... احنا حياتنا تختلف تأتي المكافات من الله على الطاعه والرزق من حيث لا نحتسب بس بتقى الله

(( وان خفتم عيلة فسوف يغنيكم الله من فضله ))
الاهم اسلامنا وربنا يركمنا بفضلة ويعزنا بعزته
اما ساوير وامواله وشركاته ... فيجب ان نتذكر قارون وناخذ من قصته العبر

[thedeveloper87]

طول عمري بكره موبينيل ولينك دوت زفت

تحية لكل مسلم غيور على دينه لبى الدعوة

[ahmed1981]

يعنى اتصالات بتسخن فى الموضوع عشان تاخد خطوط اكتر ..

يا جماعة ..نفكر شوية قبل ما نخرب شركة مصرية لصالح شركة اجنبية و مصلحتها

هو انتقام من سويرس ولا من الموظفين المصريين اللى بيشتغلو فى هذة الشركات

ياريت بس نفكر شوية قبل ما نجرى وارء هذة الدعوات المغرضة بدون تفكير ..

الرجل اعتذرالموضوع انتهى و ..مافيش داعى بقى تتحول لغزوة موبينيل و نخرب فى بعض اكتر من كدة

كل واحد فينا معاه منتج او تنين او عشرة من منتجات شركات ساويرس وكل واحد فينا راكب عربية او موتسيكل جاى من دول غربية دايما واقفة مع اسرائيل وبتضهد الفلسطنين وفيه منتجات زى الغاز احنا بنصدره لاسرائيل الى بتكره المسلمين ونازلة قتل واغتصاب فى الفلسطنين المسلمين ولبنان ومحتلة الجولان وخربها على مصراعيه حد فكر فيكم يلغى الغاز الطبيعى من بيته او عربيته او مايركبش عربية صناعة اوربية او امريكية ردا على ما يفعلوه ارجو من الاخوة الافاضل تهدئه الامور لان البلد مش ناقصة محدش عارف بكره مخبى ايه ربنا يهدى الناس ويصلح الحال ارجو تفهم الموقف

-----------------------

على فكرة مش من أخلاق ديننا الإسلامي ان نرد على الإستزاء بالرموز الدينية من النصارى بستهزاء مماثل

ولو كان هذا جائز ستطال الإستهزاء كل رموز الدين المسيحي من أصغر واحد إلى شنودة

لذلك فواحد زي سويرس لازم يتربى كويس لأنه بيضر الجميع مسلمين ومسيحيين

عموماً هو دمر سمعة أي حزب بناه بهذه الحركة القذرة
سواء حزب الحرار أو حزب الجبهة

ومستقبله مخزي

فلم ينسى أحد تصريحاته السابقة التي قال فيها
أن إنتشار الحجاب في مصر يشعره بالغربة
ونسي أنه من الأقلية ويتحدث عن الأغلبية
وإذا كان أغلبية الناس في مصر مسلمين
فطبيعي أن يكون الحجاب منتشر أكثر من التبرج

لكن غير الطبيعي أن يقوم فرد بالإستهزاء بمظاهر الدين الآخر في بلده ثم بعد ذلك يذهب لحائط المبكى ليدعي أنه مضطهد

ونهايته ستكون مماثلة لأفعاله بإذن الله

وأي حملات تقام للرد عليه هي رد فعل طبيعي شعبي ومن يقف أمام الطوفان الشعبي مصيره سيكون كمبارك


-----------------------
تم حذف المشاركات التي تناقش العقائد وما يتبعها
مشرف القسم 5ب

[عمرو عمارة]

---------------------

بارك الله فيك

[cvt2008]

يا جماعة دى أقل حاجة ممكن نعملها
ولو نجحنا فالموضوع دة

ممكن نقاطع المنتجات الهولندية والدنماركية
ونشوف بدايل لكل حاجة
لازم نبقى ايجابيين
مش كل واحد يكبر دماغة
انا عن نفسى هحول خطى وخط مراتى واخواتى وكل اللى اعرفهم ان شاء الله
وانا بكتب المشاركة دى
كنت بكلم واحد من خدمة العملاء بتوع موبينيل أسمة أحمد غانم
سألنى انت عايز الكود لية
قولتلة ردى هوة هوة اللى انت عمال تسمعة اليومين اللى فاتو
قاللى احب اسمعة منك
قولتلة خدمة زبالة ودة اقل رد على ساويرس
وكل ما يحب يشرحلى حاجة اقولة تحب اقولك انت هتقولى اية
يقولى اتفضل
( طبعا انا عارف من مشاركات الاخوة الاعضاء اللى بيتقال)
لحد ما خليتة فى قمة الاحباط
اقعدت أكلمة حوالى 25 دقيقة
معايا خطين موبينيل
سألنى
الاسم بالكامل
رقم البطاقة
تاريخ الميلاد
وبعد كدة ادانى الكود
قولتلة ممكن أستفسر عن خط تانى قالى اتفضل
قولتلة رقمى
قاللى ممكن اراجع البيانات تانى
قولتلة بياناتى
قاللى حضرتك العنوان غلط ورقم البطاقة غلط
قولتلة نعم يا حبيبى
قاللى دة الموجود ادامى
العنوان الاولانى 13 ش السلام
قاللى التانى 23............ اية؟
قولتلة انت هتستجوبنى ولا اية
انا كلمت خدمة العملاء كتير والخط بقالة معايا سنين
اية الحوار بقى
قاللى حضرتك....
قولتلة بلا حضرتى بلا حضرتك
أنا اسمى ورقم بطاقتى وتاريخ ميلادى أدامك مش مشكلتى ان عندكم موظفين نص كم مش عارفة تكتب البيانات صح
من هنا ل هنا
معرفش ياخد معايا لا حق ولا باطل
كانت دخلتى فية شمال حدف .........وبالأدب برضة
وفالنهاية قولتلة عقبالك أما تسيب موبينيل
قاللى انا مقتنع بيها
قولتلة ربنا معاك
ودى أخر مرة أسمع فيها
شكرا اتصالك بموبينيل

[dr_magdi2009]

المؤشرات المالية للأداء المالي للشركة، بناءاً على أحدث القوائم المالية المعلنة.الربع الاول 2011
إحصائيات السهم
القيمة الإسمية 10 جنيه مصرى
القيمة السوقية 13,500,000,000.00 جنيه مصرى
حقوق المساهمين 3,144,733,000 جنيه مصرى
القيمة الدفترية 31.45 جنيه مصرى
مضاعف القيمة الدفترية 4.29
ربحية السهم 10.31 جنيه مصرى
مضاعف الربحية

على فكرة حقوق المساهمين ::::ك منهم 28 % افراد ..........

[BLOODY_STONE]

وبما اني مش بهضم حكاية الهزار خصوصاً ان نجيب لديه من الامكانيات انه ينشر اعتذاره في كل القنوات والبرامج والجرايد كمان ، انما هو اكتفى بنشره الكترونياً فقط ( نتذكر المدعو حازم شومان لما قل ادبه على البرادعي وبنته ، طلع اعتذر في كل حتة وكان ناقص يروح للبرادعي بيته يعتذرله ) رغم انه مش غني زي نجيب .. شيوخ الفضائيات دول كبيرهم كام عربية "هامر" وكان الله بالسر عليم .
طب ايه الحكاية .. نجيب ساويرس –رغم اني مش بحبه – رجل اعمال ذكي جدا وبيحسبها بالورقة والقلم ، والدين دلوقتي اصبح سلعة وكله بيتاجر بيها يا اما على القنوات يا اما في الانتخابات وبالتالي أكيد في سر ورا الحكاية .. قبل ما اقولكم السر تعالوا نعرف حبة معلومات:

شركة موبينيل (الشركة المصرية لخدمات التليفون المحمول) : هي شركة تمتلك شركة " فرانز تيليكوم" الفرنسية نسبة 71.25 % من اسهمها ، وتمتلك فيها شركة "اوراسكوم للإتصالات" 20 % من اسهمها ، الشركة تعمل في مصر فقط.

أوراسكوم للاتصالات : هي شركة مصرية يمتلك المهندس/ نجيب ساويرس وعائلته 51 % من اسهمها ، وله حق ادارتها كونه مالك الحصة الأكبر، الشركة تعمل في الجزائر – العراق – زيمبابوي – هونج كونج - باكستان – بنجلاديش ، ومصر.

يبقى نعرف من هنا أن نجيب ساويرس يمتلك في "موبينيل" 20 في الماية بس من الأسهم بشركته اوراسكوم للاتصالات ، اللي هو اصلا بيمثل فيها 51 في الماية ، يبقى هو تقريباً بيملك 10 في الماية بس من اسهم موبينيل.

قيمة السهم اللي بيمتلكه نجيب ساويرس في شركة اوراسكوم للاتصالات 40 قرش.
بينما قيمة السهم اللي بيمتلكه في موبينيل 10 جنيه.

ساويرس من اسبوع تقريبا – خبر نشرته مجلة البورصة - قرر انه يعمل تقييم لاسهمه في اوراسكوم وتقييم لاسهمه في موبينيل عشان يبادل ويشتري اسهم اكتر في موبينيل- اللي السهم بتاعها ب 10 جنيه – ويبيع اسهمه اللي اوراسكوم – اللي ب 40 قرش
طيب نيجي بقى للجزء المهم .. بدأت حملة المقاطعة اللي عملها اخواننا المدافعين عن النقاب واللحية .. وبدأت اسهم شركة موبينيل في البورصة بدأت في الهبوط .. وبالتالي سعر السهم بيقل
طب ليه ؟؟ علشان المهندس العبقري نجيب ساويرس لما يجي يعمل التبادل يشتري الاسهم بسعر ارخص كتير من سعرها ... وبعد كدة ممكن يبقى يعتذر للعالم كله ويروح يبوس دقون المسلمين دقن دقن .. ويتبرع لبناء 10 جوامع ومش بعيد كمان يعلن اسلامه عشان الشعب المصري – الطيب اوي – يسامحه .. وممكن كمان ينزل شوية عروض حلوة من بتاعة اتكلم الاسبوع كله بربع جنيه .

[waleedfadeel]

انا حولت خطى وخط الاولاد جميعا من موبينيل الى اتصالات

[alynubira]

انا حولت خطى وخط الاولاد جميعا من موبينيل الى اتصالات

بارك الله فيك وفيهم وجمعكم على ما يحب ويرضى

[AboELsoud]

وبما اني مش بهضم حكاية الهزار خصوصاً ان نجيب لديه من الامكانيات انه ينشر اعتذاره في كل القنوات والبرامج والجرايد كمان ، انما هو اكتفى بنشره الكترونياً فقط ( نتذكر المدعو حازم شومان لما قل ادبه على البرادعي وبنته ، طلع اعتذر في كل حتة وكان ناقص يروح للبرادعي بيته يعتذرله ) رغم انه مش غني زي نجيب .. شيوخ الفضائيات دول كبيرهم كام عربية "هامر" وكان الله بالسر عليم .
طب ايه الحكاية .. نجيب ساويرس –رغم اني مش بحبه – رجل اعمال ذكي جدا وبيحسبها بالورقة والقلم ، والدين دلوقتي اصبح سلعة وكله بيتاجر بيها يا اما على القنوات يا اما في الانتخابات وبالتالي أكيد في سر ورا الحكاية .. قبل ما اقولكم السر تعالوا نعرف حبة معلومات:

شركة موبينيل (الشركة المصرية لخدمات التليفون المحمول) : هي شركة تمتلك شركة " فرانز تيليكوم" الفرنسية نسبة 71.25 % من اسهمها ، وتمتلك فيها شركة "اوراسكوم للإتصالات" 20 % من اسهمها ، الشركة تعمل في مصر فقط.

أوراسكوم للاتصالات : هي شركة مصرية يمتلك المهندس/ نجيب ساويرس وعائلته 51 % من اسهمها ، وله حق ادارتها كونه مالك الحصة الأكبر، الشركة تعمل في الجزائر – العراق – زيمبابوي – هونج كونج - باكستان – بنجلاديش ، ومصر.

يبقى نعرف من هنا أن نجيب ساويرس يمتلك في "موبينيل" 20 في الماية بس من الأسهم بشركته اوراسكوم للاتصالات ، اللي هو اصلا بيمثل فيها 51 في الماية ، يبقى هو تقريباً بيملك 10 في الماية بس من اسهم موبينيل.

قيمة السهم اللي بيمتلكه نجيب ساويرس في شركة اوراسكوم للاتصالات 40 قرش.
بينما قيمة السهم اللي بيمتلكه في موبينيل 10 جنيه.

ساويرس من اسبوع تقريبا – خبر نشرته مجلة البورصة - قرر انه يعمل تقييم لاسهمه في اوراسكوم وتقييم لاسهمه في موبينيل عشان يبادل ويشتري اسهم اكتر في موبينيل- اللي السهم بتاعها ب 10 جنيه – ويبيع اسهمه اللي اوراسكوم – اللي ب 40 قرش
طيب نيجي بقى للجزء المهم .. بدأت حملة المقاطعة اللي عملها اخواننا المدافعين عن النقاب واللحية .. وبدأت اسهم شركة موبينيل في البورصة بدأت في الهبوط .. وبالتالي سعر السهم بيقل
طب ليه ؟؟ علشان المهندس العبقري نجيب ساويرس لما يجي يعمل التبادل يشتري الاسهم بسعر ارخص كتير من سعرها ... وبعد كدة ممكن يبقى يعتذر للعالم كله ويروح يبوس دقون المسلمين دقن دقن .. ويتبرع لبناء 10 جوامع ومش بعيد كمان يعلن اسلامه عشان الشعب المصري – الطيب اوي – يسامحه .. وممكن كمان ينزل شوية عروض حلوة من بتاعة اتكلم الاسبوع كله بربع جنيه .

اولا : اسمحلي احيي حضرتك على التفكير العبقري ده بجد تحليل عبقري للي حصل
ثانيا : انا برضه حاسس انه قاصد حاجه معينه لانه فعلا ذكي و بيحسبها بالورقه و القلم
ثالثا : الفكره اللي حضرتك قلتها هي احتمال بنسبه 90 % تكون صحيحه يا اما ليه هدف تاني (بس احنا متفقين انه لييه هدف من اللي عمله )
رابعا : طب انت ايه رأي حضرتك في اللي مفروض نعمله
خامسا : يا جماعه انا مسلم و الصوره دي ضايقتني جدااا و مستعد اعمل اي حاجه تضايق الراجل ده زي ما ضايقنا بس الصراحه انا شايف ان كلام العضو المحترم اقرب للحقيقه
اخيرا ربنا ينصرنا عليه ............ اللهم امين

[yascro]

بسم الله الرحمن الرحيم
ويمكرون ويمكر الله والله خير الماكرين
صدق الله العظيم

[yascro]

ابشروا
كنت بتكلم مع واحد من كبار المديرين ف الشركه
وقالى خلاص الشركه هتخرب