السيرة الذاتية للدكتور محمد البرادعي ( المرشح لمحتمل للرئاسة )

[Mik_t4]

الأسم : محمد مصطفى البرادعي

هو أحد أبناء الطبقة المتوسطة
والده مصطفى البرادعي محام وشغل منصب نقيب للمحامين عدة فترات
انجب مصطفى البرادعي خمسة ابناء : محمد أكبرهم , ثم طارق ,ثم منى ,ثم على ,ثم ليلى
وجميعهم حاصلين على أعلى الدرجات العلمية سواء في القانون , الاقتصاد , التعليم , الإدارة
تمتلك الأسرة عدد من الافدنة في قرية بابيار الغربية ( قرية صغيرة بين مدينتي كفر الزيات وطنطا )
ولد محمد البرادعي يوم 17 يونيو 1942.في شقة بالعجوزة تطل على النيل ثم انتقلت الأسرة بعد ذلك لتستقر في ميدان المساحة الدقي
تخرج من كلية الحقوق في جامعة القاهرة سنة 1962 بدرجة ليسانس الحقوق.
تزوج سنة 1975 من عايدة الكاشف، وهي مُدرِّسة في رياض أطفال مدرسة فينا الدولية ،
لهما ابنان. ابنتهما ليلى تعمل في مجال القانون والمحاماه و ابنهما مصطفى مهندس ويعمل مدير استوديو في محطة تلفزة خاصة.


بدأ البرادعي حياته العملية موظفًا في وزارة الخارجية المصرية في قسم إدارة الهيئات سنة 1964م وتدرج في المناصب الى ان صار محاميا لمصر وحقوقها ومصالحها في المحافل الدولية حيث مثل بلاده في بعثتها الدائمة لدى الأمم المتحدة في نيويورك و في جنيف.

سافر إلى الولايات المتحدة للدراسة ، ونال سنة 1974 شهادة الدكتوراه في القانون الدولي من كلية نيويورك الجامعية للحقوق.
عاد إلى مصر في سنة 1974 حيث عمل مساعدا لوزير الخارجية إسماعيل فهمي

ثم ترك الخدمة في الخارجية المصرية ليصبح مسئولا عن برنامج القانون الدولي
في معهد الأمم المتحدة للتدريب و البحوث سنة 1980م،

كما كان أستاذا زائرا للقانون الدولي في مدرسة قانون جامعة نيويورك بين سنتي 1981 و 1987.
اكتسب خلال عمله كأستاذ و موظف كبير في الأمم المتحدة خبرة بأعمال المنظمات الدولية
خاصة في مجال : حفظ السلام و التنمية الدولية



حاضَرَ في مجال القانون الدولي و المنظمات الدولية و الحد من التسلح و الاستخدامات السلمية للطاقة النووية،
ألَّف مقالات و كتبا في تلك الموضوعات، و هو عضو في منظمات مهنية عدة
منها : اتحاد القانون الدولي و غيرها الكثير والعديد من المنظمات العالمية

التحق بالوكالة الدولية للطاقة الذرية سنة 1984 حيث شغل مناصب رفيعة
منها : المستشار القانوني للوكالة،
ثم في سنة 1993 صار مديرًا عامًا مساعدًا للعلاقات الخارجية،
حتى عُيِّن رئيسا للوكالة الدولية للطاقة الذرية في 1 ديسمبر 1997 خلفًا للسويدي هانز بليكس و ذلك بعد أن حصل على 33 صوتًا من إجمالي 34 صوتًا في اقتراع سري للهيئة التنفيذية للوكالة،
وأعيد اختياره رئيسا لفترة ثانية في سبتمبر 2001 ولمرة ثالثة في سبتمبر 2005



جوائز حصل عليها
- - - - - - - - - -

• جائزة فرانكلين د. روزفلت للحريات الأربع (2006) (The Franklin D. Roosevelt Four Freedoms Award)
• جائزة الطبق الذهبي من الأكاديمية الاوروامريكية للإنجاز (The Golden Plate award from the American Academy of Achievement)
• جائزة جيت تراينور (Jit Trainor) من جامعة جورجتاون للتميز في الأداء الدبلوماسي
• جائزة أمن الإنسانية من مجلس العلاقات العامة الإسلامي (The Human Security award from the Muslim Public Affairs Council)
• جائزة المؤسسة من مجلس كرانس مونتانا (The Prix de la Fondation award from the Crans Montana Forum)
• جائزة الأثير، أعلى وسام وطني جزائري
• جائزة الحمامة الذهبية للسلام من الرئيس الإيطالي
• حامي شرفي لجماعة الفلسفة في كلية الثالوث في دبلن (2006)، مماثلا لآخرين ممن نالوا جائزة نوبل للسلام مثل دزموند توتو و جون هيوم
• وشاح النيل من الطبقة العليا، أعلى تكريم مدني من الحكومة المصرية
• جائزة الإسهام المتميز في الاستخدامات السلمية للتقنية النووية من الاتحاد النووي العالمي (سبتمبر 2007)
• جائزة موستار 2007 للسلام العالمي من مركز موستار للسلام و التعاون بين الإثنيات


كما نال البرادعي شهادات دكتوراة فخرية من جامعات دولية وعالمية
- - - - - - - - - - - - - - - - - - - - - - - - - - - - - - - - - - - - -- - - - -

جامعات نيويورك، و ماريلاند، و الجامعة الأمريكية في القاهرة،
و الجامعة المتوسطية الحرة في باري ،
و جامعة سوكا في اليابان، و جامعة تسنغوا في بكين
و معهد بوخارست للتقانة ، و الجامعة التقنية في مدريد، و جامعة كونكو في سيول،
جامعة فلورنسا، و جامعة بوينوس آيرِس، و جامعة كويو الوطنية في الأرجنتين و جامعة أمهرست



بعض مواقفه
- - - - - -- -
قاطع محطة ال ,, بي بي سي ,, اللندنية لرفضها نشر إعلان لمساعدة أطفال غزة
صموده تحت ضغوطات الولايات المتحدة الامريكية في عصر بوش لمحاولة دفعه لإخراج تقرير مفبرك يدين فيه العراق
وقام بعمل تقريرا نزيها ماكرا
لم تستطيع الولايات المتحدة الأمريكية ان تغزو العراق بقرار دولي بل خرجت عن الشرعية الدولية وغزتها بقرار فردي
وهذا يثبت عدم صحة اتهامات مهاجمية بانة هو السبب في غزو العراق لتشوية صورتة واتهامة بالعمالة والخيانة والكفر والالحاد

اول من ساند الشباب ووقف في وجة مبارك ونظامة واول من ساند الثوار في التحرير ولة مواقفة المشهودة دائما

وهو من افضل المرشحين للرئاسة حاليا

استطلاغ راي علي صفحة المجلس العسكري

[Mik_t4]

لاحظم هدومة مبلولة من مدافع المياة يوم جمعة الغضب

مين غيرة يستحق يكون قائد الثورة
كانو فين كل الي طلعو دلوقت؟؟؟؟؟؟
يعزي والدة خالد سعيد

[ahmed2y]

احيك على هذا التقرير ويا رب الناس تفهم ويبطلو تشوية صورة الراجل زى ما كان بيعمل امن الدولة زمان والناس صدقت

[enas75]

طيب كويس قوي نتناقش حوله وياريت اي اختلاف عليه نبحث فيه .....هناك بعض الاسئله واتمني ان اجد اجابه محترمه وليس سخريه كالعاده واعتقد برضه بتدور في اذهان ناس كتيره
1- البرادعي في حواره مع يسري فوده قال انا لو مكان عصام شرف كنت لميت شنطتي ومشيت...في حين انه سال قبل كده من لماذا لم تقدم استقالتك عندما ضربت امريكا بكلامك عرض الحائط واخدت موقف من المجتمع الدولي لصمته علي ما حدث قال لو كل انسان تعرض للفشل مره وترك مكانه لغيره فلن يبقي شرفاء في مناصبهم....(لماذا طلب من شرف مالم يفعله هو)
2- الموقف الحاصل بينه وبين زملاؤه في الجمعيه الوطنيه للتغيير حمدي قنديل - ابو الغار - محمد غنيم - علاء الاسواني وادت الي استقاله هذه المجموعه من الجمعيه اعتراضا عن احد المواقف ...علي مااعتقد تخص بعض الشباب المؤيدين للبرادعي في الكويت تم القبض عليهم ولما طلب من البرادعي رفض وقال انه لن يتدخل في هذا الامر( مش متاكده من صحه القصه- ياريت يتم التاكييد )
وحمدي قنديل قال كلام قوي جدا علي شاكله انه ديكيتاتور الراي..وانه بيدير الامور زي مصلحه المجاري......وبصراحه قال كلام كتيير يعبر عن عمق كبير في الخلاف...........
3- قبل الاستفتاء قال انه لو النتيجه ظهرت بنعم فلن يرشح نفسه..(بصراحه لا اذكر الاسباب) ولكن برغم ظهور النتيجه رشح نفسه
4- اصراره العجيب علي رفض نتيجه الاستفتاء واصراره علي رايه ان الدستور اولا( مع ان في وجهه نظري المتواضعه..الطريقين يصلان الي نفس الهدف باسلوبين مختلفين)...يوحي للكثيرين بان راي الشعب لن يصبح مهما في نظر البرادعي وانه هو فقط صاحب القرار الاوحد لانه بيفهم احسن(نغمه تفكرنا بما مضي وتثير المخاوف)
5- هو تخوف بسيط بس الواحد بقي عنده حساسيه بقاؤه في هيئه الطاقه الذريه 3 فترات حتي اصبح قانونا لا يجدد له بتخليني اقلق من انه يحب كرسي الرئاسه ويلزق وبحجه ان مصر محتاجالي....عارفه انه تصور يضحك بس افرض ولو 1% انه صح
...............
دي النقاط الي بقالي فتره تجعلني متخوفه منه واميل الي رفضه ومؤشرات تذكرني بنظام رفضناه جميعا .....اتمني ان اجد اجابات مباشره عليها...وتوضيح ليها قد اكون فهمته خطا
................................
ملحوظه اخيره لصاحب الموضوع ....الرجل حقيقي كان احد الداعين الي التغيير ولكنه ليس صاحب المبادره.....لنحق الحق ....حركه كفايه و6ابريل(برغم تحفظي عليهم في الفتره الاخيره حتي ايضاح ما يحيط بهم من شبهات) هم اول الداعيين الي التغيير......هم من كانو يتم سحلهم علي سلالم نقابه الصحفيين والمحاميين ...هما من كان امن الدوله بيتسلي عليهم من سنه 2004 يعني حتي قبل الفتره التالته للبرادعي في الوكاله

[eng.m7md.ali]

راجل محترم جدا وتاريخ مشرف بجد

[Mik_t4]

احيك على هذا التقرير ويا رب الناس تفهم ويبطلو تشوية صورة الراجل زى ما كان بيعمل امن الدولة زمان والناس صدقت

متشكر يا باشا بس ياريت العقول تنور وتتفتح

[OgsMc]

البرادعى ...اجمل الزهور هى التى تنبت فى الصحراء القاحله.
ان شاء الله وعشت للانتخابات هنتخبه.

[Mik_t4]

طيب كويس قوي نتناقش حوله وياريت اي اختلاف عليه نبحث فيه .....هناك بعض الاسئله واتمني ان اجد اجابه محترمه وليس سخريه كالعاده واعتقد برضه بتدور في اذهان ناس كتيره
1- البرادعي في حواره مع يسري فوده قال انا لو مكان عصام شرف كنت لميت شنطتي ومشيت...في حين انه سال قبل كده من لماذا لم تقدم استقالتك عندما ضربت امريكا بكلامك عرض الحائط واخدت موقف من المجتمع الدولي لصمته علي ما حدث قال لو كل انسان تعرض للفشل مره وترك مكانه لغيره فلن يبقي شرفاء في مناصبهم....(لماذا طلب من شرف مالم يفعله هو)
الموقف مختلف تماما
شرف مسئول عن دولة وشعب ومصير امة بكاملها وكل دا فوق كتفة ولما ميعرفش يتصرف ويقدم استقالتة هيكون وسام علي صدرة
لكن البرادعي رغم ضغوط امريكا علية مخافش وكتب التقرير الي يرضي ضميرة وفعلا نجح انة يخلي مجلس الامن والامم المتحدة متاخدش قرار بغزو العراق
ومش معني ان امريكا ضربت العراق من نفسها يبق البرادعي يستقيل
لا طبعا لانة عمل الي علية وزيادة حبتين
2- الموقف الحاصل بينه وبين زملاؤه في الجمعيه الوطنيه للتغيير حمدي قنديل - ابو الغار - محمد غنيم - علاء الاسواني وادت الي استقاله هذه المجموعه من الجمعيه اعتراضا عن احد المواقف ...علي مااعتقد تخص بعض الشباب المؤيدين للبرادعي في الكويت تم القبض عليهم ولما طلب من البرادعي رفض وقال انه لن يتدخل في هذا الامر( مش متاكده من صحه القصه- ياريت يتم التاكييد )
وحمدي قنديل قال كلام قوي جدا علي شاكله انه ديكيتاتور الراي..وانه بيدير الامور زي مصلحه المجاري......وبصراحه قال كلام كتيير يعبر عن عمق كبير في الخلاف...........
انا ومعظم الناس منعرفش القصة دي اصلا
وهو رد علي الحتة دي في البرنامج وقال انا بحترمة جدا وهو حر يقول الي هو شايفة صح وقال انهم لسة علي تواصل وفي عمل قائم بينهم وزي ما حضرتك عارف هو مش مدير الجمعية الوطنية للتغيير هو راعي الشباب مش اكتر
عشان كدا مينفعش يكون ديكتاتور بلا سلطة
3- قبل الاستفتاء قال انه لو النتيجه ظهرت بنعم فلن يرشح نفسه..(بصراحه لا اذكر الاسباب) ولكن برغم ظهور النتيجه رشح نفسه
لا انا مسمعتش دي بصراحة
لكن بالنسبة للترشيح هم شباب الجمعية الوطنية للتغيير هما الي عايزينة يترشح ولو تاخد بالك من كلمة المرشح المحتمل
4- اصراره العجيب علي رفض نتيجه الاستفتاء واصراره علي رايه ان الدستور اولا( مع ان في وجهه نظري المتواضعه..الطريقين يصلان الي نفس الهدف باسلوبين مختلفين)...يوحي للكثيرين بان راي الشعب لن يصبح مهما في نظر البرادعي وانه هو فقط صاحب القرار الاوحد لانه بيفهم احسن(نغمه تفكرنا بما مضي وتثير المخاوف)
محدش قال كدا
هو قال انا رئيي ان الدستور اولا ومغيرتوش وكون ان دا محصلش مش هتفرق
لكن وجهة نظر الدستور اولا كل يوم بتبان انها الافضل
لان ياريت حضرتك توضحلي الانتخابات هتبق بعد شهر ونص تقريبا ازاي في الاحوال دي ؟؟؟؟؟
وهل حضرتك ترضي ان مثلا الجمعية الوطنية للتغيير بس هي الي تحط الدستور؟؟؟؟ اكيد لا
ونفس المنطق
مينفعش الاغلبية تحط الدستور
5- هو تخوف بسيط بس الواحد بقي عنده حساسيه بقاؤه في هيئه الطاقه الذريه 3 فترات حتي اصبح قانونا لا يجدد له بتخليني اقلق من انه يحب كرسي الرئاسه ويلزق وبحجه ان مصر محتاجالي....عارفه انه تصور يضحك بس افرض ولو 1% انه صح
...............
لو قريت السيرة الزاتية هتلاقي انة تم اختيارة بنسبة 33 صوت من 34 صوت اول مرة وتم تعيينة مرتين بالاجماع بعد كدا ودا يوضح مدي امتيازة في مجال عملة وسياستة
واظن دول لا عندهم فلوس في الانتخابات ولا كوسة ولا شعارات دينية رنانة
دي النقاط الي بقالي فتره تجعلني متخوفه منه واميل الي رفضه ومؤشرات تذكرني بنظام رفضناه جميعا .....اتمني ان اجد اجابات مباشره عليها...وتوضيح ليها قد اكون فهمته خطا
................................
ملحوظه اخيره لصاحب الموضوع ....الرجل حقيقي كان احد الداعين الي التغيير ولكنه ليس صاحب المبادره.....لنحق الحق ....حركه كفايه و6ابريل(برغم تحفظي عليهم في الفتره الاخيره حتي ايضاح ما يحيط بهم من شبهات) هم اول الداعيين الي التغيير......هم من كانو يتم سحلهم علي سلالم نقابه الصحفيين والمحاميين ...هما من كان امن الدوله بيتسلي عليهم من سنه 2004 يعني حتي قبل الفتره التالته للبرادعي في الوكاله
لو تلاحظ بردو حضرتك ان حركة 6 ابريل والجمعية الوطنية للتغيير كان هو بمثابة الاب الروحي ليهم وكان هو الراعي ليهم وليس القائد بمعني انة هو الدفعة المعنوية ليهم

اتمني اكون جاوبت علي استفسارات حضرتك باجابات واقعية
واي استفسار انا تحت امرك

[Mik_t4]

راجل محترم جدا وتاريخ مشرف بجد

طبعا انا افخر ان الدكتور محمد البرادعي مصري

[Mik_t4]

البرادعى ...اجمل الزهور هى التى تنبت فى الصحراء القاحله.
ان شاء الله وعشت للانتخابات هنتخبه.

بجد هتكون اكبر نقلة في تاريخ مصر اذا اصبح رئيسا لمصر

[HOSSAM99]

طيب هافترض إفتراض ديمقراطي لو البرادعي مبقاش رئيس الجمهوريه أيه اللي هايحصل ؟؟؟

[enas75]

طبعا انا شاكره ردك....لكن هناك غموض قليلا
بخصوص موضوع الاستقاله انا عرفته بسبب انه هو نفسه هدد بالاستقاله لما امريكا ابتدت تمارس الضغوط الدوليه علي برنامج ايران النووي وده كان اني ساعتها زعلت ...هيا العراق ماكنتش تستاهل التهديد بالاستقاله ....ولجا لده مع ايران ...حتي ساعتها قلت معلش يمكن ماكنش ده في مخططاته وانه اتعلم الدرس وعلشان كده هدد في موضوع ايران....بس رده هو اللي ضايقني انه مش شايف ساعتها سبب للاستقاله
---------
بخصوص انه راعي للجمعيه انا عرفاه ...لكن استغربت رد فعل زملاء ليه واعتراضهم علي الاسلوب ...وياريت نجد الاجابه عن احد منتمي للجمعيه ويكون عنده توضيح للنقطه دي
-----------------
الفقره التالته ....وجهه نظر
--------------------
معلش جمله انه ماينفعش الاغلبيه يحطو الدستور مش فهماها تقصد ايه .....لان المنطقي بعد الانتخابات ان اللي حيختار اللجنه التاسيسيه اعضاء مجلس الشعب المنتخب حتي لو الاخوان كسبو 50% مازال هناك 50% الاخري وده حيعمل توازن ......
فالمفروض مين من وجهه نظرك يضع الدستور الاقليه مثلا......
معلش رجاء توضيح الجمله
ووجهه نظري انا الشخصيه انا ارغب في الانتخابات اولا وذلك لاختبار مسار مختلف عما تم سنه 52
بلاضافه اني الان بت متاكده من انه الخيار الافضل ...ياسيدي الفاضل حتنتخب جمعيه تاسيسيه ازاي ...مع اطراف رفضت تدير حمار وطني......اذاي تنتخب لجنه في ظل عدم اتفاق الشعب علي شخصيه رئيس وزراء او حتي وزير ....كده حنعمل زي سنه 52 ونفضل نلف وندور لغايه ما هب نلاقي العسكر اخدها ولاحظ اننا عندنا الشعب اغلبيته بجد طفح اللي بيحصل ووصل لمرحله اي كلب يمسك وخلاص....دي وجهه نظري .....(علي فكره انا فاهمه جدا اهميه الدستور اولا بس ده لما يبقي عندك مجتمع عايز يتفاهم مع بعضه اصلا دول مابقوش عارفين يتفاهمو مع بعض وهما قاعدين في التحرير )
وبعدين مش الديمقراطيه الواقعيه هي راي الاغلبيه
-----------------------------------
الفقره الاخيره ده تخوف مني انا وانا عارفه انه انتخاب حر انا قصدي اصراره علي الاستمرار وماقلش كفايه كده ....لموضوع الرئاسه يعجب واحنا خلاص بقي عندنا حساسيه من الكرسي....مش مطلوب ترد عليها علي فكره ده نوع من الفضفضه الكوميديه
................
اخيرا معلش 6 ابريل وكفايه قبل الجمعيه الوطنيه للتغيير .....انا فاهمه انك قصدك الموضوع اتصعد امتي بس انا بحب احق الحق ...والناس اللي ابتدت ودعت لده بشكل اكبر كمان حركه كفايه..وعندك ناس اختفت وناس اتحاول قتلها زي عبد الحليم قنديل.....هو اتي واعطي دفعه.....لكن مش هو اول من تكلم وطلب التغيير ...هو ده وجهه نظري ...مش انه مالوش دور
اخيرا شكر ا لردك واهتمامك

[Mik_t4]

طبعا انا شاكره ردك....لكن هناك غموض قليلا
بخصوص موضوع الاستقاله انا عرفته بسبب انه هو نفسه هدد بالاستقاله لما امريكا ابتدت تمارس الضغوط الدوليه علي برنامج ايران النووي وده كان اني ساعتها زعلت ...هيا العراق ماكنتش تستاهل التهديد بالاستقاله ....ولجا لده مع ايران ...حتي ساعتها قلت معلش يمكن ماكنش ده في مخططاته وانه اتعلم الدرس وعلشان كده هدد في موضوع ايران....بس رده هو اللي ضايقني انه مش شايف ساعتها سبب للاستقاله
---------
بخصوص انه راعي للجمعيه انا عرفاه ...لكن استغربت رد فعل زملاء ليه واعتراضهم علي الاسلوب ...وياريت نجد الاجابه عن احد منتمي للجمعيه ويكون عنده توضيح للنقطه دي
-----------------
الفقره التالته ....وجهه نظر
--------------------
معلش جمله انه ماينفعش الاغلبيه يحطو الدستور مش فهماها تقصد ايه .....لان المنطقي بعد الانتخابات ان اللي حيختار اللجنه التاسيسيه اعضاء مجلس الشعب المنتخب حتي لو الاخوان كسبو 50% مازال هناك 50% الاخري وده حيعمل توازن ......
فالمفروض مين من وجهه نظرك يضع الدستور الاقليه مثلا......
معلش رجاء توضيح الجمله
ووجهه نظري انا الشخصيه انا ارغب في الانتخابات اولا وذلك لاختبار مسار مختلف عما تم سنه 52
بلاضافه اني الان بت متاكده من انه الخيار الافضل ...ياسيدي الفاضل حتنتخب جمعيه تاسيسيه ازاي ...مع اطراف رفضت تدير حمار وطني......اذاي تنتخب لجنه في ظل عدم اتفاق الشعب علي شخصيه رئيس وزراء او حتي وزير ....كده حنعمل زي سنه 52 ونفضل نلف وندور لغايه ما هب نلاقي العسكر اخدها ولاحظ اننا عندنا الشعب اغلبيته بجد طفح اللي بيحصل ووصل لمرحله اي كلب يمسك وخلاص....دي وجهه نظري .....(علي فكره انا فاهمه جدا اهميه الدستور اولا بس ده لما يبقي عندك مجتمع عايز يتفاهم مع بعضه اصلا دول مابقوش عارفين يتفاهمو مع بعض وهما قاعدين في التحرير )
وبعدين مش الديمقراطيه الواقعيه هي راي الاغلبيه
-----------------------------------
الفقره الاخيره ده تخوف مني انا وانا عارفه انه انتخاب حر انا قصدي اصراره علي الاستمرار وماقلش كفايه كده ....لموضوع الرئاسه يعجب واحنا خلاص بقي عندنا حساسيه من الكرسي....مش مطلوب ترد عليها علي فكره ده نوع من الفضفضه الكوميديه
................
اخيرا معلش 6 ابريل وكفايه قبل الجمعيه الوطنيه للتغيير .....انا فاهمه انك قصدك الموضوع اتصعد امتي بس انا بحب احق الحق ...والناس اللي ابتدت ودعت لده بشكل اكبر كمان حركه كفايه..وعندك ناس اختفت وناس اتحاول قتلها زي عبد الحليم قنديل.....هو اتي واعطي دفعه.....لكن مش هو اول من تكلم وطلب التغيير ...هو ده وجهه نظري ...مش انه مالوش دور
اخيرا شكر ا لردك واهتمامك

معلش يا شباب عندنا حالة وفاة دلوقت ولما ارجع هرد عليكم
متاسف مرة تانية

[enas75]

البقاء لله

[hobiko]

حرد بسرعه على مدام ايناس .......

الدستور لا يجب ان تستبد بوضعه الأغلبية مهما كانت ...... و بالطبع لا يصح ان تقوم بعملة الأقلية

الدستور وثيقة ..... توافقية ...... تراعى كل الطبقات و التيارات و الجماعات و الأيدلوجيات و الأعراق و الأجناس و الديانات ..... فى الدولة

على اساس واحد رئيسى ...... المواطنة ..... و انا الجميع له نفس الحقوق و عليه نفس الواجبات

فما ينفعش ...... مجوعة او تيار واحد ينفرد بعمل الدستور بحجة انه يمثل الأغلبية

فالأغلبية فى صندوق الأنتخابات ...... متغيرة غير ثابتة

حضرتك مثلا ..... لو سلمنا بكلام حضرتك ...... كل الناس متوقعة اكتساح للأخوان فى الأنتخابات الرلمانية القادمة

الأخوان بعد ذلك ينفردوا بوضع الدستور

طب و بعد 5 سنين ...... فى الدورة البرلمانية التالية ...... حنبقى قدام احتمالين

ياما الأخوان تكتسح تانى ...... و يبقى يا دار ما دخلك شر

ياما تيار تانى يفوز فى الأنتخابات ...... حنعمل ايه ساعتها ؟؟؟؟؟ التيار ده حيقول انا أغلبية ..... اذن من حقى أعدل بقى الدستور

و يبقى عندنا دستور جديد كل 5 سنين !!!!!!!!

ده غير طبعا ...... فى حالة سيطرة الأغلبية أيا كانت على وضع الدستور و عدم مراعاة التوافق مع الأخر ...... حتكثر القلاقل فى المجتمع و يغيب السلام الأجتماعى ..... نتيجة شعور الاقلية بالغبن و الظلم

و ما ظنش ان ده هو اللى احنا عايزينه