مبروك قبول أستقالة الجمل

[تامر.محمد]

الجمل !!!!!
ده معارض قديم جدا
هيا حمله التشويه نجحت كده :(

يا باشا ماهو طلع معارض عبده مشتاق اول ما لوحوا له بالمنصب جري بالمشوار , و صباح الفل لما مسك المنصب كان مصيبة, ما تنزل التحرير بقى يا عم

ومين قالك يابشمهندس تامر أن حال البلد كله عاجبني
بس الحكومة تغلط يبقى أحنا كمان نغلط ونلوي الحقائق
أنا قلبي على البلد مش على الحكومة أحنا نكسف الحكومة على دمها ونجبرها تعمل الصح بالضغط أو بلعبة السياسة للي يفهمها ونثق فيه بس بدون تجاوزات
لاضرر ولا ضرار

يا باشمهندس لما حد يغلط دينه براحتك مش عيب , بس لما الحكومة تغلط دينها برده, انا بصراحة مش باشوف حضرتك بتغضب خالص لما الحكومة بتعمل حاجة غلط او فيها ضرر , و على فكرة انا معاك في مسألة بدون تجاوزات , لكن ده مش معناه اني ادين اي تجاوز يحصل من الناس و اغضب منه حتى لو كان رد فعل , و لما يحصل من الحكومة ولا اتهز
لو هانتكلم على البلد , غلطة فرد ايا كانت مش هايبقى لها و لو جزء صغير من التأثير على البلد لو اتقارنت بغلطة الحكومة اللي تأثيرها بيطول آلاف على اقل تقدير

[otefa]

على فكرة , الحكومة اول امبارح قفلت الاتوستراد ساعة كاملة في وش المواطنين و ركنتهم في الشمس و عطلت مصالحهم و ارزاقهم عشان تنقل العادلي من السجن للمحكمة , يا ريت تبقى غضبان من الحكومة بنفس الطريقة يا باشمهندس محمد



شفتها على الحقيقة على فكرة
و زي ما باقول , ده كان موقف له وقته و اتفض بسرعة , لكن لما اتفض كان فيه تعمد امني انه يطول عشان التشويه يزيد , و الناس نفذوا وعدهم و فتحوا المجمع النهارده , و البلطجية صدق او لا تصدق نضفوا ساحة المجمع و اصطفوا للموظفين

ياهندسة أنا ضد التخريب وتعطيل مصالح خلق الله
ضد الناس ماتحللش الأمور والشواهد ويبقى فيه ناس ليها مصالح خاصة بتستغلهم
عايز تفهمني أن كل ألي في التحرير دلوقتي ملمين بأصول اللعبة السياسية!
ولا فيه قادة بيحركو الميدان؟
أنت بنفسك شفت في جمعة من الجمعات الناس بوظت المظاهرات بأظهارهم أغراضهم الحقيقية للأنقلاب على صناديق الأستفتاء وطلبهم الدستور أولا ومعجبكش الحال ساعتها وسيبت الميدان
أيه الضمانة أنهم لسة مابيلعبوش نفس اللعبة بطريقة تانية وده أنا متوقعه وأكيد المجلس العسكري متوقعه وعارف أزاي يلعب اللعبة كويس جدا
ماهو لو كل حاجة أتحققت من أول شهر ماكانوش هايسكتو لا كانو هايطلعو أي حجة جديدة علشان هدفهم ألي ساعات بيعلنوه وساعات تانية يخفوه
أنا شايف المجلس العسكري بيلاعبهم صح الصح لمصلحة مصر وبكرة الأيام تثبت

[otefa]

يا باشا ماهو طلع معارض عبده مشتاق اول ما لوحوا له بالمنصب جري بالمشوار , و صباح الفل لما مسك المنصب كان مصيبة, ما تنزل التحرير بقى يا عم




يا باشمهندس لما حد يغلط دينه براحتك مش عيب , بس لما الحكومة تغلط دينها برده, انا بصراحة مش باشوف حضرتك بتغضب خالص لما الحكومة بتعمل حاجة غلط او فيها ضرر , و على فكرة انا معاك في مسألة بدون تجاوزات , لكن ده مش معناه اني ادين اي تجاوز يحصل من الناس و اغضب منه حتى لو كان رد فعل , و لما يحصل من الحكومة ولا اتهز
لو هانتكلم على البلد , غلطة فرد ايا كانت مش هايبقى لها و لو جزء صغير من التأثير على البلد لو اتقارنت بغلطة الحكومة اللي تأثيرها بيطول آلاف على اقل تقدير

رديت ياهندسة في المشاركة ألي فوق
مابنقضش بزيادة لأني مش منتظر منهم حاجة خارقة في المرحلة الأنتقالية
أحاسبهم بمجلس شعب وحكومة معينة من قبله

[hobiko]

اللى أنا مستغربله بجد ....... من المعروف ان مجمع التحرير هو معقل و صرح البيروقراطية الأول فى مصر على مر العصور بلا منازع

كان من الممكن تقعد بالأسابيع و الشهور عشان تخلص ورقة ...... ما تخودش يومين

و مع ذلك ماحدش كان بيكلم ولا بيعترض ولا يفتح بقه ......

دلوقتى عشان المجمع قفل يومين تلاتة ....... نتيجة أول ثورة شعبية مجيدة فى تاريخ مصر الحديث ...... خلاص الدنيا قامت ...... و الثوار بقو بلطجية و مجرمين و شيوعيين و ملحدين و لاد ستين فى سبعين


لكن لما حق الشهيد يضيع عادى ..... لما المجرمين باخدوا براءة و ايه يعنى ...... لما الثوار و الناشطين و المدنيين يتسحلوا فى القضاء و النيابة العسكرية قشطة ....... لما نجيب وزاء كانو سكرتارية اسوزان و جمال و علاء بيس

هو ماحدش شاف الأخبار و اللقاءات اللى جابت موظفين فى المجمع و هم مشاركين فى العصيان المدنى ده لو صح التعبير ...... ما حدش سمع عن الناس دى و هى بترشد المواطنين عن أماكن بديلة لقضاء مصالحهم


ما دام الصورة ما بتكدبش ...... زى القطنة اللى ما بتكدبش

أنا بطالب بمدام نظيفة رئيسة وزراء ...... دى اللى حتنضف البلد

[otefa]

كلام كثير والصورة موجودة تشهد على تجاوزاتهم
الناس ألي ورا في الكواليس مكشوفين جدا
ممدوح حمزة ومن على شاكلته
الثورة على العين والراس أنما الناس دي !!!!!!!!!!!

[تامر.محمد]

ياهندسة أنا ضد التخريب وتعطيل مصالح خلق الله
كلنا هذا الرجل , لكن لما يكون من اي طرف مش من طرف واحد بس و التاني نمضغ له الزلط

ضد الناس ماتحللش الأمور والشواهد ويبقى فيه ناس ليها مصالح خاصة بتستغلهم
حضرتك ما رحتش فده تحليل remotely , و انا بصراحة مش معاك فيه لأن حضرتك مش شايف الصورة الا عن طريق الاعلام اللي هو مسيس و غير امين

عايز تفهمني أن كل ألي في التحرير دلوقتي ملمين بأصول اللعبة السياسية!
الله اعلم

ولا فيه قادة بيحركو الميدان؟
الميدان مجموع افراد و مافيش فرد بيتحرك غصب عنه , ولا ينفع انك تصف كل دول بالسفه لأنه هايبقى حكم ظالم , انا مش عارف شفت قصة الفئة اللي فرضوا بيانهم بالقوة على كل المنصات ولا لأ , الظريف ان ساعة مسيرة مجلس الوزرا (رغم اذاعة البيان على كل المنصات) الفئة دي هي اللي راحت و ماحدش عبرهم , راحوا قعدوا 5 دقايق و رجعوا


أنت بنفسك شفت في جمعة من الجمعات الناس بوظت المظاهرات بأظهارهم أغراضهم الحقيقية للأنقلاب على صناديق الأستفتاء وطلبهم الدستور أولا ومعجبكش الحال ساعتها وسيبت الميدان
حصل , و مش لوحدي

أيه الضمانة أنهم لسة مابيلعبوش نفس اللعبة بطريقة تانية وده أنا متوقعه
و الله ما ينفعش تتوقع من غير شواهد , و اللعبة دي عموما هدفها وضع يد للعلمانيين جوة لجنة الدستور و اهو المجلس اداها لهم رغم ان المطلب اتلغى اصلا لأن الناس رفضوا ينزلوا في وجوده, و مش شايفك متضايق

وأكيد المجلس العسكري متوقعه وعارف أزاي يلعب اللعبة كويس جدا
اهي الثقة الجامدة دي اللي موديانا في داهية


ماهو لو كل حاجة أتحققت من أول شهر ماكانوش هايسكتو لا كانو هايطلعو أي حجة جديدة علشان هدفهم ألي ساعات بيعلنوه وساعات تانية يخفوه
و ده على الجانب الآخر التخوين المطلق لمجموع ماهواش فئة واحدة اصلا

أنا شايف المجلس العسكري بيلاعبهم صح الصح لمصلحة مصر وبكرة الأيام تثبت
هممم , مش غاوي اجادل , بس عايز افكرك يا باشمهندس انك قلت حاجة شبه كده خلال الموجة الأولى للثورة و طلعت مش صحيحة

[hobiko]

أنا شايف المجلس العسكري بيلاعبهم صح الصح لمصلحة مصر وبكرة الأيام تثبت

لما هو الموضوع كده ...... و الأمر كله صراع بين المجلس العسكرى و التيارات العلمانية الليبرالية الملحدة العميلة

طب الأخوا نزلوا ليه يوم الجمعة ؟؟؟؟ ...... و السلفيين نزلوا ليه ؟؟؟؟

د.عبد المنعم أبو الفتوح و الشيخ حازم صلاح ..... واقفين مع الأعتصام ضد الجيش ليه ؟؟؟؟

ولا دول كمان عملاء و علمانيين و ليبراليين و كفرة

و بعدين مجلس عسكرى بيلاعبهم ب ايه ؟؟؟؟؟!!!!!

بمصلحة مصر ..... بدم الشهداء ..... باقرار العدل ...... بالوزراء اللى من مصطفى محمود ...... بالداخلية اللى زى ماهى ..... بالموازنة العامة المنتمية للعهد البائد ...... بمبارك و مراته اللى مأنتخين فى شرم ...... بالأنفلات الأمنى ..... بالحد الأقصى و الحد الأدنى للمرتبات ؟؟؟؟؟؟؟؟!!!!!!!!!!

الحق أحق بأن يتبع

[otefa]

أيه الضمانة أنهم لسة مابيلعبوش نفس اللعبة بطريقة تانية وده أنا متوقعه
و الله ما ينفعش تتوقع من غير شواهد , و اللعبة دي عموما هدفها وضع يد للعلمانيين جوة لجنة الدستور و اهو المجلس اداها لهم رغم ان المطلب اتلغى اصلا لأن الناس رفضوا ينزلوا في وجوده, و مش شايفك متضايق
-----------
مش هاجادل كثير في باقي النقاط مش مستهلة جدال كل واحد عنده شواهده وقناعاته وليها شواهد كل واحد بيشوفها من منظوره وتحليله ألي بيختلف من شخص للتاني وفق عناصر تكوين شخصية كثيرة
موضوع الشواهد والشبهات حول 6 أبريل وكفاية وممدوح حمزة عامل عنها موضوع قبل كده (حرص ولا تخون )
ألي مقتنع بأنهم ليهم أجندتهم الخاصة كثير
ولي مش مقتنع كثير
يبقى نصبر نشوف الأيام والأحداث هاتكشف أيه
تحياتي ياهندسة

[Qmax]

-1
مشاركة مقتطعة من سياق الموضوع
فين الموضوع علشان نحكم عليها

تفضل يا أخ عُطيفة:

http://www.nilemotors.net/Nile/20073...post3873281051

شكرا لحضرتك