ماليزيا بعين المقيم

[Abdelrahman.H]

يكفي انهم عملين فكرة مجنونة لصرف المطر كنت ناوي افتح لها موضوع لوحده وهو النفق العملاق وتكلفته 10 مليار دولار علشان ينقل مية صرف المطر من وادي كلانج لاقرب نهر علشان يصرف المطر في الموسم والمدن متغرقش

كلانج فالي ده زي القاهرة الكبرى عندنا
لان كوالا لمبور لحمت في خمس مدن حواليها وبقوا مدينة وحدة زي القاهرة والجيزة والقليوبية
بكرة اشرح ازاي ماليزيا بتصرف المطر ان شاء الله

يبقى أكيد حتكلمنا عن نفق سمارت smart tunnel kuala lumpur

نفق ماليزيا الذكي SMART tunnel - دليل المملكة العربية السعودية


أنا شفت فيلم وثائقي عنه على ناشيونال جيوجرافيك و ما كنتش مصدق اللي بأشوفه بصراحة ....

Smart Tunnel - kuala lumpur part 1 - YouTube

Smart Tunnel - kuala lumpur part 2 - YouTube

Smart Tunnel - kuala lumpur part 3 - YouTube

Smart Tunnel - kuala lumpur part 4 - YouTube

Smart Tunnel - kuala lumpur part 5 - YouTube


مستني تقريرك بفارغ الصبر

[hobiko]

حلو السؤال ده ولو انه بره المنهج

ماليزيا لا فيها رياح ولا فيها شمس ولا فيها مساقط مائية ضخمة والا انهار محترمة زي النيل
وبالتالي البترول والغاز هما المصدر الوحيد وخاصة انها دولة بترولية

وطبعا من غير ما تسال في محطات توليد ضخمة لان ماليزيا استهلاكها عالي سواء استهلاك المدن او المصانع
ومع ذلك فاستهلاكها حوالي نصف انتاجها
تفاصيل هنا

energy policy of malaysia - wikipedia, the free encyclopedia

عامة البنية الاساسية في ماليزيا متكلفة جامد ، علشان يعرفوا يبنوا قاعدة صناعة وتكون دولة جاذبة للاستثمارات
يعني فكرة الكهرباء تقطع او المية تقطع او يحصل فيضان ، ده ماضي الاجيال الحالية بتسمع عن الحاجات دي من اجدادهم

يكفي ان موسم المطر الاستوائي بدا بقاله شهر والفيلبين وتايلاند وفيتنام غرقانين وماليزيا مالهاش دعوة
يكفي انهم عملين فكرة مجنونة لصرف المطر كنت ناوي افتح لها موضوع لوحده وهو النفق العملاق وتكلفته 10 مليار دولار علشان ينقل مية صرف المطر من وادي كلانج لاقرب نهر علشان يصرف المطر في الموسم والمدن متغرقش

كلانج فالي ده زي القاهرة الكبرى عندنا
لان كوالا لمبور لحمت في خمس مدن حواليها وبقوا مدينة وحدة زي القاهرة والجيزة والقليوبية
بكرة اشرح ازاي ماليزيا بتصرف المطر ان شاء الله

شكرا يا فندم كلك ذوق

[abou_ruqi]

مستني تقريرك بفارغ الصبر

لا تقرير إيه اللي أنت مستنيه ؟
هو بعد ناشيونال جيوجرافيك يتعمل تقارير ؟؟
أنت كده الله ينور عليك وفرت عليا

:018a1d~146:

[zago]

ان شاء الله اول 10 مليون وتلاقيني عندك يا ابو رقيه
مش عايزين رئيس جمهوريه ؟؟؟
:)

[abou_ruqi]

ان شاء الله اول 10 مليون وتلاقيني عندك يا ابو رقيه
مش عايزين رئيس جمهوريه ؟؟؟
:)

انا بعد كل اللي كتبته ده تقولي جمهورية ؟
يا عم ماليزيا مملكة يا عم حرام عليك

[zago]

ما انا حقلبها جمهوريه بعدين استولى على الحكم
كل ده وهو نازل على السلالم
:)

[Al-Farooq]

ماليزيا جميلة ماشاء الله ، بس ياريت المصرين اللى هيرحوا هناك يحافظوا على هبيتنا وحبهم لنا ، لأنها تكاد تكون هى الدولة الوحيدة فى العالم اللى بتحب وبتحترم وتجل مصر و المصرين وبتدي لهم إمتيازات زى ما ابا رقية ربنا يبارك له ويحفظه شرح لنا بالتفصيل ، وربنا يعز جميع بلاد المسلمين ، ويارب مصر تبقى من أحسن وافضل دول العالم والواحد لا يضطر يترك بلده لأى سبب كان :( ....

[فتح الباب]

شوقتنى للسفر الى هناك بلد جميل حقا والاجمل موضوعك بأسلوبك الجميل اشكر حضرتك جدا

[abou_ruqi]

ماليزيا جميلة ماشاء الله ، بس ياريت المصرين اللى هيرحوا هناك يحافظوا على هبيتنا وحبهم لنا ، لأنها تكاد تكون هى الدولة الوحيدة فى العالم اللى بتحب وبتحترم وتجل مصر و المصرين وبتدي لهم إمتيازات زى ما ابا رقية ربنا يبارك له ويحفظه شرح لنا بالتفصيل ، وربنا يعز جميع بلاد المسلمين ، ويارب مصر تبقى من أحسن وافضل دول العالم والواحد لا يضطر يترك بلده لأى سبب كان :( ....

بالظبط كده الله يفتح عليك ، عمال ادور حوالين النقطة دي ومعرفتش اقولها احسن من كده
هما حاطينا في مكانة عالية فمفيش داعي الوضع يتغير
واذكر ان تايلاند كمان كانت من غير فيزا والان اصبحت بفيزا صعبة بسبب نوعية المصريين اللي راحت والحاجات اللي عملوها هناك
ولا نتمى ابدا ماليزيا تاخد موقف تايلاند

[minicooper20]

باشا سوال روفيع
ايه اخبار الاعلام عندكو و مجال الدعايه و الصحافه و الحجات المتاكلش عيش دى
و متشكر على اهتمامك جدا يا فندم

[abou_ruqi]

باشا سوال روفيع
ايه اخبار الاعلام عندكو و مجال الدعايه و الصحافه و الحجات المتاكلش عيش دى
و متشكر على اهتمامك جدا يا فندم

ولا اعرف ، لو عرفت انت ابقى قولي ، انا لا بشوف تلفيزيونهم ولا جرايدهم ، ساعات بجيب جرنال اسمه ستار بالانجليزي
ووكالة الانباء الماليزية اسمها برناما وده موقعها

Malaysian National News Agency ~ BERNAMA

[Moh.Abdelbaset]

موضوع جميل جداً يا أ/خالد
أنا شيرته عندي على الفيس بوك
جزاك الله خيراً على هذه الافادة

[abou_ruqi]

موضوع جميل جداً يا أ/خالد
أنا شيرته عندي على الفيس بوك
جزاك الله خيراً على هذه الافادة

يعني ايه تشير موضوع على الفيس بوك ؟

[minicooper20]

ولا اعرف ، لو عرفت انت ابقى قولي ، انا لا بشوف تلفيزيونهم ولا جرايدهم ، ساعات بجيب جرنال اسمه ستار بالانجليزي
ووكالة الانباء الماليزية اسمها برناما وده موقعها

malaysian national news agency ~ bernama

انا قولت كده باردو

[Moh.Abdelbaset]

يعني ايه تشير موضوع على الفيس بوك ؟

ده لما يكون في خبر أو صورة أو فيديو عايز أصحابي على الفيس بوك يشوفوه أعمله share
فأنا حطيت لينك الموضوع على صفحتي في الفيس بحيث اللي حابب يعرف حاجة عن ماليزيا و تجربة حضرتك يدوس على اللينك يدخل المنتدى هنا يقرأ الموضوع.
و دي خدمة جديدة في المنتدى في أول الموضوع بتلاقي علامات لتويتر و الفيس بوك علشان لو عجبك الموضوع تعمله share على حسابك في المواقع دي و اللي عايز يقرأ الموضوع يدخل المنتدى يقراه