ماليزيا بعين المقيم

[alaa_dash]

اخبار رمضان ايه ..و كل سنة و انت طيب :))

[zago]

انا داخل اقول حاجتين

اولا تقرير حلو ورائع ومدهش ومحصلش ومعلومات جميله استفدت بيها واكيد باقي الاعضاء استفادو برضو
ثانيا رمضان كريم وكل سنه وانت طيب

[abou_ruqi]

اولا انا شاكر فضل كل واحد دخل الموضوع وضيع وقته في قراية اللي بكتبه وانا في غاية السعادة ان في ناس بتقول انها استفادت فعلا من الموضوع
ويا ريت اي مصري مغترب يحكلنا عن البلد اللي هو فيها علشان نشوف بعنيه دول احتمال نشوفها في يوم من الايام واحتمال لا ونبقى عرفنا عنها

وكل عام وانتم بخير وان شاء الله السنة الجاية نتقابل في عمرة رمضان

اما رمضان هنا كغالبية دول العالم مالهوش اي طعم الحاجة الوحيدة اللي فيها احساس ان رمضان باقي عليه ساعات هو التمر اللي نزل السوق علشان ماليزيا مفيهاش نخل بلح طبعا علشان معندهمش صحرا
بس التمر المصري مكتسح وهو اكتر تمر الناس بتشتريه علشان هو الارخص والوحيد اللي بيتباع سايب بالكيلو في تمر المدينة وتمر تونسي بس الناس مش مقبله عليهم

الله عليك يا مصر

[yascro]

الله عليك يا ابو رقيه

[abou_ruqi]

الله عليك يا ابو رقيه

وعليك يا حبيب قلبي
وعلشان حضورك المميز خد المعلومة دي عندك ، في المول بتاع البرجين في الدور قبل الاخير معرض هارلي ديفنسون علشان لو رحت ماليزيا لازم تزوره طبعا وتشريلك موتوسيكل وجاكيت :-)

وسلملي على محمد هيثم لو شوفته

[zago]

ياباشا المصريين دلوقتي مغتربين في مصر ههههههههه
ممكن نحكيلك حكايات تخليك مترجعش تاني ولا حتى زياره

[hany_mohamed]

اولا انا شاكر فضل كل واحد دخل الموضوع وضيع وقته في قراية اللي بكتبه وانا في غاية السعادة ان في ناس بتقول انها استفادت فعلا من الموضوع
ويا ريت اي مصري مغترب يحكلنا عن البلد اللي هو فيها علشان نشوف بعنيه دول احتمال نشوفها في يوم من الايام واحتمال لا ونبقى عرفنا عنها

وكل عام وانتم بخير وان شاء الله السنة الجاية نتقابل في عمرة رمضان

اما رمضان هنا كغالبية دول العالم مالهوش اي طعم الحاجة الوحيدة اللي فيها احساس ان رمضان باقي عليه ساعات هو التمر اللي نزل السوق علشان ماليزيا مفيهاش نخل بلح طبعا علشان معندهمش صحرا
بس التمر المصري مكتسح وهو اكتر تمر الناس بتشتريه علشان هو الارخص والوحيد اللي بيتباع سايب بالكيلو في تمر المدينة وتمر تونسي بس الناس مش مقبله عليهم

الله عليك يا مصر

كل سنة وانت طيب يا ابو رقية
رمضان كريم

[yascro]

وعليك يا حبيب قلبي
وعلشان حضورك المميز خد المعلومة دي عندك ، في المول بتاع البرجين في الدور قبل الاخير معرض هارلي ديفنسون علشان لو رحت ماليزيا لازم تزوره طبعا وتشريلك موتوسيكل وجاكيت :-)

وسلملي على محمد هيثم لو شوفته

عنايا يا غالى
وسلامك وصل للغالى
و قريب هتسمع اخبار حلوه هتبسطك اووووووووووووووووووووووووووووووووى

[abou_ruqi]

عنايا يا غالى
وسلامك وصل للغالى
و قريب هتسمع اخبار حلوه هتبسطك اووووووووووووووووووووووووووووووووى

ماتديني فكرة كده لحد ما قريبا ده يجي ؟؟؟

[cameeron]

اولا كل سنة و حضرتك طيب بمناسبة رمضان و اشكرك بجد على التقرير الرااااااااااااااااااااائع لابعد الحدود عن ماليزيا و اقسم بالله دمن غير اى مبالغة ده يعتبر احلى تقرير قريته عن بلد بالصور و المعلومات ربنا يباركلك بجد انت اولا تعبت فى التقرير ده جامد علشان تعصر دماغك و توصلنا كلللللللللللللللللل المعلومات الهايلة دى ربنا يوفقك بجد و يفتحلك فى ماليزيا احسن الطرق.

و ليا بس استفسار صغير و هو بخصوص علاقة الصين بماليزيا و حضرتك قلت ان ربع سكان ماليزيا هما صينيين و انهم مسيطرين على الاقتصاد و كمان نعرف قرب الصين الجغرافى من ماليزيا طب اذا كان الصينيين بضايعهم و صناعاتهم مغرقة العالم كله و احنا هنا فى مصر اكبر مثال على ده و حتى امريكا و الدول الكبيرة و ان اختلفت جودة البضايع الصينى عندهم عن عندنا اختلاف جذرى فبالتاكيد هناك سيطرة كاملة للمنتجات و لشركات الصينية على السوق الماليزى

فالسؤال بقى طب هتيجى منين فرص استثمار لشركات تانية تنافس فى ظل السيطرة الصينى من كل اتجاه على ماليزيا(_القرب الجغرافى و ربع السكان و اسعار الصين الرخيصة)
و للعلم حضرتك انا الشركة اللى باشتغل فيها هى شركة توكيلات معدات كهربا و مثلا لما جيت ادور على الشركة الرئيسية الروسى اللى هى التوكيل الرئيسى بتاعنا و حاطة فروعها على مستوى العالم فما لقيتش فرع فى ماليزيا و لما سالت قالولى ان فرع الصين هو اللى بيورد لماليزيا فقلت طب ما ده شئ طبيعى و كده هتلاقى الشركات الصينى من كل المجالات مسيطرة.

يبقى ازاى مثلا هافترض معاك انا اهو واحد عاوز اروح ماليزيا و معايا راس المال المطلوب و مجال المعدات الكهربية مثلا و هافتح شركة هناك هنافس الصين ازاى ؟؟؟

[abou_ruqi]

ملحوظة في منتهى الذكاء ، احييك
اولا لو افترضنا ان الصينين قافلين مجال التصنيع ، فباقي المجالات مفتوحة زي السياحة والزراعة والتعليم والتجارة بشكل جزئي علشان ليها علاقة بالتصنيع جزئيا

انما الصورة مش قاتمة قوي كده

صينين الصين مش زي صينين ماليزيا دول شيوعيين ودول رأسماليين
الصيني الماليزيا علاقة بالصين الام اللغة فقط انما هو لو حب يسافر الصين لازم ياخد فيزا لانه معهوش جنسية
الايدي العاملة الماليزية اجورها عالية فلو عمل مصنع حيواجه نفس المنافسة مع المنتج الصيني هنا مفيش حاجة اسمها انا وخويا على ابن عمي
ففكرة الولاء للام مش موجودة

ثانيا الصيني بطبعه ولائه لمصلحته ومالوش ولاء للصيني اللي زيه يعني لو مصلحته معاك حيبيع ابوه

افضل هيكل اداري هنا لما يكون الهرم الاداري قمته اجنبية وقعدته هندية واسيوية اخرى والادارة الوسطى ماليزية
صينية بقه او مالاوية ده على حسب النشاط نفسه يعني لو ليه علاقة بالحكومة هاتهوم مالايو طبعا
اما لو للسوق هاتهوم صينيين
ساعتها اللي فاكره عيب في التركيبة حيبقى نقطة في صالحك وهما كحمير شغل حيبهروك بالذات لو اتعملت مع مديرين وسط في مصر
شتان

[elmkaneeki]

روعة!!!!

[solyahmed]

ما ينفعش اكلمك بالأرقام , أنت أعمل دراسة جدوى للمشروع بتاعك وأنا حساعدك

أما مصاريف التأسيس فحوالي 17.5 ألف رينجت دي مصاريف الحكومة للشركة الأجنبية تماما (بدون شريك ماليزي ) ذات رأس المال 1 مليون رينجت او ما فوق
وحوالي 10 ألأف محامي (هو مش محامي قوي هو شركة وسيطة لابد من وجودها لتأسيس شركة حيث ان الحكومة لا تتعامل مع أفراد بدون شركة وسيطة ) وفايدة الشركة الوسطية أنك بتروح تمضي عندها مرةواحدة ومالكش دعوة بأي ورق أو مشوار حكومي هما اللي بيعملوا كل حاجة لحد ما يدولك ملف فإيدك وتروح تأخد الإقامة
هي مكلفة بس لا تتخيل قد إيه مفيدة
وحوالي خمسة ألاف مصاريف مقر وتأسيس الشركة

اما مصاريف الزيارة شهر ده على حسب عاوز تعيش ازاي و تروح فين , ممكن تصرف 100 جنيه في اليوم وممكن 1000 جنيه

أما المحل ما أنا حطت أكبر موقع عقارات علشان تأخدوا فكرة عن الأسعار !
والمحل وضعه بيكون أنك بتأسس شركة مالكة للمحل ومقر الشركة هو المحل نفسه , ينفع طبعا
اما المجالات فكل حاجة متاحة
أنا قلت قبل كده ماليزيا بلد زراعي صناعي تجاري سياحي تعديني كمان
قولي مجالك ايه و حقولك رأيي[/quote]

------------------------------------------------------------------------------------

كل سنه وانت طيب يا استاذ خالد عليك ولكل اعضاء المنتدى
مصارف تأسيس شركه دي لرأس مال 1مليون رنجيت هو مافيش اقل من كده انا لغاية دلوقتي معرفتش اقل راس مال قد ايه حضرتك قولت 300 الف مش ضروري واقعيا ولهم الحل والمهم ان يكون في استثمار بجد علشان كده قولت لحضرتك كلما علي الارقام

طيب يعني مائة الف جنيه حوالي 20 الف دولار مش ممكن ينفعوا يعملوا اي حاجه خالص ولا كشك حتى كبدايه ايه رايك في موضوع التاكسي حضرتم قولت في تبع شركه وفي افراد ؟
بالنسبه للزياره اللي بفكر يجي شهر يشوف الشركات او ياخد مواعيد اي حاجه كويسه علشان كده سألتك تكلفة الشهر كام واكيد عايز حاجه متوسط او عاديه كمان ونظيفه . يعني حوالي كام 1000 دولار ولا 2000 ولا كام

[abou_ruqi]

انت مخدتش بالك ان ما ينفعش شركة فردية للاجانب يعني انت محتاج شريك او اكتر
فانت لو معاك شريكين كمان يعني مصاريف التسجيل والتأسيس حتتقسم على تلاتة وراس المال حيتضرب في تلاتة كده الامور حتكون مجدية

اما الزيارة فالف دولار يعني تلاتة ماليزي طبعا مصروف جيب جيد للزيارة
انما اختار وقت كويس علشان الطيران يعني بعد الموسم يعني اول ما المدارس تبتدي في الخليج واحجز على طيران خليجي بالذات الكويتية والخليج والقطرية حتبقى الاسعار كويسة قوي
بس احجز بدري علشان تاخد اقل سعر وابعد عن العيد الكبير واجازة نص السنة

[zago]

خلاص
انا رايح الخليج
امسح الارض واغسل مواعين
ولما اعمل فلوس
حبقى اجي ماليزيا
اشوفلي واحد يشاركني وافتح محل كشري