قراءة للوضع............يا رب أكون غلطان

[korkor]

يعنى مع عدم حبى ل 6 ابريل لكن انا شايف ان اللى حضرتك بتقولوا ده صح بنسبه كبيره ويعنى انا لو مكان المجلس العسكرى لازم اكون مخطط لكده من اول يوم باختلف بس مع حضرتك فى موضوع الفزاعه والحاجات دى لان خلاص الشعب مش بيصدق الكلام ده , هو اللى جيش بيعمله او هيعمله انه حيحاول تطبيق التجربه التركيه ويؤيد ذلك ببنود فوق دستوريه ليضمن الولاء التام للجيش وعدم التدخل فى شئون الجيش من قبل مجلس الشعب او الحكومه او حتى رئيس الجمهوريه من الاخر كده الجيش هيبقى سلطه منفصله بتحفظ الامن الخارجى لمصر وتحافظ على مدنيه الدوله من الانقلابات الداخليه , ده اسلم حل ليهم والا بعد مايتخب رئيس ومجلس شعب ينقلبوا يدوروا فى دفاترهم القديمه ويجيبوا المجلس الاعلى عاليه واطيه , وعلى فكره ده لو حصل باتفاق مع القوى الشعبيه الكبرى كالاخوان او غيره محدش هيعرف يغيره بعد كده الا بثوره بس مش هتكون سلميه او انقلاب عسكرى نادر بتاع سوار الدهب كده
وكل سنه وانتوا طيبين وكل ثوره وانتوا طيبين

[misoalex]

اتفق معاك فى كل كلامك
والجيش المره دى بيحارب الشعب بالشعب مش زى معمل مبارك وحارب الشعب بالشرطه

وانا قولتها قبل كده ايام مبارك كان البعبع اللى بيخوفنا بيه الاخوان ولما الثوره قامت بقى بيخوفنا بأمريكا والاجندات ولما موضوع الاجندات بقى قديم والمجلس العسكرى قاله اقعد على جنب انتى بقى واحنا حنتصرف معاهم
ظهر بعبع السلفين وقصه الفتنه الطائفيه ولما لقو ان الناس مش متقبله ده وان السلفين ليهم شعبيه كبيره ابتدو يدورو على الشوكه اللى واقفه ليهم فى الزور
الشوكه دى هى 6 ابريل ورجعو تانى لاسطوانه امريكا وامريكا دى مش هى اللى بتدى معونه لمصر والجيش ولا انا غلطان

وطبعا الدور قادم على باقى الاحزاب

[misoalex]

واظن الصوره دى معبره عن كلامى وكلامك

[زينة الله]

معاك 100% .. ربنا ينور بصيرتك

والفتن اللى بتحصل دلوقت هى نفسها اللى كانت بتحصل زمان واتضح انها من تدبير أمن الدولة !!!

ولو لاحظتوا هتلاقوا فى أحداث اسكندرية ... مسكوا ضابط أمن دولة كان بيحرض على المنطقة العسكرية الشمالية وهجمت عليهم الشرطة وقطعوا الكهربا عليهم حتى يتمكنوا من تهريبه وبالفعل هرب

واضح إن هناك من بدأ يستفيد من خبرات جهاز الأمن الوطنى لاحكام قبضتة على البلد ولكن للأسف بنفس الاساليب القديمة

و6 أبريل ما هى الا عبرة لمن يعتبر ويخاف .. وكذلك الحرب الضروس بين السلفيين والليبرالين والعلمانين .. وغيرها من أساليب فرق تسد

مع إن كل الأطياف فى ثورة 25 يناير كانوا سعداء بتجمعهم معا على اختلاف اتجاهتم وحتى دينهم ,, فكانوا يستشهدون بأجمل صورة لأخوة مسيحيين يحمون المسلمين اثناء صلاتهم

فقد كان الجميع متمسكون بمبادئ واحدة مبنية على الحق والعدل لذلك نصرهم الله لأنه هو الحق والعدل .. فإن عدنا للحق والعدل والقصاص عاد إلينا النصر إن شاء الله

[wawoo]

انت اتهمت ناس ووجهت الدعوة للشعب يتصدى لهم و يا اما الدليل قاطع ويروح النيابة يا اما انت كداب و عايز تحرق البلد لمصلحتك يا اما انت دلوقت مسرح رجالتك من امن الدولة السابق يجهزوا اى ادلة تمشى الحال.
يارب اكون غلطان
امين
امين
امين

تحليل متميز يا ابو حمزة احيك علية .. و سوف تثبت الايام صدق الكثير منة ...

و هو ما يحتم على الجميع اليقظة التامة حتى لا تضيع الثورة فى صراعات داخلية و اتهامات متبادلة بين القوى السياسية و ننسى المتامرون الحقيقية على الثورة ..