ايه رأيكم في اللي عملته أسماء محفوظ في العباسية؟

[wael17]

أسماء محفوظ . أنا شخصيا لا أرتاح لها و لا لكلامها على الاطلاق من اول يوم وقعت عينى على صورتها
دة رأيى الشخصى فيها بكل وضوح و صراحة

للأسف أنا كنت مخدوع فيها في الايام الأولي للثورة بس بعد كده بدات اشعر بعدم الارتياح لها

1
2- هل كل واحد يتهم ان اسماء كاذبة .. نزل فتش المنطقة شخص شخص و اتاكد ان لا احد منهم يحمل سكين او سنجة او سيف قصير او طويل ، و الغريب ان الاحداث تدور في منطقة شعبية بالقرب من سوق خضار شعبي كبير .. و مش عايزين نصدق ان تجمهر زي ده يجب ان يظهر فيه اسلحة بيضاء و سيوف

القضية مش في وجود اسلحة بيضاء من عدمه..انا متأكد ان كان في ناس معاها سكاكين و سنج في الجانبين...مش عارف ايه الغريب في كده و في ناس عمالة تجيب صور فيها سكينة ولا سنجة عشان تثبت ان كان في بلطجية...يا جماعة انتوا نسيتوا ايام اللجان الشعبية؟ انا كنت باشوف ناس و شباب ماسكة سكاكين و سنج في ارقي احياء اكتوبر و المهندسين و المعادي...لما بيبقي في مواجهة بالطوب بين فريقين كل فريق مكون من عدة الاف طبيعي في ناس هاتظهر شايلة اسلحة بيضاء و الهدف منها ليس الاعتداء و لكن الارهاب بمعني ان ما يجيش فريق يسخن علي التاني و يجري مرة واحدة يهجم عليه ما دام شايفين في ايديهم سكاكين...و الدليل علي كدة ان كل الاصابات بالطوب و كمان مفيش قتلي يبقي السكاكين دي لزوم الخناقات و التهويش و ما تنسوش ان في مناطق شعبية في ظهر العباسية طلعوا يدافعوا عنهم لما سمعوا عن الاشتباكات...و في اول المواجهة اهالي العباسية كانوا خايفين لما شافوا الاف المتظاهرين داخلين عليهم و طبيعي ان الانسان الخائف ياخد اي سلاح يطوله يحمي نفسه

انا مشكلتي مش في وجود سكينة مع اهالي العباسية من عدمه انا مشكلتي في الجملة دي
بلطجية طنطاوي بيضربونا بالسيوف و عايزين نجدة

1

اسماء انسحبت من 6 ابريل من فترة و ليست قيادي و لا حتي عضو

اسماء من المؤسسين لحركة 6 ابريل و لها صور عديدة معهم في خارج مصر و اسحبت منها علي اثر خلافات بين قيادات الحركة منذ فترة قريبة

أسماء محفوظ بالكلام الى قالتة فى المكالمة الهاتفية على البرنامج أقوال تثير البلبلة و تهيج الرأى العام و يوجد بها بعض التحريض المستتر
مش بنتناقش الى ضرب أهالى العباسية و لا بلطجية . لآ الفكرة أنها أنسانة محرضة و بتحاول تهيج الرأى العام فى معظم مداخلاتها و كلامها .

+1111111
فعلا انا مش بناقش هنا اهالي العباسية بلطجية ولا لأ
انا مش عارف ازاي كلمة زي دي
بلطجية طنطاوي بيضربونا بالسيوف و عايزين نجدة
تمر مرور الكرام و لا يتم محاسبة اسماء محفوظ عليها
و ماذا كان سيحدث اذا هب الشعب لنجدة الانسة اسماء محفوظ ضد بلطجية طنطاوي؟
اسماء محفوظ مش بنت فرفورة و كانت منفعلة من الاشتباكات و منظر الدم...دي ناشطة سياسية و محترفة مظاهرات و كل كلمة بتقولها بتبقي محسوبة و لها هدف

[heshamzaky]

......... منقول ..........
من أسماء محفوظ
رسالة الناشطة أسماء محفوظ نقلا عن الوعى المصرى

أنا اسماء محفوظ عضو بحركة شباب 6 ابريل عندي 10 أعمام و9 خلان كل واحد فيهم عنده متوسط 5 ابناء وكلهم تقريبا اتجوزو يعني العدد اتضاعف وكمان خلف يعني اتضاعف 4 مرات

يعني ممكن نقول مثلا في بتاع 400 فرد في شجرة العيلة
كل واحد فيهم في منصب مختلف ودراسة مختلفة وفكر مختلف

مباحث أمن الدولة ابتدت بوالدي كل يومين مكالمة تليفونية من مباحث امن الدولة عايزين حضرتك في موضوع يهمك بخصوص بنتك تيجي انت برجلك ولا نجيبك احنا بطريقتنا؟؟؟
وطبعا الإجراء إلي بيعملوه ده غير قانوني ووالدي رفضه.
وهديوا شوية
رجعوا تاني بمخبرين في كل مكان يلاحق كل فرد في اسرتي يسأل عنهم وهذا اثار ضيقة اسرتي.

ابتدوا يهددوا اخواتي
هددوا اخواتي عن ايقافهم من العمل وليس هذا فقط
بل هددوهم ايضا انهم لو ذكروا اي شيء عن هذا التهديد هيسجنوهم
وبعد التهديدات طلبوا اقرار مني مكتوب بخط ايدي باني لن يكون اي علاقة من بعيد او قريب بالسياسية وتحديدا في حركة شباب 6 ابريل
وكمان اطلع على صفحات الجرائد واقول اني ندمانة اني كنت عضوة في حركة شباب 6 ابريل
ولو مقدروش يخلوني اعمل كده .. طلبوا تزوير شهادة صحية تفيد باني مختلة عقلية
وطبعا سببوا لي مشاكل جثيمة في البيت وقلق شديد لاهلي
وانا قررت إني لن أتنازل عن دوري الوطني من أجل بلادي
راحوا هددوا اخي وقالوا له : طيب متزعلش مننا بقى لما نجرجر اختك من بيتها بواسطة زوار الليل الساعة 3 الفجر وهنجيبها عندنا وانت اكيد فاهم كويس ممكن نعمل ايه في بنت
فلمصلحتك ولسمعتك متجبرناش اننا نعمل كده

الكلام ده من شهرين وطول الفترة دي الاقي كل شوية فرد من العيلة يكلمني يقولي اتصل بي فرد من الحزب الوطني وقال لي ابلغك انهم عايزين يقعدوا معاكي عشان يحموكي من اللي حصل بمجرد انك تقولي انك ندمانة من معرفتك بشباب 6 ابريل
ورفضت
راحوا غيروا الطلب احنا عاملين لجنة وعايزين نتكلم معاكي ياتقنعينا بنشاطك يانقنعك احنا بنشاطنا
وبردو قد رفضت الحديث معهم تماما
وهديوا شوية سواء بتوع الحزب الوطني او مبحاث امن الدولة

فجأة تليفون من أمن الدولة يطلبوا زيارة اخي لهم ورغم اني نصحت أخي بعدم الذهاب لهم فقد ذهب بالفعل اليوم

كانو عايزين بس يقولوله كلمة واحدة
ابن خالك تقدم لوظيفة في وزارة الخارجية ووهو يصلح لها بعد ان نجح في كل الاختبارات بجدارة بس للاسف هو اترفض بسبب اسماء محفوظ تعد فرد من عائلته الكريمة

إلي كل الهيئات التي تعمل ضد راحه أهلي

أنا أسماء محفوظ أقر بأني أفخر بمصريتي وببلادي وأبزل كل الجهد من أجل تحسين وطني وتطويره ونقله إلي مرتبه الرقي والقوة .. بدلا من الظلام والإستبداد والضعف والوهن الذي نعيشه …
وأني لن أتنازل عن حلمي الذي أحلمه كل يوم لمصر بأن تكون مصر القوة والأمان

اعطوا لكل فرد حقه وانا اوعدكم باني هبطل نشاطي السياسي

أسماء محفوظ
عضو بحركة شباب 6 ابريل

[heshamzaky]

......... منقول .......
أسماء محفوظ: توفيق عكاشة يشوه سمعتي السياسية

الخميس, 09 يونيو 2011 00:51
هاجمت الناشطة السياسية أسماء محفوظ بعض وسائل الإعلام وخاصة برنامج الاعلامي توفيق عكاشة علي فضائية الفراعين لقيامه بتوجيه أتهامات مستمرة لها بانها تتلقي تمويلا خارجيا وتعمل لحساب دول أجنبية.وانه يعكف علي تشويه سمعتها سياسيا.
وقال أسماء فى مداخلة هاتفية لــ"برنامج أخر كلام" ان وسائل الإعلام تعمل علي تناقل حصول النشطاء السياسيين علي تمويلا بينما تترك ضباط الشرطة المتهمون فى قتل الشهداء وتعذيب الشباب فى النظام السابق وتتغاضي عن ممارسات قيادات الشرطة المتورطون في قضايا تعذيب وحصلوهم علي مرتبات أعلي مما كانوا يحصلون عليها قبل الثورة .
كما أنتقدت موقف الإعلام من قضية الناشطة السياسية سلمي الصاوي واتهامه لسلمي بأنها تخترع روايات وأكاذيب وان كلامها عاري عن الصحة ،وطالبتهم بأن يتناولوا كيفية خطف فتاة فى وضح النهار من ضباط الشرطة وان يعملوا علي تثقيف وتوعية الشباب بأن يطالبون الضباط بإبراز هويتهم قبل الاستجابة للذهاب معهم .
وحول حوار سلمي بان الضابط الذي اختطفها من جهاز الأمن القومي ذكر لها أسماء محفوظ وإنها تذهب إلي تركيا للحصول علي تمويل،أجابت أسماء محفوظ بأنها ناشطة سياسية وليست عضوه فى حركة 6ابريل وإنها تدعي للمؤتمرات الخارجية بعلم الحكومة المصرية بصفتها ناشطة سياسية مستشهدة بزياراتها الأخيرة ألي إيران و أنها سافرت مع وفدا شبابيا مكون من 56 شابا إضافة الي عدد من الرموز الإعلامية والسياسية وقاموا بمقابلة رئيس تركيا ورئيس الوزراء مع الوفد دون ان تنفرد بأحاديث فردية مع أي من المسؤلين هناك .


اقرأ المقال الأصلي علي بوابة الوفد الاليكترونية أسماء محفوظ: توفيق عكاشة يشوه سمعتي السياسية

اقرأ المقال الأصلي علي بوابة الوفد الاليكترونية أسماء محفوظ: توفيق عكاشة يشوه سمعتي السياسية

[Curbis]

خدها قاعدة ... الثائر الحق لا يكذب.

يعني الثائر الحق ملك منزل من السماء معصوم من الخطأ؟

طيب يعني فرقتو ايه عن الأهرام اللي كانو بيألهو الحاكم؟

وبعدين أسماء ليها فيديو قبل الثورة بتدافع فيه عن النظام وبتقول مش عاوزين نعمل مظاهرات مليونية

[heshamzaky]

للأسف أنا كنت مخدوع فيها في الايام الأولي للثورة بس بعد كده بدات اشعر بعدم الارتياح لها




القضية مش في وجود اسلحة بيضاء من عدمه..انا متأكد ان كان في ناس معاها سكاكين و سنج في الجانبين...مش عارف ايه الغريب في كده و في ناس عمالة تجيب صور فيها سكينة ولا سنجة عشان تثبت ان كان في بلطجية...يا جماعة انتوا نسيتوا ايام اللجان الشعبية؟ انا كنت باشوف ناس و شباب ماسكة سكاكين و سنج في ارقي احياء اكتوبر و المهندسين و المعادي...لما بيبقي في مواجهة بالطوب بين فريقين كل فريق مكون من عدة الاف طبيعي في ناس هاتظهر شايلة اسلحة بيضاء و الهدف منها ليس الاعتداء و لكن الارهاب بمعني ان ما يجيش فريق يسخن علي التاني و يجري مرة واحدة يهجم عليه ما دام شايفين في ايديهم سكاكين...و الدليل علي كدة ان كل الاصابات بالطوب و كمان مفيش قتلي يبقي السكاكين دي لزوم الخناقات و التهويش و ما تنسوش ان في مناطق شعبية في ظهر العباسية طلعوا يدافعوا عنهم لما سمعوا عن الاشتباكات...و في اول المواجهة اهالي العباسية كانوا خايفين لما شافوا الاف المتظاهرين داخلين عليهم و طبيعي ان الانسان الخائف ياخد اي سلاح يطوله يحمي نفسه

انا مشكلتي مش في وجود سكينة مع اهالي العباسية من عدمه انا مشكلتي في الجملة دي
بلطجية طنطاوي بيضربونا بالسيوف و عايزين نجدة


اسماء من المؤسسين لحركة 6 ابريل و لها صور عديدة معهم في خارج مصر و اسحبت منها علي اثر خلافات بين قيادات الحركة منذ فترة قريبة


+1111111
فعلا انا مش بناقش هنا اهالي العباسية بلطجية ولا لأ
انا مش عارف ازاي كلمة زي دي
بلطجية طنطاوي بيضربونا بالسيوف و عايزين نجدة
تمر مرور الكرام و لا يتم محاسبة اسماء محفوظ عليها
و ماذا كان سيحدث اذا هب الشعب لنجدة الانسة اسماء محفوظ ضد بلطجية طنطاوي؟
اسماء محفوظ مش بنت فرفورة و كانت منفعلة من الاشتباكات و منظر الدم...دي ناشطة سياسية و محترفة مظاهرات و كل كلمة بتقولها بتبقي محسوبة و لها هدف

++++++++ 111111111111
أنا بصراحة لا أنخدع بالمظاهر و رأى الشخصى أنى مش بالعها من ساعت ما شوفتها
دى محنكة مش بنت عادية و بتعتمد على بعض الاساليب للظهور بمظهر الحمل الوديع و لكن معلش لن تنطلى تلك الخدعة على كل الناس

[heshamzaky]

....... منقول ..... من جريدة النهار
أسماء محفوظ تنضم لسباق المرشحين لرئاسة مصر
"انتخبوا أسماء محفوظ لرئاسة مصر 2011" جروب على الموقع الإجتماعي الشهير فيس بوك ، بدأ فى جذب الشباب إليه سريعاً حيث وصل لأكثر من 300عضو بعد إنشائه بأيام قليلة .

لا احد يعرف من تكون أسماء محفوظ ، ولا أخلاقيات أسماء محفوظ ، ولكن الجميع يعلمون أن سنها لم يتجاوز السن المنصوص عليه فى الدستور للراغبين فى الترشح لرئاسة الجمهورية ، ومع ذلك يؤيدوها ،ويرغبون أن تكون رئيسة لمصر فى 2011 ، وهذا إن دل فإنما يدل على رغبة الشباب الجامحة فى التغيير ، وتفكيرهم الشديد فيه ، فهم حينما يكونوا عالفيس بوك يلهون ويلعبون ، ينشئون جروب لترشيح فتاة لرئاسة مصر .

أخيراً نشير إلى أن هذا الجروب ينضم لغيره من مئات الجروبات التي انشأها عدد من الشباب لدعم مرشحين لا يستطيعوا الترشح للرئاسة من الاساس ،ساخرين فيها من الوضع القائم ، ومعوقات الترشح لرئاسة الجمهورية.

http://www.alnaharegypt.com/nhar/art12186-cat6.html

[heshamzaky]

........ منقول .........
أسماء محفوظ: انسحابى من 6 أبريل لأسباب تنظيمية ولم نتلق أى تمويل من الخارج
الخميس، 14 يوليو 2011 - 18:05
كشفت الناشطة السياسية أسماء محفوظ - عبر مدونتها على موقع التواصل الاجتماعى الفيس بوك - أسرار انضمامها وانفصالها عن حركة 6 أبريل، بعد ما تردد أن سبب انفصالها عن الحركة هو اكتشافها تلقى أحمد ماهر المنسق العام لحركة 6 أبريل تمويلات من الخارج.

وأعلنت أسماء أن انسحابها من الحركة لأسباب تنظيمية بحتة، ولم يدخل مليم للحركة من أى بلد أجنبى، ومن لديه مستندات تثبت تلقى 6 أبريل تمويلات من الخارج يقدمها للنائب العام.

وروت أسماء فى مدونتها قصة دخولها المجال السياسى مع أول دعوة لإضراب عام لشعب مصر فى مارس 2008, وكانت واحدة من ضمن مؤسسى حركة شباب 6 أبريل فى 28 يونيو, وكانت كل اجتماعاتنا إما فى نقابة الصحفيين, أو فى الحديقة الدولية، أو فى حديقة الحرية أو فى مقرات الحركات أو الأحزاب أو المنظمات الحقوقية. وكان أغلبنا شباب ليس لديه أى خبرة سياسية، ولكن كنا نسمع عن الناشط السياسى أحمد ماهر، خاصة بعد اعتقاله وتعذيبه فى 4 مايو 2008, وكنا نعتبره مثلا أعلى لنا، رغم ما كان يتردد عنه من شائعات. وحينما تعرفت عليه لأول مرة وجدته شخصا محترما، حينها تلقيت رسائل تهديد من عملاء أمن الدولة على الإنترنت بها كثير من التشويه عن أحمد ماهر عن أنه مندس وعميل ويتقاضى أموالا من الخارج، ولكنى لم أصدق كل ما قيل لى وحاولت تحرى الحقيقة بنفسى، وأن أحكم بما أراه أمام عينى وليس ما يقال لى.

وأضافت: أغلب الأنشطة التى كنا نقوم بها كانت تمويلا ذاتيا لطبع المنشورات واللافتات والاجتماعات, وعند القبض على أى منا كنا نجمع الأموال من بعض الشخصيات السياسية أو من المراكز الحقوقية لعمل لجنة إعاشة.

وقالت: تعرفنا بشباب مصريين محاضرين فى أكاديمية التغيير أعطونا دورات تدريبية فى علم التغيير السلمى، عبر التعريف بثورات العالم التى قامت بشكل سلمى, وكان من ضمن هذه الثورات ثورة صربيا وحركة أتبور التى كانت تجربتهم ملهمة وتأثرنا بها، وأخذنا شعارهم شعارا لحركتنا, وحاولنا التواصل مع مؤسسى حركة أتبور فى صربيا, وبالفعل وجهت لنا دعوة لزيارتهم فى صربيا، للتعرف على تجربتهم فى التغيير السلمى، ودفعت تكاليف السفر إحدى منظمات المجتمع المدنى، وهى الرحلة الوحيدة التى سافرها شباب 6 أبريل قبل الثورة، ضمن وفد من شباب من أحزاب أخرى ومدونين مستقلين.

وأوضحت أسماء أن أحمد ماهر كان يسافر فى مؤتمرات فى قطر ولبنان ودبى، بصفته المنسق العام للحركة, وكانت تتردد شائعات أنه يسافر لجلب تمويلات من الشيخة موزة.

وأكدت أنه منذ 2008 حتى الآن كانت كل الأموال التى صرفت فى الحركة من تمويلنا الذاتى أو من تبرعات الأعضاء داخل أو خارج الحركة أو من شخصيات سياسية. ولا يوجد أى تدريبات تلقيناها خارج مصر.

وأشارت أسماء إلى أن ما يحدث من انقسامات داخل الحركة كانت تتم من أجل إقالة أحمد ماهر وكل المجموعات المنقسمة تروج لتشويه صورته فى الإعلام، وما يؤخذ على أحمد ماهر أنه ديكتاتور، ولكنه من وجهة نظرى كان له رؤية وحلم كبير، فكان لا يأخذ آراء الأعضاء وينفذ ما يراه هو صحيح، وكل الشائعات التى تناقلت فى موضوع التمويل مصدرها ناشط سياسى معروف كان عميلا لأمن الدولة.

وأوضحت أسماء أن سبب انسحابها من الحركة هو مشاكل مع بعض الأعضاء الذين هاجموا أحمد ماهر، بسبب أنى منسقة إعلامية للحركة, واسمى يظهر فى وسائل الإعلام وكل رأى شخصى كان ينتسب للحركة.

وفى عام 2010 حصلت مشادات وخلافات وأقلت من منصبى كمنسقة إعلامية للحركة, وبعد الثورة تعرضت لهجوم حاد من كل الناس، فضلت الانفصال عن الحركة وقررت الانسحاب فى هدوء حتى لا تزيد الشائعات. وقتها كان فى مجموعة لا تزيد عن 10 أشخاص يجمعون توقيعات فى الحركة لإقالة أحمد ماهر وانتخاب منسق عام جديد.

وأضافت أسماء، أنه بعد الثورة، خاصة بعد اقتحام مقر أمن الدولة، توارد كلام عن وجود مستندات عثر عليها فى أمن الدولة تثبت تلقى أحمد ماهر تمويلات من الخارج, وطلبت منهم أن يقدموا بلاغا للنائب العام، ولكن لم يقدم أحد أى إثباتات بالتمويل.

وكشفت أن ماهر كان يفكر بعد الثورة تحويل 6 أبريل لمنظمة مجتمع مدنى لا تهدف للربح، وقام أحد شباب الحركة بالقرصنة على حساب أحمد ماهر على الفيس بوك، وقام بالتجسس على حديثه مع أحد الأعضاء، وهو يشرح له فكرة تحويل الحركة, ومن هنا اتعملت حركة جديدة موازية تدعى حركة 6 أبريل الديمقراطية أو حركة 6 أبريل الحركة لا المنظمة، وحاول كثير من النشطاء تشويه سمعة ماهر السياسية والأخلاقية لاستقطاب الأعضاء للحركات الموازية.

وطالبت أسماء أعضاء حركة 6 أبريل بالتوقف عن الاتهامات والتصريحات المضادة، وأشارت إلى أن الانقسام يضر بتاريخنا النضالى وبمستقبل الحركة، وطالبت الجميع بالتوحد والتوقف عن الصراعات والخلافات فى وسائل الإعلام.

وأضافت: حركة 6 أبريل تجربة فريدة من نوعها وتجربة تاريخية ساهمت فى حراك سياسى انتهى بثورة عظيمة، وحتى بعد خروجى منها فأنا معتزة بكونى أبريلية وأحترم جميع الأعضاء والنشطاء اللى عرفتهم وشاركتهم العمل السياسى من 2008.

[khaled_sabry]

+111111111
انا شايف ان الجيش تصرف بمنتهي الذكاء في موقعة العباسية
6 ابريل كانت نفسها تطلع بفيديو ولا صورة فيها عساكر جيش بيضربوهم بس الجيش فوت عليها الفرصة دي و أهالي العباسية الأبطال قاموا بالواجب و اثبتوا ان مش شوية ناشطين ممولين من الخارج هايخلوا الشعب ينزل يصطدم بالجيش عشان ينقذوا اسماء محفوظ اللي طنطاوي بعت بلطجيته يضربوها بالسيوف
و اعتقد ان في جميع الاحياء المصرية الاهالي يتمنوا انهم يقوموا بالدور البطولي اللي قام بيه اهالي العباسية و يعلموا علي شباب 6 ابريل
خروج 6 ابريل في اي مسيرة اخري هو انتحار بمعني الكلمة
و بالنسبة لميدان التحرير فلا اعتقد انهم قادرون علي مواصلة احتلال الميدان لفترة طويلة...ممكن اهالي المناطق المحيطة بالميدان ينزلوا عليهم و يطردوهم من الميدان و كمان اعتقد انهم هايفضوا اعتصامهم الاسبوع ده قبل يوم الجمعة قبل نزول التيارات الاسلامية الي الميدان
انا بس نفسي 6 ابريل قبل ما تمشي من ميدان التحرير تنضفه كويس لانه اصبح في منتهي القذارة اليومين دول!

اتمنى بالفعل المشاركه "اسفا" فى الهجوم على اى مسيره خارجه من ميدان التحرير ضد الجيش
لأن الناس دى ماسبتليش اى فرصه او اسلوب تانى اقدر اعبر بيه عن رأى ... لأن الناس دى بتتكلم بأسمى و بيسرقو صوتى و انا مش عارف امنعهم
فيه ناس فكرت تعبر بشكل سلمى و متحضر و يروحو يعتصمو فى روكسى ... بس طبعا كلنا عارفين كم التريقه و التسفييه و التخوين اللى خدوه من بتوع التحرير ووصفوهم انهم بتوع "احنا اسفيين ياريس" رغم ان مش كلهم كده و اللى اكد المعلومه دى ظهور عمرو مصطفى و سبايدر افندى ... و بقى روكسى ميدان مصطفى محمود 2

لو حد معترض على امنيتي دى ياريت يقولى على طريقه تانيه اقدر اعبر بيها عن اعتراضى على بتوع التحرير

اغلط .. اشتم ... خون .. كدب.
لعنه الله على الإعلام الموجه.

الاعلام صحيح موجهه ... بس دلوقتى موجهه فى مصلحة الثوار فقط لأن كل القناوات الفضائيه عارفين ان الثوار هما الكارت الرابح دلوقتى - بدليل ان كان فيه مكالمه مع الجزيره مباشر - مصر فى وقت الاحداث كان صاحبها اسمه على "من اهالى العباسيه" و قالك "احنا اهالى العباسيه اللى بنهاجم المسيره و احنا اللى بندافع عن الجيش ... الخ " .. و فضل يتكلم تلت ساعه و يشرح الاسباب اللى خلتة يعمل كده ... بدور على تسجيل للكلام اللى قاله على اليوتيوب مالقتشى
لكن لقيت اكتر من تسجيل لنواره نجم لما اتكلمت (اتكلمت 3 او 4 دقايق) و فضلت تقول " انا بقول للمجلس العسكرى ارحل بعد اللى شيفاه ده ..." و شويه كلام لايودى و لا يجيب
من وجهة نظرى مكالمة على اهم بكتير من مكالمة نواره بس لأن على قال كلام ضد الثوار (المعصومين من الخطاء) تم تهميشه و الاهتمام بكلمتين ماضفتشى كتير لنواره نجم

لما قالت ناس غرقانة فى دمها مبتكدبش
اخو مراتى عندة نزيف فى المخ وراقد دلوقتى فى الدمرادش بسبب حجر كبير انضرب فى دماغة
وحسبى الله ونعم الوكيل فى اللى ضربة واللى بيدافع عن البلطجة

اتعور بطوبه مش بسيف زى ما اسماء بتقول ... و مافيش اى اصابه سمعتها كانت بسيف كان كل الاصابات بطوب فى الجنابين ... يعنى القصه كلها كانت تحديف طوب لكن السنج و السيوف كانت للتهويش
و علشان حضرتك ليك قريبك مصاب فطبيعي تبقى متحيز للجهه دى

[nevozaky]

1-



اسماء انسحبت من 6 ابريل من فترة و ليست قيادي و لا حتي عضو

اسماء محفوظ فعلا انسحبت من الحركة وطلعت وقالت كده وقالت ان مفيش مشاكل بينهم .
بس هيه ما عملتش كده غير لما جابوا سيرة الشيك اللى هيه خدتوا بمبلغ سبعين الف جنيه واختلفوا بخصوصه .
والله اعلم هيه ليه سابت الحركة اللى المفروض انها مؤمنة بكل مبادئها وافكارها

[heshamzaky]

للأسف بحس أن الست نوارة نجم برضو عاوزة حريقة و عاوزة تنفخ فيها و تشعللها دة رأيى بمنتهى الوضوح فى نوارة نجم برضو

[Everlasting]

اسماء محفوظ فعلا انسحبت من الحركة وطلعت وقالت كده وقالت ان مفيش مشاكل بينهم .
بس هيه ما عملتش كده غير لما اختلفوا على الشيك اللى هيه خدتوا بمبلغ سبعين الف جنيه .
والله اعلم هيه ليه سابت الحركة اللى المفروض انها مؤمنة بكل مبادئها وافكارها

حضرتك متأكدة من الرقم؟؟!
مش 69 ألف جنيه يعني؟!!

[nevozaky]

حضرتك متأكدة من الرقم؟؟!
مش 69 ألف جنيه يعني؟!!

بما ان حضرتك بتتريق دى مشكلتك .وميرسى لذوقك اوى
بس ده الكلام اللى اتقال .واللى اتعرف .
ولو حضرتك عايز تتاْكد من المبلغ ابقى روح اساْلها واتاْكد منها .اكيد هيه اصح منى
وتانى مرة ميرسى لذوق حضرتك

[wael17]

اتمنى بالفعل المشاركه "اسفا" فى الهجوم على اى مسيره خارجه من ميدان التحرير ضد الجيش
لأن الناس دى ماسبتليش اى فرصه او اسلوب تانى اقدر اعبر بيه عن رأى ... لأن الناس دى بتتكلم بأسمى و بيسرقو صوتى و انا مش عارف امنعهم
لو حد معترض على امنيتي دى ياريت يقولى على طريقه تانيه اقدر اعبر بيها عن اعتراضى على بتوع التحرير

ما تقلقش...معظم الشعب نفسه ينال شرف الدفاع عن جيشه ضد المخربين
انا شخصيا لو شفت مظاهرة معدية من الشارع اللي انا ساكن فيه تهتف باسقاط المجلس العسكري هانزل انا و كل جيراني نمنعها من المرور و لو استخدموا العنف هانرد بالعنف و نديهم علقة محترمة زي اهالي العباسية ما عملوا

[SkyBird]

ايه السر ان معظم التيار الديني اخد دور الحزب الوطني وامن الدولة واستكمل بجد ونشاط تلويث سمعة الشرفاء ؟ مع ان هؤلاء الشرفاء هم اللي كانوا السبب ان احنا سمعنا صوتهم ؟
سؤال يبحث عن اجابة ؟ واخشى ان يكون ما افكر فيه يكون هو الاجابة .
ما هذا الشغف الى قتل المصريين الاحرار الم تكتفوا بما فعلتوه في موقعة الجمل وموقعة العباسية ؟ ماذا تريدون بعد ذلك ؟ هل تحضرون لموقعة جمل ثالثة الجمعة المقبل تحت اسم تطهير ميدان التحرير من الثوار؟
انصحهم بعمل جمعة الارادة الشعبية مع اخوانهم في ميدان روكسي -مصطفى محمود سابقا ويبتعدوا عن ميدان التحرير ميدان الثورة والعزة والكرامة
وبئسا للمنبطحين في كل زمان

[AmAhmed]

مبروك يا باشا ... لغزك اتحل .. انت كدا حضرتك بنت علي حقيقتك
انت من اعضاء 6 براميل او 6 اسرائيل

تعليقك عن الشرطه مش منطقي و دا عشان ان المظاهرات و الاعتصامات الي في البلد و الخونه الي عمالين يسخنوا في الشعب الغلبان علي الشرطه هوا السبب في عدم عوده سيطره الشرطه علي الاوضاع و كل بني ادم دلوقتي بقي يبجح و يشتم في الشرطه و البلطجيه الله ينور مش سيباهم و لما واحد فيهم يضرب رصاصه ........ الدنيا تقف الحق الشرطه بتضرب في الشعب .. و الله الشرطه في عز فسادها ارحم و اهون من الفساد الي طاغي دلوقتي علي الساحه و اخونا المتظاهرين .. المتظاهرين الي بيقلعوا الناس اصدي البلطجيه و يربطوهم في النخل في قلب ميدان التحرير ..... و طبعا ما اكثر المرتزقه الي انضموا لميدان التحرير
دلوقتي اي حد عندوا رأي مخالف يبقي بلطجي .......
قمه الديكتاتوريه و السفه في وقت واحد تخلصنا من عصر الديكتاتوريه و الفساد لنصبح في عصر الافساد و انتشار ما يطلق عليهم الرويبضه .
كل الناس بتتكلم في السياسه و كله بيشتم في كله و مليون حركه و تنظيم يا نهار ابيض دي مصر ولاده فعلا.
انا شخصيا من الطبقه المتوسطه و اتظلمت ضمن جموع الناس المظلومه في مصر لغايه ما هربت منها عشان اللاقي نفسي و احقق طموحاتي بعيد عن جو الفساد الي كانت عليه مصر ... بس بامانه جو الفساد دا انقي و احسن كتير من جو مصر دلوقتي
ربنا يكون في عون مصر و الشعب المصري و ينتقم من جميع اعداء هذا البلد و اصحاب المصالح الشخصيه

اشكرك و اشكر اهتمامك علي معرفة "لغزي" .. انت كشفتني .. انا الرجل الثاني .. اللهو الخفي .. انا مستر X

اما عن تعليقك عن الشرطة :
لما تلاقي الصورة زي دي .. يكون التعليق ايه!
ما دور الشرطة .. اليس حفظ الامن .. ما بيفصلوا ليه ما بين الناس و سايبنهم يسيحوا دم بعض .. لماذا لم يأمنوا طريق للخروج حتي تنفض الاشتباكات .. واقفين بيتفرجوا ليه

الخونه الي عمالين يسخنوا في الشعب الغلبان علي الشرطه هوا السبب في عدم عوده سيطره الشرطه علي الاوضاع و كل بني ادم دلوقتي بقي يبجح و يشتم في الشرطه و البلطجيه الله ينور مش سيباهم و لما واحد فيهم يضرب رصاصه ........ الدنيا تقف الحق الشرطه بتضرب في الشعب

عموما لعلك لم تفهم قصدي .. المفترض من جحافل الامن المركزي فرض طوق او كردون بحيث يفصل ما بين الطرفين و يبطلوا ضرب طوب و اسالة للدماء
ده الهدف من الشرطة حماية المواطنين .. و ليس ترك المواطنين للقيام بدور القاضي و الجلاد بشكل فوضوي و الاكتفاء بالمشاهدة


صحيح ازاي انا 6 براميل و انا مش عايز مجلس مدني رئاسي و مش عايز المشير يتغير لكن اوافق علي انتقاد المجلس العسكري و التعبير عن الرأي بسلمية و ايضا ارغب في انتخابات نزيهة سريعة لنقل السلطة حسب راي الاغلبية و اؤيد المرشح الاسلامي السلفي لرئاسة الجمهورية .. يبدو ان انا علماني سلفي