ايه رأيكم في اللي عملته أسماء محفوظ في العباسية؟

[heshamzaky]

الفيديو كامل . هى قالت 2 ماتو فى أول المكالمة فين جثث الناس الى ماتو
سخنى و ولعى الدنيا يا سلام على ذكائك الى ممكن يخدع طفل عندة 10 سنين
[youtube]http://www.youtube.com/watch?v=7Yr2MQvlUHA[/youtube]

[waelfarid]

عمو خالتو أبيه تنت لو ثمحت عاوذ ابأي لئيث جمهولية مليث دعوة ههه اثمعني بأه هه

[heshamzaky]

البنت دى تخطت حدودها و فى منتهى قلة الذوق و لازم تتحط فى حجمها الطبيعى

[heshamzaky]

عمو خالتو أبيه تنت لو ثمحت عاوذ ابأي لئيث جمهولية مليث دعوة ههه اثمعني بأه هه

هههههههههههه و الله يا باشا عندك حق . حاليا كل من هب و دب بيتحدث و كأنة وصى على الشعب المصرى . الدنيا مش مستحملة بجد

[أشرف العدوي]

في شئ معظم الناس مش واخدة بالها منه حتى الي قاعدين في التحرير حتى الأن

الشعب عرفهم انهم بسببوا وقف حال و قفل بيوت
لما يروحوا العباسية علشان يعتصموا هناك و يوسعوا رقعة الأعتصام من التحرير للعباسية
اكيد اهالي المنطقة و اصحاب المحلات مش هيسكتوا
بقوا عاملين زي الوباء محدش طايقهم و كل الناس بتطردهم

حد في الناس دي فكر في كام عامل في محل من بتوع باب اللوق قاعد من غير شغل
حد فيهم فكر انه يلم جنيه من كل مليونية و يعوض بيها هؤلاء العاملين
كل واحد بيفكر في نفسه و بس و لما تكلمه يقولك انت لازم تضحي كان التضحية بقت فرض
حاجة تحرق الدم

[heshamzaky]

الناشطة أسماء محفوظ و تصريحاتها
اسماء محفوظ: بلطجية طنطاوي والرويني والصباع ضربونا
[youtube]http://www.youtube.com/watch?v=Gz30usqa_Vg[/youtube]

[wael17]

عموما لعلك لم تفهم قصدي .. المفترض من جحافل الامن المركزي فرض طوق او كردون بحيث يفصل ما بين الطرفين و يبطلوا ضرب طوب و اسالة للدماء
ده الهدف من الشرطة حماية المواطنين .. و ليس ترك المواطنين للقيام بدور القاضي و الجلاد بشكل فوضوي و الاكتفاء بالمشاهدة

كلام حضرتك صح و فعلا واجب الشرطة المدنية و الشرطة العسكرية حماية المواطنين و منع الاشتباكات بينهم
بس اللي حصل في العباسية ده كان وضع استثنائي و انا لا ألوم الشرطة او الجيش علي عدم التدخل
دلوقتي لو كانت الشرطة او الجيش عزلت بين الاهالي و المتظاهرين...المتظاهرين كانوا هايشتبكوا مع الشرطة و الجيش..ماتنساش اننا بنتكلم في 10 الاف متظاهر..أكيد في منهم ناس هاتحتك بالشرطة و الشرطة لو دافعت عن نفسها و ردت العدوان ستتحرك كتلة من 10 الاف متظاهر للاشتباك مع الشرطة و لو سقط الكثير من المصابين و القتلي الجيش هايدخل و سيسقط المزيد من القتلي و طبعا اسماء و زمايلها مش بيبقوا واقفين في الصفوف الامامية ناحية الخطر..بيبقوا واقفين ورا و مستعدين لتصوير الاشتباكات و التقاط الصور و نشرها فورا علي الانترنت و جميع وسائل الاعلام و طبعا هما اتدربوا ازاي ينقلوا الصورة بطريقة تثير جموع الشعب و تدفعه للنزول للشارع

يعني مثلا تخيل شاب من المتظاهرين عمال يضرب في عساكر الأمن المركزي و يعورهم و هما مش بيردوا و بعدين عسكري امن مركزي زقه وقعه علي الارض...هوب هينط بتوع 6 ابريل و يصوروا الثائر واقع علي الارض و عسكري الامن المركزي واقف فوق راسه ماسك عصاية في ايده و في ثواني تنزل الصورة علي النت و تظهر علي الفضائيات
دي احد التكتيكات الي اتعلموها بره مصر

[heshamzaky]

خبراء عسكريون: كلام الروينى عن 6 أبريل مؤكد بالوثائق

http://www.almesryoon.com/news.aspx?id=70827

| 25-07-2011 11:38

25-07-2011 11:38

«مش قادر اصدق ان ممكن الائتلافات الشبابية التى قامت بالثورة تصل إلى هذه الدرجة من الغباوة، كنا نقول شعارات مصر أولا الآن أصبح التمويل الخارجى اولا وينحرق الشعب المصرى».

بهذه الكلمات علق اللواء محمد طلبة، الخبير العسكرى، على الأحداث الدامية التى شهدها ميدان العباسية، مشيرا إلى أن من خرج ليواجه مسيرة ائتلاف 6 ابريل ليسوا بطلجية لكنهم أناس خائفون على مصدر رزقهم، على حد قوله.

وأكد طلبة أن الشباب يفقد كل جمعة نقاطا أمام الشعب المصرى، مشيرا إلى أن الفئة الصامتة لا تقبل ذلك، وعلق بقوله «ايه الخيام والمناظر المقززة دى؟ معندناش تحضر حتى فى اختيار المكان الذى سنعتصم بيه اللى جايب فانلة وجلابية وامام ماسبيرو علشان تبقى فضيحة أمام الإعلام».

وتساءل طلبة حول مغزى الذهاب بمسيرة لوزارة الدفاع خاصة أن الدولة تركت ميدان التحرير للمعتصمين يفعلون به ما يريدون، وقال «احنا استعوضنا ربنا فى ميدان التحرير، ايه وداك العباسية، ومع ذلك فى النهاية استنجدوا بالقوات المسلحة وظلوا يصرخوا الحقونا، دى ناس غير مسئولة ويرددون شتائم فى منتهى البذاءة، أحيى شباب العباسية الذى قام وتصدى لهذه المسيرة غير السلمية فى منطقة حيوية لأنهم كانوا غير موافقين على ما حدث».

ولفت إلى ان عدد ائتلافات شباب الثورة وصل إلى 150 ائتلافا و40 فى الطريق و25 تحت التأسيس، مما يشكل صعوبة فى التواصل مع شباب الثورة لاختلاف آرائهم ومشاربهم، مؤكدا أن هذه الائتلافات ليس لها قيادة معروفة.

مؤكدا فى الوقت ذاته ان صبر القوات المسلحة لن ينفد، لان من ساند القوات المسلحة 14 مليون مصرى قالوا نعم فى الاستفتاء، واشار إلى ان القوات المسلحة لا تطمع فى السلطة، وأنه بعد انتخاب الرئيس سيترك المشير والمجلس العسكرى إدارة البلاد للسلطات المنتخبة فورا.

كما اشار إلى أن اللواء حسن الروينى قائد المنطقة المركزية لم يتحدث عن مجموعة 6 أبريل من فراغ بل لديه أدلة ووثائق تثبت صحة حديثه ومن ثم لا يجوز المطالبة بالتحقيق معه، موضحا أن القضاء العسكرى هو الجهة المنوطة للتحقيق مع أى رجل عسكرى فى حالة ارتكابه جرائم أثناء أداء الخدمة.

وقال اللواء عبدالمنعم سعيد الخبير العسكرى: «القوات المسلحة لديها قانون عسكرى يحاكم الرجل العسكرى فى حالة ارتكابه أشياء غير سليمة ومخالفة للقانون موضحا أنه ليس الأفراد هى التى تطالب بمحاكمة أحد وأن ما يحدث الان فى مصر من عملية عدم الانضباط تؤدى إلى انهيار البلاد وتشويه الثورة».

وأضاف: «كلنا كمصريين نبغى نجاح الثورة ولكن ليس باستخدام العنف ولا يجب أن نخون بعضنا البعض فلابد من رؤية المصلحة العامة للبلاد فهناك من يريد أن يخلق الفوضى وعمل ثورة مضادة».

وأوضح اللواء عبدالمنعم كاطو الخبير العسكرى أن اتهام اللواء حسن الروينى قائد المنطقة المركزية لحركة 6 أبريل لم يأت من فراغ وحينما يقول شيئا كهذا فهو بناء على ادلة متوافرة لديه مشيرا إلى أن حركة 6 أبريل تحاول حاليا عمل هجوم مضاد على أساس أن تبرئ نفسها.

وأضاف أن القضاء العسكرى هو الجهة المنوط بها التحقيق مع العسكريين فى حالة إقامة دعوى ضد أحد العسكريين أو ارتكاب جرائم أثناء أداء الخدمة موضحا ان القضاء العسكرى يفصل فيها طبقا لأدلة مشيرا إلى ان حركة 6 أبريل تفتح النيران على نفسها.

وأكد اللواء حسام سويلم الخبير العسكرى انه لا يستطيع أحد محاكمة عسكرى مسنود بوثائق وأدلة إذا تم عرضها على الشعب سيقوم الشعب بافتراس مثل هذه الحركات المدعومة من الخارج، مشيرا إلى انه من المفترض محاكمة أعضاء حركة 6 أبريل بتهمة التعامل مع الخارج ويوجد العديد من الأدلة تدينهم.

واضاف أن المجلس العسكرى لديه من الوثائق والأدلة التى تدين هؤلاء معربا عن رأيه بضرورة ان يعرض المجلس هذه الأدلة وإدانة حركة 6 أبريل مطالبا بمحاكمة أعضائها عسكريا لتقاضيهم أموالا من الخارج.

[kono]

حضرتك مصدق الكلام اللى انت كاتبه ده ؟

[kono]

ايه السر ان معظم التيار الديني اخد دور الحزب الوطني وامن الدولة واستكمل بجد ونشاط تلويث سمعة الشرفاء ؟ مع ان هؤلاء الشرفاء هم اللي كانوا السبب ان احنا سمعنا صوتهم ؟
سؤال يبحث عن اجابة ؟ واخشى ان يكون ما افكر فيه يكون هو الاجابة .
ما هذا الشغف الى قتل المصريين الاحرار الم تكتفوا بما فعلتوه في موقعة الجمل وموقعة العباسية ؟ ماذا تريدون بعد ذلك ؟ هل تحضرون لموقعة جمل ثالثة الجمعة المقبل تحت اسم تطهير ميدان التحرير من الثوار؟
انصحهم بعمل جمعة الارادة الشعبية مع اخوانهم في ميدان روكسي -مصطفى محمود سابقا ويبتعدوا عن ميدان التحرير ميدان الثورة والعزة والكرامة
وبئسا للمنبطحين في كل زمان

معتقدش ان التيار الديني هو اللى اخد دور الحزب الوطني
حضرتك بتهاجمهم دايما واعتقد ان الكلام ده مش مظبوط

[wael17]

الفيديو كامل . هى قالت 2 ماتو فى أول المكالمة فين جثث الناس الى ماتو
سخنى و ولعى الدنيا يا سلام على ذكائك الى ممكن يخدع طفل عندة 10 سنين
[youtube]http://www.youtube.com/watch?v=7yr2mqvluha[/youtube]

انسانة كذابة و مش عايز اقول كلام تاني اتوقف عليه
تصدق انا اتنرفزت قوي من الفيديو ده...هي فاكرة نفسها مين الي بتتكلم دي؟
الله يخرب بيت الاعلام الزبالة الي نفخ في الاشكال دي و خلاها تفتكر نفسها حاجة كبيرة

اتنين ماتوا!!!!
الزفت اللي اسمه طنطاوي!!!

واضح ان اسماء زفت دي اتدربت علي قلة الادب كمان في صربيا

[heshamzaky]

انسانة كذابة و مش عايز اقول كلام تاني اتوقف عليه
تصدق انا اتنرفزت قوي من الفيديو ده...هي فاكرة نفسها مين الي بتتكلم دي؟
الله يخرب بيت الاعلام الزبالة الي نفخ في الاشكال دي و خلاها تفتكر نفسها حاجة كبيرة

اتنين ماتوا!!!!
الزفت اللي اسمه طنطاوي!!!

واضح ان اسماء زفت دي اتدربت علي قلة الادب كمان في صربيا

أمال لو شوفت دة حا تقول أية
[youtube]http://www.youtube.com/watch?v=NRWJHxGOXDE[/youtube]

[heshamzaky]

يا سلام على الهدوء و الثبات الانفعالى بتاعها
[youtube]http://www.youtube.com/watch?v=7tfuikoOxxA&feature=related[/youtube]

[SkyBird]

معتقدش ان التيار الديني هو اللى اخد دور الحزب الوطني
حضرتك بتهاجمهم دايما واعتقد ان الكلام ده مش مظبوط

مفيش هجوم في شواهد واثباتات واعترافات
اعتقد ردود المنتسبين للتيار الديني واضحة واعتقد كلنا سمعنا الشيخ عاصم عبد الماجد، المتحدث الرسمي باسم الجماعة الإسلامية على مباشر مصر الجمعة الماضية
(ووجهت الجماعة الإسلامية إنذارًا للمعتصمين بميدان التحرير الذين وصفتهم بـ"المخربين"، قائلة إن جميع أعضاء الجماعة سينزلون الجمعة المقبل إلى الميدان لتطهيره.)
ثم انهم متوافقون مع بقايا الحزب الوطني على ان المجلس العسكري خط احمر
وفي مظاهرات العباسية سمعنا تهديدات بعض افرادهم بكسر الارجل والتوعد الصريح بالاعتداء على مظاهرة العباسية السلمية
ومتوافقون مع الحزب الوطني وامن الدولة ان 6 ابريل عميلة وتستحق الشنق
و
و
و
الخ

[wael17]

أمال لو شوفت دة حا تقول أية
[youtube]http://www.youtube.com/watch?v=nrwjhxgoxde[/youtube]

شفته قبل كده بس فرق كبير انها تقف تتكلم في الجنينة و الدنيا رايقة و ساعتها تقول اللي هي عايزاه براحتها و انا شخصيا لن اضيع دقيقة من وقتي لسماع ما تقول

لكن ان تتصل بالجزيرة وسط اشتعال الاحداث و تقوم بتحريض الشعب علي النزول للشارع لاسقاط من تسميه " الزفت طنطاوي" دي قصة تانية خالص ...عايز أقولك ان في وقت الاحداث كنت حاطط ايدي علي قلبي و خايف ان الناس تستجيب للنداهة اسماء محفوظ ولا للتاني الي اسمه عمر عفيفي و ينزلوا الشوارع...بس الحمد لله شعبنا العظيم ساعة الجد بيختار الجانب الصحيح...والله المصريين دول اعظم شعوب الارض و صعب جدا تضحك عليهم
و تحية من كل مصري بيحب بلده لرجالة و شباب و نساء حي العباسية