مساعدة فى تنظيف تكييف منزلى

[د.أحمد السعيد]

السلام عليكم ورحمة الله وبركاته
عندى تكييف يورك فى البيت و نظفت الكومبريسور من الخارج بالبلاور و غسلته بالماء ( زى بتوع الصيانه ما بيعملوا ) و الحمد لله نضف
المشكلة فى الوحدةالداخلية خلعت الفلاتر انظفها و اغسلها لاقيت السربنتينه الداخلية مليئة بالاتربة الملتصقة جيدا و الماء بينزل عليها و بيخليها زى الطين بس مش بتنضف هل من حل فى تنضيفها ....

و شكرا مقدما و كل عام و حضراتكم بخير

[zago]

انا فكيت التكييف كله وديته البنزينه غسله بخرطوم مياه اللي بيغسل بيه العربيات
عملت الحركه ي مرتين
اول مره
التكييف قلب فريزر
تاني مره
باظ خالص
هههههههههههههههههه

[elmkaneeki]

فرشة اسنان ناعمة واديها من فوق لتحت وحاول تنطر التراب برة ...انا عملتها مرة كله تمام

[م. عمرو شرف]

لما تنضف الجهاز سواء الخارجى او الداخلى تشغله وبعد كده بالبلاور كويس قوى وبعد كده بالمياه ( أوعى تشغلها على الساخن لو ما كانتش heat pump )

لأن لو المياه الاول بتعمل طينه

ولازم الوحده الخارجيه تكون شغاله علشان مروحتها بتساعد كويس قوى فى التنضيف بالبلاور

لكن خلى بالك أنك بعد غسيل الوحده الداخليه الطين اللى نزل منها بيسد الحوض وبعد شويه تلاقى الوحده الداخليه بتنقط مياه

لازم تنضف الحوض وخرطوم الصرف

[د.أحمد السعيد]

انا فكيت التكييف كله وديته البنزينه غسله بخرطوم مياه اللي بيغسل بيه العربيات
عملت الحركه ي مرتين
اول مره
التكييف قلب فريزر
تاني مره
باظ خالص
هههههههههههههههههه

طيب فكيته ازاى ... هو أكيد شباك مش سبليت
انا عندى سبليت و الكمبريسور رشيته بالخرطوم من البلكونه ....لكن الوحدة الداخلية أعمل فيها ايه ؟.؟؟

[د.أحمد السعيد]

لما تنضف الجهاز سواء الخارجى او الداخلى تشغله وبعد كده بالبلاور كويس قوى وبعد كده بالمياه ( أوعى تشغلها على الساخن لو ما كانتش heat pump )

لأن لو المياه الاول بتعمل طينه

ولازم الوحده الخارجيه تكون شغاله علشان مروحتها بتساعد كويس قوى فى التنضيف بالبلاور

لكن خلى بالك أنك بعد غسيل الوحده الداخليه الطين اللى نزل منها بيسد الحوض وبعد شويه تلاقى الوحده الداخليه بتنقط مياه

لازم تنضف الحوض وخرطوم الصرف

أغسل الوحدة الداخلية بالمياه ازاى ؟؟ ارش ببخاخة يعنى ...دى الاتربة لازقه جامد و اى ميه هتيجى على اسلاك الكهرباء و هتقع على الارض تغرق الدنيا ؟؟؟

[م. عمرو شرف]

السلام عليكم ورحمة الله وبركاته
عندى تكييف يورك فى البيت و نظفت الكومبريسور من الخارج بالبلاور و غسلته بالماء ( زى بتوع الصيانه ما بيعملوا ) و الحمد لله نضف
المشكلة فى الوحدةالداخلية خلعت الفلاتر انظفها و اغسلها لاقيت السربنتينه الداخلية مليئة بالاتربة الملتصقة جيدا و الماء بينزل عليها و بيخليها زى الطين بس مش بتنضف هل من حل فى تنضيفها ....

و شكرا مقدما و كل عام و حضراتكم بخير

أغسل الوحدة الداخلية بالمياه ازاى ؟؟ ارش ببخاخة يعنى ...دى الاتربة لازقه جامد و اى ميه هتيجى على اسلاك الكهرباء و هتقع على الارض تغرق الدنيا ؟؟؟

أنا بقولك تغسلها لأنى فهمت أنك خلاص غسلتها بالمياه ومش عارف تعمل ايه فى الطين اللى اتجمع , لكن الطبيعى أنها مش بتتغسل بالمياه

لكن لو قصدك انك ما غسلتهاش والمياه اللى بتنزل عليها دى مياه التكثيف يبقى شغلها على السخن شويه لغاية ما المياه تنشف وبعد كده بالبلاور كويس

مكان الكارته والاسلاك بعيد عن السربنتينه , لكن لو الطين جامد خليك وراه بالبلاور لغاية ما ينشف , وكل ده من غير ما تشغل التبريد علشان مياه التكثيف ما تزودش الطين

فيه شركات صيانه بيكون عندها جهاز عامل زى بتاع محطات البنزين وبيعمل جيت مياه وبينضف كويس , بس جرب بالبلاور الاول كذا مره

[maka]

هى فيها شوية بلبطة للاسف

هتعزل الكارتة بكيس بلاستيك كويس و تجيب مصدر للمياه و فرشة سنان و تجلى الطينة تبلل و تبدا تنظفها بفرشة المياه بس هتضر ترش مية علشان تنضفها و الدنيا هتلوص شوية

فيه مادة بتتباع فى شارع الجمهورية بتستخدم فى نظافة السربنتينة بس لما تتسد خالص من الطينة و يستحيل تنظفها

[Ahmed A Rahman]

بعملها في التكييف في البيت وبحس بنقاء الهوا :


حتجيب ميا من السخان تكون دافية بس مش سخنة

تحطها في جردل وتملا نصه وياريت لو تحط عليه ديتول (دي معملتهاش بس حاسس انها حتكون احسن)

حتجيب شفشق (عارف الشفشق اللي كانوا بيحطوا فيه العصير زمان) وتملاه من الميا

حتحط ورق جرايد او قطع قماش لان فيه احتمال انه يوقع ميا على الارض

حتدلق الشفشق بالراحة واهم حاجه انك تكون بالراحة يعني ببطء شديد عشان الميا متخرجش من السخان

حتتفرج على الخرطوم الخارج من الوحدة على بره وهو شايل طينة

حتعملها حتى تتأكد ان السربنتينة نظفت

حتجيب بخاخة ولتكن بتاعة جلانس الازاز وتبخ على المراوح الدائرية عشان بتكون شايله بلاوي

لغاية ما التكييف حيبقى بيبرق

وادعيلي واستمتع بالهواء (النظيف) ثاني

[doc_semsem]

طيب ازاى انضف تكييف الشباك؟

[aminibrahim]

بص حضرتك انت نفضته بالبلور تمام لكن غسيل بميه عاديه ده غلط لازم ميه بكمبروسر لكن غالبا استخدام الميه بيبوظ كل حاجه بعد فتره بس حصل خير انا اعتقد انك عشان مش تبوظ الكمروسر هات فني لأ غالبا لما المبروسر بتيجي عليه ميه او يتغسل بالميه لازم يقعد يوم كامل ميشتغلش


لكن غلبا اي تنضيف بيبقي يالهوا القوي--- بالتوفيق

[aminibrahim]

طيب ازاى انضف تكييف الشباك؟

ترفع الفلتر الاول وتغسله وتسيبه وعلي الرقائق اللي تحت تعمل الاتي

1- هوا قوي الاول

2- فرشه قويه ياريت تبقي سلك مقوي وناعم وتمشط الرقائق


3- هوا تاني قوي

4- تحط الفلتر

بلاش ميه

[maka]

بعملها في التكييف في البيت وبحس بنقاء الهوا :


حتجيب ميا من السخان تكون دافية بس مش سخنة

تحطها في جردل وتملا نصه وياريت لو تحط عليه ديتول (دي معملتهاش بس حاسس انها حتكون احسن)

حتجيب شفشق (عارف الشفشق اللي كانوا بيحطوا فيه العصير زمان) وتملاه من الميا

حتحط ورق جرايد او قطع قماش لان فيه احتمال انه يوقع ميا على الارض

حتدلق الشفشق بالراحة واهم حاجه انك تكون بالراحة يعني ببطء شديد عشان الميا متخرجش من السخان

حتتفرج على الخرطوم الخارج من الوحدة على بره وهو شايل طينة

حتعملها حتى تتأكد ان السربنتينة نظفت

حتجيب بخاخة ولتكن بتاعة جلانس الازاز وتبخ على المراوح الدائرية عشان بتكون شايله بلاوي

لغاية ما التكييف حيبقى بيبرق

وادعيلي واستمتع بالهواء (النظيف) ثاني

انا عملتها بس مش بديتول لكن بصابون سائل و النتيجة كانت مرضية و الحمد لله

عامة التنظيف بالبلور فقط غير كافى لازم بعد فترة من الاستخدام يتغسل بمياه انا بفضل كل سنتين و طالع و مش اقل

طيب ازاى انضف تكييف الشباك؟

ده اسهل بكتيير من السبليت تقريبا دى الميزة الوحيدة فى الشباك

المهم يكون معاك واحد او اكتر فى البيت علشان بيكون تقيل ال 2.25 حصان بيعمله قرابة السبعين كيلو جرام

الاول تفك الوش و تفك سلك الكهرباء و تعزل دايرة الكنترول ( الكارتة ) بكيس بلاستيك كويس

ثانيا هتلاقى الجهاز كله متجمع على قاعدة شبه الصينية شدها لبره بالمسيسة هتلاقيه بيطلع معاك شيله انت وواحد او اكتر و حطه فى الحمام و خرطوم مياه حلو و تعامل

نصايح بسيطة : اثناء الفك و التركيب و النقل متحاولش تحمل على اى سربنتينة منعا للاتلاف , كل سربنتينة هتلاقى فقويها غطاء بمسامير بعد ما تفكه هتبقى السربنتينة كتاب مفتوح قدامك

اخيرا و بكرر الجهاز تقيل و متحاولش تنزله لوحدك لانك سهل تنزله لكن الصعوبة هتكمن فتركيب الصينية على المجرى بتاعها مش هتعرف لوحدك لان الجهاز ملوش ملكة و معظم حمله فى ناحية واحدة

بعد ما تخلص ببلور او طرد مكنسة وجه الهواء على الكارتة و توصيلات المكثف للتاكد من تجفيفها

بص حضرتك انت نفضته بالبلور تمام لكن غسيل بميه عاديه ده غلط لازم ميه بكمبروسر لكن غالبا استخدام الميه بيبوظ كل حاجه بعد فتره بس حصل خير انا اعتقد انك عشان مش تبوظ الكمروسر هات فني لأ غالبا لما المبروسر بتيجي عليه ميه او يتغسل بالميه لازم يقعد يوم كامل ميشتغلش


لكن غلبا اي تنضيف بيبقي يالهوا القوي--- بالتوفيق

اذا كان الكباس مرمى فى عوامل التعرية الخارجية مطر و تراب و شمس

الكباس محمى ضد المية ........ لكن مش معنى كده ان الواحد يجيب خرطوم مياه ويحميه

[KarimAbulEla]

من ثلاثة اسابيع قمت بفك الوحدة الداخلية من تكييف الاسبليت الخاص بالغرفة و غيرت الموتور الداخلى بنفسى بتاع المروحة مع تغيير قطعة من على اللوحة اللالكترونية و تبع ذلك القيام بتنظيف كل ما وصلت اليه يداى او كل ما هو يمكن فكه و بعد ذلك كان اداء التكييف مختلف تماما مع نظافة الهواء الخارج و كان من اكثر القطع اتساخا ( مع ان كل القطع كانت فى قمة الاتساخ ) هو المروحة الاسطوانية و هى قطعة طويلة بطول التكييف لها شكل اسطوانى و هى مسؤولة عن خروج الهواء مع دورانها لاتصالها بعمود الموتور و كانت ملىء بالطين من داخلها و احتاجت انى اغسلها فى البانيو مع تركيز مياة شديد علشان الطين يطلع من داخلها ، و السربنتنينا او كما يقال عليها ملف التبريد تم تنظيفها و هى مركبة لاستحالة فكها من قبل شخص غير مهنى مثلى و قمت بتنظيفها بمشط الشعر و هذا كان اكبر غلطة قمت بيها فى حياتى لانى بعد ما ركب التكييف كل شىء اشتغل كما كان و تم تصليح العطل بتاع الموتور و الهواء الخارج كان قوى و نظيف لكن المياة المكثفة فوق السربنتينا اصبحت تسقط من فتحة خروج الهواء بسبب انى تسببت فى توسيع فتحات السربتنينا جزء من الملىمتر لكنه المسافات بين زعانف السربنتينا كانت تحافظ على المياة انها تنزلق الى الاسفل ثم الى الحوض الخاص بالصرف ، لكن ما فعلتها جعل المياة تسقط عمودية على فتحات الهواء ثم الى الارض ، مع ان باقى المياة يخرج بشكل طبيعى فى حوض الصرف ، و هى المشكلة التى لا زلت اعانى منها على الاسبوع الرابع على التوالى ، بس بشكل اخر انا سعيد بقيام بعملية التنظيف ، التى لن يقوم بها احد غيرى بهذا الشكل

فى منطقة نجيب الريحانى فى ش الجمهورية يوجد المادة المخصصة لغسل الكويلات الخاصة بالتبريد مثل الخاصة بالتكييف للقطعة الخارجية و الداخلية و ايضا الخاصة بتكييف السيارات للقطعتين الداخلية والخارجية و تباع فى جركن 4 لتر بانواع مختلفة باسعار تبدأ ب 110 جنيه و يباع ايضا مشط مخصص للسربتنينا اعتقد انه لاستعدال التالف او الملتوى منه لكن لا يصلح فى حالتى ، و النصيحة المثالية فى تنظيف ا لسربتنينا الداخلية هى فرشة الاسنان

و بالتوفيق

[magdy_dvd]

السلام عليكم انا بقالى سنة بنظف التكيف بتاعى بنفسى
والله انا من كتر ما زهقت من بتوع الصيانة و كل ما اجيب واحد ياخد 50 جنية فى التنظيف الاسبليت 1.5 تلاقية ان نظف الوحدة الخارجية كويس يجى عند الوحدة الداخلية و يختصر و العكس و يقنعك انك المفروض متقلش درجة الحرارة عن 22 او 24 و بعد مايمشى بيومين تكتشف ان الريش الداخلية بها اوساخ و ان الهواء مش نقى زى الاول لذلك قررت انى اشترى كمبروسر هواء ومعاه مسدس هواء و مسدس مياة و فعلا دة ال حصل اى نعم صرفت 1250 جنية بس انا ريحت دماغى و بنظف التكيف بتاعى كل شهر مرة و الموضوع دة من الصيف الماضى و على فكرة فى انواع ارخص من كدة تبدا من 400 او 500 يعنى بتمن بلاور من النوع النظيف