مساعدة فى تنظيف تكييف منزلى

[Gelgel2004]

طريقه لتنظيف مكيف الهواء

السلام عليكم
اود ان اشارك الزملاء بالمنتدى بتجربتى فى تنظيف المكيفات بنوعييها
اولا الشباك

1/ تفصل الكهرباء نهائيا .
2/ تفك وش البلاستيك من المسامير الجانبيه.
3/ تسحب الجهاز من اليد المخصصه لذلك ( فى الواجهه ) و لازم يكون حد معاك لان الجهاز غالبا بيكون وزنه ثقيل و صعب انك تتحكم فيه ( زى ما قال الزملاء الافاضل فى المداخلات اللى قبل كده ) .
4/ تكون مجهز 2 لوح خشب عريض شويه علشان يتحمل الوزن و تحط اللوح على البانيو بالعرض و بعد كده الميه من بعيد علشان الزعانف نتتعوجش.
5/ البلور للتنشيف على اعتبار انه لو استخدمته قبل الميه هيزعبب التراب و يقلب الحمام.
6/ تسيبه يتصفى و لو هتحط صابون سائل اتطمن انه اتزال علشان مياثرش على السربنتينه.
7/ قبل ما تحط الجهاز تانى فى العلبه بتاعته حط شحم فى الحرفين اللى تحت يمين و شمال علشان لما تسحبه بعد كده يطلع معاك بسهوله.


اما السبليت
اولا الوحده الخارجيه :-
1/ تفك مسامير الغطاء العلوى من 15 الى 16 مسمار تقريبا و دول هيحتاجو مفك قصير .
2/ تفصل الكهرباء العموميه عن الالمفتاح البيتشينو و الاوتوماتيك - تتطمن بمفك تيست .
3/ لا تستخدم البلاور _ دوشه - زعابيب تراب على الجيران - كفاءه متوسطه ) بل هات خرطوم مياه و ركب عليه مسدس رش الحدائق ( بيتباع فى المولات الكبيره ) منه الصينى 65 جم و الاسبانى 80 جم و ده بيركب على الخرطوم بتاع المياه و له اكثر من شكل لخروج الرزاز.
4/ انزل بالمياه من فوق لتتحت و ليس العكس على السربنتينه و طبعا بتكون مغطى الكارته و اللوائح الكهربيه لللاحتياط.البلاوى تنزل و لما تسوف المياه نازله لولى - اقفل الميه .
5/ جفف من بعيد و لمده صغيره جدا بالبلاور.
ركب الوش اللى فوق.

ثانيا الوحده الداخليه
1/ طبعا حضرتك فاصل الكهرباء و متاكد
2/ الصق بلاستيك من ورا الجهاز و حواليه ( الرول البلاستيك بتاع الدهانات و بستحسن معاك حد يساعد علشان المياه متتسربش بره -
3/ اعمل المسدس على فتحف خروج الرزاز - mist - و على دفعات متقطعه على السربنتينه من فوق .
4/ جفف بالبلاور و نظف الحوض.واذا قدرت و كنت تعرف فك المراوح و اغسلها كويس و اذا لا فبلاش
5/ يستحسن تسيب الجهاز من الصبح لبليل قبل اعاده توصيل الكهرباء و التشغيل.

دى تجربتى و انصح ب :-
1/ عملت باترون من البلاستيك كانه جراب او شنطه البس الوحده الداخليه فيها لما احب اغسلها علشان الميه متخرجش بره .
2 / استخدم لتنظيف الوحده الداخليه الديتول .

دمتم بود

[د.أحمد السعيد]

من ثلاثة اسابيع قمت بفك الوحدة الداخلية من تكييف الاسبليت الخاص بالغرفة و غيرت الموتور الداخلى بنفسى بتاع المروحة مع تغيير قطعة من على اللوحة اللالكترونية و تبع ذلك القيام بتنظيف كل ما وصلت اليه يداى او كل ما هو يمكن فكه و بعد ذلك كان اداء التكييف مختلف تماما مع نظافة الهواء الخارج و كان من اكثر القطع اتساخا ( مع ان كل القطع كانت فى قمة الاتساخ ) هو المروحة الاسطوانية و هى قطعة طويلة بطول التكييف لها شكل اسطوانى و هى مسؤولة عن خروج الهواء مع دورانها لاتصالها بعمود الموتور و كانت ملىء بالطين من داخلها و احتاجت انى اغسلها فى البانيو مع تركيز مياة شديد علشان الطين يطلع من داخلها ، و السربنتنينا او كما يقال عليها ملف التبريد تم تنظيفها و هى مركبة لاستحالة فكها من قبل شخص غير مهنى مثلى و قمت بتنظيفها بمشط الشعر و هذا كان اكبر غلطة قمت بيها فى حياتى لانى بعد ما ركب التكييف كل شىء اشتغل كما كان و تم تصليح العطل بتاع الموتور و الهواء الخارج كان قوى و نظيف لكن المياة المكثفة فوق السربنتينا اصبحت تسقط من فتحة خروج الهواء بسبب انى تسببت فى توسيع فتحات السربتنينا جزء من الملىمتر لكنه المسافات بين زعانف السربنتينا كانت تحافظ على المياة انها تنزلق الى الاسفل ثم الى الحوض الخاص بالصرف ، لكن ما فعلتها جعل المياة تسقط عمودية على فتحات الهواء ثم الى الارض ، مع ان باقى المياة يخرج بشكل طبيعى فى حوض الصرف ، و هى المشكلة التى لا زلت اعانى منها على الاسبوع الرابع على التوالى ، بس بشكل اخر انا سعيد بقيام بعملية التنظيف ، التى لن يقوم بها احد غيرى بهذا الشكل

فى منطقة نجيب الريحانى فى ش الجمهورية يوجد المادة المخصصة لغسل الكويلات الخاصة بالتبريد مثل الخاصة بالتكييف للقطعة الخارجية و الداخلية و ايضا الخاصة بتكييف السيارات للقطعتين الداخلية والخارجية و تباع فى جركن 4 لتر بانواع مختلفة باسعار تبدأ ب 110 جنيه و يباع ايضا مشط مخصص للسربتنينا اعتقد انه لاستعدال التالف او الملتوى منه لكن لا يصلح فى حالتى ، و النصيحة المثالية فى تنظيف ا لسربتنينا الداخلية هى فرشة الاسنان

و بالتوفيق

شكرا لحضرتك و لجميع الاعضاء بس لى سؤال
هل فكيت الوحدة الداخلية و هى متعلقة فى مكانها ...يعنى فكيت الشاسيه البلاستيك و قدرت توصل للأجزاء الداخلية و هو متعلق على الحيطة ؟؟

[zago]

طيب فكيته ازاى ... هو أكيد شباك مش سبليت
انا عندى سبليت و الكمبريسور رشيته بالخرطوم من البلكونه ....لكن الوحدة الداخلية أعمل فيها ايه ؟.؟؟

ايوه شباك
بس اعتقد المبدا واحد
وهو ... انك متعملش زيي هههههههههههه

[د.أحمد السعيد]

تجربتى

بفضل الله قمت بفك الوحدة الداخلية كالآتى
الكفر الخارجى حوالى 4 مسامير ثم وحدة الكهرباء لتسهيل فك الحوض
ثم الحوض اللى نهايته فيها الصرف و بكده ظهرت السربنتينه كامله بدون حوض الصرف
ثم بفرشاة اسنان و بخاخة مياه دافئة و اشتغلت من فوق لتحت حتى تم تنضيف السربنتينه كلها و لم اتمكن من فك المروحةالداخلية بس رشتها جيدا بالماء و نضفتها بفرشاه ناعمه طويله و بصراحة التكييف كان مليان بلاوى طين و اتربه ( هو عندى من 5 سنوات تقريبا ) و نوعه شارب

و كل الاجزاء البلاستيكية تم غسلها بالماء جيدا فى البانيو و تم تنشيفها

و الحمد لله تم تركيب كل شىء كما كان و النتيجه كويسه و الحمد لله و التكييف شكلا رجع جديد و الاداء أحسن أكيد و الموضوع استغرق حوالى ساعتين و نصف و التجربه سهله للى قلبه جامد حبتين

[zago]

الف مبروك
وربنا يستر ههههههههههه

[هاني القطب]

السلام عليكم ورحمة الله
اعتقد ان غسيل المكيف يجب ان يكون عن طريق فني متخصص لان تنظيف المكيف الاسبلت بالمياه يجب اخذ الحيطة والحذر في عدم وصول اية مياه الي الدائرة الكهربائية للمكيف
اخي بداية يجب التنوية انه يجب القيام بتنظيف كافة مكيفات المنزل بشكل سنوية مع دخول فصل الصيف فهذا يقلل كثير من النفقات بعد ذلك لانة يزيل كافة الاتربة والاوساخ من علي المكيفات فيقلل الجهد المبذول من الكمبروسر مما يساعد علي توفير كبير في الكهرباء بالاضافة الي اطالة العمر الافتراضي للمكيف
ركن نجد تقدم كافة خدمات تنظيف مكيفات بالرياض بافضل معدات التنظيف والسلامة كما نقدم افضل خدمات شركات تنظيف المكيفات بالرياض حيث ان المكيفات اصبحت من ضروريات الحياة
غسيل مكيف سبلت بالرياض