خاص: الحكومة تعلن رفع أسعار البنزين والسولار في مصر

[عمرو عمارة]

السلام عليكم

حسبنا الله ونعم الوكيل

دة لسة....عرفتوا ان تراخيص العربيات زادت!!!!؟؟ كاتبين جدول بالاسعار الجديدة في الاهرام

انا مشفق على الي راكب 2000 سي سي هيدفع 1000 جم في السنة...الحمد لله اني بعت ال504 كنت بدفع 140 ضريبة ومش عاجبني... على عربية عمرها 30 سنة

بجد يا جماعة البلد هتولع.....لازم نعمل حاجة!!!!!

فوضنا امرنا لله
اللهم اخرجنا منها على خير

عمرو

[Goodle]

وكمان هكتفي بالزكاة بس يعني هتوقف عن الصدقة وخلي الغلبان يموت عشان يولعوا في البلد هو أو عيالهم زي ما عملوا في المحلة أنا سمعت إن أغلب إلي خرب في المحلة كانوا شباب صغير أهلهم الغلابة مش لاقيين يأكلوهم
ممكن ألاقي شوية أفكار تانية هنفذ علطول والله المستعان

يا أخي.. ما نقص مال من صدقة
ماتخليش الشيطان يركبك يا أخي.. اعمل اللي انت عايزه.. ده رأيك وانت حر فيه.. بس ما تفكرش ابداً إن فلوس هاتقل من الصدقة.. يا أخي.. إن الله إذا بارك في القليل.. كان أفضل من الكثير .. وإحنا كلنا محتاجين للبركة.. ولا إيه ؟ :)

ربنا يصلح حالنا جميعاً.. قول آمين

[kimo-nubira]

السلام عليكم

حسبنا الله ونعم الوكيل

دة لسة....عرفتوا ان تراخيص العربيات زادت!!!!؟؟ كاتبين جدول بالاسعار الجديدة في الاهرام

انا مشفق على الي راكب 2000 سي سي هيدفع 1000 جم في السنة...الحمد لله اني بعت ال504 كنت بدفع 140 ضريبة ومش عاجبني... على عربية عمرها 30 سنة

بجد يا جماعة البلد هتولع.....لازم نعمل حاجة!!!!!

فوضنا امرنا لله
اللهم اخرجنا منها على خير

عمرو

1600 cc ضريبتها كام ممكن تقولي ؟؟

[Goodle]

ده الرابط على الأهرام المنشور اليوم 6 مايو 2008

http://www.ahram.org.eg/Index.asp?CurFN=fron13.htm&DID=9574

[عمرو عمارة]

السلام عليكم

أقل من 1030 سي سي........116جم
1330-1030 سي سي.....143جم
1630-1330 سي سي.....175 جم
2030-1630 سي سي.....1000 جم بحد ادنى 200جم
اكثر من 2030 سي سي ......2% بحد ادنى 1000 جم

حسبنا الله ونعم الوكيل

عمرو عمارة

[kimo-nubira]

السلام عليكم

أقل من 1030 سي سي........116جم
1330-1030 سي سي.....143جم
1630-1330 سي سي.....175 جم
2030-1630 سي سي.....1000 جم بحد ادنى 200جم
اكثر من 2030 سي سي ......2% بحد ادنى 1000 جم

حسبنا الله ونعم الوكيل

عمرو عمارة

شكرا يا باشا علي تعبك

ربنا ياخدهم بقي ويريحنا منهم

[دموع الثلج]

هى الحكومه عاوزه تعمل فى البلد ااااااااااااااااااايه تانى مش حرام بقينا اكثر الدول العربيه تاخر وتخلف وفقر

عاوزين ايه تانى يزودوا الموظفين 30% ويرفعوا اسعار البترول 60%

ده قمه الظلم ربنا ينتقم منهم ومن الحكومه كلها

انا مش قاهرنى غير الناس اللى بتركب مواصلات هيزودوا الاسعار وهيسبوا سواقين التاكسى والميكروباص يقرفوا الناس ويطقهوهم فى عشتهم اكثر



طب العلاوه 30% لموظفين الحكومه والمعاشات

لكن اللى بيركبوا مواصلات عامه وهتزيد اسعار المواصلات طبعا والناس الغلابه ولا هم موظفين حكومه ولا لاقين شغل اصلا يعملوا ايه

والله حرام 65 % من سكان مصر تحت خط الفقر وال 35 % مع ارتفاع الاسعار المستمر فى الطريق للخط ده

اللى بيحصل ده يشيب العقل هتنشر الجرائم بشكل اكثر والسرقات منهم لله يعنى الناس هتجيب لكل الزيادات دى منين

[M_HaFeZ]

الله يخرب بيت الغباء
معلش يعنى هو بالفئه السعريه ولا بالسى سى
ونفس الكلام انا قلته امبارح
معلش يعنى ازاى اساوى بين اللادا ال 2107 والمينى كوبر اس
الاولى ب 44 الف ونص والتانيه ب 355 الف .. ليه علشان الاتنين 1600 سى سى
لازم الزياده تكون نسبه من سعر العربيه محليا
والمساواه فى الظلم عدل

[ramyfawzy]

انا ليا سؤال
هيا العلاوة دي راحت لمين
انا ماخدتش ولا مليم ولا سمعت انهم هيدونا مليم
وحاولت اعرف هل من الممكن يكون في زيادة في المرتب ؟؟؟؟
وكانت الاجابة
(احمد ربنا على اللى انت بتقبضه)
يا ترى مرتبي فيه كام صفيحة بنزين ؟؟؟؟؟

رامي (ابو احمد)

[tarekkasaby]

منقول من المصرى اليوم
كتب محمود محمد ٦/٥/ 2008

علي مدار ٨ ساعات ونصف الساعة، ابتداء من السابعة مساء أمس الأول، وحتي الثالثة والنصف من فجر الاثنين، عقد المهندس أحمد عز أمين التنظيم في الحزب الوطني، لقاءات مع نواب مجلس الشعب في مقر الأمانة العامة للحزب، لإقناعهم بضرورة تمرير تعديلات رفع أسعار السلع.
صاحبت اللقاءات وليمة عشاء فاخر للنواب، تم إحضارها من فندق النيل هيلتون، وحصل كل نائب من نواب الوطني علي كارنيه خاص، لتسهيل دخوله القاعة المخصصة للعشاء والمناقشة، عبر ماكينات أعدت لهذا الغرض، وهو إجراء غير مسبوق، خصوصا أن الكارنيه صالح لهذا الاجتماع فقط.
شهدت الاجتماعات اعتراضات كثيرة من نواب الوطني علي التعديلات، واعتبروا أن هذه اللقاءات تمثل فرصتهم الوحيدة لإبداء رأيهم والاعتراض، علي اعتبار أنهم سيؤيدون القرارات داخل البرلمان.
وكان أكثر السلع، التي اعترض النواب علي رفع أسعارها، السولار والبنزين ٩٠، وأكدوا أن هذه الزيادة سوف تنعكس علي جميع السلع الأخري، ووصف بعضهم الزيادات بأنها تقضي علي مبادرة الرئيس مبارك بمنح العاملين علاوة اجتماعية قدرها ٣٠%.
وخرج بعض النواب علي النص، وبدوا غاضبين، ومنهم حسن التونسي، الذي احتج قائلا: «هي الحكومة تجيبنا علي وشنا لما تكون عايزانا.. ولما إحنا نعوز حاجة مانلاقيش الوزراء»، وقال النائب بدر القاضي: «هي الحكومة بتشيلنا الموضوع ده ليه؟».
ولم يرد «أحمد عز» علي كلام القاضي، غير أنه فاجأ الحاضرين بتهديده بالانسحاب، وقام من مقعده متوجها إلي خارج القاعة وسط همهمة النواب المعترضين علي زيادة الأسعار، وقال عز: «كده مش هانتفق»، غير أن عددا من النواب اتجه إليه، وأقنعه بالعودة

*******
يا ترى ولادنا حيعملوا ايه فى المستقبل ....... حايعيشوا ازاى
و ياترى لتر البنزين على ايامهم حيبقى بكام
اول مره الواحد يحس انه خايف من المستقبل رغم يقينه انه بيد الله سبحانه و تعالى

[nasr-eldeen]

أنا قرأت كل الردود بحثا عن رد يتفق مع (تقليل ) دعم البنزين و لم أجد (طبعا رأي توت عنخ أمون ده هزار مش جد)
أنا بقى مع رفع الأسعار
صحيح أنا بكره (معظم) الحكومة من أكبر رأس لأصغر رأس (بعيد عن الأسماء علشان الإدارة)لكن انا مع رفع الأسعار لأن سعر البنزين وصل 120 دولار بقى الدعن الحكومي عبء كبير جدا كمان الزيادة المرتقبة هتفيد أصحاب الدخول المنخفضة (بس يارب لا يقابلها زيادة أسعار السلع الأخرى)
ده رأي

رأيك فوق رسنا من فوق بس إحنا دولة منتجة ومصدرة للبترول والغاز الطبيعي

[Khalid Shalabi]

طب العلاوه 30% لموظفين الحكومه والمعاشات

على فكرة زيادة المعاشات هتبقى بحد اقصى 100 جنية !!!!

[tutankhamoun]

رأيك فوق رسنا من فوق بس إحنا دولة منتجة ومصدرة للبترول والغاز الطبيعي

مصر لا تملك كل الإنتاج المصري
بل يذهب 49 % تقريبا منه إلى الشركة صاحبة الإمتياز عن البحث و التي صرفت أموال كثيرة في الصحاري و البحار لتجد البترول

يبقى مصر مُنتجة للبترول و لكنها مستهلكها كبيرة جدا

بالظبط زي بريطانيا
بتنتج بترول ................ و لكنا تستورد الكثير منه ليكفي حاجاتها
و اﻵن مصر تستورد بنزين مكرر و سولار من كلا من ليبيا و الإمارات و تقريبا السعودية كمان

[nasr-eldeen]

مصر لا تملك كل الإنتاج المصري
بل يذهب 49 % تقريبا منه إلى الشركة صاحبة الإمتياز عن البحث و التي صرفت أموال كثيرة في الصحاري و البحار لتجد البترول

يبقى مصر مُنتجة للبترول و لكنها مستهلكها كبيرة جدا

بالظبط زي بريطانيا
بتنتج بترول ................ و لكنا تستورد الكثير منه ليكفي حاجاتها
و اﻵن مصر تستورد بنزين مكرر و سولار من كلا من ليبيا و الإمارات و تقريبا السعودية كمان

+100000000000000000
معك بس أنا أقصد إن إحنا أفضل من غيرنا بكثير ومواردنا لا حصر لها بعيداً عن جيب المواطن ممكن نوجه جزء من دخل آخر مثل الغاز الطبيعي أو القناة أو من عائد البترول نفسة أو نخفض بعض النفقات الحكومية أو نعيد توزيع وتقسيم أنصبة الوزارات أو نحصل القروض من كبار رجال الاعمال أو مكنش لازم العلاوة من أصلة لان المستفيد من العلاوة عدد محدود من الموظفين ، لكن المتضرر من هذه الإجراءات باقي الشعب المصري بما فيهم العدد المحدود من الموظفين ،
يعني مثلاً يوجد في منطقتي مواصلة طولها 2.5كم ب25قرش منذ الصباح أصبحت ب50قرش من المتضرر غير الموظف اللي مرتبة زاد 38ج طار منهم 15ج فرق هذه المواصلة فقط ولم يصل الى عملة لان هذه المواصلة ليست الوحيدة التي يصل بها ، وقس على ذلك نقل المواد الغذائية وارتفاع أسعارها وكمان غير هذا الموظف هناك موظفي القطاع الخاص وهم غير معنيين بالعلاوة ولكن متضررين من الزيادة وهناك أصحاب الحرف والمهن الحرة ( الفوعلية ـ عمال الطائفة المعمارية ) وفيه ناس تانية منسيين وهم أصحاب الأملاك ( ملاك العقارات ذات الإيجار القديم ) الذين أكل الدهر عليهم وشرب والاسم صحاب ملك فهناك من يمتلك عقار قيمته الفعلية ملايين الجنيهات ولا يدر الا القليل من الجنيهات التي لا تكفيه علاج فضلاً عن المأكل والملبس والمشرب ، وهناك فئة أخرى وهم أصحاب المعاشات ومنهم من أعطى الكثر لهذا الوطن الحبيب ولا يستطيع أن يغطي نفقات علاجة فضلاً عن معيشته ،
أعتقد أننا لو قمنا بعمل استفتاء على هذه العلاوة في نطاق المستفيدين منها فقط أعتقد نتيجة الإستفتاء ستكون 99.9999% بكل أمانة وصدق ونزاهة وشفافية .
وبرضة لو إحنا أحسنا إستغلال النسبة المخصصة لنا من الناتج المحلي للبترول ممكن نكتفي محلياً
ولو أن الحكومة أحسنت إستغلال موارد الدولة بما يرضي الله لتغيرت أمور كثرة وتغير حالنا كثيراً، أنا لا أزعم أني على خبرة ومقدرة على فعل ما لم تفعله هذه الحكومة ولكن منهم من هو جدير بمكانه ومنهم من يريد الإصلاح ولكنه غير موفق ومنهم من أثبت فشله عن جدارة .
ولا يسعني إلا أن أقول كما قال رسول الله صلى الله عليه وسلم
( أللهم من ولي من أمر أمتي شيئاً فشق عليهم فأشقق عليه ، ومن ولي من أمر أمتي شيئاً فرفق بهم فارفق به ) صدق رسول الله صلى الله عليه وسلم
وأشكرك على التوضيح

[MohabSaeed]

أنا مش عارف أعمل إيه أن عايز أعمل حاجة أنتقم بيها من الحكومة دية والحزب الحاكم
أنا فكرت أبطل أركب العربية في المشواير القريبة وأعتمد على رجلي يعني لو كان الموضوع 5 أو 6 محطات أتوبيس أو نقول ساعة مشي أو ساعتين كل يوم هعمل كده
وكمان أنا هقاطع البنوك الوطنية زي الأهلي المصري وبعض البنوك التي تعود بالنفع على السلطة زي البنك العربي الأفريقي الدولي مثلاً
وكمان هكتفي بالزكاة بس يعني هتوقف عن الصدقة وخلي الغلبان يموت عشان يولعوا في البلد هو أو عيالهم زي ما عملوا في المحلة أنا سمعت إن أغلب إلي خرب في المحلة كانوا شباب صغير أهلهم الغلابة مش لاقيين يأكلوهم
وبعدين هحاول أمنع الحكومة إنها تأخذ مني أي مخالفات أو رسوم على أي شئ
هحاول جدياً في السفر حتى لو هكون في الغربة درجة تانية أحسن ما أكون غير مدرج بأي درجة هنا
مش عارف لو هينفع الواحد يستفيد من ركوب المترو مثلاً بدون تذاكر هيبقى غلط أو ممكن أحاول أعمل إشتراك عشان أقلل التكلفة وأستفيد من ميذة موظفيين الحكومة
محدش يقولي إضراب الإضراب ممكن أشارك فيه لو كان هينفع يعني لو إشتركت في الإضراب هيحصل إيه هيتصل بيا مديري الصبح يلاقيني مش في الشغل يكلمني هقوله أنا مشترك في الإضراب فيبلغ عني وقتي وأتحول للتحقيق وممكن أخسر وظيفتي ومفيش حاجة هتتصلح وأكون أنا الخسران الناس بره بتضرب وتاخد مرتباتها وتتحل مشاكلها لكن أنا طالما إن الإضراب مش هينفعني أضرب ليه
أنا كمان مش هشتري أي حاجة بتصنعها الحكومة أو بتشارك فيها أو بتستفيد منها
مثال مثلاً الجيش إلي الناس بتغنيله عشان مجاش إسمه في الموضوع بتاع المياه المعدنية الغير صالحة للشرب إلي أتكلموا عليه من فترة وعمالين يمدحه فيه وهوه كله مخدرات وسب دين وفساد وسرقة ومش نافعين في حاجة وطبعاً كونهم لم يذكروا أسمه ده لا يعني أنه نضيف ده مسألة سياسية مينفعش أشتم في الجيش حتى لو كان خربان هقاطع المياه بتاعتهم وأي منتج لهم
هقاطع أعدائي وهما في الحقيقة مش إسرائيل وأمريكا بس دول كمان الناس إلي بتحكمني هدخلهم في إطار العداوة زي كده الدنمارك
أنا دلوقتي هسخر كل عقلي وتفكيري وإمكانياتي في إيذاء أعدائي
هقاطع أي واحد يكون في الحزب الحاكم أو بيحبه
هقاطع أحمد عز وأي منتجات بيصنعها أي رجل أعمال زيه
ممكن ألاقي شوية أفكار تانية هنفذ علطول والله المستعان

انا معاك فى المقاطعه ديه ..... مقاطعه كل ماهو مصر و بالاخص كل ما هو حكومى ......ولو فى بديل اجنبى حشتريه بدل الانتاج المصرى . من انهاردة لا للانتاج المصرى .

طلامها ان الاوضاع ماشيه اننا بنتعامل بالاسعار العالميه على حد قولهم .... يبقى انا كمان كمواطن من حقى اخد السلعة بالجودة العالميه مش الجوده المصرية السيئه .

وياريت نسيبنا بقى من الشعارات الفارغه والانتماء ...... وماشريبناش من نيلها وكلام الاغانى الفارغ دة .

من انهارده مصلحتى ثم مصلحتى ثم مصلحتى ..... مش انتو بتقولو اسعار عالميه ....... اشربو بقى .

مع اطيب تمنياتى بعيشة هنيه فى بلدنا البهيه