خاص: الحكومة تعلن رفع أسعار البنزين والسولار في مصر

[ابو سيف]

واناجاي عديت على بنزينة كالتكس جسر السويس والاسعار زي ماهيا
وكانت الساعة 6:30
بس واضح ان في تخبط

انا والدي لسه مكلمني دلوقتي و قالي انه لسه ممون بالسعر القديم !!!!!
جايز خلاص الزيادة اعتمدت بالفعل لكن لسه منزلهمش قرار بالتنفيذ و اللى عملوه انهاردة دة من زيادة سعر البنزين بمزاجهم كان مجرد صفقه غش يلحقوا يبيعوا بالاسعار الجديدة في حين انهم واخدين البنزين بالاسعار القديمه !!!
التطبيق الفعلي للموضوع مش عارف هيبدأ امتى بقا بس غالبا مش هيتأخر يعني !!

[Sharky]

واناجاي عديت على بنزينة كالتكس جسر السويس والاسعار زي ماهيا
وكانت الساعة 6:30
بس واضح ان في تخبط

كريم خلاص موضوع زيادة اسعار البنزين إتوافق عليه من الأغلبية أياها فى مجلس الشعب .
و قال و يقولك كده حققوا العدالة الإجتماعية الغنى حيدى الفقير طب و هو السولار برضه بتاع الاغنياء و لا بنزين 90 بتاع الاغنياء !!!!!!!!!!

حسبى الله و نعم الوكيل
يمهل و لا يهمل

و بالنسبة للتطبيق بيتقال حتطبق من 12 مساء النهادرة او من الخميس مساءا
لكن الواضح إنه حيطبق الأسبوع دا نهائيا

[AhmedGen2]

مبروك يا رجالة :d :d ..

[bassam nagy]

حسبى الله و نعم الوكيل
ربنا يرحمنا برحمتة
السولار هايغلى يعنى كل حاجة هاتولع

[mhDeeb]

الخبر تقريبا صحيح البنزين ولع والى عايز يتاكد يروح دلوقتى يحط بنزين حيلاقى البنزينة مليانة على اخرها وكل الناس تقريبا عرفت وكله جرى يحط بنزين واكيد طبعا كل حاجة حتغلا ولو الواحد قال يركن السيارة وياخد مواصلات طيب .... ماهو من بكرة حتلاقى المواصلات بردة غليت ...... ربنا يستر على البلد

[Chicco]

هو ده بالظبط المتوقع من سيد قراره طبعا
حسبي الله و نعم الوكيل


XXXXXX

تم الحذف لمخالفة قواعد المنتدى
الإدارة - 3

[SEATLOVER]

يا جماعة انتوا مش واخدين بالكوا فى مصيبة فى الموضوع
البنزين ال 95 ملوش علاقة لا بسيارات فارهة ولا سى سى عالى
دة لة علاقة بنسبة الانضغاط فى الموتور ..وكل العربيات الحديثة متوصف لها بنزين 95 و بتتعب لو حطتيت بنزين 92 و بيأثر على البوجيهات و الفلاتر و على المكنة عموماً على المدى الطويل
كل العربيات الجديدة اللى نازلة حتى ال 1000 سى سى متوصف لها 95 لإما بتفضيل لمنصوص علية صراحة على التانك و فى المانيول !!!!!!!!!!!

هانعمل اية فى المصيبة دى دلوقتى ...واللى بيقرر حاجة دة و ماعندوش فكرة عن البطيخ اصلاً ولا هو عارف ان نوع البنزين ملوش اى علاقة بتمن العربية

لا دة العكس صحيح الغربيات ال 6 سلندر و ال 8 (الفارهة ) هى اللى مابيفرقش فيها اصلاً اى نوع بنزين

[alaa_dash]

للي يحب:
وزير المالية على البيت بيتكم
وزير الصناعة على القاهرة اليوم

[Sharky]

أعلن رئيس الحكومة رسميا زيادة اسعار البنزين و السولار إعتبارا من اليوم الساعة 10 مساءا يعنى من 10 دقايق

منقول من 10 مساءا - دريم

[AHMED900]

يا اخي الكريم اللي اقترح القرار ده عارف ان العربيات الجديدة كلها بتاخد 95

يعني برضه حيمصوا دم الغلابة

لكن زي ما بتقول العربيات الفارهة مش حترفق معاها

يعني برضه التعديلات في الأسعار لصالح رجال الاعمال وعلى حساب الغلابة

XXXXXX
تم الحذف لمخالفة قواعد المنتدى
الإدارة - 3

[Hisham_ElFeky]

تم الحذف لمخالفة قواعد المنتدى

الإدارة - 3

[Adham_Sabry]

الحكومه مش قادره تستني للساعه 12 ....
نظيف: العمل بأسعار البنزين والسولا الجديدة يبدأ الساعة 10 مساء الاثنين 5/5/2008 9:43:00 PM
القاهرة- محرر مصراوي- أعلن الدكتور أحمد نظيف رئيس مجلس الوزراء أن الزيادات فى أسعار بعض السلع البترولية سيبدأ تنفيذها اعتبارا من الساعة العاشرة من مساء الاثنين والتى اقرها مجلس الشعب بأغلبية 297 نائب بينما اعترض 76 فقط.
واكد نظيف ان الاسعار الجديدة ستكون كالتالي: (البنزين 95) الذى ارتفع بقيمة جنيه واحد ليصبح 275 قرشا بدلا من 175 قرشا ، و(البنزين 92) ارتفع إلى 185 قرشا بدلا من 145 قرشا ، و(البنزين 90 - اوكتين) أصبح 175 قرشا بدلا من 130 قرشا ، فى حين لم يرتفع سعر (البنزين 80 - أوكتين) والسولار ارتفع من 70 قرشا إلى 105 قروش .
http://www.masrawy.com/News/Egypt/Ec.../5/nazzef.aspx

[bee]

وكنا بنتريق ع العجل

بكره نرجع نلبس مكان الطرابيش عمم "غصب عننا" ونركب عجل من تانى ;)
او كل اتنين تلاته يبيعوا عربياتهم ويشتروا ميكروباص ويغيروا وردية ع الاقل نجيب تمن السولار بتاعنا :)

ربنا يستر علينا كلنا

دي بداية النهاية

[sokasoon]

البــــــــــــــــــــــــلد بتنهــــــــــــــــــــــار


أعلن الدكتور أحمد نظيف رئيس مجلس الوزراء أن الزيادات فى أسعار بعض السلع البترولية

سيبدأ تنفيذها اعتبارا من الساعة العاشرة من مساء الاثنين

[AHMED900]

تم الحذف لمخالفة قواعد المنتدى

الإدارة - 3