خاص: الحكومة تعلن رفع أسعار البنزين والسولار في مصر

[Powert]

30 % زيادة في المرتبات

= بتساوي

35 % زيادة في بنزين

يترتب على كده زيادة اسعار الخضار والفاكهة ومواصلات واسعار النقل ... وإلخ ...

بما أن البنزين والمرتبات و الخضار زادوا

إذاً كل حاجة زادت والاسعار ذادت

وبذلك نطالب زيادة المرتبات مرة اخرى لتتساوى مع زيادة الاسعار

[tutankhamoun]

أنا بقى مع زيادة أسعار البنزين
بس مينفعش يزودو الأسعار للبنزين و يسيبوا الناس تحت رحمة سائقي الميكروباص
يجب زيادة أسعار البنزين
و بالتساوي ..... توفير وسائل مواصلات محترمة للناس

يجب غلق القاهرة الكبرى و عدم البناء فيها و الإكتفاء بما فيها من سُكان
و محاولة تهجير بعض من ساكنيها إلى مُدن مُحترمة و بها خدمات و أماكن للعمل

و أنا مع زيادة أسعار البنزين قلبا و قالبا و لكني ضد رفع أسعار السولار علشان العربيات النقل هي المسئولة عن نقل البضائع اليومية لحياة المواطنين الغلابة

إنما البنزين ......... إن شاء الله يبقى اللتر بعشرة جنيه
علشان الشباب المدلع يتلم و يقعد في البيت و يبقى يأخد ثمن البنزين من بابي و يطلع يخبط في خلق الله

XXXX
تم الحذف لمخالفة قواعد المنتدى
الإدارة - 3

[Mustafa_Farouk]

يا جماعة أنا لسة حاطيت من موبيل اللي في العروبة والسعر زي ماهوا ، هما مش عارفين إذا كانت الاسعار حتغلا ولا لأ ؟؟

[Abo_Lina]

اعارو الناس 30 قرش باليمين و خدو 35 قرش بالشمال..
تقريبا ده اللي بيسموه الاستعارة المكنية

موضوع العلاوة و بعدين رفع الاسعار فكرني بمحمد نجم و هو بيقول:
انا اركب دقن
واروح لابوكي
اقوله انا مستعار

[ابو سيف]

30 % زيادة في المرتبات

= بتساوي

35 % زيادة في بنزين

يترتب على كده زيادة اسعار الخضار والفاكهة ومواصلات واسعار النقل ... وإلخ ...

بما أن البنزين والمرتبات و الخضار زادوا

إذاً كل حاجة زادت والاسعار ذادت

وبذلك نطالب زيادة المرتبات مرة اخرى لتتساوى مع زيادة الاسعار

انت لسه مفهمتش اللعبه و بتطالب بزيادة المرتبات بردو تاني؟؟

الاولى و الصح بقا
احنا اسفين جدا و نطالب انكم تاخدوا ال 30% تاني
و ترجعوا سعر البنزين زي ما هوا
و مش هنعمل كدة تاني

[MoToRiZeR]

هو اصلا القرار ده سليم دستوريا !؟

ان فجأة يتم تقرير زيادة و تطبيقها في نفس اليوم !!!!؟

[alaa_dash]

التلفزيون بيعيد البيان الثوري للمعجزة احمد باشا عز دلوقتي

[ahmedsrs]

انا فعلا لسة سامع الكلام ده النهرده (لاحول ولا قوة الا بالله)

[Adham_Sabry]

انا لسه مفول 92 ب 140
عامل المحطه قال ان الأسعار زادت اليوم ورجعت تاني

البلد ماشيه بتخبيط منظم
ربنا يخليلنا امبراطور الحديد المعجزه احمد عز باشا

[fahd_628]

يعنى انا مش فاهم البلد رايحة على فين

تييييييييييييييييييييييييييييييييييييييييييييت

[dr.hany]

والله وعملوها الابطال.....انا بس بترياء....انا بجد حزيين على حال البلد ديه.حسبي يا الله ونعم الوكيل

[NaderNabil]

ده انا علي كده بطل:)

فولت الساعة 2:30 بنزين 92 بنفس السعر القديم....و ماكنتش أعرف اصلا غير أما دخلت علي المنتدي دلوقتي :)

أنا ها أعمل حركة حلوة أوي....الخمسين جنيه اللي كنت بفول بيهم هاحط بيهم برده...فا كده مش هاحس اني دفعت فلوس زياده...بس هافول علي فترات أقرب...

و أهي أي محاولة للبنج :)

[ahmedsrs]

الأسعار زادت من الساعة الواحدة ظهرا الى الثالثة وبعدين رجعت تانى اظاهر كل يوم هيمددو المدة (سبحان الله)

[alaa_dash]

ده ملخص للي اتقال في المجلس الموقر من السادة النواب المحترمين :
احمد عز:ملقي البيان بصفته رئيسا للجنة الخطة و الموازنة و التي تبنت اقتراحات الزيادة في الرسوم ...و الطف حاجة عرفتها ان الدولة بتدفع 2 جنية تقريبا دعم للـ95 و بتدفع 1.35 تقريبا دعم للـ 92.!!

زكريا عزمي:احنا مش مختلفين خالص كمعارضة و حكومة و متفقين و انا مبسوط بالمناقشة الجادة و ان شاء الله اللي تشوفه "الاغلبية " هوه اللي هيكون..الكلام بالنص.

محمد ابو العينين:اتفقنا انا و زملائي من رجال الصناعة على عدم رفع الاسعار بتاتاحتى تشعر الاسرة البسيطة بالتحسن في الاجور..!مش عارف ايه علاقة الاسر البسيطة بمنتجات مصانع رجال الاعمال زملائه !

مصطفى بكري:يعني احنا هنحاسب ملاك السيارات حسب السعة اللترية ازاااااااي هنساوي اللي معاه نوبيرا بـ76 الف باللي معاه بي ام 316 بـ 346 الف باللي معاه ميني كوبر بـ240 الف !!!!و كلهم 1600 سي سي

احمد نظيف : كل حاجة محسوبة !!!ولا مساس بمهدود الدخل و الحيل ..

[tutankhamoun]

مصطفى بكري:يعني احنا هنحاسب ملاك السيارات حسب السعة اللترية ازاااااااي هنساوي اللي معاه نوبيرا بـ76 الف باللي معاه بي ام 316 بـ 346 الف باللي معاه ميني كوبر بـ240 الف !!!!و كلهم 1600 سي سي
..

و لذلك يجب إلغاء الدعم نهائيا ..... و كل واحد يدفع الثمن الفعلي للسلعة
ثانيا زيادة الأجور ..... يعني اللي هاييتلغي من الدعم يعطوا الناس فلوس مكانه
ثالثا ... رفع الضرائب على السيارات و يكون الرفع عالي علشان اللي عايز يركب عربية و يدلع يدفع .... و اللي مش قادر يركب المواصلات العامة التي سيتم توفيرها للمواطنين