مين العضو اللى كان قافل على عربيتى النهاردة

[KarimAbulEla]

اتمنيت انى اقابل اى حد من اعضاء المنتدى الكرام بس لم اتخيل انى حقابله فى موقف مشابه ، الصراحة انا لم اقابله بعد بس اسعى لمقابلته

الموضوع باختصار انى ركنت عربيتى وارء العمارة التى اقطن بها على غير العادة على اساس انى باركن فى جراج خاص فى عمارة تبعد قليلا عن عمارتى و قلت مش مشكلة مانا شوية و نازل تانى و لما نزلت ساعة الفطار لقيت عربية هوندا سيفيك حديثة اعتقد 2010 ذهبى قافلة على بالعرض و دا اخرنى شوية على الفطار او بمعنى اصح فطرنى فى الشارع و لما جيه سايس جراج مجاور كان معاه المفتاح و جه يطلع بالعربية لقيت عليها شعار المنتدى و هو نفس الشعار الموجود على عربيتى و سألت السايس على اسم صاحب السيارة قالى اسمه محمد و خاف يدينى بياناته و ان على العموم مش زعلان من الموقف على قد ما سعدت بوجود عضو فى المنتدى يسكن بجوارى ، فاضل بقى انه يكشف عن شخصيته و نتعرف
المكان ش خالد امين من العريش - الهرم

تقبلوا تحياتى

[nouranwar]

هههههههههههه موقف مش لطيف خالص بس ان شاء الله هيكشف عن شخصيته و تبقي معرفة خير :)

[Amr Axel]

هههههه اسأل في منتدي الهوندا و اعمل اعلان هناك
و قول اظهر و بان عليك الامان ههههههه

[khaled_sabry]

كنت فشيتله العجل او كسرت الزجاج او خربشتله البويه
اكيد كنت حتلاقيه عامل موضوع ينتقض فيه اللى عملته ده
تطلعله بقى انتا فى الموضوع بتاعه تقوله "ازيك عامل ايه انا اللى كسرتلك عربيتك و عاوز اتعرف عليك "

[Donzi]

كنت فشيتله العجل او كسرت الزجاج او خربشتله البويه
اكيد كنت حتلاقيه عامل موضوع ينتقض فيه اللى عملته ده
تطلعله بقى انتا فى الموضوع بتاعه تقوله "ازيك عامل ايه انا اللى كسرتلك عربيتك و عاوز اتعرف عليك "

هههههههههههههههه
ليه الاذية دي طيب

[SonaSteel]

كنت فشيتله العجل او كسرت الزجاج او خربشتله البويه
اكيد كنت حتلاقيه عامل موضوع ينتقض فيه اللى عملته ده
تطلعله بقى انتا فى الموضوع بتاعه تقوله "ازيك عامل ايه انا اللى كسرتلك عربيتك و عاوز اتعرف عليك "

ولـــــــــيه الأذي ده ....... ادام السايس معاه المفتاح كنت ضربته علي راسه وخدت المفتاح وخدت الهوندا
ولما ينزل هيلاقي استيكر المنتدي .... وكنت اكتبله اشوفك في اقرب مقابلة ولا الفطار الجماعي :))))))

[fineart607]

هههههههههههههههههه ان شاء الله معرفة خير

[KarimAbulEla]

تصدقوا يا جماعة كل الحاجات ديه مجتش فى دماغى ،ـ معلش برضه هول الصدمة خلانى معرفش اتصرف ، و على العموم ملحوقة اول واحد الاقيه حاطط الاستيكر حاقوم معاه بالواجب لغاية ما اعرف اوصله و نتعرف ، هاه مين جاهز فيكوا يا شباب ، مين يتطوع و يجيى يركن جمبى ، و لا اقول الطيب احسن ، لاحسن يبقى ده هو طريقة التعارف التى سوف تتبع فى المنتدى من هنا و رايح

شوفوا محاسن الصدف ، الساعة 8 صباحا راجع من العمل و لقيته فى نفس المكان و ذهبت للتعرف عليه ، هو كان مقلق منى شوية مش عارف ليه لما طلبت منه رقم التليفون ، الظاهر انى اخدتنى الجلالة شوية ، لكن على العموم طلع شخصية محترمة و رحب و تبادلنا الارقام ، و سعدت بمعرف جار لى هو عضو فى المنتدى فى نفس الوقت و هو المنتدى اللى الواحد معتبره بيته الثانى بحق .

تحياتى لكم يا شباب و عقبال ما نقابلكم كلكم .

[Ashraf_Ibrahim]

رب صدفة خير من ألف ميعاد

[tarekzein]

تصدقوا يا جماعة كل الحاجات ديه مجتش فى دماغى ،ـ معلش برضه هول الصدمة خلانى معرفش اتصرف ، و على العموم ملحوقة اول واحد الاقيه حاطط الاستيكر حاقوم معاه بالواجب لغاية ما اعرف اوصله و نتعرف ، هاه مين جاهز فيكوا يا شباب ، مين يتطوع و يجيى يركن جمبى ، و لا اقول الطيب احسن ، لاحسن يبقى ده هو طريقة التعارف التى سوف تتبع فى المنتدى من هنا و رايح :_alshmokh11:

شوفوا محاسن الصدف ، الساعة 8 صباحا راجع من العمل و لقيته فى نفس المكان و ذهبت للتعرف عليه ، هو كان مقلق منى شوية مش عارف ليه لما طلبت منه رقم التليفون ، الظاهر انى اخدتنى الجلالة شوية ، لكن على العموم طلع شخصية محترمة و رحب و تبادلنا الارقام ، و سعدت بمعرف جار لى هو عضو فى المنتدى فى نفس الوقت و هو المنتدى اللى الواحد معتبره بيته الثانى بحق .

تحياتى لكم يا شباب و عقبال ما نقابلكم كلكم .

طيب هوه مين

أو اليوزر نيم بتاعه أيه

[khaled_sabry]

شوفوا محاسن الصدف ، الساعة 8 صباحا راجع من العمل و لقيته فى نفس المكان و ذهبت للتعرف عليه ، هو كان مقلق منى شوية مش عارف ليه لما طلبت منه رقم التليفون ، الظاهر انى اخدتنى الجلالة شوية ، لكن على العموم طلع شخصية محترمة و رحب و تبادلنا الارقام ، و سعدت بمعرف جار لى هو عضو فى المنتدى فى نفس الوقت و هو المنتدى اللى الواحد معتبره بيته الثانى بحق .

تحياتى لكم يا شباب و عقبال ما نقابلكم كلكم .

هو طلع مين ... انتا بتتستر عليه
قولنا هو مين
وياريت هو كمان يدخل على الموضوع ده و يعترف بجريمته على الملاء

[Amr Axel]

الشعب يريد اعتراف الطرفين
الشعب يريد اعتراف الطرفين

ههههههه

[essa]

هههههههههههههههههههه
تصدق موقف جامد جدااا , بس مش انت لوحدك على فكره اللى بتفضل تدور على الشعار انا بردو زيك :d
ربنا يعترنى على واحد بس ويارب يبقى ماشى جنبى كده اخبط فيه ولا احدف عليه و اقوله --->( اركن بالزوق علشان اتعرف عليك يا اما هخبطك ) xd
ربنا يجمعنا كلنا على الخير ويابختك ياعم اهو طلع جارك كمان :) عقبالى يارب :(

[killypunto]

هو الشعار ده اجيبه ازاى؟!!! اشمعنا انتم :d

[evram]

انا كمان عايز شعار