مين العضو اللى كان قافل على عربيتى النهاردة

[KarimAbulEla]

اسم العضو مالك الهوندا هو محمد عبد الحميد ، لكن فاتنى اسأله عن اليوزر نيم بتاعه ، ( هول المفأجأة برضه ) . و طالما وصلت انى الاقى عضو للمنتدى ساكن فى نفس الشارع يبقى ماشاء الله الاعضاء فى ازدياد نمسك الخشب ، بس الشعار اللى متعلق شكله بقاله كام شهر ، علشان لسه باين عليه نظيف ، انا الشعار بتاعى الشمس حولته الى ما اشبه باللون البنى ، مما يدل على حاجة من الاتنين اما انى عضو قديم قوى او انى بوقف العربية فى الشمس كتير
بالنسبة للحصول على الشعار ، فيه مشاركة مثبتة فى المنتدى بخصوص كيفية الحصول على الشعار و اسامى الاعضاء المشاركين فى عملية توزيع الاستيكر

[KarimAbulEla]

هههههههههههههههههههه
تصدق موقف جامد جدااا , بس مش انت لوحدك على فكره اللى بتفضل تدور على الشعار انا بردو زيك :d
ربنا يعترنى على واحد بس ويارب يبقى ماشى جنبى كده اخبط فيه ولا احدف عليه و اقوله --->( اركن بالزوق علشان اتعرف عليك يا اما هخبطك ) xd
ربنا يجمعنا كلنا على الخير ويابختك ياعم اهو طلع جارك كمان :) عقبالى يارب :(

الخوف بقى انه يطلع ملوش علاقة بالمنتدى من اساسه و يبقى اللى سايق العربية والده مثلا او اخوه او اخته او مراته و ساعتها حتبقى احراج و ده اللى انا كنت مقلق منه و ساعتها يقولك نايل موتورز مين و شعار ايه و كتاكيت و حكايات من النوع ده

[Ralliart]

حصل معايا نفس الموقف عند فرغلي في الدقي كانت عربية سيات ابيزا عليها الاستيكر بس صغير قافلة عليا
ولما جه سألته قالي دا كان زمان وبقالي سنين مفتحتوش

[SYD]

الحمد لله انكوا طلعتوا جيران

انا كمان ساكن في فيصل بس بعدكوا بشوية

بس مفيش ولا جار ليا علي المنتدي

رب صدفة خير من الف ميعاد

وكان يوم ركنتك اجمل صدفة لما قابلتك مرة صدفة

[mazagngi2010]

الحمد لله انكوا طلعتوا جيران

انا كمان ساكن في فيصل بس بعدكوا بشوية

بس مفيش ولا جار ليا علي المنتدي

رب صدفة خير من الف ميعاد

وكان يوم ركنتك اجمل صدفة لما قابلتك مرة صدفة

لست وحدك انا قريب من المريوطيه هرم

[essa]

الخوف بقى انه يطلع ملوش علاقة بالمنتدى من اساسه و يبقى اللى سايق العربية والده مثلا او اخوه او اخته او مراته و ساعتها حتبقى احراج و ده اللى انا كنت مقلق منه و ساعتها يقولك نايل موتورز مين و شعار ايه و كتاكيت و حكايات من النوع ده

لا من الناحيه دي اطمن اقولك ليه بقى
, لانى لما اخبط العربيه اللى فيها ( والده مثلا او اخوه او اخته ) هيتصلوا بصاحبها او هنروح على اقرب ورشه تصليح فى الفتره دى اكيد هيظهر العضو اللى فى المنتدى ومن هنا بقى هتبقى فرصتى اني اتعرف عليه !
شوفت بقى انا ذكى ازااااااااى :d:d

[نور القمر]

انا اكتشفت في2 من الاعضاء الافاضل جيراني من خلال مشاركاتهم بالمنتدى
بس هم ميعرفوش :))

[nabaster]

انا اكتشفت في2 من الاعضاء الافاضل جيراني من خلال مشاركاتهم بالمنتدى
بس هم ميعرفوش :))

بقينا 4 :)

A.Yakout

[saadelden]

مفيش حد من الجيزه ولا ايه :d
انا شوفت كذا عربيه في المعادي بس ماشوفتش في الجيزه

انا عايز اجيب الاستيكر مفيش حد في الجيزه بيوزعه ؟؟

[tananybasha]

انا من الجيزة
و لو عايز الأستيكر معايا

[نور القمر]

بقينا 4 :)

A.Yakout

مش فاهمة :))

[nicegypt]

بقينا 4 :)

a.yakout

كدة 5 بقا يا ياقوت

اتذكر بأحد المرات بشهر يوليو.. طلعت فيرنا " تقريبا " فوق الرصيف وهو احد الاعضاء ف المنتدي ههههههه اي عضو هيقابلنى من نايل لازم نقوم بالواجب :)
واتفاجأت ف الاخر بأستكير نايل موتورز لما شفت الاستيكر بعد ما سلم ع الرصيف .. ولم يحدث اي اضرار لة لان الرصيف واطي
كنت راجع من المطار وحصل بشارع الهرم فجراَ ومعرفتش هو مين لحد دلوقت

[essa]

انا بردو اكتشفت ان فى عضو جارى من حلوان بس منين مش عارف
اظهر وبان عليك الامان

[fineart607]

مفيش اى عضو من العاشر :) يارب ابعد عنى الى بيطلع الناس فوق الرصيف ده هههههههههههه

[Amro_ON]

أنا مش لاقي حد في العبور مع اني رايح جاي وبلف في الشوارع كتير :( ..... يلا أهو بعمل اعلان للمنتدى الحبيب