سؤال مهم بالنسبة لى عن مواتير المياه

[samcar]

شوف لو حيركبوا ايه مع بلونه حاقول لا- المشكله زى ما قلت طبيعة الضغوط والشوائب فى المياه عندنا حتخلى البلونه تضرب- اخطر حاجه هو تلوث المياه جوه البلونه- بص انا مش عايز احسد اللى عندى- انا مركب موتو سير حصان واحد واتوماتك من 20 سنه ما غيرتش الاتوماتك غير مره من سنه - غبى كان بيصلح الكهربا عمل ماس حرقه- والموتور اتعمل له جوان للطلمبه- بعد ما اتركن 4 سنين لانى كنت مسافر
تجربتى مع البلونه انى غيرت اتنين واشتريت بتاع 5 او 6 كفرات داخليه فى اقل من 4 سنين

غالبا اللى بيقولوا عليه فلوماك دى هو الاتوماتك بس بيتفذلكوا

انت مش محتاج اكتر من موتور واحد حصان والاتوماتك وسباك بيفهم وانسى بعد كده-

[faragebraheem]

انا متشكر جدا على صبرك وحرصك على الرد على استفساراتى وكل سنة وانت طيب خلاص ان شاء الله هجيب ساير ومش هجيب بالونة خالص هجيب الفلوماك اللى بيتحط فوق الماتور

[samcar]

انا متشكر جدا على صبرك وحرصك على الرد على استفساراتى وكل سنة وانت طيب خلاص ان شاء الله هجيب ساير ومش هجيب بالونة خالص هجيب الفلوماك اللى بيتحط فوق الماتور

وانت طيب- لو مالقيتش سير - اى ماركه ايطالى معروفه حتكون كويسه- اهم حاجه سباك شاطر- ولو كل سنه او اتنين يبقى يجى يراجع ضبط الاتوماتك- اهم حاجه لو المياه قاطعه عمومى - يعنى مافيش مياه خالص فى الخط افصل الموتور من الكهربا علشان ما يتحرقش - كمان الافضل تضبط كل التركيبات الصحيه اللى عندك علشان ما تسربش وتخلى الموتور يشتغل اطول من الازم - كمان ما تخليش السباك يضبط لك ضغط عالى قوى علشان ما يبوظش المحابس- لو حتسافر- وتطول- الافضل تشيل الموتور ولما ترجع يبقى تعمل له صيانه - وموفق ان شاء الله