محتاج نصيحه في جوازه

[dr.amr]

ربنا يجازيكوا خير يا جماعه

هو الموضوع صعب شويه لأن قريبتي ده تعتبر زي اختي

والمشكله انهم معتمدين عليا اني هعرفهم هو شخصيته عامله ازاي واخلاقه وكده

وانا برضو مش عايز ابقي ظلمته او حاجه

الله المستعان

[al_manara]

ربنا يجازيكوا خير يا جماعه

هو الموضوع صعب شويه لأن قريبتي ده تعتبر زي اختي

والمشكله انهم معتمدين عليا اني هعرفهم هو شخصيته عامله ازاي واخلاقه وكده

وانا برضو مش عايز ابقي ظلمته او حاجه

الله المستعان

وخلي بالك عشان متظلمهاش .

رايي مع اغلب الاعضاء . بلاش .

[MOUSTAFA_SAAD]

طالما قريبتك جامد وتهمك اوى يبقى قولها الحقيقه
لو قريبتك من بعيد قولها معرفشى عنه حاجه

[M.Alaa92]

بص من راى الشخصى تحرى انت عن الموضوع ده كويس اوى و ممكن لو ليها اخ اوالدها بس يكون عاقل و بيوزن الامور بالعقل تقولو و انت وهو تتحرو عنو
بس يبقى ف السر لحد النتيجة اما تبان

لقيت المتقدم سليم يبقى خير و بركة و متقولش عشان العملية متبوظش........ بس قبل كتب الكتاب ( بس يكونو قعدو مع بغض فترة عشان تكون قدرت تفهمو ع طبيعتو خدها ع جنب حصل كذا و كذا و النتيجة كذا و اخوكى حاضر الحوار ) و تسيب لها الاختيار

مش باينة المعالم بلاش تتم وقول الحقيقة كذا كذا و اخوها او والدها شاهد

و متنساش الاستخارة

[Haitham10]

قول لهم ماعرفش و اخلع ...... لو قلت اللي انت قلته و الجوازة مشيت هيكرهوك للابد و يقولوا كان طمعان فيها و لا منفسن و لا بتاع

و لو قلت كويس و طلع مش كويس هيقولوا هو اللي دبسنا


انا في اي حاجة من دي باشيل ايدي خالص .......... تعرف فلان اعرفه عاشرته لأ يبقى ما تعرفوش

كلام الاستاذ احمد عين العقل

ولو كان واحد صاحبك بجد او انسان مشهور ليك بصفاته الكويسة حتي لو كانت فيه حاجات وحشه هتقول الحلو ولو الوحش يستاهل يتقال يتقال

غير كدة يبقي اعمل الكلام الي فوق لانه فعلا بيتم ومش ناقصه نفسنه من حد

[mohamedbook]

بص حط نفسك مكان اهل الناس دي وان الواد ده جي يخطب اختك انت رد فعلك ايه مع علمك بالحجات دي هل هتوافق ام ترفض
وبناء عليه هتعرف انت ممكن تقلهها ولا لا
وبناء عليه القرار في الاول والاخر ليهم هما مش ليك

[koheya]

بما انك وسيلتهم الوحيدة فى معرفتة اتحرى عنة بنفسك كويس واجتهد فى موضوع التحرى دة وثواب تعبك دة عند ربنا مش حيضيع باذن الله وتحرى من ناس ثقات وانقلهم الى وصلتلة بامانة وحيادية يعنى ما تزودش حاجة نتيجة انفعال مثلا سواء الحاجة دى مدح او ذم لان لو حصل حاجة نتيجة تقصيرك مش حتسامح نفسك.