الحل في النمل

[SYD]

ايدى على كتفك يا باشا بس أنا مش حاينفع استخدم مبيدات ولا عجينه لان عندى اطفال

انا كمان عندي اطفال
ودة الي مخوفني من الجاز مع مياة المسح
والبودرة
والعجينة

وكل الحلول

مفيش غير ان الواحد يسربهم من البيت ويعمل حملة النظافة المتينة

والله المستعان
،
،

[أحمد الجندى]

النظافة ولا بتعمل الهوا انت نظف الصبح وعلى اخر النهار حايرجعولك تانى خصوصا لو كانوا مستعمرين المطبخ زى عندى والمكان لا يخلو من الاكل .... أنا لو اعرف بس مكان جحرهم ممكن الموضوع يبقى اسهل علشان كده بفكر انى استدرجهم بسكر واعرف فين جحرهم واخلص عليهم

[SYD]

النظافة ولا بتعمل الهوا انت نظف الصبح وعلى اخر النهار حايرجعولك تانى خصوصا لو كانوا مستعمرين المطبخ زى عندى والمكان لا يخلو من الاكل .... أنا لو اعرف بس مكان جحرهم ممكن الموضوع يبقى اسهل علشان كده بفكر انى استدرجهم بسكر واعرف فين جحرهم واخلص عليهم

ربنا يسهلها من عنده بحل فعال

والله المستعان
،
،

[Ayman-Ahmed]

النمل بدا يكتر اليومين دول عشان الاستعداد للبيات الشتوى.بيخزنوا لحد الصيف الجاى.

والمشكلة فعلا فى الاطفال اللى فى البيت ولكن انصحك تروح على ميدان الاوبرا اودام جامع كخيا فيه شركة كبيرة للمبيدات والمنظفات.خش واسال على حاجة للنمل وتكون امنة شوية على الاطفال ولو تقدر ترش من بدرى الصبح ويخرجوا هما برة طول اليوم يبقى افضل برده.

وطالما النمل شكله غير العادى (سبحان الله) يبقى صوره لو تقدر ووريه للبياع.

هو انا استخدمت مادة من الشركة ديه لنمل بس فى شقة فاضية وقضى عليه تماما.بس ريحتها.اووووووووووووووووووووف

[windofchange]

عندي برده كتير اوي من رأي تتبعه وشوف جحره وسده باسمنت ابيض

[mahmoudalaa]

النمل بدا يكتر اليومين دول عشان الاستعداد للبيات الشتوى.بيخزنوا لحد الصيف الجاى.

والمشكلة فعلا فى الاطفال اللى فى البيت ولكن انصحك تروح على ميدان الاوبرا اودام جامع كخيا فيه شركة كبيرة للمبيدات والمنظفات.خش واسال على حاجة للنمل وتكون امنة شوية على الاطفال ولو تقدر ترش من بدرى الصبح ويخرجوا هما برة طول اليوم يبقى افضل برده.

وطالما النمل شكله غير العادى (سبحان الله) يبقى صوره لو تقدر ووريه للبياع.

هو انا استخدمت مادة من الشركة ديه لنمل بس فى شقة فاضية وقضى عليه تماما.بس ريحتها.اووووووووووووووووووووف

هو حضرتك جربت البتاع ده اللي بيتخفف بجاز صح ريحته بتوحيلي انة مضاد للبني ادمين مش للنمل بس ده طلع عين ..................

[elbeheri]

الحل الامثل هو :
طباشير النمل او القلم السحرى للنمل ( ماجيك كيللر ) وهو طباشير بتعلم بيه خطوط ودواير على اماكن النمل
مش هتلاقى اى اثر للنمل بعدها وادعيلى
بيتباع عند بتوع المنظفات او الصيدليات وب جنيه بس وامن على الاطفال وعن تجربة

[elbeheri]

سعره حوالى 2 جنيه

[omar-saad]

ان شاء الله يبقى الحل عندى حضرتك هاتنضف المكان كويس جدا
بمطهر ديتول او فنيك قوى وبعد منه شوية جاز
وبعد كدة هاتجيب بودرة تشتريها من عند بتوع الكيماويات بتوع المحاصيل الزراعية
مش هاتزيد باى حال من الاوال عن 5 ج
او لو خايف على بنتك منها
يبقى تجيب ريد الاحمر
او حاجة اسمها كيروكس
تمنهم عشرة او ازيد حاجة بسيطة
من عند اى حد بتاع منظفات او صيدلية
بس خد بالك الصيدلية اغلى
بس لو راحوا تدعيلى

[zein_2009]

الحمد لله حلييت المشكله نهاءي ببودره نمل اسمها كيروكس بس راقبت النمل لحد معرفت الوكر بتاعه في الحمام في جزء من حلق الباب حطيت البودره دي ب3 جنيه وكمان رشيت سبراي المشكله انتهت وبقالي يومين مشفتش نملايه الحمد لله واهتمو بعتبه باب الشقه كمان متنسوش

[Dr_Mido]

انا قضيت عليه فى الشقه بس باسلوب دموى مشيت وراة و رشيت بنزين فى العش بتاعه وبعدين ولعت مشفتش ولا نمله من شهرين

[X_MM_X]

انا قضيت عليه فى الشقه بس باسلوب دموى مشيت وراة و رشيت بنزين فى العش بتاعه وبعدين ولعت مشفتش ولا نمله من شهرين

لا جاااامده الانتقااااام :)

[naser_56]

انا قضيت عليه فى الشقه بس باسلوب دموى مشيت وراة و رشيت بنزين فى العش بتاعه وبعدين ولعت مشفتش ولا نمله من شهرين

هههههههه ياقاسي

[hemalotfy]

انا بقة والدتي بعد ما شافت عندها نمل في المطبخ حطت شويت سكر على حوض المطبخ علشان النمل يتجمع عليه وتعرف مكانه فين وتقضي عليه , النمل طلع ذكي وطفش وساب السكر

[SYD]

النمل بدا يكتر اليومين دول عشان الاستعداد للبيات الشتوى.بيخزنوا لحد الصيف الجاى.

والمشكلة فعلا فى الاطفال اللى فى البيت ولكن انصحك تروح على ميدان الاوبرا اودام جامع كخيا فيه شركة كبيرة للمبيدات والمنظفات.خش واسال على حاجة للنمل وتكون امنة شوية على الاطفال ولو تقدر ترش من بدرى الصبح ويخرجوا هما برة طول اليوم يبقى افضل برده.

وطالما النمل شكله غير العادى (سبحان الله) يبقى صوره لو تقدر ووريه للبياع.

هو انا استخدمت مادة من الشركة ديه لنمل بس فى شقة فاضية وقضى عليه تماما.بس ريحتها.اووووووووووووووووووووف

انشاء الله هروح واشوف

شكرا

والله المستعان
،
،