الحل في النمل

[SYD]

عندي برده كتير اوي من رأي تتبعه وشوف جحره وسده باسمنت ابيض

اعتقد موضوع الأسمنت دة مش هيجيب نتيجة

الي خلاه يفك الأسمنت بتاع السيراميك يبقي هيسيب الأسمنت علي جحره


الله المستعان
،
،

[SYD]

الحل الامثل هو :
طباشير النمل او القلم السحرى للنمل ( ماجيك كيللر ) وهو طباشير بتعلم بيه خطوط ودواير على اماكن النمل
مش هتلاقى اى اثر للنمل بعدها وادعيلى
بيتباع عند بتوع المنظفات او الصيدليات وب جنيه بس وامن على الاطفال وعن تجربة

هو دة غير الماكس كيلر بتاع مصطفي سعد ؟؟؟؟

هجربه بردو انشاء الله

والله المستعان
،
،

[SYD]

ان شاء الله يبقى الحل عندى حضرتك هاتنضف المكان كويس جدا
بمطهر ديتول او فنيك قوى وبعد منه شوية جاز
وبعد كدة هاتجيب بودرة تشتريها من عند بتوع الكيماويات بتوع المحاصيل الزراعية
مش هاتزيد باى حال من الاوال عن 5 ج
او لو خايف على بنتك منها
يبقى تجيب ريد الاحمر
او حاجة اسمها كيروكس
تمنهم عشرة او ازيد حاجة بسيطة
من عند اى حد بتاع منظفات او صيدلية
بس خد بالك الصيدلية اغلى
بس لو راحوا تدعيلى

انشاء الله هجربها

والله المستعان
،
،

[SYD]

الحمد لله حلييت المشكله نهاءي ببودره نمل اسمها كيروكس بس راقبت النمل لحد معرفت الوكر بتاعه في الحمام في جزء من حلق الباب حطيت البودره دي ب3 جنيه وكمان رشيت سبراي المشكله انتهت وبقالي يومين مشفتش نملايه الحمد لله واهتمو بعتبه باب الشقه كمان متنسوش

طب والأسبراي اسمه اييه ؟؟

[SYD]

انا قضيت عليه فى الشقه بس باسلوب دموى مشيت وراة و رشيت بنزين فى العش بتاعه وبعدين ولعت مشفتش ولا نمله من شهرين

حضرتك اعتقد القتل بالنار دة حرام

ربنا خلق النار كنوع من العذاب ودة عذاب ربنا اختصه لنفسه ومش مسموح لينا باستخدامه

[SYD]

انا بقة والدتي بعد ما شافت عندها نمل في المطبخ حطت شويت سكر على حوض المطبخ علشان النمل يتجمع عليه وتعرف مكانه فين وتقضي عليه , النمل طلع ذكي وطفش وساب السكر

بردو الناس الكبيرة دى ليها حلول عبقرية

لما اجيب التموين الشهر دة هخلصه علي النمل والزيت والرز كمان

شكرا علي مرورك

والله المستعان
،
،

[mikho83]

أنا سديت مكان النمل بالأسمنت الأبيض عمل فتحة غيرها بس جنب الحنفية بتاع الحمام. بس بجد الغريب إن حجمه كبير حبتين، هو مين اللي هجن النمل؟؟؟
عامة أنا من يومين حطيت بودرة جيبتها من الصيدلية، لحد الان النمل ما طلعش تاني بس ظهر في مناطق تانية في الشقة. النهاردة هاجرب إني أحط البودرة في الشقة كلها وأقولكم على النتيجة.

[أحمد علاء]

حضرتك اعتقد القتل بالنار دة حرام

ربنا خلق النار كنوع من العذاب ودة عذاب ربنا اختصه لنفسه ومش مسموح لينا باستخدامه

كلام سليم جزاكم الله خيرا والدليل على ان المحذور هو القتل بالنار ، لحديث أبي هريرة رضي الله عنه أن النبي صلى الله عليه وسلم قال : ( إِنَّ النَّارَ لاَ يُعَذِّبُ بِهَا إِلاَّ اللَّهُ ) رواه البخاري (3016) ، وَرَأَى النبي صلى الله عليه وسلم قَرْيَةَ نَمْلٍ قَدْ حرقها بعض الصحابة بالنار فقال : ( إِنَّهُ لَا يَنْبَغِي أَنْ يُعَذِّبَ بِالنَّارِ إِلَّا رَبُّ النَّارِ ) رواه أبو داود (2675) وصححه النووي في "رياض الصالحين" (519) والألباني في "السلسلة الصحيحة" (487) .

[husseinsalah]

انا عندى النمل بيظهر فى مكان واحد فى الشقة بطريقة غريبة وهو انى الاقى اعلى حلق باب الاوضة خط اسود طويل ولما اقرب منة الاقية عبارة عن رمل متماسك فا بشيلة بالمكنسة واسد الخرم بأسمنت ابيض لكن بيفتح فى مكان تانى قريب فبقيت احقن الخرم قبل ما اقفلة بسرنجة فيها بنزين وبيروح فترة ويرجع .. وحتى بعد ما بيض الشقة بيرجع يشوها تانى....أعمل اية بقى معاة مش عارف..!

[أحمد علاء]

انا جربت البوردة وعجينة النمل لسد الفراغات سواء بين السيراميك او أعلى الدواليب الخشبية في المطبخ والحمد لله الموضوع أتحل
والأهم عدم ترك وجبات شهية للنمل في الشقة :)

[Gelgel2004]

السلام عليكم



انصحك:
1 - تروح على ميدان الاوبرا اودام جامع كخيا فيه شركة كبيرة للمبيدات والمنظفات - القرمه للبذور و المبيدات - و تسال عن مبيد اسمه ملاسيون - علبه لونها لبنى - مركز موش المخفف -
تحط مقاس فنجان على 1/2 جردل - هتلاقى المياه اللى بالجردل تحولت الى مستحلب ابيض و ريجته يا لطيف تمسح بيها المطبخ و بسطه السلم و الباقى تدلقه فى البلاعات و الاحواض مع ملاحظه
1 - عدم تواجد اطفال بالشقه لمده 2 يوم
2- غلق جميع الشبابيك و الهوايات .
3- مسح الشقق بالديتول و المياه بعد الرش ب 3 ايام
و ادعيلى......

[Ali_Abo_Amr]

عندي برده كتير اوي من رأي تتبعه وشوف جحره وسده باسمنت ابيض

حضرتك انا سديته باسمنت ابيض ....بعد ساعة اكل الاسمنت وطلع لى تانى :))))
نمل عجيب وليه التوقيت ده تحديدا ... قبل الشتاء يعنى

[د.محمود صلاح]

اسبراي راجون او فليت ..

بس يكون الكل برة البيت
ورش على اوكارهم ومفعوله يدوم لأسابيع


المشكلة مش في النمل ____ المشكلة في البراغيييييث

[tarekzein]

فى نوع رش بيتباع عند بتوع المنظفات

أسمه سام سول بـ 6جنيه

قزازه وبفضيها فى بخاخه

وترش منه مره واحده

تحفه فى القضاء على النمل

[AmatoALLAH]

انتم لازم تتبعوا النمل علشان تعرفوا مكان جحرهم و تقفلوه باسمنت ابيض و جبس

انا بعمل كده

لانكم مهما موتوه هريجع تاني تاني لان اللي بره دا عينه بس و الباقي في الجحر بتاعه