شخصيات الميكروباص ( منقول )

[pro_samir]

2- شخصية "انا اهم واحد"
ودة الي بيتكلم في الموبايل بصوت عالي وطبعا بيبقي بيناقش قضية شغل وفي فلوس رايحة وفلوس جاية ومش بيسيب الموبايل من اول لما يركب لحد لما ينزل وغالبا بيدفع الأجرة وهو بيتكلم وبياخد الباقي وهو بيتكلم واساسا بيشاور وهو بيتكلم

فكرتني بمره أيام النوكيا 3210 ما كان جديد والدقيقه مانا فاكر كانت بكام كنت رايح الشغل الطريق حوالي نص ساعه أو ساعه الا ربع واليوم ده كان عندنا سيمينار وكل الناس عماله تتصل بيا ورا بعضها سواء اللي عندنا من المكتب واللي جايين من فروع تانيه وكده كله عمال يظبط معايا التليفون بدون مبالغه مكانش بيسكت

جيت في وسط المكالمات كده قلت اغير النغمه اخليها BeebOnce علشان الموضوع بقي ملفت زياده عن اللزوم ولسه فاتح قايمة النغمات راح اللي جنبي باصص في التليفون وقايل لصاحبه اللي ورا ده هو اللي بيشغل الرنه ههههههههههههه لا والأظرف اني ملحقتش اصلا اختار اي نغمه تانيه وبرضو راح التليفون رانن كان هو ملحقش يخلص الكلمه كان موقف تيت

[SYD]

فكرتني بمره أيام النوكيا 3210 ما كان جديد والدقيقه مانا فاكر كانت بكام كنت رايح الشغل الطريق حوالي نص ساعه أو ساعه الا ربع واليوم ده كان عندنا سيمينار وكل الناس عماله تتصل بيا ورا بعضها سواء اللي عندنا من المكتب واللي جايين من فروع تانيه وكده كله عمال يظبط معايا التليفون بدون مبالغه مكانش بيسكت

جيت في وسط المكالمات كده قلت اغير النغمه اخليها beebonce علشان الموضوع بقي ملفت زياده عن اللزوم ولسه فاتح قايمة النغمات راح اللي جنبي باصص في التليفون وقايل لصاحبه اللي ورا ده هو اللي بيشغل الرنه ههههههههههههه لا والأظرف اني ملحقتش اصلا اختار اي نغمه تانيه وبرضو راح التليفون رانن كان هو ملحقش يخلص الكلمه كان موقف تيت

هههههههههههههه

وطبعا تخيلوا انك كل دة بتصطنع المكالمات دي

[abumoh2000]

فى كمان اللى بيرجع فى الميكروباص
وده دايما بيبقى شايل كيس فاضى فى جيبه

[Donzi]

رجعتني لايام الكلية ثاني ايام الواحد مكانش متخيل انه حييجي اليوم اللي يبقى عنده عربية واكتر ويبقى مشترك في منتدى سيارات

على فكرة انا كنت الراجل اللي قاعد على جنب وببص بره وماليش دعوة باللي جوا

+ 11111111111111111

نفس التعليق اللي كنت هاكتبه بالظبط والله

و نفس نمط الشخصية اللي مالهاش دعوة باي حاجة بس احيانا كنت ببقى الشخصية بتاعة وطي شوية يا اسطى

[nonetta]

انا كمان الشخص الي في حاله
بس هي الناس كلها في حالها اومال فين باقي 17 شخصيه ؟؟؟؟؟؟

كنت هاقولها
ماهو محدش هيعترف انه اي شخصية من اللي فاتوا

[nonetta]

في ككمان الشخص الحشري
لو بتقرا مجلة او اي ورقة حتى لو شغل
تلاقيه عنيه جواها
ولو جاتلك رسالة عالموبايل
تلاقيه شوية شوية هيقول لك مين اللي بعت لك الرسالة دي

[tarekzein]

دلوقت لقينا الأبطال

مين بقى اللى هينتج المسلسل

[yoko]

أنا
الشخصية الرابعة : اسطورة الشاب ذو السماعات في الودان :

بيكون قاعد جنبك وحاطط السماعات في ودانه طول الطريق تقريبا وحتي ميسمعش اللي بينادي علي الاجرة اصلا الا اما حد يخبط عليه وبيشيل السماعات وهو مستاء جدا
كأنه بيقول للي جنبه "عايز ايه اخلص ! " واول ميدفع الاجرة يجري علي السماعات بسرعة "اديني الحقنة بسرعة ارجوك انا عايزة الجرعة "
وبيكون لبعض الناس والاطفال زي ما بيقول احمد خالد توفيق "اسطورة الرجل ذو السماعات في الودان "

أو

الشخصية الحادية عشر: الراجل اللي في حاله:

وده بيقعد جنب القزاز دايما ويبص برة الميكروباص
ومالوش دعوة باللي جوة الا ساعة لم الاجرة

[MaZaGAngeE]

انا كنت متقلب بين شخصيات متعددة على حسب المسافة و على حسب حالتي المزاجية و على حسب السواق و على حسب اللي راكب جنبي و دي بعض الشخصيات اللي كنت بتقمصها خلال رحلات العداب :
1- وطي الكاسيت يا اسطي
2-بسرعة شوية يا اسطي
3- راجل بيشتم في الحكومة
4-الراجل اللي في حاله ( دي بقى داخل القاهرة غالبا )
5-فيلسوف الميكروباص ( لو راكب جنب السواق و كلامه عجبني و مسافر مسافة طويلة)
6-انا اهم واحد

و اضيف شخصيات تانية للركاب :
1- أسرة أب و أم و معاهم طفلين صغيرين و العيال ترجع طول السكة و تقلب ريحة العربية و كل شوية نقف عشان نجيب كيس و لا عشان الواد يدخل الحمام
2- فلاح رايح السوق و شايل معزة أو خروف صغير و واخد الكنبة الخلفية و دافع ضعف الاجرة
3-مجموعة ستات فلاحين كبار في السن رايحين المقابر يوم خميس و خد عندك كمية نميمة مش هتشوفها في اي مكان تاني و ببقى عايز انزل امشي وراهم من كتر ما انا مستمتع بالنميمة بتاعتهم
4- نفس الستات دول بس رايحين فرح و برضه نفس النميمة العجيبة

[otefa]

في ككمان الشخص الحشري
لو بتقرا مجلة او اي ورقة حتى لو شغل
تلاقيه عنيه جواها
ولو جاتلك رسالة عالموبايل
تلاقيه شوية شوية هيقول لك مين اللي بعت لك الرسالة دي