متردد في الزواج

[memoo305]

منذعدة أشهر مرت بتجرية خطوبة فاشلة. المهم من اسبوعان اتعرفت على بنت في زواج صالونات واتكلمنا مع بعض مرتين .
احساسي ناحية البنت عادي مش اعجاب أوي . والبنت أنا شايف منها قبول.
اناعندي 32 وهي عندها 30 . وطبعاسنها مش عاجب الأهل. وده مخليني متردد في الدخول بالموضوع بجد. .وكمان لأني ما قايلتش اهلها وماعرفش عنهم أي حاجة
أعمل ايه لاني صليت استخارة . ومتردد جدا

[أحمد كمال]

فكك من السن ........ فيما عدا السن اخبارها ايه؟

و الاهم من اي حاجة - بعد الدين و ده مش محتاج كلام اساسا - حاسسها طيعة و لينة و لا شخصيتي و استقلالي و قراري و لازم تاخد رأيي ولازم تقنعني و الحوارات الفاكسة اللي بتخرب البيوت دي؟

[ashouhdy]

اذاى متعرفش الأهل ؟؟

الاهل = البنت = جواز

[memoo305]

لغاية دلوقت أنا مش شايف شخصييةمستقلة والحاجة دية. لعلمك في المرتين الي شفتهل فيهم كانت بتيجي مع اخوها الكبير. بتتكسف شوية &مش هادية قوي & مخنوقة من مديرتها في الشغل & بتحب اخواتها & مش مع الي بيحصل اليومين دول في الثورة & صريحة.... ده الي فاكرة

[memoo305]

اذاى متعرفش الأهل ؟؟

الاهل = البنت = جواز

لمعرفة الأهل لابد من زيارة منزلية وده أنا لسا ما عملتوش

[party_0000]

الاهل ثم الاهل ثم الاهل وطبعا الدين قبل كل شي هوا ده الفيصل للحكم والجواز الناجح ان شاء الله مش السن والكلام ده

[Ghosts]

أوعى تفكك من السن ....
لما يكون عندك 32 سنة تقدر تتجوز بنت فى أوائل العشرينات ....
لكن لما يكون فرق السن بينك وبينها صغير دة لة سلبيات كتيييييييييير أوى ....

[ashouhdy]

لمعرفة الأهل لابد من زيارة منزلية وده أنا لسا ما عملتوش

طالما التعارف تم عن طريق صالونات يبقى فى مقدرة تعرف كل حاجة عن اهلها ... وبناء عن المعرفة دى تقدر تحدد طريقك فى انك تنزل تتعرف عليها ام لا

لأن ممكن جدا تتعرف عليها وترتبط عاطفيا وبعدين تقابل الاهل ومتظبتش والموضوع ميكملش وتدايق اكتر

[r0xer]

راجل جديد وضحية جديدة للجواز من المصريات :(

إن لله وان اليه راجعون :(

خدلك بصة في الاجتماعي و هتعرف ان 99% من اعضاء المنتدى المتجوزين كارهين نفسهم :(

[أحمد كمال]

لغاية دلوقت أنا مش شايف شخصييةمستقلة والحاجة دية. لعلمك في المرتين الي شفتهل فيهم كانت بتيجي مع اخوها الكبير. بتتكسف شوية &مش هادية قوي & مخنوقة من مديرتها في الشغل & بتحب اخواتها & مش مع الي بيحصل اليومين دول في الثورة & صريحة.... ده الي فاكرة

فر منها فرارك من المجذوم ....... لو عملت لها كباية شاي بمعلقة سكر زيادة ممكن تهب في وشك .......

راجل جديد وضحية جديدة للجواز من المصريات :(

إن لله وان اليه راجعون :(

خدلك بصة في الاجتماعي و هتعرف ان 99% من اعضاء المنتدى المتجوزين كارهين نفسهم :(

انا لله و انا اليه راجعون قلت اللي في نفسي بس انا ما رضيتش اسد نفسه

[ashouhdy]

أوعى تفكك من السن ....
لما يكون عندك 32 سنة تقدر تتجوز بنت فى أوائل العشرينات ....
لكن لما يكون فرق السن بينك وبينها صغير دة لة سلبيات كتيييييييييير أوى ....

اذيك ياباشا
الموضوع مش موضوع سن ... مش قاعدة يعنى ... وبرضة السن الصغير = سلملى على سطحية تفكير البنات ! ونادرا لما تلاقى واحدة اوائل عشرينات و فاهمة يعنى اية استقرار وبيت

[egyptiandiver]

ربنا يعملك الصالح

[Ghosts]

اذيك ياباشا
الموضوع مش موضوع سن ... مش قاعدة يعنى ... وبرضة السن الصغير = سلملى على سطحية تفكير البنات ! ونادرا لما تلاقى واحدة اوائل عشرينات و فاهمة يعنى اية استقرار وبيت

ashouhdy باشا حبيب قلبى ....
طبعآ حضرتك عندك حق بس أنا شفت تجارب كتير فاشلة ....
لما يكون فرق السن بسيط ما بين الراجل والست ....
بيبقوا فوق روس بعض وبيتخانقوا كتير أوى ....

البنت بعد ال 25 سنة بيبقى ليها طباع معينة مستحيل أى راجل يغيرها ....
أنا فى رأيى أنة كل ما يكون سن البنت أصغر كل ما يكون التعامل معاها أسهل ....
دة غير أنى سمعت من دكتور قبل كدة أن البنت بعد ال 27 بتبقى كبيرة (طبيآ) ودة بيقلل فرص الحمل ....
صاحب الموضوع بيقول أنة جواز صالونات لكن لو كان قائم على حب كان هيبقى فى كلام تانى ....
وبعدين هو لسة صغير يقدر يتجوز بنت أصغر من كدة بكتير ....
ومادام هو متردد يبقى بلاااااااااااش أحسن ....
التردد لما بيدخل فى المواضيع دى ....
لازم بتبوظ ....

[ashouhdy]

ههههههههههههههههه ياعم ههههههههههههه وقفت حال البنت ! ياعم مش كدة ههههههههه

[wesam_salom]

مشكله السن دى مش مشكله كبيره
وكمان متنساش انك اكبر منها
فرق السن البسيط هيخلى العقليه قريبه
بس المهم البنت نفسها وعقليتها والاهم اهلها