متردد في الزواج

[lonedoctor]

مع احترامى الكامل لاوجهة نظرك
بس لو كل راجل او ست او بنت مش مقتنع بالثوره بقا مش مثقف و هيضيعنى يبقا عليه العوض
يا باشا دى وجهات نظر و قناعات شخصيه بتحتم عليك احترمها
ايه ياعنى علاقت مش مقتنعه بالثوره و الثقافه
هو ليه المش معيا عالطول عدوى
الاختلاف ده صفه بشريه واجب احترامو
اه اما وش فلول انا ثورجى برضو بس بحترم اى حد مش حابب الثوره و بحترم ثقافتو و عقليتو

اخى الكريم وجهة نظرك رائعة وجميلة فى حالة واحدة لو بتتكلم عن واحد صاحبى ولا جارى ولا زميلى فى العمل
انما زوجة المستقبل وشريكة الحياة ومربية اولادى فالموضوع مختلف تماما
التوافق بين شخصية الزوجين هو اساس الزواج الناجح
مع العلم انه اللى بيكلمك اخى الكريم عمره 45 سنه ومتزوج من 17 سنة
تقبل تحياتى

[hussein]

اخى الكريم وجهة نظرك رائعة وجميلة فى حالة واحدة لو بتتكلم عن واحد صاحبى ولا جارى ولا زميلى فى العمل
انما زوجة المستقبل وشريكة الحياة ومربية اولادى فالموضوع مختلف تماما
التوافق بين شخصية الزوجين هو اساس الزواج الناجح
مع العلم انه اللى بيكلمك اخى الكريم عمره 45 سنه ومتزوج من 17 سنة
تقبل تحياتى

احييك على وجهة نظرك وردك الاولانى والتانى والنقطة اللى كل الناس مخدتش بالها منها مع انها مهمه جدا جدا:b4_388:

[yousef1978]

فكك من السن ........ فيما عدا السن اخبارها ايه؟

السن مهم جداااااااااا و كل ما زاد الفرق كل ما كان الزواج ناجح - طبعا لحد معين
لأن الفرق بيخلي الست تهاب جوزها أكتر وتكون لينه معاه غير إن الراجل لما يبقى عنده خمسين تكون مراته عندها أربعين يدوبك مش تبقى في سنه


و الاهم من اي حاجة - بعد الدين و ده مش محتاج كلام اساسا - حاسسها طيعة و لينة و لا شخصيتي و استقلالي و قراري و لازم تاخد رأيي ولازم تقنعني و الحوارات الفاكسة اللي بتخرب البيوت دي؟

متفق معاك تماااااااااااما
مشكلة لما تتجوز واحدة راسها براسك وكل حاجة إما تقنعها أو تتناقش معاها فيها للأبد
أحلى حاجة لما الست تسمع كلام جوزها بسلاسة - طالما ما يغضبش ربنا - وما تحولش كل حاجة تافهة لقضية مستعصية

اذاى متعرفش الأهل ؟؟

الاهل = البنت = جواز

كلام حضرتك صحيح 100 100
انت هتتجوز البنت وأهلها اللي هيبقوا أخوال ولادك وأجدادهم - عمرك ما هتقدر تنفصل عنهم مهما حاولت
ده غير إن البنت أكيد واخدة من صفات أمها وأبوها على الأقل

[sara2001]

بخصوص الثوار والفلول
فكرتوني ببنتين اعرفهم واحده كان متقدملها جار زكريا عزمي وبيحبه وبيفخر بيه جداً وحزين عليه انه اتسجن
والتانيه اتقدملها عضو في لجنة السياسات بالحزب الوطني لكن الحق يتقال هو استقال السنه دي قبل الثوره يعني مانقدرش نقول عليه فلول

[محمد بازيد]

بسم الله الرحمن الرحيم
أخى الفاضل قال رسول الله صلى الله علية وسلم
تنكح المراة لاربع لمالها وجمالها وحسيها ودينها اظفر بذات الدين تربت يداك صدق رسول الله صلى الله علية وسلم
أخى الكريم انا كنت زيك فى نفس الحيرة انا عندى 27 سنة وكنت بدور على زوجة وكان شرطى بسيط جدا ان تكون متدينة وامها طيبة لكثرة ما الواحد بيشوف اليومين دول من الحموات الفاتنات والحمد لله عمرى مدخلت بيت اشوف عروسة كل لما يتحدد ميعاد ميتمش لاسباب كثيرة وعلى فكرة الحكاية دى اتكررت 5 مرات والمرة السادسة والدى ربنا يديله الصحة بيصلى فى المسجد وفى واحد جنبه بيصلى نعرفه معرفة قوية وفى قرابه بنا وبينه المهم قاله اية رايك فى عروسة كويسة وبنت كويسة وكدة المهم قولت ماشى اشوفها المهم قبل لما اروح كل لما اسال حد يقول كلام كويس وانها بنت كويسة وعارفة ربنا المهم زرناهم اول مرة وكان الميعاد بعد صلاة العشاء والحمد لله من اول مرة حصل قبول بين الطرفين وسالت واحد صديقى لا ازكيه على الله عن صفة صلاة الاستخارة ومايحدث بعد الصلاة قالى مش شرط تشوف حاجة المهم انت تقوم مرتاح وتسيب الامور لربنا سبحانة وتعالى لو الامور مشيت طبيعية يبقى دى اشارة من ربنا ليك انك على الطريق الصح المهم حصل القبول والحمدلله هى الان مراتى على سنة الله ورسوله بعد أقل من شهرمن اول مقابلة والحمد لله بس نصيحتى ليك ادخل البيت واعرف مين اللى هيبقوا اهلك واخوال ولادك ان شاء الله وعلى فكرة ياريت يكون معاك والدتك او اختك لان الستات بيبقى ليهم راى صائب فى الحاجات دى وعلى فكرة السن بينكم مش مشكلة المهم انت تبقى عارف انت عايز اية فى البنت اللى انت رايح تكمل معاها حياتك وسيبك من كلام الثورة والحاجات دى لان المواضيع دى مش مقياس للجواز
وربنا يتمم بخير ومتنساش تعزمنا فى الفرح ان شاء الله
أخوك محمد حامد