الاوراق المطلوبه لمحل ملابس؟؟؟

[EL Tanna]

السلام عليكم

يا شباب انا ان شاء الله عايز افتح محل ملابس صغير كده على قدى
عايز اعرف ايه الاوراق الى لازم اعملها و اخلصها مش عايز اى حد من اى جهه حكوميه يجى يقرفنى

و ياريت بقى النصايح المفيده فى المشروع ده لو حد عنده تجربه

[mxz911]

متابع لانى بشوف افكار المشاريع الصغيره

[misoalex]

بطاقه ضريبيه ده اول حاجه مش حينفع تعمل اى حاجه دلوقتى الا بيها ويفضل ان محاسب ضرايب يعملهالك ويمسكلك الموضوع كله
لو لسه مطلعتش بتاخد جواب من مصلجه الضرايب تقريبا اسمه لمن يهمه الامر ولحد ما البطاقه تخلص

بعد كده تخلص ورق الكهرباء والمياه لو مفيش فى المحل عداد او عاوز تنقل العداد بأسمك

بعد كده لو عاوز تعمل سجل تجارى وده الافضل طبعا تعمله من الغرفه التجاريه

بعد كده تعمل ورق اليافطه تقريبا من الحى واظن انها بتخلص بفلوس

وبعد كده حتحتاج طفايه حريق طبعا عشان بتوع الامن (بيلفو على المحلات )

وطبعا الرخصه ودى بقا ربنا معاك فيها يا تحاول تخلصها بنفسك ودى ممكن تاخد سنه يا تشوف محامى او حد يخلصهالك


ده اللى اعرفه على حسب خبرتى فى النشاطات الصغيره زى النشاط بتاعك كده



وعلى فكره مفيش حاجه اسمها عاوز اعمل كل حاجه عشان مفيش حد يكلمنى اللى عاوز يرزل حيرزل وطبعا عشان ياخد المعلوم

وابسط حاجه موضوع الرخصه لانك حتطر تفتح من غيرها لحد متخلص

[misoalex]

وعلى فكره لو حتشغل حد عندك لازم تعمله تأمينات وتعمله ورق فى مكتب العمل مش فاكر ايه هو بالظبط


ده لو انت عاوز تمشى قانونى فى كــــــــل حاجه

بس طبعا صعب تلاقى عامل بيقعد فى مكان فمحدش بيعمل ورق وماشيه كده يعنى بالبركه والمعلوم الا لو حد تعرفه وحتثبته معاك يبقى اعمله ورق وخلاص

[EL Tanna]

بطاقه ضريبيه ده اول حاجه مش حينفع تعمل اى حاجه دلوقتى الا بيها ويفضل ان محاسب ضرايب يعملهالك ويمسكلك الموضوع كله
لو لسه مطلعتش بتاخد جواب من مصلجه الضرايب تقريبا اسمه لمن يهمه الامر ولحد ما البطاقه تخلص

بعد كده تخلص ورق الكهرباء والمياه لو مفيش فى المحل عداد او عاوز تنقل العداد بأسمك

بعد كده لو عاوز تعمل سجل تجارى وده الافضل طبعا تعمله من الغرفه التجاريه

بعد كده تعمل ورق اليافطه تقريبا من الحى واظن انها بتخلص بفلوس

وبعد كده حتحتاج طفايه حريق طبعا عشان بتوع الامن (بيلفو على المحلات )

وطبعا الرخصه ودى بقا ربنا معاك فيها يا تحاول تخلصها بنفسك ودى ممكن تاخد سنه يا تشوف محامى او حد يخلصهالك


ده اللى اعرفه على حسب خبرتى فى النشاطات الصغيره زى النشاط بتاعك كده



وعلى فكره مفيش حاجه اسمها عاوز اعمل كل حاجه عشان مفيش حد يكلمنى اللى عاوز يرزل حيرزل وطبعا عشان ياخد المعلوم

وابسط حاجه موضوع الرخصه لانك حتطر تفتح من غيرها لحد متخلص

شكرا جدا لرد حضرتك بس عندى بعض الاستفسارات

اولا:بخصوص الضرايب::
هو مش اى مشروع جدييد حتى لو منشاه فرديه بيبقى ليه اعفاء ضريبى لمده 5 سنوات؟؟
يبقى ايه لزمته البطاقه الضريبيه

ثانيا: الكهربا والمياه :
المحل ايجار و من غير مياه اصلا ده كهربا و العداد موجود ان شاء الله

ثالثا: السجل التجارى::
ممكن اعرف ايه فايدته؟؟

رابعا : اليافطه و الطفايه اعتقد دول اسهل حاجه

خامسا:الرخصه

هى بتطلع من انهى جهه؟؟ و طبعا صعوبتها فى مجال بتختلف عن المجال الاخر ولا بيبقى كله زى بعض مفيش اختلاف؟

[EL Tanna]

وعلى فكره لو حتشغل حد عندك لازم تعمله تأمينات وتعمله ورق فى مكتب العمل مش فاكر ايه هو بالظبط


ده لو انت عاوز تمشى قانونى فى كــــــــل حاجه

بس طبعا صعب تلاقى عامل بيقعد فى مكان فمحدش بيعمل ورق وماشيه كده يعنى بالبركه والمعلوم الا لو حد تعرفه وحتثبته معاك يبقى اعمله ورق وخلاص

طيب لو انا الى هبقى موجود دايما بسجل نفسى برده فى التامينات؟؟ولا لا

[Dr_Mido]

لا بخصوص الاعفاء لا مفيش غير فى بعض المدن الجديدة بس

[Dr_Mido]

طيب لو انا الى هبقى موجود دايما بسجل نفسى برده فى التامينات؟؟ولا لا

اة هتسجل نفسك فى التائمينات صاحب عمل

[EL Tanna]

هوا ليه الموضوع معقد كده ؟؟؟و ايه كل الورق ده :s

دا انا اخترت المجال ده قلت علشان ميبقاش فيه اى وجع دماغ بس شكله ده روتين مصرى فى كل المجالات

طيب ممكن عناوين الاماكن دى فى الجيزه اروح اسئل هناك على الخطوات ؟؟

[Dr_Mido]

انا علشان مكتبى فى منطقه الدقى فانا تابع لمكتب تائمينات الهرم اللى هو فى فيصل هتروح هناك الناس اللى هتساعدك فى التسجيل دول ممتازين اما باقى البنى ادمين اللى هناك هنحاول نشوفلهم تصنيف قريب بس انا انصحك تشوف محاسب قانونى ينجزك فى كل الورق دة وتريح انت دماغك هياخد حوالى اسبوعين وتاخد ورقك كله هتحتاج تعمله توكيل شهر عقارى وتشترى دماغك

[EL Tanna]

انا علشان مكتبى فى منطقه الدقى فانا تابع لمكتب تائمينات الهرم اللى هو فى فيصل هتروح هناك الناس اللى هتساعدك فى التسجيل دول ممتازين اما باقى البنى ادمين اللى هناك هنحاول نشوفلهم تصنيف قريب بس انا انصحك تشوف محاسب قانونى ينجزك فى كل الورق دة وتريح انت دماغك هياخد حوالى اسبوعين وتاخد ورقك كله هتحتاج تعمله توكيل شهر عقارى وتشترى دماغك

شكرلحضرتك بس هو المحاسب القانونى بياخد كام علشان يخلصلى كل الاوراق دى؟؟؟

[mazher_m]

بص يا سيدي كلام msioalex مظبوط 100/100 بس محتاج ترتيب
اولا انت معاك عقد ايجار تروح اي مكتب شهر عقاري وتاخد عليه اثبات تاريخ
2- تتكل علي الله وتقدم طلب للاداره الهندسيه لاستخراج رخصه مزاوله نشاط تحدد فيها النشاط اللي هتشتغل فيه ومساحه المحل هيطلبو منك صوره من عقد الايجار الموثق وشهاده من الامن الصناعي
المطافي يعني وهيدوك جواب موقت لغايه متخلص شهاده الامن الصناعي
3- هاتروح المطافي وتاخد دوره لمده اسبوع بفلوس طبعا وتشتري طفايه حريق حجمها حسب مساحه المحل طبعا لو مشيت امورك ممكن تاخد الورق من دوره ولا يحزنون بس الافضل تخدها هتستفيد منها لو لا قدر الله حصل حريق
4-تاخد بعضك بعد كده ومعاك صوره العقد وصورةجواب الرخصه وتروح السجل التجاري او الغرفه التجاريه وتطلع سجل تجاري .
5-وتروح مصلحه الضرائب ويكون معاك صوره مؤ ثقه من عقد الايجار وصوره جواب الرخصه وتقولهم عايز بطاقه ضريبيه هياخدو من الورق وطبعا صوره البطاقه وهيدوك جواب لغايه متطلع البطاقه.
6- بعد متخلص ديكور المحل تروح للمنطقه اللي انت تابع ليها يعني مجلس المدينه وتقلوهم عايز اعمل رخصه بروز هيطلبو منك السجل والرخصه وصوره عقد الايجار وصوره بطاقتك ويقولولك ادفع الرسوم وعدي علينا بكره يا سيد.
7-بعد كده تطلع علي مكتب التامينات ومعاك الورق اللي حكينا عليه وتامن علي نفسك كصاحب عمل ولازم تامن علي شخص تاني عامل من تشوف حد قريبك يكون مش في عمل حكومي ومش متامن عليه وامن انت عليه.
كلللللللللللللللللللللللللللللللللللللللللللللللل الكلام ده لو النشاط فردي يعني المحل باسمك انت بس
لو في معاك شريك او شركاء ممكن تعملو عقد شركه تضامن وتعمل للعقد ده اثبات تاريخ في الشهر العقاري مع عقد الايجار وتقدم صوره مع كل الورق اللي فات.
بالنسبه للضرايب لو النشاط فردي بيتخصم كل سنه 5000 ج اعباء ضريبيه لو شركه مفيش اعباء ولو عايز اعفاء لمده 5 سنين خد قرض من الصندوق الاجتماعي باي مبلغ
انت لسه بتفكر تفتح محل
عرفت ليه احنا عالم ما يعلم بيه الاربنا
علي العموم لو هتنفذ شوف انت هاتفتح رجالي ولاحريمي ولا اطفال
وان شاء الله هساعدك وخليها علي الله
مظهر

[Dr_Mido]

شكرلحضرتك بس هو المحاسب القانونى بياخد كام علشان يخلصلى كل الاوراق دى؟؟؟

مابين 1000 و 1500 ممكن ااقل كمان من 1000 بس اريح ليك كتير جدا

[misoalex]

طبعا كل الكلام اللى قالوه الاخوه بعدى صحيح ويعتبرو جاوبو على الحاجات اللى انا مقولتهاش


ها لسه ليك نفس تفتح محل فى البلد دى :)

[misoalex]

بص يا سيدي كلام msioalex مظبوط 100/100 بس محتاج ترتيب
اولا انت معاك عقد ايجار تروح اي مكتب شهر عقاري وتاخد عليه اثبات تاريخ
2- تتكل علي الله وتقدم طلب للاداره الهندسيه لاستخراج رخصه مزاوله نشاط تحدد فيها النشاط اللي هتشتغل فيه ومساحه المحل هيطلبو منك صوره من عقد الايجار الموثق وشهاده من الامن الصناعي
المطافي يعني وهيدوك جواب موقت لغايه متخلص شهاده الامن الصناعي
3- هاتروح المطافي وتاخد دوره لمده اسبوع بفلوس طبعا وتشتري طفايه حريق حجمها حسب مساحه المحل طبعا لو مشيت امورك ممكن تاخد الورق من دوره ولا يحزنون بس الافضل تخدها هتستفيد منها لو لا قدر الله حصل حريق:_alshmokh08[1]:
4-تاخد بعضك بعد كده ومعاك صوره العقد وصورةجواب الرخصه وتروح السجل التجاري او الغرفه التجاريه وتطلع سجل تجاري .
5-وتروح مصلحه الضرائب ويكون معاك صوره مؤ ثقه من عقد الايجار وصوره جواب الرخصه وتقولهم عايز بطاقه ضريبيه هياخدو من الورق وطبعا صوره البطاقه وهيدوك جواب لغايه متطلع البطاقه.
6- بعد متخلص ديكور المحل تروح للمنطقه اللي انت تابع ليها يعني مجلس المدينه وتقلوهم عايز اعمل رخصه بروز هيطلبو منك السجل والرخصه وصوره عقد الايجار وصوره بطاقتك ويقولولك ادفع الرسوم وعدي علينا بكره يا سيد.
7-بعد كده تطلع علي مكتب التامينات ومعاك الورق اللي حكينا عليه وتامن علي نفسك كصاحب عمل ولازم تامن علي شخص تاني عامل من تشوف حد قريبك يكون مش في عمل حكومي ومش متامن عليه وامن انت عليه.
كلللللللللللللللللللللللللللللللللللللللللللللللل الكلام ده لو النشاط فردي يعني المحل باسمك انت بس
لو في معاك شريك او شركاء ممكن تعملو عقد شركه تضامن وتعمل للعقد ده اثبات تاريخ في الشهر العقاري مع عقد الايجار وتقدم صوره مع كل الورق اللي فات.
بالنسبه للضرايب لو النشاط فردي بيتخصم كل سنه 5000 ج اعباء ضريبيه لو شركه مفيش اعباء ولو عايز اعفاء لمده 5 سنين خد قرض من الصندوق الاجتماعي باي مبلغ
انت لسه بتفكر تفتح محل
عرفت ليه احنا عالم ما يعلم بيه الاربنا
علي العموم لو هتنفذ شوف انت هاتفتح رجالي ولاحريمي ولا اطفال
وان شاء الله هساعدك وخليها علي الله :b4_388:
مظهر

فعلا فيه حاجات انا مش مرتبها بس الترتيب مش مهم اوى فى بعض الخطوات وفعلا لو المحل ايجار لازم تعمل اثبات تاريخ فى الشهر العقارى قبل اى خطوه

لكن الضرايب دى اول خطوه لازم تاخدها لانها بتحاسبك من اول يوم تاريخ العقد ده غير ان فيه كذا جهه مبترضاش تتعامل معاك الا لما تعمل بطاقه ضريبيه الاول عشان كده ذكرتها اول حاجه قبل الرخصه