الاوراق المطلوبه لمحل ملابس؟؟؟

[EL Tanna]

لا اله الا الله
كل ده علشان فكرت افتح مشروع صغير
ده كده ممكن افتح بعد شهور لغايه ما اخلص الورق المطلوب هههههه

لا كده نعيد تفكير طبعا لان الموضوع مش سهل من الخطوات الكتييير دى انا كنت فاكر هروح جهه واحده و هب اخد المحل و هب ارمى فيه بضاعه و ابدا الشغل بس كده الموضوع بقى اصعب كتيير

ربنا ييسر الحال

[EL Tanna]

بص يا سيدي كلام msioalex مظبوط 100/100 بس محتاج ترتيب
اولا انت معاك عقد ايجار تروح اي مكتب شهر عقاري وتاخد عليه اثبات تاريخ
2- تتكل علي الله وتقدم طلب للاداره الهندسيه لاستخراج رخصه مزاوله نشاط تحدد فيها النشاط اللي هتشتغل فيه ومساحه المحل هيطلبو منك صوره من عقد الايجار الموثق وشهاده من الامن الصناعي
المطافي يعني وهيدوك جواب موقت لغايه متخلص شهاده الامن الصناعي
3- هاتروح المطافي وتاخد دوره لمده اسبوع بفلوس طبعا وتشتري طفايه حريق حجمها حسب مساحه المحل طبعا لو مشيت امورك ممكن تاخد الورق من دوره ولا يحزنون بس الافضل تخدها هتستفيد منها لو لا قدر الله حصل حريق:_alshmokh08[1]:
4-تاخد بعضك بعد كده ومعاك صوره العقد وصورةجواب الرخصه وتروح السجل التجاري او الغرفه التجاريه وتطلع سجل تجاري .
5-وتروح مصلحه الضرائب ويكون معاك صوره مؤ ثقه من عقد الايجار وصوره جواب الرخصه وتقولهم عايز بطاقه ضريبيه هياخدو من الورق وطبعا صوره البطاقه وهيدوك جواب لغايه متطلع البطاقه.
6- بعد متخلص ديكور المحل تروح للمنطقه اللي انت تابع ليها يعني مجلس المدينه وتقلوهم عايز اعمل رخصه بروز هيطلبو منك السجل والرخصه وصوره عقد الايجار وصوره بطاقتك ويقولولك ادفع الرسوم وعدي علينا بكره يا سيد.
7-بعد كده تطلع علي مكتب التامينات ومعاك الورق اللي حكينا عليه وتامن علي نفسك كصاحب عمل ولازم تامن علي شخص تاني عامل من تشوف حد قريبك يكون مش في عمل حكومي ومش متامن عليه وامن انت عليه.
كلللللللللللللللللللللللللللللللللللللللللللللللل الكلام ده لو النشاط فردي يعني المحل باسمك انت بس
لو في معاك شريك او شركاء ممكن تعملو عقد شركه تضامن وتعمل للعقد ده اثبات تاريخ في الشهر العقاري مع عقد الايجار وتقدم صوره مع كل الورق اللي فات.
بالنسبه للضرايب لو النشاط فردي بيتخصم كل سنه 5000 ج اعباء ضريبيه لو شركه مفيش اعباء ولو عايز اعفاء لمده 5 سنين خد قرض من الصندوق الاجتماعي باي مبلغ
انت لسه بتفكر تفتح محل
عرفت ليه احنا عالم ما يعلم بيه الاربنا
علي العموم لو هتنفذ شوف انت هاتفتح رجالي ولاحريمي ولا اطفال
وان شاء الله هساعدك وخليها علي الله :b4_388:
مظهر

انا مش عارف اشكر حضرتك ازاى على التفاصيل الى بالتفاصيل دى :d
بس فعلا الموضوع عايز طوله باااااااااااااااااااااال اوى مع الحكومه مش عارف ليه كل حاجه كده

[misoalex]

لا اله الا الله
كل ده علشان فكرت افتح مشروع صغير
ده كده ممكن افتح بعد شهور لغايه ما اخلص الورق المطلوب هههههه

لا كده نعيد تفكير طبعا لان الموضوع مش سهل من الخطوات الكتييير دى انا كنت فاكر هروح جهه واحده و هب اخد المحل و هب ارمى فيه بضاعه و ابدا الشغل بس كده الموضوع بقى اصعب كتيير

ربنا ييسر الحال

يعنى انت فاكر فيه حاجه بالساهل فى البلد دى !!!!!!!! ياراجل ده انت لو حتطفش وتسيبها برضه حتلف وحيطلع عينك وحتصرف مصاريف وورق وطوابير

هى دى مصر


عموما بص متصعبش الموضوع على نفسك واحده واحده مفيش اكل عيش بالساهل

انت حتعمل عقد المحل وتروح تعمله اثبات تاريخ فى الشهر العقارى وده مش حياخد كام ساعه

وبعد كده تشوف محاسي او محامى يعملك البطاقه الضريبيه و ده فى حدود 200 جنيه لو حتطلعها انت بنفسك حتقدم الورق وتخلص الاجراءات فى كام ساعه برضه وحتستلمها بعد كام يوم بس خد منهم ورقه لمن يهمه الامر دى عشان تثبت انك بتطلع البطاقه

بس ممكن على كده تفتح المحل ولو جالك حد قوله انك لسه فاتح وبتخلص الورق ولو رزل اوى يعنى انت عارف الحل

وبعد كده تعمل ورق اليافطه من الحى وده حياخد يوم تقريبا برضه
وتشترى الطفايه
وتشوف حد يعملك الرخصه لان دى موااااااال كبير وحتحتاج ورقه من مكتب هندسى ووجع دماغ هى حتاخد كام شهر وحتتكلف 1000 او اكتر

التأمينات ووالسجل التجارى ممكن تطنشها خالص