حدث الأن في المطار القديم

[elpasha009]

يا جماعة أنا كنت النهاردة في المطار القديم الساعة تقريبا واحدة بليل قاعد باللابتوب هناك (الخروجة المفضلة بتاعتي لما أكون مش عارف أفكر:))
المهم أنا كنت في العربية وراكن في الباركينج بتاع صالة 3 وبعدبن كان فيه إتنين سياح أجانب فرنسويين شكلهم تايهييم أو بيدوره على حاجة وفجأة جه واحد قالهم (taxi)فقاله أيوه إحنا عاوزين نروح صالة 2 المطار الجديد فقالهم ماشي فسألوه بكام تخيلوا قال كام؟؟؟؟؟؟؟؟؟؟؟
الراجل قال 30 جنيه.
أنا عارف إنكم هتقوله إنه غلبان ومش عارف إيه والكلام ده كله بس إنتو مش شايفين إن 30 جنيه رقم فلكي بالنسبة للمسافة اللي كان ممكن يمشوها أصلا أو حتى يركبوا الأوتوبيس اللي ببلاش اللي بين الصالات؟؟؟؟؟
أنا والله مش معترض إنه يكسب ويسترزق وربنا يزيد ويبارك بس أنا شايف إن الرقم مبالغ فيه قوي.
وتخيلو بقى المفاجأة إنه أصلا مش تاكسي ده عربية ماذا قديمة ملاكي وعلى مخاصت كتابة الموضوع ده كان هو رجع وركن في نفس المكان كمان.
أنا والله العظيم كنت هنزل أقولوهم تعالوا أوصلكم ببلاش بس مش عارف من المفاجأة والرقم ده إتلجمت.
أنا خالي بقاله 25 سنة في أمريكي ومتجوز أمريكية المهم لما بينزل مصر لازم طبعا نخرج معاهم علشان لو حد بس سمع مراته بتتكلم إنجليزي أو هو أو ولاده بيضربوا تمن الحاجة في 3 أو 4 .
بجد إحنا بقينا مستغليين قوي.
إيه رأيكم في الموضوع ده.

[AhmedGen2]

صراحة كان المفروض تقوم تكسفه قال 30 جنيه قال .

[ASD peugeot]

ده طمع و جشع و استغلال وربنا مش بيبارك ابدا في حاجه زي دي

[qwertyqwerty]

احنا بتسرق الاجانب كده وهو ما يخالف ديننا واخلاقنا
وربنا مش ممكن يبارك فى مال سائق التاكسى

[PRO-DRIVE]

اول ما جيت مصر كانت لهجتي بايظه

و كنت تشوف انوااااع من الحجات دي

[loai-omar]

والله يا باشا الواحد بيشوف العن من كده استغلال

[elpasha009]

اول ما جيت مصر كانت لهجتي بايظه

و كنت تشوف انوااااع من الحجات دي

ههههههههههههههههههههه
فكرتني بالذي مضى.أنا أصلا مولود في السعودية وأول ماجيت مصر كان نفسي أكتب يافطة أعلقها علي مكتوب فيها (أنا مصري أنا مصري أنا مصري أنا مصري أنا مصري أنا مصري أنا مصري أنا مصري)

[mada121977]

للاسف الضمير والامانه والاخلاق اصبحوا عملات منقرضه فى عصرنا الحالى

[WalidAdel]

يبقي انت اكيد في مصر

[MMamdouh]

تتوقع ايه من واحد تكسجى؟؟ اذا كان بيسرق المصرى حيعمل ايه فى الاجنبى؟؟

MMamdouh

[kimo-nubira]

ولســــــــــــــــــــــــــــــــــــــــــــه الحراميه ها يكترو طول ما الناس مش عارفه تعيش

[sndbad111]

ياجماعه اذا كانت الحكومه نفسها بتسرقنا يبقى عادى ان السواقبن تعملها

[osamaesm]

انا حصل معايا حاجه زي كده منسهاش عمري
كنت عند كوبري الفنجري من تقريبا 10 سنين وماش انا واتنين صحابي ولقينا ميكروباص واقف وبيتكلم مع 5 او6 اجانب ومش عارف يتفاهم معاهم واول ماشفنا قلنا لو سمحتو والنبي انا مش عارف هما عايزين يروحو فين المهمم سئلناهم قالو عايزين نروح المتحف قلناله قال ماش اوديهم فراح الاجانب علي طول سئلو هياخد كام فسئلناه قال 150 جم من عشر سنين رديت علي طول عليه قولتله يامفتري قالي خلاص 90 جم برده كتير فقالي ده يدوبك الله يرضي عليك اقل من كده هتخسر معايا بصراحه صعب عليا قلتلهم 100 جم فقالو ماشي ورحت قايله وكان مبسوط ان قلت ايه اللي يخليني ازعله وهما مش هتفرق معاهم

[Islam_galal]

من لا َيرحم لا ُيرحم

كيف نطلب الرحمة من الحكومة و احنا لما بنقدر ما بنعفيش و بعد كده نبقي غلااااااابه

[kh_talaat]

كله دة عشان مقيش نظام في البلد والحكومة ميهماش تنفيذ القانون ، كل إللي يهمها أمن النظام وبس

وأبسط شيئ ممكن تشوفه كل يوم السايس إللي بتلاقية في كل حتة زحمة والركن فيها صعب حتى لو قدام سوبر ماركت

عمرك شوفت أمين شرطة ولا عسكري بيقوله أنت بتعمل إية ؟؟؟

فاكرين فيلم همام في أمستردام والمشهد بتاع .... باركينج أند كلينج .... كلينج أند باركينج لما محمد هنيدي وقف جنب العجل عشان يتسول ويلم فلوس من الناس شوفتوا الشرطة إتحركت إزاي ومنعته بسرعة ... تخيل دة لو حصل هنا في مصر في جيش السياس إللي في البلد هتبقى صعبة على الحكومة وهل الحكومة محتاجة إصدار قوانين جديدة ومناقشتها في مجلس الشعب عشان تقدر تمنعهم