حدث الأن في المطار القديم

[eng_mkhalaf]

والله دية أختلاف أراء - وانا ما زلت مش شايف مشكلة - هو قدر ياخد فلوس كتير منهم برغبتهم وكونهم ميعرفوشى دية مش مشكلتة - دية مشكلتهم هما لأنهم مسألوشى أو هما اغبية - وكمان يا جماعة 30 جنية بالنسبة ليهم مش فلوس دية 4 يورو أو أقل يعنى بالنسبة ليهم 4 جنية مش كتير قوى - ممكن يكون غلبان ولو فعلا هو مش كدة مكنشى جاب عربيتة الملاكى ووقف فى المطار يلقط رزقة
ما زلت أصر أن إللى عملة صح مش غلط - أسعار سياحية
بالمناسبة طب ما الواحد مننا بيروح يقعد فى مكان سياحى ويشرب كانز ب 15 جنية = دة اسمة أستغلال لاة طبعا
وكمان الفنادق بتحجز للأجانب الليلة ب 200 دولار وممكن 300 لكن للمصرى ب 200-300 جنية - دة يعتبر سرقة لا طبعا

[tutankhamoun]

والله دية أختلاف أراء - وانا ما زلت مش شايف مشكلة - هو قدر ياخد فلوس كتير منهم برغبتهم وكونهم ميعرفوشى دية مش مشكلتة - دية مشكلتهم هما لأنهم مسألوشى أو هما اغبية - وكمان يا جماعة 30 جنية بالنسبة ليهم مش فلوس دية 4 يورو أو أقل يعنى بالنسبة ليهم 4 جنية مش كتير قوى - ممكن يكون غلبان ولو فعلا هو مش كدة مكنشى جاب عربيتة الملاكى ووقف فى المطار يلقط رزقة
ما زلت أصر أن إللى عملة صح مش غلط - أسعار سياحية
بالمناسبة طب ما الواحد مننا بيروح يقعد فى مكان سياحى ويشرب كانز ب 15 جنية = دة اسمة أستغلال لاة طبعا
وكمان الفنادق بتحجز للأجانب الليلة ب 200 دولار وممكن 300 لكن للمصرى ب 200-300 جنية - دة يعتبر سرقة لا طبعا

نظام الأسعار السياحية غير موجو د إلا على أرض المحروسة

في أوروبا الناس سواسية ......... المصري بيدفع أد اللي بيدفعه ابن أهل البلد و بيساوي اللي بيدفعه الوزير و الغفير و هو ده الإسلام
و كون أنه موجود يا باشمهندس ما يخليهوش صح

يعني مثلا أنت بتقول هو مش ذنبه حاجة أنهم ميعرفوش !!!
طيب هما ميعرفوش .......... بس هو عارف ........... و ربنا مُطلع

طيب اسمع الحكاية دي

كان فيه حكيم زمان و تقريبا هو ( لُقمان ) و لكني غير متأكد
المهم
كان عايز يروح مشوار و يسيب المحل الخاص بالأقمشة لواحد فوجد أبن أخته تقريبا
فقعد يوصيه على شوية حاجات ......... و بعدين قاله في قطعة قماش موجودة هنا و ثمنها سيقل مثلا 5 دينار لأنها معيوبة
فقال الصبي ......ز اذهب إلى مشوارك و أطمئن
و عندما رجع الحكيم ... وجد أن قطعة القماش تم بيعها
فسأل الصبي بكم بعتها ؟
فقال له بنفس ثمن الجديدة الغير معيوبة !!
فقال له ألم أقل لك أنها معيوبة ؟
فرد الصبي و قال و لكن قلت له على العيب الذي بها و هو رضي بالسعر
فرد الحكيم و قال
هو رضي بالسعر و لكن الله لم يرضى

عرفت أيه المشكلة يا باشمهندس

--------------------------

المحل اللي أنت بتقول عليه
أنت دخلته بمزاجك و مكنتش مضطر
إنما دول أجانب و مضطرين و ميعرفوش حاجة

و تخيل نفسك في قلب لندن و تخيل أن تكاسي لندن و أخلاق سائقيها بنفس أخلاق سائقي التاكسي المصريين
المهم ........ وجدك السائق تائه و لا تعرف أي شئ في البلد
و سألته على مكان و في المعتاد بيكون سعره مثلا 10 جنيه
و راح هو أستغل جهلك بالمكان و قالك 30 جنيه

يبقى كنت هاتقول مفيش مشكلة برضه !!!!!!!!!!!!!!!!!!!!!

[CryptonX]

تتوقع ايه من واحد تكسجى؟؟ اذا كان بيسرق المصرى حيعمل ايه فى الاجنبى؟؟

MMamdouh

انا مرة كنت راكب مع واحد . .قالي علي فكرة .. انا احب الزبون المصري احسن من اللاجنبي !

قلتله ليه ؟

قالي الاجنبي مش عارف اتعامل معاه .. و لو بص بس لامين شرطة و لا حاجة حروح في داهية ..

انما المصري حنعيد و نزيد و يشتمني و اشتمه و نمسك في بعض .. و في الاخر حيدفع .

قللته تمام كدة .. و نعم الرجالة .

[MoToRiZeR]

و تخيل نفسك في قلب لندن و تخيل أن تكاسي لندن و أخلاق سائقيها بنفس أخلاق سائقي التاكسي المصريين
المهم ........ وجدك السائق تائه و لا تعرف أي شئ في البلد
و سألته على مكان و في المعتاد بيكون سعره مثلا 10 جنيه
و راح هو أستغل جهلك بالمكان و قالك 30 جنيه

يبقى كنت هاتقول مفيش مشكلة برضه !!!!!!!!!!!!!!!!!!!!!

بالضبط .. كما أن نظرية انه عادي هذا التصرف بتفترض بالضرورة ان البني ادم الأجنبي ده مش فارقة معاه الفلوس .. و ده مستحيل يكون صحيح في كل الحالات !

كما أن فيه حاجة اسمها حقي و حقك .. انا عملت كذا استاهل أخد عليه عدد من الجنيهات .. ليه أحاول اتحايل علي الموضوع و أخد أضعاف أضعاف اللي حقي أخده لمجرد ان وقع في ايدي واحد قليل الحيلة مش هيعرف يسلك معايا !؟
امال هيا بلدنا اتسرقت ازاي !؟

و بعدين الاجانب دول مش هيقعدوا مع مصريين و يحككوا و يعرفوا ان اتنصب عليهم .. و ده كل بيصب في صورة المصري في الخارج .. و ده علي فكرة بالفعل حصل .. و أكبر دليل أغنية فريق الراب السعودي اللي ممرمطين فيها المصريين .. لأنهم بييجوا هنا بينصبوا عليهم .. بنروح احنا هناك بنبوس القدم و نبدي الندم و نعلن الولاء !

[nadeem]

الخير في وفي امتي الى يوم القيامة
كان المفروض ان نقوم بردع هذه النوعية بالحكمة والموعظة ومحدش يزعل من الحق

[AhmedGen2]

10 جنيه ايه بس يا توت ، بيقولك المشوار يتاخد موتو رجل يعنى 2 جنيه بالكتير والراجل بيقولك 30 جنييييييييييييييييه

دة اجرام

[tutankhamoun]

10 جنيه ايه بس يا توت ، بيقولك المشوار يتاخد موتو رجل يعنى 2 جنيه بالكتير والراجل بيقولك 30 جنييييييييييييييييه

دة اجرام

ده المقصود من الكلام يا باشا

يعني لو جبت مثلا نقاش علشان يدهن الحائط
و بمجرد أنه شعر أنك غني
يقوم يقولك ضعف الفرد العادي

و ده اللي انا عايز أوصله للمهندس محمد خلف
لأن سعر الخدمة و المنتج واحد مهما أختلف الزبون

و المسلم مش بزمتين
زمة مع الإنسان العادي
و زمة تانية مع الغني أو الأجنبي أو اللي ميعرفش

هو ده الجشع و الطمع و السرقة اللي خلت سُمعة المصريين في الحضيض

و شكرا على المداخلة

[elpasha009]

فعلا يا أستاذ توت كلامك كله صح وبالمناسبة أنا هحكيلكم موقف تاني:
أول ما إشتريت الشقة السنة اللي فاتت رحت جبت كهربائي بتاع المنطقة علشان شغل الكهربة فيها مكنش كويس وكان فيه 3 تكيفات مش شغاليين وواقفين بس على توصيل السلوك بتاعتهم في علبة الكهربة.المهم الراجل قالي ده شغلانه هتاخد اليوم كله علشان أنا هفك علبة الكهربا وأعملها من الأول وجديد.طيب بكام ياعم الحج قالي 300 جنيه.بصراحة حسيت إنه نصاب المهم بعدها بيوم كنت عند قرايبي وكان عندهم كهربائي المهم خده ورحنا البيت يدوبك دخلت أعمل حاجة في جوه رجعت لقيته خلص وظبط اللوحة تمام ولم السلوك كلها وركبلي كام لمبة وشوية فيش وتخيلوا بقى لما خلص قولتله كام قالي 25 جنيه!!!!!!!!!!!!!!!!!!!!!111
أنا طبعا صدمت ورجعت سألته كام قالي 25 بس:)
واللع إديته الفلوس من غير ما أفتح بقى وكمان رحت وصلته المعادي مخصوص.
تسمي ده إيه يا أستاذ eng_mkhalaf؟؟؟سرقة ولا شطارة إنه كان هياخد مني 300 جنيه؟؟؟مع إن التاني كان ممكن أفاصل معاه وأدفع 20 بس.وبعدين موضوع الكافاتيريا ده مينفعش تقارن بيه لأنك أصلا عارف سعر الحاجة ده برة بكام ومع ذلك إنت وافقت تقعد وتشرب وتدفع السعر المعلن.لكن إحنا بنتكلم على حاجة منعرفهاش وبعد ماتدفع تكتشف إن إضحك عليك.

[Xpert]

احنا بطبيعتنا استغلاليين ... و ده عيب فينا ... الناس بره لو انت سافرت بيساعدوك .. و احنا هنا ناكل الغريب ..

[eng_mkhalaf]

يا جماعة دولت 4 يورو أو أقل - يعنى بالنسبة ليهم 4 جنية - مش حاجة خالص
على العموم أنتم صح وأنا غلط بس من بكرة مظاهرة على الأماكن إللى أسعارها سياحية ونقولهم أنتم حرامية وأزازة الكانز ب 185 قرش زى كارفور

[tutankhamoun]

يا جماعة دولت 4 يورو أو أقل - يعنى بالنسبة ليهم 4 جنية - مش حاجة خالص
على العموم أنتم صح وأنا غلط بس من بكرة مظاهرة على الأماكن إللى أسعارها سياحية ونقولهم أنتم حرامية وأزازة الكانز ب 185 قرش زى كارفور

مهندسنا الجميل محمد خلف
يا باشا المشكلة مش مشكلة 4 يورو أو القدرة على تحمل المبلغ

المبدأ نفسه هو اللي غلط
و حضرتك إنسان خلوق و محترم و متشكرين جدا على الرد الجميل

[محمد المشد]

استغلال وقذارة وقلة قيمة 0000 الواحد بيسمع قصص كثيرة من سعوديين عن الاستغلال من بعض سائقى التاكسى وخاصة اذا كان خليجى او اجنبى بصفة عامة ولا ادرى ما هو السبب لما نحن فيه فهنا اذا ركبت مع اى سائق السعر موحد ولا يستطيع ان يرفع الاجرة عليك
فلا حول ولا قوة الا بالله

[kh_talaat]

السبب يا عزيزي بسيط جدا ... وهو عدم تطبيق القانون ، فالبلد التي لا يطبق فيها القانون بتبقى مطمع لكل لص وحرامي ومستغل

لكن أرجوكم لا تظلموا كل المصريين ... إحنا كدة بنظلم نفسنا بدون سبب ... طب ما إحنا كلنا أهو مش عاجبنا الحال يعني إحنا كمصريين مش حرامية ، ولو جيت في أحسن دولة في العالم ومطبقتش القانون في أي مجال هيظهر فيها النصاب والحرامي والمستغل