الست .. مسئولية راااااااجل

[شريف]

وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

كلامك كله يتلخص في كلمه اتقي الله
كل واحد يتقي الله في فعله و في ماملكت يده و فيما رزق
ساعتها مش هنحتاج ثوره و لا جمعه تجديد ابدا
يلا كلنا نتقي ربنا شويه

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

[mrwho1982]

المفروض تتسحب منه كلمة راجل

وفي البطاقة تتكتب مجهول الهوية بدل كلمة : ذكر

ربنا يسترها ويرحمنا من ام الكاجوال وسنينو ..............احنا مجتمع شرقي وحط تحت شرقي دي 10000 خط

ربنا يرحمنا من الاشكال دي

[m000dy]

هو الواحد منفض لجواز من شوية
كل ما تيجى الفكره فى بالى انزل الشارع الاقى بنات جملية جدا بس من النوع اللى بتقول عليه ودول مش بتوع بيوت دول للفرجه بس
يا اما تدور فى البيوت تلاقى بنات الناس المتربيين بجد بس للاسف ما يتشافوش ( خلقتك كلها حلوه يارب)
يبقى اعمل ايه انا دلوقت

[nonetta]

الحياة مسئولياتها كتيرة

في رجال عندهم وقت فراغ كبير ودول حاجة من الاتنين

يا اما راميين المسئولية بتاعة البيت كلها على الست وهوا يا قاعد في البيت نايم او ادام التليفزيون يا اما عالقهوة مع صحابه ودة راجل ربنا يسامحه لأن الست ممكن تكون بتشتغل والحمل كله عليها شغل وبيت وولاد ومدارس ومشاوير وطلبات بيت يعني سيادته ما وراهوش غير انه يروح الشغل الصبح يرجع الساعة 4 وياكل وينام وبس

في راجل تاني بيحرق نفسه عشان بيته وعياله ومراته مسئوليتها البيت والولاد بس واي حاجة تانية برة البيت هوا المسئول عنها ومش بيخليها تشيل هم اي حاجة برة البيت ودة ربنا يبارك له في صحته وعافيته لان الحياة شركة

في راجل تاني شغال ليل نهار ودة معذور ودة بيبقى حاجة من الاتنين
يا اما سايب المسئولية كلها غصب عنه بس بيوفر لها اللي يقدر عليه ماديا بس وقته مش سامح دة بيسمح لمراته بشوية حرية وبتبقى ماشية على وتيرة واحدة عارف بتروح فين وبتيجي منين بس هوا تليفون صغير تبلغه خط سيرها ووقت ما تتاح له فرصة مش بيتأخر ودة بردو ربنا يبارك له ويعينه

التاني نفس الشخص بس مالوش دعوة بحاجة روحي وتعالي واعملي اللي انتي عاوزاه وما تقلبيش دماغي انا شغال ليل نهار عشان اوفرلكم متلطلباتكم كل اللي عاوزه يرجع يلاقي اكله ولبسه وبس

في واحد بأة بيكبر دماغه عشان يريحها ويسيبها تعمل اللي هيا عاوزاه عشان ما تسألوش رايح فين وجاي منين والحياة دي طبعا هيا اللي مكن نلاقي فيها النموذج اللي بتتكلم عنه المهم بس ما تقلبلوش دماغه ودي غالبا بيبقى متوفر لها كل حاجة وطبعا بتدخل وترجع وهوا مش موجود لا بيشوف راحت فين ولا لابسة ايه وحتى لو شاف مش بياخد باله

[waelfarid]

يعني البنات اللي بالشكل ده بقو زي الtissue للاستخدام مرة واحدة بس ولا ايه مش لزوم الاقتناء يعني

[Donzi]

ايه الاسكيني ده يا باشمهندس ؟؟

+1

skinny comes from skin يعني جلد او جلدي او نحيف يعني البنطلون يبقى لازق على الجلد و واخد شكل الجسم بالظبط

[SheNo0o]

حسبي الله ونعم الوكيل
واعتقد ان الراجل من النوعيه دي من كتر ما عمل وشاف وجرب وغلط برة بيته
فبينسي وبيتناسي النخوة وبتقل ف قلبه وبينسي كل حاجه لانه مش عايز الي يدور وراه ويخنقه ويتكلم كتير
ولانه مش بيخاف علي عرض الناس ومبيفرقش معاه ف شئ لا ارادي مبيفرقش معاه عرضه الا من رحم ربي بقا
ربنا يرحمنا ويكون في عوننا

وصل الموضوع لاني في ليل رمضان شفت ام عثوله كده ومحجبه نزله من عربيه ومعاها بناتها الي زي العسل الي بشعرهم وسكيني وبدي ع الحزام وقشطه وبيس وكله ف اللزيز عادي جدا وتمشي شويه تشوف برده اخت تانيه لابسه سكيني ده ومش عايز اكمل وصف ومحجبه فالاخر ازاي متسالنيش
والله حرام انا مش عارف هنوصل لفين اكتر من كده وبعد كده

[mrwho1982]

الحياة مسئولياتها كتيرة

في رجال عندهم وقت فراغ كبير ودول حاجة من الاتنين

يا اما راميين المسئولية بتاعة البيت كلها على الست وهوا يا قاعد في البيت نايم او ادام التليفزيون يا اما عالقهوة مع صحابه ودة راجل ربنا يسامحه لأن الست ممكن تكون بتشتغل والحمل كله عليها شغل وبيت وولاد ومدارس ومشاوير وطلبات بيت يعني سيادته ما وراهوش غير انه يروح الشغل الصبح يرجع الساعة 4 وياكل وينام وبس

في راجل تاني بيحرق نفسه عشان بيته وعياله ومراته مسئوليتها البيت والولاد بس واي حاجة تانية برة البيت هوا المسئول عنها ومش بيخليها تشيل هم اي حاجة برة البيت ودة ربنا يبارك له في صحته وعافيته لان الحياة شركة

في راجل تاني شغال ليل نهار ودة معذور ودة بيبقى حاجة من الاتنين
يا اما سايب المسئولية كلها غصب عنه بس بيوفر لها اللي يقدر عليه ماديا بس وقته مش سامح دة بيسمح لمراته بشوية حرية وبتبقى ماشية على وتيرة واحدة عارف بتروح فين وبتيجي منين بس هوا تليفون صغير تبلغه خط سيرها ووقت ما تتاح له فرصة مش بيتأخر ودة بردو ربنا يبارك له ويعينه

التاني نفس الشخص بس مالوش دعوة بحاجة روحي وتعالي واعملي اللي انتي عاوزاه وما تقلبيش دماغي انا شغال ليل نهار عشان اوفرلكم متلطلباتكم كل اللي عاوزه يرجع يلاقي اكله ولبسه وبس

في واحد بأة بيكبر دماغه عشان يريحها ويسيبها تعمل اللي هيا عاوزاه عشان ما تسألوش رايح فين وجاي منين والحياة دي طبعا هيا اللي مكن نلاقي فيها النموذج اللي بتتكلم عنه المهم بس ما تقلبلوش دماغه ودي غالبا بيبقى متوفر لها كل حاجة وطبعا بتدخل وترجع وهوا مش موجود لا بيشوف راحت فين ولا لابسة ايه وحتى لو شاف مش بياخد باله

السلام عليكم الاول

دلوقتي الراجل راح الشغل الصبح ورجع

اكل ونام

عادي زي اي بشر او بني ادم لو ليها مشوار بيقضي يوم الاجازة مع انو اصلا مبيكونش يوم اجازة
بس المهم بيتقضي المشوار

المطلوب من الراجل ايييييييييييييه
هو ده سوالي

بالنسبة بقي للي بيجي متاخر احب اقوللك ان في زمايلي بيروحو متاخرين وبيشتغلو بعد الشغل شغل
علشان ميروحش للنيابة ......اللي هي زوجتة وتعكنن عليه

فبيتجنب المشاكل بيروح عالنوم عدل

في ستات ومش بخص حد

عندها ابوها وامها واختها واخوها وهي ملايكة نازلين من السماء طازة وده اصدار جديد بقي ينزل من غير تاج عالراس لان التاج بيتسحب في الجمارك

خلو الواحد ساكت لان الست لو الراجل ولع في نفسو مش هترضي برضو


مع تحيات : واحد مفروس

[yousef1978]

انا شايف إن العشوائية هي السبب
البلد بقى السكن فيها عشوائي
والشوارع عشوائية
والشغل عشوائي

ودلوقتي الرجالة بيستنزفوا طاقتهم في التدوير على مصارييف العيال وسايبين دورهم الإساسي وهو التربية والمتابعة \



عاوزين حلول عملية

وانا نفسي الناس تعمل مجموعات للخروج من الأماكن الزحمة وإنشاء مدن أو تكتلات صحية

[nonetta]

السلام عليكم الاول

دلوقتي الراجل راح الشغل الصبح ورجع

اكل ونام

عادي زي اي بشر او بني ادم لو ليها مشوار بيقضي يوم الاجازة مع انو اصلا مبيكونش يوم اجازة
بس المهم بيتقضي المشوار

المطلوب من الراجل ايييييييييييييه
هو ده سوالي

بالنسبة بقي للي بيجي متاخر احب اقوللك ان في زمايلي بيروحو متاخرين وبيشتغلو بعد الشغل شغل
علشان ميروحش للنيابة ......اللي هي زوجتة وتعكنن عليه

فبيتجنب المشاكل بيروح عالنوم عدل

في ستات ومش بخص حد

عندها ابوها وامها واختها واخوها وهي ملايكة نازلين من السماء طازة وده اصدار جديد بقي ينزل من غير تاج عالراس لان التاج بيتسحب في الجمارك

خلو الواحد ساكت لان الست لو الراجل ولع في نفسو مش هترضي برضو


مع تحيات : واحد مفروس

هاقول لسيادتك مهام الرجل اللي بيشتغل الصبح وبعد الظهر ومهام الست
لو بتشتغل
تصحى الصبح تعمل سندوتشات الاولاد وتصحيهم وتلبسهم لو صغيرين وتفض المعارك وتحل المشاكل الصباحية
لو ما عملتش اكل من بالليل تعمل شوية حاجات تساعدها لما ترجع
تودي الولاد المدرسة او ممكن الباص ياخدهم ودي بتبقى مرتاحة شوية غير اللي بتركب بيهم مواصلات
تروح الشغل وترجع
تعمل الاكل او تسويه او تسخنه وتأكل الولاد وتعافر معاهم لحد ما ياكلوا تنظف المطبخ تشغل الغسالة وتنشر الغسيل
تذاكر مع الاولاد وتفض المعارك المستمرة
نسيت طبعا الترويق والكنس وتنظيف المطبخ اللي ما بينتهيش
تحضر لهم ملابسهم
معارك قبل النوم
خلال الاسبوع .. مشاكل في المدرسة .. مشاوير تخص الاولاد وشرا متطلباتهم.. شرا لوازم البيت كل دة وهيا راجعة من الشغل سواء معاها عربية او بتركب مواصلات
يوم الاجازة .. غسيل مسح كنس تنظيف تلميع شرا وتجهيز لوازم الاسبوع وكل الحاجات اللي ما بتلحقش تعملها طول الاسبوع
في رجالة بتساعد زوجاتها وبتقف جنبها وممكن كمان تكون مش بتشتغل بيبقى عنده رحمة وعارف اد ايه هيا بتتعب
في رجالة اعرفهم مالهمش دعوة بأي حاجة نهائيا غير انه يروح الشغل ويرجع من الشغل

مش هاقول كل الستات ولا كل الرجالة
في رجالة بردو اعرفهم بيعملوا كل الحاجات اللي فاتت دي والست مش بتعمل غير لقمة الاكل وغسيل الهدوم وتنام
يعني عمرنا ما هنقد نعمم

[minicooper20]

لا احنا عندنا دلوقتى المجتمع بقا على النقيد
جزء شرقى جزء متحرر جدا جزء وسط بس الشرقى بدا يقل كتير بسبب ضغوط الحياه و لقمه العيش معدش فيه وقت يربو

[yoko]

معلش بس أنا هعمل مليونيه عشان تتشال كلمه راجل من الموضوع عشان دي إهانه لكل الرجاله الي في البلد هما إبتدوا ينقرضوا بس برده حرام عليكي تشبيهي الأشياء دول بالرجال

[nonetta]

بردو ما زال في رجالة مش بتسمح لزوجاتهم تخطي برة البيت الا بإذن
ممكن ما تقتحش البا لأي حد ولا بتاع النور
ما تشتريش حاجة الا بإذنه ولا للبيت ولا ليها ولا للاولاد وينكد عليها لو عملت كدة
يعني مقفول عليها تماما

[abou_ruqi]

بردو ما زال في رجالة مش بتسمح لزوجاتهم تخطي برة البيت الا بإذن
ممكن ما تقتحش البا لأي حد ولا بتاع النور
ما تشتريش حاجة الا بإذنه ولا للبيت ولا ليها ولا للاولاد وينكد عليها لو عملت كدة
يعني مقفول عليها تماما

على فكرة ده السائد والعام ، انما دائما الحالة الشاذة اظهر واوضح ، فاطمنوا الناس بخير

[Kareem.ElAraby]

ال skiny دة البناطيل الي لا مؤاخذة بتتلبس بصابونة !

عندنا في الكليه كنا بنتريق علي ال skinny و نقول ده بيركب شحط أو interfernce fit
مهندسين بقي تقول ايه :]