مش لاقي عنوان

[Ahmed Selim]

ألف سلامة عليك إن شاء الله

نصيحة من تجربة مع الوالد ربنا يديله الصحة......لو هتاخد عينة باثولوجى وديها لأكتر من دكتور....
الوالد عملها من سنتين و وداها لدكتور قاله فيه ورم و كان خلاص بيرتب حاله على عملية......و بالصدفة البحتة وداها لواحد تانى و قاله مفيهاش حاجة........و داها للتالت برضه قاله مفيهاش حاجة.
الكلام ده على البروستاتا مش عارف ينطبق عليلك ولا لأ.

إن شاء الله خير.

[romar]

أولا.... شفاك الله وعافاك، أسأل الله العظيم رب العرش العظيم أن يشفيك.
ثم.....

للأسف، الطب في مصر مأساة. ربنا يعافينا من الأطباء الجهلة ويكثر من الأطباء ذوي العلم والضمير، لأنهم قلة قليلة جدا حتى الآن. أنا شفت مهازل مع الدكاترة اللي كانوا بيعالجوا أمي. خد مثلا...

دكاترة المعمل في المركز الطبي العالمي (بتاع حسني مبارك دة).... طلعوا تقرير لأمي إن عندها ورم خبيث في الرحم.... المفاجأة إيه بأة يا باشا؟ إن أمي رحمها الله كانت شايلة الرحم قبل ماتعمل الأشعة دي بـ 15 سنة. أقسم بالله أن هذا حدث من أربع سنين.

طب بلاش دي....واحد قريبي، مصر سكان طلعوا عنده سرطان عياذا بالله، ومعمل نادية مختار بتاع المنيل أكد النتيجة بناءا على عينة باثولوجي.... وبعدين سافر عمل التحاليل برة..... المفاجأة إيه بأة يا باشا؟ الراجل طلع سليم والحمد لله ومعندوش أي حاجة..... هذا حدث والذي بعث محمدا بالحق

الخلاصة.... اعمل التحليل أو الأشعة أكتر من مرة عند كذا حد، وإوعى (إوعى بعني إوعى بجد مش بهزار) تروح بالتقارير القديمة للمعمل التاني اللي انت رايحه، عشان أغلب الظن إنهم حياخدوا التقارير كوبي وبيست... لأنهم بيخافوا يطلعوا التقرير سليم ويبقى الراجل عيان.... فبياخدوا بالأحوط.

وأخيرا، تفاءل وإوعى تزعل من قدر الله في أي حاجة...... هو اللي خلقنا وهو اللي عارف مصلحتنا.... لو كشف لنا الغيب لما اخترنا سوى ما اختاره الله لنا، فعلا والله

[wesam_salom]

اللهم رب الناس اذهب الباس واشفي انت الشافي لاشفاء الا شفائك شفاء لايغادر سقما

[mmharoun]

الف سلامة عليك ومتابع

[aif]

ان شاء الله خير
خلي املك ورجاء في الله
كل امر المؤمن خير
ان كان خيرا شكر وان كان شرا صبر
ربنا يشفيك وياعفيك يا احمد ويهئ لك الخير بإذنه تعالى

[MASERATI]

السلام عليكم و رحمة الله و بركاته

ألف سلامة عليك يا باشا و ان شالله مبارك و مراته و ولاده و اللى يكرهوك.

أنا بس, كان عندى سؤال, هو المنظار أخد عينة و اتحللت باثولوجى و طلع Krukenberg tumer و لا ايه ؟؟؟

أصل, أنا أعرف أن الKrukenberg tumer ده ورم بييجى فى المبايض عند الستات منتقلا من ورم سابق, غالبا مابيكون فى الجهاز الهضمى, أول مرة أعرف أنه بييجى للرجالة.

[bayoumisoft]

الف سلامه عليك ان شاء الله تطلع حاجه بسيطه

[MOUSTAFA_SAAD]

اللهم رب الناس اذهب الباس واشفي انت الشافي لاشفاء الا شفائك شفاء لايغادر سقما

[mr_vampire]

الف سلامة يافارما . طمنا عليك باستمرار.

[i_Boy]

شافاك الله يا باشا

[mazagngi2010]

ربنا يشفيك يادكتور وان شاء الله خير

[dramir1]

الف سلامه عليك يادكتور احمد:
لازم تروح لاستاذ جهاز هضمي شاطر
وان شاء الله خير.... لو محتاج اي حاجه او ملاقيتش عندك حد كويس يفيدك
ابعتلي رقمك على الخاص وانا اتصل بيك اقولك تروح لمين في القاهره
وعليك بالدعاء في جوف الليل والاكثار من الصدقات وربنا ان شاء الله يشفيك

[A7MED_PHARMA]

الف سلامه عليك يادكتور احمد:
لازم تروح لاستاذ جهاز هضمي شاطر
وان شاء الله خير.... لو محتاج اي حاجه او ملاقيتش عندك حد كويس يفيدك
ابعتلي رقمك على الخاص وانا اتصل بيك اقولك تروح لمين في القاهره
وعليك بالدعاء في جوف الليل والاكثار من الصدقات وربنا ان شاء الله يشفيك

شكرا ليكم كلكم
أنا عاوز أوضح إن اللفظ الوارد ف التقرير بالنص كان
undiagnosed cellular mass of possibly tumor cells
وشوية حاجات تانية فعملت بحث ع جوجل وطلعلي إسم كيرنبرج
بأي حال الكلام حاسس إنه مش مقنع وخصوصا إني عرفت إن الحاجات دي غالبا بعد ال40 وإن إحتمال تكون قرحة عادية ويكون الموضوع غلطة ف المعمل

[Eng.Geo]

ألف سلامة عليك
ان شاء الله خير

[نور القمر]

هي غلطة باذن الله
وربنا يشفيك شفاء لا يغادر سقما
اكثر من الدعاء