اخواتنا في المنتدي: منين اجيب لبس منتقبات في مدينة نصر

[shaddadfalcon1]

فيه كمان بريوني في شارع البطراوي اللي هوه فيه جنينة مول , جنب بيتزا كينج في اول الشارع من ناحية عباس العقاد
2r-squared حلو بس اعاره حلوة قوي :) يعني العبية في حدود 500 - 600

600 !!!
ده انا لو رضيت اشتريها مراتي ممكن تقتلني وتقتل نفسها بعديا وتسيب ال 600 جنيه تربي بيهم العيال
هي العبايا دي بتطير

[wael30003]

يا اخوانى الاعزاء اخونا عايز حاجة شيك المحلات كتير ومعروفة المهم الاسعار وفعلا العباية 500 او 600 فعلا غالية جدا انا راى انك تروح العزيز بالله كل المحلات هناك تخص المحجبات والمنتقبات انا رحت هناك بس بصراحة مشتريتش حاجة لانى كنت رايح مش عشان اشترى حاجة بس ان شاء الله لما انوى هاروح هناك ان شاء الله

[ainshouka]

كنت شفت محل عبايات مخصوص بس هو فى وسط البلد اسمه عبايتى تقريبا ودا كان فى اخر شارع طلعت حرب بعد محل موباكو

بس معنديش فكرة عن اسعاره

[shaddadfalcon1]

المشكله اني بقيت احس ان اللبس المحترم الحريمي نادر وغالي قوي مع انه ميستهلش التمن ده لكن لو بصيت علي اللبس الهلس اللي بيقولو عليه محجبات والحجاب بريء منه تلاقيه في كل حته ورخيص

لو العبايه دي مش هلاقيها غير في المكان ده ب 600 جنيه ممكن اجيبها لكن انا واثق انها هتكون نفسي العبايه في مكان تاني باقل من 200 جنيه بس عايز اللي يدور

[أحمد كمال]

لا المكان ده فعلا متميز و خاماته نضيفة و شغله نضيف جدا ...... جرب تروح مش هتخسر .......

[أحمد الجندى]

طيب مادام الجاهز سعره مستفز ايه اخبار التفصيل ؟ حد جرب الموضوع ده قبل كده ؟

[Eng_hatemfathy]

600 !!!
ده انا لو رضيت اشتريها مراتي ممكن تقتلني وتقتل نفسها بعديا وتسيب ال 600 جنيه تربي بيهم العيال
هي العبايا دي بتطير

شوف يا غالى للاسف المحلات دى بتستهبل ولو مفيش اوكازيون اى حاجه شتوى محترمه مش هتقل عن 500 جنيه ده اذا لقيت السعر ده وعلشان كده قدامك حلين لو الاخت مش معترضه على الاسدال يبقى تنول ابو الفدا اجعص اسدال مش هيعدى 250 جنيه وهيكون قماش حكاية وشيك جدا مش مبهدل زى الاسدالات العادية اللى قدام المساجد "طبعا ربنا يوسع رزق عبيده انا مش بسخر والعياذ بالله من الملابس الرخيصة" انا قصدى ان الاخت الشيك واللى متعوده على استايل معين مش هتحس انها نزلت بالمستوى ولو الاخت طالبه عباية يبقى عليك وعلى شارع الازهر تجيبلك 3 ولا 4 متر قماش محترم المتر لو اتنطط مش هيعدى 60 جنيه وتدور على اخت بتفصل نضيف او راجل ويا خد عباية مظبوطه يفصل عليها ولو عايز ممكن اسألك عن ترزى شاطر وطبعا التفصيل مش هيزيد عن 100 او 125 جنيه وتبقى جيت حاجه نضيفة وشرعية فى نفس الوقت وربنا يبارك لك فى اهلك ويجعلهم قرة عين ليك فى الدنيا وسبب لدخولك الجنه

[AmatoALLAH]

شوف محل تكبير اللي في شارع حسنين هيكل بيكون فيه بلاطي تحفه بس السعر من 700 الي ما فوق

و الفرع دا بس الي بيكون فيه بلاطي

دا لو هي لها في لبس البلاطي اصلا

[shaddadfalcon1]

شوف محل تكبير اللي في شارع حسنين هيكل بيكون فيه بلاطي تحفه بس السعر من 700 الي ما فوق

و الفرع دا بس الي بيكون فيه بلاطي

دا لو هي لها في لبس البلاطي اصلا

فين الشارع ده وليه كل الأسعار منيله كده
وبلاطي دي جمع بلطو صح؟

[fineart607]

فى واحد اسمه البروفيسير بالعاشر مجاورة 15 شغله مثل الجاهز ما شاء الله وعنده بنت بتاخذ المقاس للسيدات

[swimmer25]

لو عايز عبايات ... شارع العزيز بالله في الزيتون
هتقابلك مشكلة بس ان معظم العبايات هناك سوداء بس فيه الوان تانية خفيفة
فيه كذا محل ...أحسنهم محلين جنب بعض علي اول ناصية علي الشمال وانت مدي ضهرك لشارع جسر السويس وكمان محل علي الشمال قبل المدرسة
أحسن العبايات هناك في حدود 250 والاسدالات موجودة وكل حاجة رخيصة والحمد لله
كمان موجود النقاب و الجوانتي والمعصم لو عايز

[AmatoALLAH]

فين الشارع ده وليه كل الأسعار منيله كده
وبلاطي دي جمع بلطو صح؟

اه جمع بلطو

حسنين هيكل دا الشارع الموازي لشارع عباس العقاد

هو ممكن يكون شويه غالي بس هتاخد حاجه شيك جدا و تركي و هتعيش معها

اه و افتكرت محل اسمه سندس دا اول محل يعمل عبايات في مصر من 15 سنه و فيه حاجات يعني كويسه بس مش فاكره عنوانه بالضبط بس هو في عمار ابن ياسر , دا اول فرع و قريب شوفت له فرع في سيتي ستارز , ممكن تتصل بالدليل و تعرف رع عمار ابن ياسر اللي عند سور الكليه الحربيه رقمه كام و العنوان بالضبط

[أبومعاذ]

العزيز بالله هتلاقي فيه كل انواع الزي الاسلامي
لو هتروح بالمترو هتنزل محطة حدايق الزيتون و تتمشى حتة صغيرة
لو رايح بالعربية اللينك دا هيفيدك ان شاء الله:
http://wikimapia.org/6663713/ar/%D8%...84%D9%84%D9%87

[BLACKVERNA]

فى محل اسمه " بيت المسلمين "
فى الحى العاشر - مدينة نصر

[shaddadfalcon1]

العزيز بالله هتلاقي فيه كل انواع الزي الاسلامي
لو هتروح بالمترو هتنزل محطة حدايق الزيتون و تتمشى حتة صغيرة
لو رايح بالعربية اللينك دا هيفيدك ان شاء الله:
http://wikimapia.org/6663713/ar/%d8%...84%d9%84%d9%87

الف شكر ياباشا بس لو انا مدنية نصر عند زاكر حسين ايه اقرب مكان اركب منه المترو ؟